تذكرت هذا المقطع وتذكرت عادل عبد الرحيم وبشري كنب والأخ الصديق الحبيب النذير السر واستغربت كثيرا لما أغنية بهذا الجمال ( كلام ولحن واداء )لم يسمع بها الكثيرين من أبناء الحصاحيصا ...
أرجو أن يمدنا الأخ النذير بنص القصيدة كاملا....
الأخ النذير لك الشوق الكثير وأتمني أن نلتقيك قريبا... وعشرة سنين ولم نلتق وقديما كنا نلتقي كل يوم تقريبا

ياااااااااه من ذاك الزمن العتيق ويالجمالك
‏ ياعلاء الدين وكل الكوكبة التي زكرت
‏ والحي بلاقي
‏ ولة شنو ياعلاء الدين بنجي
‏ كانت لنا ايام
‏ والبركة في دوت كوم المرقك ‏
‏ جل تحياتي واشواقي
‏ داؤد ‏

الغالى الحبيب علاء الدين والله والله العظيم كمية من الشوق وانشاء الله ربنا يجمعنا ونعيد تلك الايام الجميلة التى لازالت محفورة فى زاكراتى وستظل لللابد انشاء الله اغنية لوزمانك من الاعمال التى اعتز بها دايما وابدا لانها كانت بداية تعاون بينى والرائعين الشاعر الجميل عادل عبد الرحيم ارباب واستازى واخى الحبيب الموسيقار بشرى شرف الدين كنب واهدى اليك وللجميع نص الاغنية وسوف اقوم بانزالها بصوتى قريبا فى المنتدى انشاء الله
لو زمانك طبعوا قاسى اودى وين زمنى المعاى
كلمت كل الدنيا عنك عن جمالك وعن اساى
وفضلت ليك شايل المحبة بسعد وحاتك فى شقاى
الا كلمة وحيدة منك هدمت احلامى الجواى
قولى لى شن بعدك اقول الريدة من بعدك حرام
قلبا خلافك ايه يكون حتى يحلم بالغرام
فيك لقيت دنياى بهيجة فرحة مابتعرف الالام
قولى لى عيونك جد بريدك بريد وطنا انتى فيهو
ياما فى الاحلام بشوفك اصلك انتى البصتفيهو
انت دنياى واصلى منك يادنيا زولك فرحيهو
ماالناس طبايع وطبعى انتى ياحلوة ريدك فرحيهو
الحبيب علاء الدين لك محبتى وللجميع

الأخ الغالي النذير
والله مشتاقين كتير وزمن طويل منذ أخر ملتقي يمكن عشرة سنين أو أكثر ....
تحياتي للمبدع الفنان الأخ الغالي بشري وقد التقيته في شهر نوفمبر الماضي ربنا يمتعه بالصحة والعافية...
كيف اخبارك وأظنك مواصل نشاطك الفني وده ظاهر من الصورة مع العود والصورة الجاية ممكن تكون مع ساكسفون ... والله أيام يا زمان ... خالد... عاطف.. جردل .. ياسر السمع... فوسكا... عبد المجيد... وكثيرين .. ونذكرأخونا وحبيبنا وصديقنا ومعلمنا الراحل المقيم الأستاذ الحاج سالم نسأل الله له الرحمة والمغفرة وأن يسكنه فسيح الجنان.
تحياتي لك ولكل الناس باستراليا

الاخوة النذيروعلاءالدين عبد المجيد تحياتى لكماوياحليل الزمن الجميل وربنا يجمعناتانى وارجوالمواصلة وعدم الطناشات

الأخ عصام
كل التحايا والاشواق وكيف أخبارك والأهل والأسرة وأخبار الحبيب سيف , أتمني أن نلتقي كل الأحباب في أوقات سعيدة وجميلة ....
لك كل الود والتحايا

الاخوة/ النزير - علاء الدين - عصام اليماني - ودعيسى , نتنى ان تمتعونا بالروائع
وياريت لو كانت مسجلة

الحبيب عبد اللطيف اخبارك والله كمية من الاشواق انشاء الله عما قريب اقوم بانزال عدد من الاعمال تحياتى لك ياغالى وعليك الله الوصية فى الزمة تحية خاصة للعم العزيز عوض الله دمت ومودتى

الاخ الحبيب عبد اللطيف عوض الله متعك الله بالصحة والعافية وان شاء الله ربنا يجمعنا وتحياتى لجميع من حولك

الاخ العزىز علاء الدين والمصباح السحرى ياخى ولله مشتاقين والمدة طالت البركة فى الحصاحيصا دوت كوم نامل ان نلتقى قريبا

الاخ الغالى جدا النذير السر ولله وحشتنا شديدوكذلك صوتك الصداح وشكرك على اهتمامك ورد التحية خلينا متواصلين والسلام

الأخ الغالي عبد اللطيف تحياتي والله مشتاقين طبعا حكاية الغناء دي ولت وأنتهت من زماااان وممكن نسمع من الأخ الغالي النذير السر وما عارف حيجيب العازفين من وين لأن العود الفي الصورة ده شكلو ما (موزون) غايتو ممكن يساعدها بكمنجة سيف جردل .... تحياتي عصام والله ليك وحشة شديدة وأن شاء الله ربنا يجمع كل الناس في ساعة خير ....

الاخ علاء الدين عاوزين صورة لشخصكم الكريم عاوزين نشوف شكلك بعد عشرين سنة فراق ياترى كيييييييييييييييف حا يكون و الاخ سيف اليمانى فى احسن الاحوال لك منه التحايا