الرئيسيةس .و .جبحـثالتسجيلدخول

شاطر | 
 

 كاتب لي خبــــــــارك

اذهب الى الأسفل 
كاتب الموضوعرسالة
راشد صديق عبدالقادر

avatar


مُساهمةموضوع: كاتب لي خبــــــــارك   الثلاثاء 10 أبريل 2012 - 9:15

ايوه تاني كاتب ليك خباري
لما الفرح فارق دياري
والحزن سكن في مداري ودي الديار الخليتا زاتا ماكان فراقك ليها اختياري
والبعاد الكان زمان كان بزيد في مراري
ماكنت فاكر تنسي حبي جيت انمق في اعتذاري وايوه تاني كاتب ليك خباري
وده الجواب الجاني منك عندي ليهو قيمه
والهوي البيني بينك عدا علي العوازل والنميمه وهسي لما طريت هواك وقصه الفرقه الاليمه جيت اعاود للحكايات القديمه
الرجوع الى أعلى الصفحة اذهب الى الأسفل
عاطف عمر

avatar


مُساهمةموضوع: رد: كاتب لي خبــــــــارك   الثلاثاء 10 أبريل 2012 - 10:38

التحية للشاعر / مختار دفع الله ولك اخي راشد واستسمحك عزراً في كتابة القصيدة كاملة




تــاني كاتب لي خبارك ؟!
انتَ قَايْل انّهُ لِسَّه
قَلبىِ تايهُ في مَدَارَكْ
دِىِ الدِيَارُ خَلْيتَها ذَاتَها
لَمَّاَ ضَاقت بَىْ ديارك
والبعاد الشايفو قاسى
ما زمان كان باختيارك
انت فاكر بنسى جُرحك
جيت تنمق فى اعتذارك
لما رحت تجور عليا
ورحت ابعد عن مسارك
تانى كاتب لى خبارك
***
الجواب الجاى منك
عندى صار ماليهو قيمه
والهوى الكان بينى بينك
عدى بالشوق والهزيمة
وهسَّه لمّا طريت هوايا
وقصة الذكرى الأليمه
جاى تانى عشان تعاود
للحكايات القديمة
***
ويبقى ردى على جوابك
يا جميل الرجعه لا...لا..
كونى ارجع ليك تانى
ألف مليون استحاله
ما الفراق انت البديته
يوم حرمت الروّح وصالا
وانت عارف البادىء أظلم
وايه لُزوم يعنى الرساله
***
والكلام الفى جوابك
كان بيعدِّى على زمان
قبلما تغدر عيونك
وقبلما يخونى الزمان
انت قايل قلبى بنسى
فترة الذّل والهوان
لا..لا..لا..لا
دىِ الكرامه العِندى أغلى
من عيونك والحنان
***
انت قايل انى ممكن
ليك أرجع تانى مرة
لا..لا..لا..لا
دَا الجرح ممّا استمر
لو حصل طيفك غشانى
ومرة في ذاكرتى مره
ببدا ينزف تانى مره
وتانى مرة وتانى مّره
يا حليل أيام عيونك
كان بتلهمنى المسره
***
أصْلُو كان خادعنى لونك
والبريق الفى عيونك
والكلام القلتو ليّا
كان بيخدع فينى زيفو
والجُرح في قلبي نوسر
وديمه زايد في نزيفو
.... وكنت برضو....!!
ممكن أهديك نور عيونى
شان عيونك منّى يرضو...!!
وأصلى حاسس طول سنينى
إنو أشواقى وحنينى
نقطة الضُعف الى فينى
***
الاّ هَسّه
إنت أنسى..
وحقو تنسى
إنو كان بيناتنا قصه
واصلو ماتعشم عيونك
انى بهواك انت لسَّه
***
انت لو فاكرنى بحزن
شان فراقك او جفاك
تبقى موهوم في عواطفك
اصلو قلبى زمان نساك
وابتديت انساهُ ليلكْ
والسنين الرّاحو ديلك
وانسى جور كُل الاماسى
الفيها كم قاسيتو ويلك
وانت لو فاكرنى بحزن
شان فراقك يا حليلك
يا حليلك..يا حليلك


عدل سابقا من قبل عاطف عمر في الأحد 29 أبريل 2012 - 7:29 عدل 1 مرات
الرجوع الى أعلى الصفحة اذهب الى الأسفل
وليد العشي

avatar


مُساهمةموضوع: رد: كاتب لي خبــــــــارك   الثلاثاء 10 أبريل 2012 - 14:37

يا حليل ؟؟؟؟
الرجوع الى أعلى الصفحة اذهب الى الأسفل
راشد صديق عبدالقادر

avatar


مُساهمةموضوع: رد: كاتب لي خبــــــــارك   السبت 16 يونيو 2012 - 8:55

انا بشكرك كتير الخ عاطف وجزاك الله عنا الف خير
الرجوع الى أعلى الصفحة اذهب الى الأسفل
 
كاتب لي خبــــــــارك
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
 :: منتدى الحصاحيصا الثقافى-
انتقل الى: