الرئيسيةس .و .جبحـثالتسجيلدخول

شاطر | 
 

 امثال شعبيه سودانيه

اذهب الى الأسفل 
كاتب الموضوعرسالة
امين سنتر




مُساهمةموضوع: امثال شعبيه سودانيه   الأربعاء 17 أكتوبر 2012 - 11:21


شوكت الشقى فى الكبده تتلقى
ودى بتتقال لى الزول الحظو كعب ودايما بلقى العوارض فى طريقو
التسوى كريت فى القرض تلقاهو فى جلدها
وكريت للما بعرفها هى الغنمايه
والمعنى انو الغنمايه لما تاكل من شجرة القرض وتتضرها الضرر ده بتلقاهو فى دباغه جلدها بى القرض وده بتقال لى الزول البيعمل ليه حاجه مضره ويجيه الجذاء من نفس نوع العمل
جارك القريب ولا ود امك البعيد
وده بتقال لى التاكيد على اهميه الجار الوصانا عليه الرسول صلى الله عليه وسلم
التسوى بى ايدك يغلب اجاويدك
اها وده بتقال لى الزول الشليق البسوى ليهو حاجه ويحتار ما يعرف يحلها او يمرق منها كيف
اب سنينه يضحك على اب سنينتين
وده بيتقال لى الزول العندو عيوب كتيره وبيضحك على زول عيوبو اقل منو
جنا الفار حفار
وده للولد البيشبه ابوهو فى افعالو
الرجوع الى أعلى الصفحة اذهب الى الأسفل
 
امثال شعبيه سودانيه
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
 :: منتدى الحصاحيصا الثقافى-
انتقل الى: