الرئيسيةس .و .جبحـثالتسجيلدخول

شاطر | 
 

 كلام سمح بالحييييييل

اذهب الى الأسفل 
كاتب الموضوعرسالة
محمد صديق مساعد




مُساهمةموضوع: كلام سمح بالحييييييل   الأربعاء 9 يناير 2013 - 16:13

دقيـت اليميـن انـو القمـر إتدلى
في نص النهار سارح يحوم في الحله
غيمت السما وشـرقت نجـوم تتجلى
وانبهرت عيون عاجـباها خـلقة الله


سبحان الخلق سواها واحده فريدا
وخلى الليل يجي وينزل ينوم فوق إيدا
والنجم انتظم عقداً جميل فوق جيدا
زي طفلاً وديع من نظرة بسبت ريدا
في الذوق والجمال ما شفت اصلي نديدا

أزمعتي الرحيل قصدك تزيد يجروحي
يا ام خشماً تقيل بى حبي مابيا تبوحي
حبك في الفؤاد دايماً مشحتف روحي
وين القى الرقاد كان ناوية انتي تروحي

مطر الريد رشع وأنا وإنتي إترشينا
وإتشابينا فوق ضهر السحاب ومشينا]
وشك قوس قزح يا السمحة يوم تغشينا
سارحين في الخصل وجوا العيون طشينا
الرجوع الى أعلى الصفحة اذهب الى الأسفل
محمد صديق مساعد




مُساهمةموضوع: رد: كلام سمح بالحييييييل   الأربعاء 9 يناير 2013 - 20:08

جِبِلِّى حَيَاكْ وفِى مَحْيِاك نُوراً سَاطِعْ
صَامْتَه ثَابْتَه لاَبْسَه الهَيْبَه تُوبْ ومَقَاطِعْ
يَا البِتْسُرِّى لَفْضِل دُرِّى مَابِتْوَرِّى فِيكِ مَقَاطِعْ
بِتَخْفِى الأطْلَس الصَّنَّاعُو بَارِع وبَاتِعْ

نَجْلاَء ومَحَوَّرَه وسَحَيِّه عَينَه كَحِيلَه
عَالْيَه رَطِيبَه لَكِن فَاتْرَه مَالَها حِيلَه
عَالِى صِدَيرَه قَد كَان فِى حَشَاهَا نَحِيلَه
مِنْ أرْدَافَه رَادَّه القُومَه عَاكَّه وحِيلَه

بِقَفَاك الدُّنْيَا ضَاقَت مِسْخَت عَلىَّ هَبُوبَه
أنْظُرِى حَالِى شُوفِى عِيُونِى كَيف مَرْعُوبَه
إنْتِ إنْ شَاء الله تَلْقِى العَافْيَه يَا المَحَبُوبَه
لامِنْ دَولَة الإسلامْ تَكُون حَبُّوبَه
الرجوع الى أعلى الصفحة اذهب الى الأسفل
 
كلام سمح بالحييييييل
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
 :: منتدى الحصاحيصا الثقافى-
انتقل الى: