الرئيسيةس .و .جبحـثالتسجيلدخول

شاطر | 
 

 يا بنيه وينك..

اذهب الى الأسفل 
كاتب الموضوعرسالة
معتصم السنجك




مُساهمةموضوع: يا بنيه وينك..   الأربعاء 13 فبراير 2013 - 16:28

انا ما البفارق سكتك قبال يحدد كيف يجيك
وأنا ما البستف اندهاشو وينتظر لحظة مشيك
وأنا ما البطقطق باب زمن عمداً بفرقو من وشيك
وأنا ما البفلق بالوجع حيطة غنا الحزن السميك
طيب إذا سافرتي ليه، جاياني في آخر الدرب
ليه ما استفزيتي المطر ينهي الحزازات بالحرب
ليه ما طلبتي من الشمس تعلن شروقه من الغرب
راجياني أرقص في بكاك يبكيني حسك وانطرب
إذن إنتي ما بتعرفي لي
سالمي الفجر وأديهو وصفي وخلي منك ليهو ضي
مديني إيدك للقدر نتونسك بالليل شوي
أوعاكي خوفك يندمج في حس هتافاتك علي
جوفي البريد عينيك رقد في حافة الجرح النزف
جرتقتي حسك بالغنا وسيرتي صوتك بالأسف
قلبك سكن آخر مضيق في الجوف ودربك ما انعرف
الرجوع الى أعلى الصفحة اذهب الى الأسفل
 
يا بنيه وينك..
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
 :: منتدى الحصاحيصا الثقافى-
انتقل الى: