هذيان محموم

موضوع: هذيان محموم السبت يناير 28, 2012 12:10 am

استيقظت
لم استيقظ
لم اكن نائما ولكن كنت ( مجدوع ع السرير ) من بعد صلاة الجمعة , ملحوظة الجمعة تصلي هنا الساعة 11:30 صباحا .. والدنيا برد برد ترتعد له الاوصال ..
لم اكن اعلم ان برد ( الدوحة ) بهذه القساوة , رغما عن اني احب البرد
تمخر ( نزلة البرد ) فى عبابي
تتخللها هذه الحمي اللعينة التي عادة ماتصاحب مثل تلك النزلات
وانا فى هذا الاتون
الصدر وماعلية من اثار النزلة اللعينة والجسد وماعلية من رهق الحمي
سمعت مناديا
استيقظت لم استيقظ كما اسلفت
كان المنادي يناديني ان لايفوتني باص ( المحورية)
تمحورت داخل نفسي حينا وانا اسمع النداء
مسحت عيوني ببعض يديا
وتابطت اللابتوب
كان جوادي نحو الرحلة
وكما البراق
وجدت نفسي فى خضم هذا الحدث الجميل الرائع الذي يجسد اصالة ومحنة وحب اهل الحصاحيصا لمعشوقتهم الحصاحيصا واستمتعت بكل ( بوست) سطر هناك عن الرحلة وشاهدت تلك الوجوه الجميلة النيرة المشرقة التي تحتشد دوما لتلبي نداء الحصاحيصا ..
لم اكن غائبا عنهم ولم اكن بعيدا
كنت فى خضمهم احس بهم واناجيهم
التحية لكم وانتم تصنعون الالفة وتبعثون الود من رحم الغيب
والتحية لمن جعل هذا ممكنا
الحصاحيصا دوت كوم
خفت الان وطأة الحمي ويمكنني ان انام لاصحي
عزرا كانت الساعة 3:20 صباحا السبت 28/1/2012

موضوع: رد: هذيان محموم السبت يناير 28, 2012 5:05 am

الأخ / مبارك لك التحية
سلامات وما تشوف شر وربنا يخفف عنك الألم، وطبعاً بدأ الألم يخف تدريجياً بعد مشاهدتك للجمع الجميل لأبناء الحصاحيصا الأوفياء لوطنهم الصغير ولبعضهم البعض، كما استمتعت أنا بذلك، وبخصوص البرد إنت كان كدي ماشفت برد في الخليج، البرد الأصلي والزمهرير الذي يوصلك إلى حد الكآبة من كترة القعاد في البيت عندنا هنا في الكويت، وأمنياتي لك بالسلامة

موضوع: رد: هذيان محموم السبت يناير 28, 2012 5:12 am

من الحصاحيصا الى مبارك
انت الخير والبركة ربنا يخليك لينا وصحة وعافية

موضوع: رد: هذيان محموم السبت يناير 28, 2012 8:07 am

سلامتك يا بركه ...
لكن هذيانك هذيان السرور ... كان كدى نقول للنزله تعالى كل شهر لمبارك عشان يكتب كلام حلو ذى ده ..
كن بالف خير وعافيه

موضوع: رد: هذيان محموم السبت يناير 28, 2012 4:16 pm

عبدالمنعم ترتورة كتب:

الأخ / مبارك لك التحية
سلامات وما تشوف شر وربنا يخفف عنك الألم، وطبعاً بدأ الألم يخف تدريجياً بعد مشاهدتك للجمع الجميل لأبناء الحصاحيصا الأوفياء لوطنهم الصغير ولبعضهم البعض، كما استمتعت أنا بذلك، وبخصوص البرد إنت كان كدي ماشفت برد في الخليج، البرد الأصلي والزمهرير الذي يوصلك إلى حد الكآبة من كترة القعاد في البيت عندنا هنا في الكويت، وأمنياتي لك بالسلامة

عزيزنا عبد المنعم
متعك الله بالصحه والعافيه ،،
الواحد جد احس بالفه اكسبته حراره ( حرارة شوق) بددت هذا الزمهرير
بالله الكويت ابرد من كده ياخي دي 7 درجات

