الرئيسيةس .و .جبحـثالتسجيلدخول

شاطر | 
 

 عازة السمحة ... شعر : صديق الرضي

اذهب الى الأسفل 
كاتب الموضوعرسالة
صديق الرضي

avatar


مُساهمةموضوع: عازة السمحة ... شعر : صديق الرضي   الأحد 13 مايو 2012 - 0:27



( عازة السمحة )

وجيهك شايل من النيل شبال
عيونك فاتحة شبابيكا علينا
نغازل فيها
ونرضى بتيها
نغني ونتعب في الموال
بنحكي همومنا
ونبكي نجومنا
وننعي الحال المال
وحبك يا امورة
لا هو خرافي ولا اسطورة
ما حبك قصة قديمة
وخالدة سطورا
حبك يا عروس
غابة ابنوس
ونخلة تكيد السوس
تغيظ العزال
ما حزمة نال
يا اجمل فال
يا ثغر بلدنا
وحلو جلدنا
وزهرة تقاوم في شلال
وسيرتك دايما فينا
صافية وزينة
بس ناقصنا نبل الشوق الطال
ونشرب من النيل ونداوي
جرحا فينا قديم
ونسمع من حبوبا حكاوي
وفيك يا عازة السمحة نهيم
ما اصلو الغول الشالك
هالك
وناسي وغافل ماضي رجالك
بكرة نصيدو
ونبتر ايدو
وبكرة نغني نشيل شبالك
وبكرة تزغرد ليك الدنيا
وكل الناس ح اسرها حالك
نغني نشيدك
فرحك وعيدك
نعيد ونقول
يا عازة وصال
الرجوع الى أعلى الصفحة اذهب الى الأسفل
وليد العشي

avatar


مُساهمةموضوع: رد: عازة السمحة ... شعر : صديق الرضي   الأربعاء 16 مايو 2012 - 4:24

وجيهك شايل من النيل شبال
رائع يا ود الرضى
الرجوع الى أعلى الصفحة اذهب الى الأسفل
(هبه) بت الحصاحيصا

avatar


مُساهمةموضوع: رد: عازة السمحة ... شعر : صديق الرضي   الأربعاء 16 مايو 2012 - 14:09



تسلم ود الرضي

شعر جميل جداً
الرجوع الى أعلى الصفحة اذهب الى الأسفل
 
عازة السمحة ... شعر : صديق الرضي
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
 :: منتدى الحصاحيصا الثقافى-
انتقل الى: