ياليالي الغربة بهــــــواكي وبريــــــدك أصلي منــــــك مانــي خايف

الوطن له مكانة في نفس كل مواطن، وخاصة عندما يكون الوطن هو السودان بأهلة الطيبين الأصيلين، ولكن في بعض الظروف الاستثنائية تجد نفسك تفضل العيش خارج الوطن وتعيش في نوع من التنازع حول رد الجميل لهذا الوطن الذي تربيت وتعلمت من موارده وصرت سوي وقوي العود، وعندما تريد أن ترد الجميل لهذا الوطن تجد نفسك مجبر بأن تغادره لظروف سياسية أو ظروف معيشية تتطلب سفرك خارج البلد، وتتوالي السنين وأنت بعيد عن الوطن وكلما طالت سنوات الغربة ، يقل الحنين إلى البلد وتصبح العودة إلى البلد نوع من الأماني أو الأحلام ، وعندما تحزم أمرك وتعود إلى الوطن لتستقر تحاصرك المصاعب والمشاكل من كل صوب وتلعن اليوم الذي اختمرت في رأسك فيه فكرة العودة النهائية للبلد، وتبدأ في مكالمة ربعك في مكان عملك السابق من أجل العودة النهائية إلى ديار الغربة، وتعود من جديد لتبدأ مشوار الغربة الشوط الثاني والزمن الضايع

تذهب الظروف ويظل الوطن

إنشاء الله يروح داخل ذلك المظروف جماعة المؤتمر وأذنابهم

يا ترتورة سلامات :

أذناب المؤتمر الوطنى ما بينفعوا أسواط عنج ؟

الأخ صداح لك التحية
ديل ماينفعوا اي حاجة، عمرك سمعت بي ضنب الضب لمن ينقطع ينفع بي حاجة، والضب ذاتو لمن ينقطع ضنبو تلقاهو هرب، وحتى ما يتلفت لي ضنبو الكان جزء منه " وتهون عليه عشرة العمر " عجب

سافر تجد عوضا عمن تفارقه
وانصب فان لذيذ العيش في النَّصب
أني رايت وقوف الماء يفسده
إن سار طاب وان لم يسر لم يطب
والاسد لو فراق الغاب ما افترست
والسهم لو لا فراق القوس لم يصب
والتبر كالترب ملقى في اماكنه
والعود في ارضه نوعٌ من الحطب
فان تغرَّب هذا عزَّ مطلبه
وان تغرَّب ذاك اعتز كالذهب

يا صداح وترتورة هدو الكورة الاغتراب ده معروف من سنين ما معدودة ما ترموا لومكم على المؤتمر الوطني ساكت وعشان ما تصنفوني مؤتمر وطني بالغلط هاكم الابيات دي:-

ما نا كتاكيتاً حُمر ولا فرختنا جدادة من جنس الجداد
ولانا قاعدين فوق الزير لا تجهجهة لا حياد !!!

الأخ / عاطف لك التحية
وإليك هذه الأبيات في نفس الموضوع

تَغَرَّبْ عَنِ الأَوْطَانِ فِيْ طَلَبِ العُلَى **** وسافِرْ ففي الأَسْفَارِ خَمْسُ فَوَائِـدِ

تَفَرُّجُ هَـمٍّ، واكتِسَـابُ مَعِيْشَـةٍ **** وَعِلْمٌ ، وآدابٌ، وصُحْبَـةُ مَاجِـدِ

فإن قيلَ في الأَسفـارِ ذُلٌّ ومِحْنَـةٌ**** وَقَطْعُ الفيافي وارتكـاب الشَّدائِـدِ

فَمَوْتُ الفتـى خيْـرٌ له مِنْ قِيامِـهِ **** بِدَارِ هَـوَانٍ بيـن واشٍ وَحَاسِـدِ

الأخ / عاطف لك التحية
عفارم عليك مادام ماك مؤتمر، عشان كدي شوف لينا موضوع نسولف فيه غير موضوع الغربة، أوع تجيب لينا موضوع " لماذا التدهور في كل شيء في السودان، ما السبب ومن المتسبب ؟؟؟؟؟

وبالمناسبة : ماك دا نوع من أنواع الشاحنات

يا عاطف سلامات :

يا أخوى شكلك مغترب من زمن الرياضة الجماهيرية ؟!

اخونا عبد المنعم
ماك طيب
ماك بيقولها اهلنا كتير رايك شنو نغير السالفة ونسأل كل مغترب عن خططه المرسومة في دواخله عند رجوعه نهائيا للسودان يعني عاوز يشتغل شنو ؟؟؟ او يستثمر في شنو ؟؟؟ ممكن الواحد يلقى ليهو فكرة يكون استفاد منها ويكون الشكر لي حماد ...

تخريمة صداح يا اخوي انا بديت الاغتراب من اقصى جنوب السعودية لحدي ما وصلت هنا دبي ولو الخليج ده ما وقفني ما عارف بكون رسيت وين لكن تحت تحت كده مقدم للوتري ...

الأخ / عاطف لك التحية
أنا غايتو مشروعي أعمل لي مزرعة تربية قرود عشان أمشي ابيعا في تنزانيا لأنهم بياكلو القرود وقالو القرود إنقرضت من تنزانيا
يلا ورينا مشاريعك شنو يمكن نشاركك ؟

ههههههههههههههههه
ياخي ضحكتني لما انفقعت من الضحك

خلاص انا بعمل لي قفص اربي فيهو جريوات في مزرعتك دي امشي اصدرها للصين قالوا سوق الكلاب مولع هناك بس هم ما عاوزين كلاب كبيرة ذي العندنا في المؤتمر الوطني عاوزين ليهم جريوات صغار لسع

East or West home is best
كل الذين نأت خطاهم عن البلد يشدهم الحنين بقوة للوطن
الا أنهم لابد ان يعودوا بعد أن بقوي عود ابناءهم الذين اصبحوا
مواطنين للمهاجر والدياسبرا وصاروا مواطني العولمة ، تزداد غربة الآباء
ووقتها يشعرون بان العودة للوطن فضيلة لقضاء اسعد الاوقات من علي
كرسي القماش بحثا في وجوه المارة عن شخص يعرفه
بعد أن يدقس من كذا مستهبل وكوكب وتبدأغربته
الحقيقية داخل وطنه لايجد من سلوي سوي الصلوات الخمس في المسجد
وتوقع الرد من الابناء علي المسكولات
في انتظار تحويلات الوسترن يونيون وتذاكر السفر معاودة الطبيب
والابناء في الخارج بعيدين عن الجلاكين بعيدين من النقة عن بلد اسمه
السودان لا يشكل لهم سوي حكاية ممجوجة وبائخة