موضوع: رد: هذيان محموم السبت يناير 28, 2012 4:18 pm

وليد العشي كتب:

من الحصاحيصا الى مبارك
انت الخير والبركة ربنا يخليك لينا وصحة وعافية

حبيبنا عشي
تسلم
بس انتو كتروا لينا من جنس الحاجات دي عشان البرد مايلحقنا ابوذر

موضوع: رد: هذيان محموم السبت يناير 28, 2012 4:20 pm

سحروك
اااالمبروك
ولا
اقول لك
ادوك عين

موضوع: رد: هذيان محموم السبت يناير 28, 2012 4:21 pm

بكرى عثمان حمد كتب:

سلامتك يا بركه ...
لكن هذيانك هذيان السرور ... كان كدى نقول للنزله تعالى كل شهر لمبارك عشان يكتب كلام حلو ذى ده ..
كن بالف خير وعافيه

تسلم ياريسنا
الله يسلمك من كل شر
شكرا لانك جعلت هذا ممكنا
كن والاسره بخير

موضوع: رد: هذيان محموم السبت يناير 28, 2012 4:24 pm

[quote="المحبوب أحمد الأمين"]
سحروك
اااالمبروك
ولا
اقول لك
ادوك عين

حبيبنا المحبوب
ياخي دي لمة ولا احلي من كده
ولا اقول ليك
عندك حاجه من غير ( تلج)

موضوع: رد: هذيان محموم السبت يناير 28, 2012 4:30 pm

غايتو أنا جبارتي بقت بنجوم الغد في تلك الليلة
بس ما قلت لي انت العندك دي هُمى ولا حمى ؟؟
لو خمى "إلا تخم وتصر"
أما إذا كان محور سؤالك عن من غير تلج فأوصيك بنشأ دافئة بس خفف السُكر "الكاف شكلا انت"

موضوع: رد: هذيان محموم السبت يناير 28, 2012 4:36 pm

[quote="المحبوب أحمد الأمين"][font= Simplified Arabic][size=24]

[b]غايتو أنا جبارتي بقت بنجوم الغد في تلك الليلة
بس ما قلت لي انت العندك دي هُمى ولا حمى ؟؟
لو خمى "إلا تخم وتصر"
أما إذا كان محور سؤالك عن من غير تلج فأوصيك بنشأ دافئة بس خفف السُكر "الكاف شكلا انت"

محبوب ياحبيب
هي همي وحمي وخمي
انا خميت لكن ماصريت
لسان حالي يقول واخ
جمع بين واي واخ
شوف لي حته من نجوم الغد

موضوع: رد: هذيان محموم السبت يناير 28, 2012 4:45 pm

الأخ / مبارك لك التحية
في سؤال مهم من المحبوب لم ترد عليه ويعتبر سؤال رئيسي ودرجاته نصف درجات الامتحان، عايزين نعرف شكلت الكاف كيف

موضوع: رد: هذيان محموم السبت يناير 28, 2012 4:51 pm

سلامتك يا ربو من الهذيان بحمى أو بدونها .
وسحروك ناس الدوحة .
ما كنتا مرتاح معانا ،،، براكا فارقتنا و ودعتنا

موضوع: رد: هذيان محموم السبت يناير 28, 2012 4:53 pm

عبدالمنعم ترتورة كتب:

الأخ / مبارك لك التحية
في سؤال مهم من المحبوب لم ترد عليه ويعتبر سؤال رئيسي ودرجاته نصف درجات الامتحان، عايزين نعرف شكلت الكاف كيف

عبد المنعم
انتا ماشايفو ضاميها
والله ضاميها جنس ضمة
انا بقدر اخت فى ضمة المحبوب شي

موضوع: رد: هذيان محموم السبت يناير 28, 2012 4:58 pm

غايتو مع حالة الهزيان دي الله يستر يامنعم ما يقوم يشكل "الفيفا "
ويقول كدي يطلع ليهو شداد ينقي "شعيرو" عصيرو