عزيزنا المغترب

يا عدوية منو الما مغترب هسع ؟
الفى الداخل مفقود والفى الخارج مفقود

ايناس لك التحايا

أنا مقتنع تمامآ أن أنماط المغتربين المذكورة في هذا البوست مدعاة للتندر كما هو واضح ولن

أعفيهم إجمالآ ولكن هم في رأي مثلهم مثل كثيرين في الداخل مغلوب علي آمرهم تداخلت

عوامل كثيرة في تقرير وضعهم. بعضهم حالهم كحال ابن اللبون وابن اللبون لا ضرع يُحلب ولا

سرج يٌركب وذلك نتيجة ظروف متداخلة أعيتهم منها اقتصادية واجتماعية و سياسية . كدي

يا ايناس ارجعي لمداخلة بدر فهي اختصرت حالة يأس الكل يتملكه بدواعي مختلفة . ظللت

اكرر حوار دار بيني وبين احد معارفي قال لي : شنو يازول ماعايز تستقر ؟

قلت له : الاستقرار مطلوب لكن قالوا لقمة العيش الحلال بقت صعبة في البلد .

قال لي : رافقتك السلامة نحن كايسين الحرام والكيزان ما مدننا فرصة .

بعدين صدقوني زمن البوبار البتكلم عنه الرشيد ده زمن ولي اللهم إلا إن كان ا لبوبار

مقصود به جلابية أو شال جديد لزوم قضاء الأجازة .

كنت عايز ناس راشد أحددوا مسببات الاغتراب ومشاكلة وهو من قال تاني ما راجع

السودان وجاء نهائي مثله مثل كثير من الأخوان وليت البوست يتطور ويناقش هموم

هذه النماذج المذكورة واظن لو عُرف السبب لبـّطل كثيير من العجب . اخيرآ في مغتربين

اسدوا عين الشمس من جميع النواحي فهم اشراقات بلدنا علمآ وتدينآ وخلقآ وثراءآ معرفي

ومالي وهولاء ايدآ غسلوا ايديهم من البلد لظروف متفاوتة أو لنقل لإسباب مازالت قائمة

اقلاها ( الحين ) .دي عوجة لسان مقصودة .

السؤال كما تفضل اخونا المنصورى ألا وهو ثم ماذا بعد الاغتراب؟دوافع الاغتراب مختلفة بالنسبة لكل واحد منكم . البعض لم يجد فرصة عمل، ومنّكم من لم يكن دخله يغطي التزاماته المالية ويشبع طموحاته، والبعض اغترب لأسبابٍ سياسية، وغيرها من الأسباب. ولو كتب أي منّكم عن الأسباب التي وراء اغترابه لأصبحت مجلداً ضخماًً.
المهم في الآخر حصل الاغتراب!! ولنا أن نتساءل ثم ماذا بعد الاغتراب؟ وإلى متى الاغتراب؟ وما هي الأهداف المخطط تنفيذها خلال فترة الاغتراب؟ (هذا إذا كان هنالك تخطيط أصلاً) وبالطبع تختلف الإجابات باختلاف أمور كثيرة لدى كثير من المغتربين.
طرحت هذا الموضوع لكي يتم تداوله بين أعضاء المنتدى، خاصة المغتربين منهم، ليتفاكروا حول هذه الأمر الهام. وطرحته لكي أقول أن الاغتراب لا أظن أنه هدف بذاته وإنما وسيلة لتحقيق أهداف ينبغي أن تسعو لتحقيقها، ولكي يكون ذلك -أي تحقيق الأهداف – ينبغي وضع هذه الأهداف، ومن ثم حشد الأدوات اللازمة لتحقيق تلك الأهداف.
أقول ما قلت ويحضرني الكثير من المغتربين السابقين الذين عادوا إلى السودان سواء أن كانت تلك العودة إجبارية أو اختيارية وعانوا ما عانوا بعد العودة، فكثير منهم حالهم يغني عن السؤال.
فلا نريد للمغتربين الحاليين أن يعانوا مثل بعضٍ من الذين سبقوهم وأن يستفيدوا من التجارب وأن يتذكروا بأن لكل أول آخر. فالاغتراب له آخر فيجب أن نتذكر التالي:
- تعليم الأبناء مكلف جداً
- العلاج الباهظ فى هذه البلد حمانا الله وإياكم من الامراض
- المصاريف اليومية
-وغيرها الكثير من المصروفات التي سيواجه بها العائد
لذا ينبغي – إخوتي المغتربين – أن لا تهملوا مسألة الادخار والاستثمار، وخاصةً الاستثمار طويل الأجل.
وبالتأكيد لكم الكثير من الآراء التي يمكن أن تعيننا جميعاً للاستفادة من الغربة بأقصى حد ممكن.وفي انتظار آرائكم النيرة.

