الرئيسيةس .و .جبحـثالتسجيلدخول
شاطر | 
 

 هديــة المعذب إلى الســـبب

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
أحمد سركيس

avatar


مُساهمةموضوع: هديــة المعذب إلى الســـبب    الثلاثاء 8 مايو 2012 - 7:04

تحياتك ســـلام مشــتاق
كــلام تتبادلــو العشـاق
وهمسـة ريـد في الأحـداق
وكلمة ناس بتروي الريــد
وخاتم ذكرى فوق الأيـــد
تحياتك كلام يا حلوة بين طفلين
يلموا الرملة فوق الطين
وضحكة زول لطيف وحنين
عويناتك شروق وغروب
ولون الريشة في الغرنوق
ومويـة الوادي لما تروق
ورسالة صغيرة من عاشق
بسلم فيها للمعشوق
وبحلف ليه باليريـــدة
وبيقول مشتاق وحارقه الشــوق
وجيناتك حياة فنان
مع الموسيقى والألحــان
ومنظر لوحـة بالألوان
وطيبة الناس نهار رمضان
ورحلة بلبل الجنة
المهاجر من مكان لمكان
نهيداتك معابد نوري والبركل
نجيمات عالية بتلالي
وليها الأيدي ما بتوصل
مناظر في ضفاف النيل
مراكب سايرة تتمهل
حبيبات الندى التنزل
على الأزهار وتتكتل
خصيلاتك سبايب الليل
وناس بتدوبي نص الليل
وموية الوادي لما تسيل
جداول بين جنان ونخيل
بسماتك غيوم وسحاب
فراشات حايمة حول النور
زهور مزروعة حنب الباب
وطيور جنحاتها ما قامت
رسوم صبية في الكتاب
خطيواتك جناين دابة مسقية
وتعرفي برضو يا بنيـة
غرينيق فر جنحينـوا
وإيقاع مية في المية
وعينيك بمتلأ العين
وكتاب عنوانه مشتاقين


من يعرف شـاعر هذه القصيدة؟
الرجوع الى أعلى الصفحة اذهب الى الأسفل
كوثر يوسف عبدالصادق

avatar


مُساهمةموضوع: رد: هديــة المعذب إلى الســـبب    الثلاثاء 8 مايو 2012 - 10:20


والله لاقتنى لكن ما عارفه سيدا منو . بعد تعرفو سلم عليهو [center]
الرجوع الى أعلى الصفحة اذهب الى الأسفل
أحمد سركيس

avatar


مُساهمةموضوع: رد: هديــة المعذب إلى الســـبب    الثلاثاء 8 مايو 2012 - 13:03

القصـــيدة دي يا كوثر عاجباني شـــديد ومحتفظ بيها هي وقصيدة ثانية اسمها "وداع الاثنين" ... لكن ما عراف شاعرهم منــو.

"وداع الاثنين" أظنها من كلمات عثمان الفوراوي.
الرجوع الى أعلى الصفحة اذهب الى الأسفل
وليد العشي

avatar


مُساهمةموضوع: رد: هديــة المعذب إلى الســـبب    الثلاثاء 8 مايو 2012 - 15:09

(( بدل فاقد ))
الشاعر هو احمد سركيس
الرجوع الى أعلى الصفحة اذهب الى الأسفل
أحمد سركيس

avatar


مُساهمةموضوع: رد: هديــة المعذب إلى الســـبب    الثلاثاء 8 مايو 2012 - 15:34

شـــكرا يا ولي ليتني كنت شـــاعرا

ما تعرف ان كل شاعر يهيم بكل واد؟
و انهم دايما يقولون ما لا يفعلون؟

ولكن قال أحدهم:

الشعر من نفس الرحمن مقتبس والشاعر الفذ بين الناس رحمن
الرجوع الى أعلى الصفحة اذهب الى الأسفل
أبو البدري




مُساهمةموضوع: رد: هديــة المعذب إلى الســـبب    الأحد 17 ديسمبر 2017 - 5:42

كوثر يوسف عبدالصادق كتب:

والله لاقتنى لكن ما عارفه سيدا منو . بعد تعرفو سلم عليهو [center]


هأنذا اليوم بلحمي وشحمي. أبو البدري

   
   تحياتك ..
   تحياتك سلام مشتاق
   كتاب تبادلو العشاق
   وكلمة ريدة في الأحداق
   وهمسة ناس بتروي الريد
   وخاتم زكرى فوق الإيد
   تحياتك .. كلام يا حلوة بي طفلين
   يلمو الرملة فوق الطين
   وعينيكي البتملأ العين
   كتاب عنوانو مشتاقين
   وضحكة زول لطيف وحنين
   وجيناتك .. غروب وشروق
   ولون الريشة في الغرنوق
   وموية الوادي لما تروق
   رسالة صغيرة من عاشق
   بسلم فيها للمعشوق
   وبحلف ليهو بالريدة
   يقول مشتاق وحارقو الشوق
   بسيماتك .. حياة فنان
   مع الموسيقى والألحان
   ومنظر لوحة بالألوان
   ورحلة بلبل الجنة
   البهاجر من مكان لمكان
   ومشهد ناس بتتسالم
   وضمة ريدة بالأحضان
   وطيبة الناس نهار رمضان
   ملامح من ضفاف النيل
   حضارة نبتة في السودان
   نهيداتك .. معابد نوري والبركل
   ونجمات عالية بتلالي
   وليها الأيدي ما بتوصل
   جنادل في منابع النيل
   مراكب سايرة تتمهل
   حبيبات الندى التنزل
   على الأزهار وتتكتل
   وهزات فيها موسيقى
   مشاعر الناس وكت ترحل
   لدار مخضرة بالأزهار
   وفيها التل قصاد التل
   وخصلاتك .. سبايب الخيل
   وناس بتدوبي نص الليل
   جداول بين جنان ونخيل
   رمال ممتدة جنب النيل
   ومقطع غنية في منديل
   عويناتك .. غيوم وسحاب
   فراشات حايمة حول النور
   زهور مزروعة جنب الباب
   طيور جنحاتها ما قامت
   رسوم الصبية في الكتاب
   خطيواتك جناين دابها مسقية
   وتعرفي برضو يا بنية
   خطاك السايرة في دربي
   إيقاع مية في المية
كتبتها في الزمن الجميل وأنا طالب بمدرسة خور طقت الثانوية وألقتها المرحومة طيبة الذكر ليلي المغربي في برنامجها الصباحي نفحات الصباح في عشرينات القرن الماضي
الرجوع الى أعلى الصفحة اذهب الى الأسفل
 
هديــة المعذب إلى الســـبب
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
 :: منتدى الحصاحيصا الثقافى-
انتقل الى: