تحياتي ليك عمو حسن وبالجد حاجه جميله ،،، صراحةً أنا ما كنت متصوره الموضوع كده ... أتاري الراندوك ده حكاااااااااايه

السلام عليكم ورحمة الله وبركاته
في الحيقيقه في الايام هذي صار يستخدمها الشباب كلهم وصار ت مححببه للطلاب والمشكلة انها مستخدمه في الجامعات ولكل فئه مفردات خاصة يفهمونها بينهم وهي في تقديري تحوير للغه لكي تفي باحتياجاتهم وتتغير نسبة التحويربرأيي بالاوساط التي تستخدم فيها وتلقى تطويع للمفردات وهذه بعض الامثله عليها:
راندوك السواقين
في المواصلات العامه(الحافلات)يسمى صاحب الحافلة (الجلابي) ويسمى السواق المعلم اما المعاون فيطلق عليه لقب( الكمساري _البلف) وعندما يكون السواق مسرعا يقال السواق( بالي بل) بتشديد اللام وهي تعني السرعه
راندوك الطلاب
لهم مفردات غريبه مثلا يقال للصاحب (فرده_حبه_قربه)
(شرتيت) :الغبي
(جرينا):زهبنا
(ورل_ضب) :وتعني احمق
وعندما يتلاقى الطلاب اول يوم لديهم كلام يدل على الشوق
(وين ياقلب اخبارك شنو فيردالصديق اخبارنا باسطه كل سته في حته وكل تلاته في الخلاطه)
راندوك الشارع
وهو الاكثر انتشارا لانه معروف لدى الجميع ومن امثلته:
(يافرده الجلكين شتت خلينا نتخارج ياعمك)اول ماتسمع ماراح تفهم ايش يقول هذا الشخص ولكن هو قال لصاحبو ان ابوه خرج ويمديهم يروحو اي مكان يبغوه.
(يامان كحلت ليك حسس شتت مع الحبه داك) وهذي معناها انه شاف بنات حلوين مع واحد من خويانو
(نحلة)تقال للشخص الذي يفرض نفسه
(مرطب)تقال للشخص اللي شكله غني يعني ولد نعمه
(حسس)تقال للبنت الجميله
(اخد شاكوش)يعني جرب يحب وحده ورفضته
(القرد_النبق_غرزه_القزم)اسماء لرقصات شبابيه
(هوا)تقال للواصلين يعني يودي ورى الشمس
(جحا_اب سعده_ابيض ضميرك)تقال لرجال الشرطه اوالمباحث الجنائيه للتبيه بقدومهم
(شفت_راسطه_تفتيحه)تقال للذكي او سريع البديهه او متميز في شيء ما
(جومه_غدنجه_ماروقه_سفاسف)تطلق على الوليمه الكبيره
(مسطح)تقال للي جالس في جلسه ومخو في البيت
(قرصان)تعني خطيراومجرم اوحرامي
(كبايه) من لايجيد التفاهم مع البنات
(كسار ثلج) فتان
(رمتالي) تقال للشخص اللي يقعد في الشارع اكتر من البيت
(طبي_عشبي_معدني_قرمبوز)تقال للشخص جميل المظهر.

(راندوك جداوي) عيال جده
تلقى في بعض حواري جده عيال يتكلمو لغه غير مفهومه وانااعتبرها ايضا نوع من الراندوك لانو القصد منهم واحد مثلا تسمع:
(ارقسمع ارقنا اليورقوم مارقاني فارقاضي)
معناها اسمع ترا انا اليوم ماني فاضي
(الحمارقام لارقا يرقلقط الحار قب)
الحمام لايلقط الحب يعني اللي جالس معانالا يفهم ايش نقول
(تسوقها)يعني تستهبل على راسي
(ركبه) كذبه
(دعسنا)ذهبنا.

ياحبه -----------------------
بعض المصطلحات الجديدة:

الناموسة: البنت
الحنك شنو : الخبر شنو
والله داير اعمل أبو حمامة : داير امشي الحمام
خوجلي عثمان : تعنى الخجل الشديد
عشه الفلاتية : تعني وجبة العشاء
فاطنة الحاج: تعني الفطور
الفاتح النقر: التجاهل
عبد العظيم حركة : عامل حركات
عمر إحساس : متحسس شوية
زيدان إبراهيم : تعني الوصلة : زيادة الأكل
صلاح مصطفي: الإصلاح بين شخصين
على السقيد : شخص يحب السهر
كمال ترباس : قفلت الموضوع
صديق منزول : النزول
زيادة حمور : زيادة في السعر



نكتة :
القاضي للشماسي : أنت الجابك شنو هنا ؟؟؟؟
الشماسي : والله يامولانا كنا بنلعب طره كجنق بالشرتيت ،،،، فجأة الجمتي كبس... اثنين تفتيحة كبوا الزوغة ،،، وواحد فارة ماثل أمامكم .......[/

عندنا في حي الامتداد اكثر من يستعملون الكلمات الرمزية وحتى كلمة ماسورة خرجت من حي الامتداد واول من استخدمها السموؤال علي السمع وانتشرت في كل الحصاحيصا ومنها الي كل السودان
السيكابانا - هو الشخص الكذاب كذب ابيض بتاع ونسة وليس بتاع احتيال
خلف الله حمد - هو الشخص المتخلف
الفاصل الاعلاني - هوان تصمت عن الحديث عند مرور شخص لاتحب ان يسمع الحديث الجاري
تغيير الموجة - هو ان تغيير موضوع الحديث عند مرور شخص بقصد التمويه حتى لايعرف
وقد قال الشاعر كابوكي في هذا الموقف
[color=red]اذا كنت في مجلس ***** تتناول النكت والقفشات
وفجاة رايت امامك ***** صبية او نساء عابرات
فخير حل هو ان تواصل ***** حديثك وتغيير الموجات
وان لم تستطع فاصمت ****** واعمل فواصل اعلانات[/color]

الاخوة الاعزاء

بت الحصــــــــــــــاحيصــــــــــــــــــــا
حســـن وراق
الزعيــــــم

فى الحقيقة الموضوع شيق للغاية ولغة الراندوك كتيرة جدا وتختلف من منطقة لمنطقة زي ما قال اخونا وراق ,,,
من بعضها انتشرت كتير جدا حتي فى الوسط الاعلامي علي مستوي السودان والذي يحمد لة انها انطلقت من هذة المدينة الحبيبة الي جميع ارجاء المعمورة ومنها مصطلح الحمام الميت وكثيرا ما يستخدم فى الوسط الاعلامي الرياضي واخوانا الوصيفاب ادري بذلك ومنها مصطلح ماسورة وهنا لي وقفة واختلف مع الاخ عبداللطيف لانه مصطلح ماسورة ينسب لاخونا وحبيبنا النيل يوسف النيل هو اول من اطلق هذا المصطلح ومنه انتشر الي الوسط الاعلامي عن طريق الاخ شنقولي وبالمناسبة شنقولي دا ما لغة راندوك واخص بالكلام دا( الحسس) لانهم يحتمال ما بعرفو شنقولي وهو الاخ المرح المحبوب لكل فرد فى حي الامتداد (مبارك الشيخ)ومن منا لا يعرف هذة الكوكبة النيرة, وعلاقة شنقولي معروفة للكل بالوسط الاعلامي لشغلة فى صحيفة قوون الرياضية ومنة انتقل لقب ماسورة للاستاذ / رمضان احمد السيد رئيس التحرير وكتير ما يستخدمها فى كتاباتة بالاخص حين يتم تسجيل لاعب وتسبقة ضجة اعلامية ولا يستطيع اثبات وجودة فى الفريق وهنا ينطبق علية لقب مـــــــــــــــــاسوره (وارغو) ؟؟؟
ومن لغة الراندوك ايضا فلمك ميت وتنسب للاخ عادل نوبة (وين الزول دا يا جماعة ) كل من يعرف تلفونة الرجاء ارسالة لي على الخاص .
نــــــــــــــــــــــــواصــــــــــــــــــــــــــــــــــــــل وللحديث بقية
كل الـــــــــــــود
وكلنـــــــــــــــــــــــا حصـــــــــــــاحيصــــــــــــــــــــــا

والله يا بت الحصاحيصا انا ما نعرف اللغه ديه لكن بستمتع بسماعها
وفى مرة من المرات بتكلم مع (ملكة نرجس اللحظات ) جابت لى كلمة (سمبتيك )
عجبتى الكلمة وسالتها طوالى من معنى الكلمة قالت لى ان كلو تمام
وبقيت شابك فى الكلمة وارددها طوالى
وقبل كم يوم كان عندنا اجتماع لتنفيذ بعض الاعمال مع شركة الاسكودا
وبعد ما اتفقنا مع مديرها على كل شى قلت ليهو (خلاص كلو سمبتيك )
وما انتبهت للكلمة الا بعد قلتها
ولكى كل الشكر

الاستاذة بت الحصاحيصا والاستاذ وراق والاستاذ حافظ وجميع اعضا المنتدي
اسمحوا لي بسوال
ما هي النظرة الاجتماعية الان في مجتمعنا لهذه اللغة وماهو رايك/ي لهذه اللغة
يقال ان لغه الراندوك اصبحت لغة اساسية نتعامل بها في مجتمعنا الان

والله يابت الحصاحيصا ظبوطة يعني تمام

من أين اتت هذه المفردات ؟ اكيد بتكون من حدث معين مثلا كلمة ماسورة متداولة في الوسط الرياضي بشدة تطلق على اللاعب البكون ما على قدر المستوي
كسير تلج اورد الزعيم انها تطلق علي الرجل المنافق او الشخص الذي يكثر الاطراء علي شخص معين والكلمة يقال (والعهدة علي الراوي)
في جلسات الخمر (القعدة ) اكرم الله السامعين يكون هناك شخص يتولي الصرف علي القعدة واخرون يشاركون في الدفع (العدل) يكون هناك شخص لايشارك في الدفع وتكون مهمته تكسير التلج وتوزيعه علي الكؤوس يقال منها اتي مصطلح كسير تلج ...