ان هذا الموضوع يمكن ان يكون من ضمن المواضيع التى لا يناقشها الكثيرون منكم الا نادراً .... ولا حتى مع أنفسـهم !!!!ثم ماذا غداً ؟؟؟ ..... و لكم صعبة هى الاجابة !!!لا أدرى ما بدواخل النفوس ولا مكنونات الصدور و لكن الكثيرون منكم يعتبرون أنهم غير معنيون بهذا السـؤال ....ثم ماذا غداً ... !!
هل نحن شعب متوكل .... و انا كنا كذلك ... فهل نعرف معنى التوكل !!! هل سمعنا يوماً بمقولة : أعقلها و توكل .... أم نتوكل هكذا ..
أعرف الكثيرين ممن عاشوا بالغربة أوضاعاً أقل ما توصف بأنها ممتازة و لكن دارت عليهم الأيام و بدؤا من الصفر مجدداً حيث لا ينفع الصفر أبداً

سمع كلام أمك تعال
الفنان عبدالرحيم البركل

اسـمـع كــلام امــــك تــــــعــــــال الغربه ماها كنز قروش
والــغـــــــــــــــــــربـه مــــــــاهــــــــــــــــــــا بيوت ومال
الــغـــربــه كـــم ذلــت نـفـوس والـغـربـه كـم هانت رجال
بـوصــيــــك يــــا ولـــدي الـحـنـيـــن اسمع كلام امك تعال

سـمـح الـشـغـل فـي ارض ابــوك ارجـع تـعــــال ما تودرا
ارويــهــا مـن عـرقــــك زلال ارمـيـهــا بـي تـيـراب خدرا
شـــوف الــســنــابـل كـيــــف تـمـيـــل تـشـبـع بلدنا نصدرا
والـغــــربـه تــــب مــا فـيـهــا غير عيشة العذاب والدردرا

مــالـك عـلـي شـغـل الإيـجـار واطاتـنـا بور صبحت وراك
لـيـه تـبـقـي خــدام لـلـغـريــب مـا انـتـي سـيــد نفسك براك
انا عيني في نص الليل ترف وقلبي الحنين نوموا اللي راح
مــن شــوفـتـك غـلـبـني الـمـنام واصـبـح مـناي عيني تراك

ارجـع تـعــال لـي يــا الـحـنـيــن مــالـك عـلـي عيشة الشقي
شـوف كـيــف تـمرنا سبيطوا مال والنيل سقي الوديان سقي
مـا بــتــلـقـي غـيـر رزقـك هنـاك يـا ريت نصيحتي تصدقه
ارجـع تـعــال والـزاد المكتوب لـيـك في ارض ابوك بتلحقه

ارجــع تـــعــــال خــلـي الــــشــــقــي وعــيـشــة الـكــرم في
ارضــك الــمــقــســوم بـيجــيـك في الغربه أو هنا لـيـك رب
ســودانــا اصـلــوا مـن الــقـريـر لـيـهو الكريم بالنـيــل وهب
ســودانــا والله الـعـظـيـــم واطــــاتـــوا أغـــلـي مــــن الدهب

أبو رائد كتب:

تعرفي يا أيناس القصة دي بقت زي قصة الحرامي الطلع في الحيطة وسيد البيت شافوا قام طلع المسدس بتاعه وقال ليه أذا نطيت جوة البيت بضربك واذا نطيت خارج البيت بضربك ....
قام الحرامي قاليه يعني نعمل أيه نطير ... ودا حالنا ... هنا ووووووووووب وبي هناك وووووووووبين .

ياخا ل والله دي قويه بي كم كرت
والله ياخال جبنا العيال معانا في جده ووووووووووووب ورجعناهم السودان وووووووووووووبين

أنا مش مغترب شـــاطر ... لكن عاوز أقــــول كـــلام ... يمكن يكــــون نصيحة ... أو يمكن يكــــون تجربة ... سموه زي ما تســـموه

أولا يجب على المغترب أن يعيـش نمــط حياة وكأنما هــو في الســـودان ... دون إســـراف ودون تقتير ...

ثانيا أعط وســاعد وتبرع وتكرم ... ولكن في حدود المعقـول وبالقدر الذي يمكن أن يكون ذلك إذا ما كنت مقيما في الســودان

ثالثا ضع مستقبل أبنائك نصف عينيك ... ولا تجامل به أي أحــد من كان واقتدي بقول الرسول "أن تترككم أغنياء خير من أن تتركهم فقراء ...." . وأكد إن تعرضت لمكروه - لا قدر الله - فلن تجد من يعينك أو يعين أبنائك، إلا من يتجود عليك صدقة وإحسانا.

رابعا تذكر أن قوة وعنفوان الشباب آيلة إلى الزوال .. فاحسب حساب ذلك اليوم

خامسا لا تعط مجالا ليطلق عليك لقب "غشـيم" ضيع عربته في الفاضي ... وقد قيلت لكثير من المغتربين الذين عادوا ونضب معينهم من حفنة ما أتوا حصدوة من دولارات طوال سنين الغربة.

وأخيرا إن لم تكن أنت مغترب ... ماذا هم فاعلون.

"جـود في حدود المعقول"

أحمد سركيس"

أنا عـــاوز أزيـــد شـــوية ...

