سلامات للبوردابي أمين الركابي (مغارب )

المحبوب أحمد الأمين كتب:

[ندعوك للتسجيل في المنتدى أو التعريف بنفسك لمعاينة هذه الصورة]

نسأل الله السلامة
كفارة أخي مغارب وأجر وعافية
شدة وتزول وتعود متأنق كعادتك وكما عودتنا عند المغارب

يا محبوب ...
بعد أبقا كويس ...
أنا عازمكم في الحصاحيصا ...
إنتا ورحمة جي تي ...
كبدة إبــل ...
هاكم الوردة دي ...
أنا زول عيان ...
عايز أم فتفت ... مرارة ... بالعتـــّي ...
تقوم إنتا تجيب لي وردة ...
ورحمة تعمل ليها إقتباس ...
الناس قالوا أنا عيان ...
ما أنا أم كلثوم ...
شوف وين بكان المرارة .. وجيبوا ...
هســـّة يا رحمة إنتي ...
كمان جايا مع المحبوب ...
كان كوجنتي ليك عصيدة ساي ...
مع تقليــّة كاربــة ... والقدحة ديل من توم ...
توم كروز ...
وقرنين تلاتة شطـّة خدراء ..
ما كــان أحســـن ....

وكـــ المغارب ـــت :-

الصادق المغربى كتب:

اللهم رب الناس اذهب الباس من (مغارب ) واشفيه شفاءا
لايغادر سغما
تحياتى ليك اخى امين
المغربى

يا مغربي ...
كـُنتا مارق بـــرّة هســـّة ...
جيت راجع ...
عارف يا مغربي ...
أنا بعالج نفسي بالإيحاء ...
يعرفني شقيقي إبراهيم ...
أنا لا أكره الأطباء ...
أنا لا أحب الأطباء ...
تبروقة في التلت الأول من الليل ...
وحنين ... ونجوي ... لي الله ...
الصباح في أمان الله بكون ...
أشهد أن لا إله إلا الله ...
قول لي أم الحسن أنا بسلم عليها ...
و ... ألتقيك ... علي النجيلة ... الجميلة ...

شـــُكرن :-
وقـــ المغارب ــت :-

حسن وراق حسن كتب:

يامينو
سلامات
لن اهدي لك وردة كما فعل المحبوب
تحية من انجليكا ومونيكا واحدة تزيل الكوفارة والتانية تحشد لك الفرح بالسلامة

يا حسن وراق ...
الجماعة قالوا ...
أربطوا البطون ...
ربطناها ...
البترول جاي ....
مافي مــُشكلة ...
فات البترول ...
فات ربــع البلد ...
فات خمس الســُكان ...
أها الما بجيب لي الكوفارة شنو ...
الشكيــّة لي الله ...

وقــ المغارب ـــت :-

صـــدّاح ...
بكري عثمان ...
كمال الجمل ....
ود عيسي ....
والجميل جداً الكوني ...

في العمود الواصل والسلك ...
بتاع الكهرباء ....
غنوات من عصفورة مـُدهشة ...
سيو سيو ... بحبكم ... سيو سيو ...
عصفورة مـُدهشة ....
العمود الواصل ... من شارع ....
لي جــدار البيت .... جـــوّة ....

وكـــ المغارب ـــت :-

عبد اللطيف عوض الله ...
مامون تلودي ....
ود الأهليـــّة ...

ما تشوفوا شــــر ...

وكـــ المغارب ـــت :-

عبن الحسود فيها عود يا ركابى
اجر وعافية يا رب

ألبسك الله ثوب العافية.. و غفر لك في الدارين..رمضان كريم

الرشيد حبيب الله التوم كتب:

ألبسك الله ثوب العافية.. و غفر لك في الدارين..رمضان كريم

وليد العشي الإثنين أغسطس 01, 2011 9:12 am

--------------------------------------------------------------------------------

عبن الحسود فيها عود يا ركابى
اجر وعافية يا رب ..

شــــُكرن .. العشــي ..

عارف يا رشــيد حبيب الله ...

عند وفاة نفيسة السعيد ...

كــُنت أتحدث لأستاذي حبيب الله ...

راس بي راس ...

كان يحكي ...

وكنت أحكي ...

هـُناك كان يجلس معتصم جعفر ...

مــُندهش ...

أنا أفتقد هذه الحميميــّة ...

منذ ماتت .. ما ... تت .. والدتي ...

كم أحن لأسـُتاذي .. حبيب الله التوم ...

سأبحث عنه ... وألتقيه ... حتماً ...

وقـــ المغارب ــــت :-

الاخ الانسان الشفيف الحبيب الى القلب امين محمد عثمان سلامات وكفارة واجر وعافية

محمد سيداحمد سرالختم كتب:

الاخ الانسان الشفيف الحبيب الى القلب امين محمد عثمان سلامات وكفارة واجر وعافية

سيدي ...

محمد سيد أحمد سر الختم ...

شــُكرن ... أفخـــــم من بلاتـــــر ....

شـــُكرن ... فخيماً ... سيدي ...

وقــــ المغارب ـــت :-

الأخ / مغارب
ألف حمد الله على السلامة
وماتشوف شر

عبدالمنعم ترتورة كتب:

الأخ / مغارب
ألف حمد الله على السلامة
وماتشوف شر

تســلم يا راقي ...

وإنتا كمان ...

الشــر بــرّة وبعيــد ...

وقـــ المغارب ــت :-