قــرأت بعضهم ذكـــر كلمة "بوبـــار" وأحسبه الاستاذ/ الرشــيد حبيب الله

نعــم يا أســتاذ الرشـــيد أنا أطلـق على "البوبار" مصطلح "آفـــة المغترب". إن كان المغترب "بوبــاري" أو زوجته "بوباريـــة" حقو ينعي لنفسه سنين غربته.... باختصار شـــديد هنالك الكثير من الأطراف الأخـرى الذين يستغلون غشامة المغترب "البوبــاري" ويستفيدون ماديا من ذلك "البوبـــار".

وأظن أن الاستاذة إيناس قد ذكرت "الإجـــازة". أنا أنصح كل مغترب بأن لا يتهاون في عطلته السنوية، وأن ينزل إلى الســـودان كل سنة على الأقل مهما كانت الظروف الماديـــة.

ولي عودة في هذا الموضوع.

ﻏﺎﻳﺘﻮ ﺍﻟﻤﻐﺘﺮﺑﻴﻦ ﺍﻭ ﺯﻱ ﻣﺎ ﺑﻘﻮﻟﻮ ﻋﻠﻴﻬﻢ ﻓﻲ ﺍﻟﺴﻮﺩﺍﻥ ﺍﻟﻤﺨﺘﺮﺑﻴﻦﻣﻐﺴﺘﻬﻢ ﺗﺸﺮﻁ ﻋﺪﻳﻴﻴﻴﻴﻞ ﻛﺪﻩ..ﻭﻭﺟﻌﺘﻬﻢ ﻣﺎﻓﻲ ﺯﻭﻝ ﺑﺤﺲ ﺑﻴﻬﺎ
ﻏﻴﺮﻫﻢ ﺑﺮﺍﺍﺍﺍﻫﻢ ﻭﺍﻟﺸﻜﻴﺔ ﺑﺲ ﻟﻲﺍﻟﻠﻪ ..ﺗﺒﺪﺃ ﺍﻟﺤﻜﺎﻳﺔ ﺑﻲ ﻓﻜﺮﺓ ﻣﺸﺆﺅﻣﺔ ﺗﺒﺪﺃ ﺗﺮﺍﻭﺩهم ﻣﻦ ﺍﻟﺠﺎﻣﻌﺔ ﻭﺍﻭﻝ ﻣﺎ يبدﺃ يحب ﺯﻣﻴﻠﺘو ﻓﻲ ﺳﻨﺔ ﺍﻭﻟﻲ ، ﻭيفضل ﺳﻨﺔ ﻣﻘﻄﻊ ﻓﻲ ﻣﺼﺎﺭﻳﻨو، ﻭيستجمع ﺷﺠﺎﻋﺘو ﻭيلمح ﻟﻴﻬﺎ ﻓﻲ ﺳﻨﺔ ﺗﺎﻧﻴﺔ ،ﻭتبدأ ﺻﺎﺣﺒﺘﻨﺎ ﺗﻠﻘﻂ ﺳﻨﺎﺭتو ﻓﻲ ﺳﻨﺔ ﺗﺎﻟﺘﺔ ﻭﺗﺒﺎﺩلو ﺍﻻﺣﺴﺎﺱ ويعيش ﺍﺟﻤﻞ ﺍﻳﺎﻡ ﻋﻤﺮو ﻓﻲ ﺳﻨﺔ ﺭﺍﺑﻌﺔ ، ﻭﺗﺸﻴﻠو ﺍﻟﻬﺎﺷﻤﻴﺔ ﻭيقرر يغترب ﺑﺄﺳﺮﻉ ﻓﺮﺻﺔ ﻋﺸﺎﻥ يرجع ﺑﻌﺪ ﺳﻨﺘﻴﻦ ﻭيعرس ﺣﺒﻴﺒﺘو ، ﻭيفضل ﺷﺎﻳﻒ ﺍﻟﺪﻧﻴﺎ ﻛﻠﻬﺎﺣﻠﻮﺓ ﻭﻣﺰﻫﺰﻫﺔ ﻗﺪﺍﻡ ﻋﻴﻮﻧو ﻭيتخيل ﺧﻄﺘو ﺣﺎﺗﻤﺸﻲ ﺯﻱ ﻣﺎ ﻋﺎﻳﺰ,يعرس ﺍﻟﺠﻮ ﺍﻟﻤﻜﺴﺮ ﺿﻠﻌو ﺩﻩ ، ﻭيبنو ﻋﺸﺔﺳﻌﻴﺪﺓ ﻭيجيبو ﺍﻭﻻﺩ ﻭﺑﻨﺎﺕ ﻭيفضلو يتغزلو ﻓﻲ ﺑﻌﺾ ﺍﻟﻌﻤﺮ ﻛﻠﻮ ... ﻭﻓﻌﻼ يركب ﺍﻟﻄﻴﺎﺭﺓ ﺍﻟﺘﻌﻴﺴﺔ ﻭﺗﺤﻂ ﺍﻟﺮﺣﺎﻝ ﻓﻲ ﺃﻱ ﺩﻭﻟﺔ ﺧﻠﻴﺠﻴﺔ ﻣﺎ ﺑﻔﺮﻕ ﺍﻻﺳﻢ ﻛﺘﻴﺮ ﻛﻠﻬﻢ ﺯﻱ ﺑﻌﺾ ﻗﻄﺮ ﺍﻟﺴﻌﻮﺩﻳﺔ ﺍﻻﻣﺎﺭﺍﺕ ﻛﻠﻮﻭﻭﻭﻭﻭ ﺻﺎﺑﻮﻥ .ﺍﻟﻤﻬﻢ يبدأ ﺍﻟﺪﻭﺍﻡ ﺑﻌﺪ ﻣﻌﺎﻓﺮﺓ ..ﻭيقبض ﺍﻭﻝ ﺭﺍﺗﺐ .. ﻭيستلم ﺍﻭﻝ ﺟﻮﺍﺏ .. ﻭيحول ﺍﻭﻝ ﺣﻮﺍﻟﺔ .. ويتلقي ﺍﻭﻝ ﺿﺮﺑﺔ ﺷﺎﻛﻮﺷﻴﺔ ﻋﻠﻲ ﺭﺍﺳو ﻟﻤﺎ يعرف ﺍﻧﻮ ﺣﺒﻴﺒﺘو ﻋﺮﺳﺖ ﺑﻌﺪ ﺳﻔﺮو ﺑﻲ ﺍﺳﺒﻮﻉ .. ﻭﺑﺮﺿﻮ ﻋﺮﺳﺖ ﻣﻐﺘﺮﺏ ﺑﺲ ﺟﺎﻫﺰ ﻣﻦ ﺧﻤﺴﺘﺎﺷﺮ ﺳﻨﺔ ﻗﺎﻋﺪ ﻳﻜﺪ ﻭﻳﻜﺪﺡ ﻭﻋﻤﻞ ﻟﻴﻬﺎ ﺣﻔﻠﺔ ﻛﺎﺭﺑﺔ ..ﻭﺷﻴﻠﺔ ﺭﻫﻴﺒﺔ .. ﻭﺷﻬﺮ ﻋﺴﻞ ﻣﺎﺣﺼﻞ ﻭﻭﻭﻭﻭ .. ﻭيقعد هو يبكي ﻭيتحسر ..ﻭﻣﺎ يخلي ﺷﺮﻳﻂ ﻟﻬﺎﺷﻢ ﻣﻴﺮﻏﻨﻲ ﻣﺎ يستلفو ﻭينسخو ﻭيحضن ﺍﻟﻤﺴﺠﻞ ﺍﻟﻠﻴﻞ ﻛﻠﻮ .. ﻭيبكي ﻭﺑﻲ ﻛﺪﻩ يكون ﺧﺴﺮ ﺍﻭﻝ ﻫﺪﻑ ﻓﻲ ﺣﻴﺎﺗو..واول هدف فى حياتو طلع تسلل ﻭﺗﺘﻮﺍﻟﻲ ﺍﻟﺨﺴﺎﺋﺮ ﻭﺗﻠﻒ ﺍﻟﺴﻨﻴﻦ ﻭهو ﻣﺎ ﻋﻤﻠ ﺃﻱ ﺣﺎﺟﺔ ﻏﻴﺮ ﺭﺑا ليهو ﻛﺮﺵﻭﻋﻤل ﺻﻠﻌﺔ ﻭﻛﻞ ﺳﻨﺔ ينزل ﺍﻟﺴﻮﺩﺍﻥ ﻧﻔﺲ ﺍﻟﻤﻮﺍﻝ : ﺍﻟﻬﺪﺍﻳﺎ ﻟﻼﻫﻞ .. ﻭﺍﻟﺠﻴﺮﺍﻥ .. ﻭﺍﻟﺤﺒﺎﻥ .. ﺍﻟﻤﻼﻳﺎﺕ .. ﺍﻟﺘﻴﺎﺏ .. ﺍﻟﺴﺘﺎﺋﺮ ..ﺍﻟﺴﺎﻋﺎﺕ ... ﺍﻟﺮﻳﺤﺔ .. ﻭ ﻓﻼﻥ ﻋﺎﻳﺰﺷﻴﻠﺔ .. ﻋﻼﻥ ﺩﺍﻳﺮ ﺩﻭﺍﺀ .. ﻓﺮﺗﻜﺎﻥ ﺩﺍﻳﺮﺗﻼﺟﺔ ... ﺷﻴﻄﺎﻥ ﺩﺍﻳﺮ ﺗﻠﻔﺰﻳﻮﻥ ﻣﻠﻮﻥ ..
ﺍﻣو ﻭﺍﺑﻮهو ﻣﺎﺷﻴﻦ ﺍﻟﺤﺞ ﺭﺳﻞ .. ﺍﻟﺒﻴﺖ ﻋﺎﻳﺰ ﺗﺼﻠﻴﺢ ﺣﻮﻝ .. ﻭﺩﻋﻤو ﻣﻘﺒﻮﺽ ﻓﻲ ﺷﻴﻚ ﻭﻣﺴﺠﻮﻥ ﺭﺳﻞ .. ﺑﺖ ﺧﺎﻟﺘو ﺍﻟﻴﺘﻴﻤﺔ ﺩﺍﻳﺮﻳﻦ ﻳﻌﺮﺳﻮﻫﺎ ﺣﻮﻝ ..ﺍﺧﻮهو ﺍﻟﺼﻐﻴﺮ ﻣﺴﺎﻓﺮ ﻳﻘﺮﺃ ﺍﻟﺠﺎﻣﻌﺔ ﺭﺳﻞ .. ﺭﻣﻀﺎﻥ ﻋﻠﻲ ﺍﻻﺑﻮﺍﺏ ﺣﻮﻝ .. ﻣﺎتنسا ﺧﺮﻭﻑ ﺍﻟﻌﻴﺪ ﺭﺳﻞ .. ﺍﻟﻤﺪﺍﺭﺱ
ﻗﺮﺑﺖ ﺗﻔﺘﺢ ﺣﻮﻝ .. ﺍﻟﻤﺮﻗﺔ ﺍﺗﻌﺪﻣﺖ ﺍﺷﺤﻦ .. ﺍﻟﻠﺒﻦ ﺍﺧﺘﻔﻲ ﻣﻦ ﺍﻟﺴﻮﻕ ﺍﺷﺤﻦ .. ﺍﻟﻤﻄﺮ ﻛﺴﺮ ﺍﻟﺒﻴﺖ ﺣﻮﻝ ..ﺟﺪو ﻣﺎﺕ ﻭﺍﻟﺒﻜﺎ ﻟﻠﺤﻮﻝ ﺭﺳﻞ ..ﻭيقضي ﺣﻴﺎﺗو ﺑﻴﻦ ﺭﺳﻞ ﻭﺣﻮﻝ ﻭﺍﺷﺤﻦ ﻭﺍﺷﺤﻦ ﻭﺣﻮﻝ ﻭﺭﺳﻞ ﻭﻫﻜﺬﺍ ﺩﻭﺍﻟﻴﻚ .
ﻭﻓﻲ ﻧﺺ ﺍﻟﻤﻌﻤﻌﺔ ﺩﻱ تطلع ليهو ﺍﻟﻮﺍﻟﺪﺓ ﻻﺯﻡ ﺗﻌﺮﺱ ، ﻭهو ﺗﺎﺋﻪ ﺑﻴﻦ ﺷﺎﻛﻮﺷو ﺍﻟﻘﺪﻳﻢ ﻭﺍﺧﺘﻴﺎﺭو ﺍﻟﺠﺪﻳﺪ ،ﻭﻓﻲ ﺍﻟﻨﻬﺎﻳﺔ ﺣﺘﻲ ﺍﻫﻢ ﻗﺮﺍﺭ ﻓﻲ ﺣﻴﺎﺗويتركو ﻻﻫﻠو ، ﻭﻳﺤﺪﺩﻭ ليهو ﺷﺮﻳﻜﺔ ﺣﻴﺎﺗو ، ﻭﻋﺸﺎﻥ يسافر السودان ﻭيكمل ﺑﺎﻗﻲ ﺍﻟﻤﺸﻮﺍﺭ ، ﻻﺯﻡ يجر ليهو ﺳﻠﻔﻴﺔ ﻛﺎﺭﺑﺔ
ﻻﻧو ﻃﺒﻌﺎ ﻃﻮﻝ ﺍﻟﺴﻨﻴﻦ ﺩﻱ ﻣﺎ ﻭﻓﺮ ﻭﻻ ﺗﻌﺮﻳﻔﺔ ، ﺍﻟﻤﻬﻢ يأخد ﺍﻟﺴﻠﻔﻴﺔ ﻭيتكسي ﻭيكسي ﺍﻟﻌﺮﻭﺱ ﻭﺍﻻﻫﻞ ﻭﺍﻟﺤﺒﺎﻥ ﺍﻟﻘﺎﻋﺪ يكسي ﻓﻴﻬﻢ ﻣﻦ ﺳﺎﻓﺮ ، ﻳﻌﻨﻲ ﻣﺎﻓﻲ ﺷﻲ ﺍﺗﻐﻴﺮ ﻏﻴﺮﺍﻟﻤﻘﺎﺳﺎﺕ ﺍﻟﻤﻬﻢ ﺍﻟﻌﺮﻭﺱ ﺗﻄﻠﺐ ﻭﺩ ﺍﻻﻣﻴﻦ ﻭهو يقول ﺣﺎﺿﺮ .. ﻋﺎﻳﺰﺓ ﻗﺴﻤﺔ ﺗﺮﻗﺼﻬﺎ ﺣﺎﺿﺮ .. ﻋﺎﻳﺰﺓ ﺗﺴﺎﻓﺮ ﺷﻬﺮ ﺍﻟﻌﺴﻞ ماليزيا ﺣﺎﺿﺮ ﺑﺮﺿﻮ .. ﺍﻟﻤﻬﻢ ﻳﺘﻢ ﺯﻭﺍﺝ ﺍﻟﻨﺪﻡ ﻭﺍﻟﺴﺠﻢ ، ﻭﻋﺸﺎﻥ يجيب ﺍﻟﻌﺮﻭﺱ ﻻﺯﻡ يرقع ﺍﻟﺴﻠﻔﻴﺔ ﺗﺎﻧﻲ ﻭيفرش ﺍﻟﺸﻘﺔ ﻭيصلح ﺍﻟﻌﺮﺑﻴﺔ ﻭﺍﻟﻤﻜﻴﻒ ﻟﺰﻭﻡ ﺍﻟﺤﻮﺍﻣﺔ ﻭﺍﻟﻔﺮﺟﺔ ﻋﻠﻲ ﺍﻟﺒﻠﺪ .. ﺍﻟﻤﻬﻢ ﻳﻤﺮ ﻋﻠﻴو ﺍﻟﻌﺎﻡ ﻭهو ﺷﺎﻳﻞ ﻭﻟﺪو ﺍﻭ ﺑﺘو ﻭﺍﻟﻔﺮﺣﺔ ﻏﺎﻣﺮﺍهو ﻟﻠﻄﻴﺶ ، ﻭﺟﻴﺔ ﺟﻨﺎهو البريدو ﺑﺮﺩﺕ ﻋﻠﻴو ﺍﻟﻔﻠﺲ ﻭﺍﻟﻘﺮﻑ ، ﻭﻗﺒﻠﻤﺎ يشبع ﻣﻨﻮ ﺗﻔﺎﺟﺄو ﺯﻭﺟﺘو ﺍﻟﻤﺼﻮﻥ ﺑﺨﺒﺮ ﺍﻟﺤﻤﻞ ﺍﻟﺘﺎﻧﻲ ﻭﺍﻟﺘﺎﻟﺖ ﻭﺍﻟﺮﺍﺑﻊ ، ﻭينقد ﻓﻴهو ﻭﻻﺩﺓ ﻭيتوه هو ﺑﻴﻦ ﺟﺤﻴﻢ ﺍﻟﺸﻐﻞ ﻭﺍﺯﻋﺎﺝ ﺍﻟﺒﻴﺖ ﻭﻃﻠﺒﺎﺕ ﺍﻟﺴﻮﺩﺍﻥ ،ﻭﺗﺮﻗﻴﻊ ﺍﻟﺴﻠﻔﻴﺎﺕ ﻭﺳﻨﺔ ﻭﺭﺍﺀ ﺳﻨﺔ
ﻭﺭﺍﺀ ﺳﻨﺔ يلقي ابنو ﻋﻠﻲ ﺍﺑﻮﺍﺏ ﺍﻟﺠﺎﻣﻌﺔ ، ﻭﺑﻌﺪ ﺍﻟﺪﺭﻭﺱ ﺍﻟﺨﺼﻮﺻﻴﺔ ﻭﺍﻟﻤﺼﺎﺭﻳﻒ ﻓﻲ ﺍﻟﻤﺪﺍﺭﺱ ﺍﻟﺨﺎﺻﺔ ﻭﻭﻭﻭﻭ يفرح ﺑﺎﻟﻨﺘﻴﺠﺔ ﺍﻟﺤﻠﻮﺓ ﺑﺘﺎﻋﺖ ﻭﻟﺪو ﻭيسترجع ﺫﻛﺮﻳﺎﺕ ﻓﺮﺣﺘو ﺑﻲ ﻗﺪﻭﻣﻮﺍ ، ﻭﻗﺒﻠﻤﺎ ﻣﺎ ﺍﻟﻔﺮﺣﺔ ﺗﺘﻢ !!! يتفاﺟﺎ ﺑﻌﺪﻡ ﻗﺒﻮﻟﻮ ﻓﻲ ﺃﻱ ﺟﺎﻣﻌﺔ ﺣﻜﻮﻣﻴﺔ ، ﻭﺗﺴﻮﺀ ﺣﺎﻟﺔ ﻭﻟﺪو ﺍﻟﻨﻔﺴﻴﺔ ﻭهو يتقطع ﻋﺸﺎﻧﻮ ، ﻭيسوقو ﻭيمشي ﺑﻴﻬﻮ ﺍﻟﺴﻮﺩﺍﻥ ﺑﻌﺪ يرقع ﺍﻟﺴﻠﻔﻴﺔ ﻃﺒﻌﺎ ، ﻭيدخلو ﺍﻟﻜﻠﻴﺔﺍﻟﻌﺎﻳﺰﻫﺎ ﻭيجبر ﺑﻲ ﺧﺎﻃﺮﻭ ، ﻭهو ﺗﺎﺋﻪ ﻣﺎ ﻻﻗﻲ ﺍﻟﺒﺠﺒﺮ ﺧﺎﻃﺮو ﻭﻻ ﻳﻄﺒﻄﺐ ﻋﻠﻴو ، ﺗﺘﻘﺎﺫﻓهو ﺍﻻﻳﺎﻡ ﻭﺗﺘﻮﺳﺪ ﺍﻟﻬﻤﻮﻡ ﻭﺗﺤﻴﻂ به ﺍﻣﺮﺍﺽ ﺍﻟﺸﻴﺨﻮﺧﺔ ﻣﻦ ﻛﻞ
ﺣﺪﺏ ﻭﺻﻮﺏ ... ﺍﻟﻤﻬﻢ ﺑﻌﺪ يطمئن ﻋﻠﻲ ﻭﻟﺪو ﻭيدفع ﻛﻞ ﺍﻟﻀﺮﺍﺋﺐ ﻭﺍﻟﺠﺒﺎﻳﺎﺕ ﻭﺍﻟﻨﻔﺎﻳﺎﺕ ﻭﺍﻟﺘﻔﺎﻫﺎﺕ يسلم ﺍﻟﻮﻟﺪ ﻟﻲ ﺍﺧﻮهو ﺍﻻ هو ﻗﺮاهو ﻓﻲ ﺍﻟﻬﻨﺪ ﻭﻋﺮﺳ ﻟﻴﻬﻮ ﻭﺳﺎﻛﻦ ﻓﻲ ﺑﻴﺖ ﻧﺎﺱ ﺍﺑﻮهو ﺍلصلحو ﺑﻲ ﺩﻡ ﻗﻠﺒو ،ﻭيتفاﺟﺎ ﺍﻧﻮ ﺑﺘﻬﺮﺏ ﻣﻨو ﻭﻣﺎ ﻋﺎﻳﺰ ﻳﻤﺴﻜﻮ ، ﻭﺑﺪﻳهو ﻧﺼﻴﺤﺔ ﺍﻧو ﻣﻔﺮﻭﺽ ﺑﻌﺪ ﻛﺪﺓ يرجع ﻧﻬﺎﺋﻲ ﻭيستقر ..يجرﺟﺮ ﺍﺯﻳﺎﻝ ﺧﻴﺒﺘو ، ﻭيمشي ﻟﻲﺍﺧﺘو ﺍﻟﻜﺒﻴﺮﺓ ﻋﺸﺎﻥ يشكي ﻟﻴﻬﺎ ﻟﻴﺲ ﺍﻻ ، ﻭﺗﻔﻬﻤو ﻏﻠﻂ ﻭﺗﺒﺎﺩﺭو ﺍﻧﻮ ﺭﺍﺟﻠﻬﺎﻣﺎ ﺣﻴﻘﺒﻞ ﻳﻤﺴﻚ ﻭﻟﺪ ﻣﻊ ﺑﻨﺎﺗﻮ ﺍﻟﻔﺘﻮﺍﺕﺩﻳﻞ .ﻭيطلع ﻣﻦ ﻋﻨﺪﻫﺎ ﺍﻟﻌﺒﺮﺓ ﺧﺎﻧﻘاهو ،ﻭيعرج ﻋﻠﻲ ﻭﺩ ﻋﻤو ﺑﺘﺎﻉ ﺍﻟﺸﻴﻜﺎﺕ
ﺍﻟﻄﺎﻳﺮﺓ ﺍﻟﻄﻠﻌﻮ ﻣﻴﺔ ﻣﺮﺓ ﻣﻦﺍﻟﺴﺠﻦ ، ﺑﻌﺪ ﻣﺎ ﻃﻠﻊ ﻗﺮﻭﺷﻮ ﺍﻟﺴﺎﺭﻗﻬﺎﻭﺑﻨﻲ ﺑﻴﺖ ﻣﻦ ٣ ﻃﻮﺍﺑﻖ ، ﻭﺭﺑﺎ ﻟﻴﻬﻮ ﺩﻗﻦ ﻭﺷﺎﻝ ﻟﻴﻬﻮ ﺳﺒﺤﺔ ، ﻭﺻﺪﻕ ﺍﻧﻮﺷﺮﻳﻒ ﻣﻜﺔ ، ﻭﻗﻌﺪ ﻳﻨﺼﺢ ﻓﻴهو ﺍﻟﻮﻟﺪ ﻓﻲ ﻋﻤﺮ ﻣﺮﺍﻫﻘﺔ ، ﻭﺍﻟﺒﻠﺪ ﻣﻠﻴﺎﻧﺔ ﻣﺨﺪﺭﺍﺕ ﻭﻋﺼﺎﺑﺎﺕ ﻭﻭﻭﻭﻭﻭ ﺍﻟﻤﻔﺮﻭﺽ ﺍﻧو ﻛﺎﻥ ﺗﻌﻤﻞ ﺣﺴﺎﺏ
ﺍﻟﻴﻮﻡ ﺩﻩ ، ﻭﺗﺒﻨﻲ ﻟﻴﻚ ﺑﻴﺖ ﻋﺸﺎﻥ ﻋﻠﻲ ﺍﻻﻗﻞ ﺍﻻﻭﻻﺩ ﺩﻳﻞ ﻳﺮﺟﻌﻮ ﻣﻊ ﺍﻣﻬﻢ ، ﻭﺑﻌﺪ ﺩﺭﺱ ﺍﻟﻮﻋﻆ ﺩﻩ يطلع ، ﻭهو ﺑﺘﺘﻘﻄﻊ ﻣﻦ ﻇﻠﻢ ﺫﻭﻱ ﺍﻟﻘﺮﺑﻲ ﺍﻻﻛﻠﻮو ﻟﺤﻢ ﻭﺭﻣﻮهو ﻋﻈﻢ ..بيبكي ﻋﻠﻲﺍﻟﻨﺎﺱ ﺍﻟﻌﺰاهم ﻭﻣﺎ ﻋﺰﻭهو .. ﻣﻨﻬﺎﺭ ﻧﻔﺴﻴﺎ ﻋﻠﻲ ﺍﻟﻬﺒﻞ ﺑﺘﺎﻋو ﻭﺍﻟﻐﺒﺎﺀ ﺍﻟﻌاش ﻓﻴﻬﻮ ﺍﻟﺴﻨﻴﻦ ﺩﻱ ﻛﻠﻬﺎ ... ﻭﺍﻭﻝ ﻗﺮﺍﺭ يأﺧﺪﻭ يلم ﺷﻨﻄﺘو ﻭﺷﻨﻄﺔ ﻭﻟﺪو ، ﻭيرﺟﻊ ﻟﻲ ﺍﻟﻐﺮﺑﺔ ﻭيكتشف بعد ﺳﻨﻴﻴﻴﻴﻴﻴﻴﻴﻴﻴﻴﻴﻦ ﻃﻮﻳﻠﺔ ، ﺍﻧﻮ ﺍﻟﻐﺮﺑﺔ
ﺍﺭﺣﻢ ﻣﻦ ﺍﻫﻠو ﻭيرﻗﻊ ﺍﻟﺴﻠﻔﻴﺔ ،ﻭيقرر يسفر ﻭﻟﺪو ﺃﻱ ﺑﻠﺪ ﻭيستوعب ﺍﻟﺪﺭﺱ ﺑﻌﺪ ﺣﻘو ﺭﺍﺡ

Enas Adawi كتب:

إذا كان عمرك عدى الأربعين سنة وراتبك لا زال بين 3.000 إلى 5000 ريال فأنت إذن سوداني مفلس وغرقان في الديون وبوضعك ده حتغرق زيادة ومش حا تقدر تعمل حاجة في سودانك الغالي البقوا ناسوا يتكلموا بالمليارات ده ، وبالتالي لا اتوقع أن تتمكن من العودة إلى بلدك مدى الحياة وستموت وأنت على هذه الحالة. " الله يعينك "

إذا كنت قاعد عزابي وعائلتك ليست معك تأتيك فرادى وجماعات في أكثر من مرة في العام الواحد وكل ما يجي واحد من عائلتك بجي معاه قائمة طلبات أهمها تغيير الجوال وشراء لاب توب بدل السرقوه منو في الداخلية فأنت سوداني متوفر منه عدد كثير من النسخ ومغلوب على أمره وينتمي إلى شريحة متنامية وفي ازدياد مضطرد وكل يوم يتم اكتشاف ( موديلز ) جديدة منه.

عادل كحيل كتب:

Enas Adawi كتب:

إذا كان عمرك عدى الأربعين سنة وراتبك لا زال بين 3.000 إلى 5000 ريال فأنت إذن سوداني مفلس وغرقان في الديون وبوضعك ده حتغرق زيادة ومش حا تقدر تعمل حاجة في سودانك الغالي البقوا ناسوا يتكلموا بالمليارات ده ، وبالتالي لا اتوقع أن تتمكن من العودة إلى بلدك مدى الحياة وستموت وأنت على هذه الحالة. " الله يعينك "

إذا كنت قاعد عزابي وعائلتك ليست معك تأتيك فرادى وجماعات في أكثر من مرة في العام الواحد وكل ما يجي واحد من عائلتك بجي معاه قائمة طلبات أهمها تغيير الجوال وشراء لاب توب بدل السرقوه منو في الداخلية فأنت سوداني متوفر منه عدد كثير من النسخ ومغلوب على أمره وينتمي إلى شريحة متنامية وفي ازدياد مضطرد وكل يوم يتم اكتشاف ( موديلز ) جديدة منه.

عادل كحيل كتب:

Enas Adawi كتب:

إذا كان عمرك عدى الأربعين سنة وراتبك لا زال بين 3.000 إلى 5000 ريال فأنت إذن سوداني مفلس وغرقان في الديون وبوضعك ده حتغرق زيادة ومش حا تقدر تعمل حاجة في سودانك الغالي البقوا ناسوا يتكلموا بالمليارات ده ، وبالتالي لا اتوقع أن تتمكن من العودة إلى بلدك مدى الحياة وستموت وأنت على هذه الحالة. " الله يعينك "

إذا كنت قاعد عزابي وعائلتك ليست معك تأتيك فرادى وجماعات في أكثر من مرة في العام الواحد وكل ما يجي واحد من عائلتك بجي معاه قائمة طلبات أهمها تغيير الجوال وشراء لاب توب بدل السرقوه منو في الداخلية فأنت سوداني متوفر منه عدد كثير من النسخ ومغلوب على أمره وينتمي إلى شريحة متنامية وفي ازدياد مضطرد وكل يوم يتم اكتشاف ( موديلز ) جديدة منه.