إنهزم المعشوق الأحمر و لم يسقط !!

محمود علوب كتب:

الأخ / الرشيد ...
مريخك زاخر بالعناصر القادرة علي إحداث الفرق..
متي ما توفر المدرب الشاطر ..
مريخك دائما ما يخونه (التنظيم الجيد) داخل الملعب ..لاسيما في الشق الدفاعي ..
مريخك طغت عليه نجومية (الفرد) .. فأضاعت نجومية (الفريق)..
مريخك تملكته ثقة في هزيمة الغير ..
حتي نسي بان الغير قادر علي (مفاجأته)..

هلالنا لا يملك ما يملكه المريخ من نجوم ..
لكنه استطاع ان يملك (روح الفريق)..
والتنظيم الجيد داخل الملعب ..
و أحترام المنافس مهما كان ..

عموما ..
يخيل لي بأن التأهل للمرحلة القادمة ..
مربوط بالمبارة الأخيرة بين الهلال و المريخ ..
وهي لا تخضع لأي حسابات منطقية .

الأخ/الصادق علوب..

لك التحيه ورمضان كريم عليك و علينا..

وبعد..
نعم فرقتنا مُرصعه بالنجوم الأماجد وأراك(إن كان فهمي صحيحاً) قد وضعت عاتق اللوم علي جهازه الفني بقيادة إبن المريخ(ماذدا).. فهذه الفرقه لا يستطيع أبرع المدربين في و ضعها لنا في قالب نكون راضين عنه، فمن يختار المدرب و من يترك علي تلك الدكه المحظوظه!! ماذدا يكاد يكون أكثر مدربي السودان تأهيلاً في الوقت الحالي و لا تنقصه الخبره و يدعم ذلك تجاربه (المُره) مع الفرقه الحمراء و المُنتخب، فكم مره تم طُرده من داره الحمراء؟؟؟ و أحرقت سيارته و رموا بيته وأسرته بالطابوق و الحجاره المُوجهه لإخراجه من الوسط الرياضي، بل لحرق وجوده داخل هذا الوسط، و رغم هذا فهو يعود، و في باله تعويض ما فات و إسعاد تلك الجموع المُتحرقه لإستعادة تاريخ يفتقدها عند كل أبوابه وجنباته..إلا أن تلك الليله لم تكُن ليلة و هاج القلوب الأحمر..

و دمت أخي..

المارد كتب:

نجمة السعد
ماذا اصابها
ان مايحدث في هذا الكوكب يكاد يوصف بالكارثة التي لانعرف اسبابها
ليس للاعلام دور في مايحدث لانه زاتة حينما لعب المريخ النائي الكونفدرالي
ما اضر بالمريخ الاجهزه الادارية التي تقوم علي المجاملات
هنالك بعض الخانات محتكرة من غير داعي لاناس ملت الملاعب من اقدامهم
والاحترافية غير موجودة بين لاعبي الفريق اذن لابد من الثقافة
لوتذكر ون مباراة الصفاقس العام قبل الماضي كان المريخ قد خسر المباراة لانه فقد ثقافة النهائي
وخوف اللاعبين من ضخامة المناسبة كما حدث للمنتخب في نهائي الامم الفريقية العام المنصرم
ونسي اللاعبين ان سمعتهم وصلت المشرق والمغرب وان الاندية ستلعب امامهم واضعين الفارق نصب اعينهم ولاعبينا غارقين في العسل
ولكن هي كرة القدم
ومتعتها انها متعددة المذاق
وهذا مرها
سوف ياتي باسم الثغر يلوح بالاماني

أخي المارد..
أبدأ و انتهي معك من حيث إنتهيت أنت لأقول نعم..
سوف يأتي باسم الثغر يلوح بالأماني..

وأضيف..
أشوفك بكره في الموعد.. تصور روعة المشهد..
أنوم الليل أنا لا يمكن.. أساهر,, و(النجوم) تشهد..

الرشيد حبيب الله التوم كتب:

ودالاهلية كتب:

[/center]ياوارغو لك الحق في تمجيدك للمريخ لاكن سوف يظل المريخ علي هذا الحال مالم تحترفو بوضعكم الراهن المريخ يحتاج للكثير من الاصلاح من الاداره والفريق والاعلام والاخير له دور كبير في ضياع المريخ لانه يطبل بعيدا عن واقع المعركه وخير مثال المباراة الاخيرة وانت تقول الوالي قدم الكثير نعم قدم ولاكن لم يصنع الفريق المهاب والنادي تيم قوي يرتعش منه الخصوم واخذ الكثير من هيبة المريخ بادارته الغير ملمه بادارة الكره وفي النهاية هذا راي شخصي
ولك الود

إلي شقيقي الأصغر/ ود الأهليه أو (محمد حبيب الله التوم نمر)..

ياخ إنته ملاحقني لا خليت مسكولات و رسائل بعد الكوره في جوالي و مليت لي صندوق الوارد في إيميلي بكل ما كُتب و ما لم يكتب بعد وجيت تاني رديت لي في النت..و تاني مصاريف مني ليك مااااااااااااااااااااااااااافي و تلقاها عند الغافل!!؟؟
نعم هناك أوجه قصور في فريقنا لا ننكرها ولا نكابر بالقول عكس ذلك.. أن فريقنا سوف يدخلنا الفردوس المفقود في ظل هكذا ظروف.. إلا أن شماتتكم و الضرب بمقامع من حديد النقد حتي من أهل المريخ نفسه قد تفقد إدارة المعشوق ولاعبيه و حتي البعض من مشجعيه الإحساس بالأمل في تحقيق ما يفيد في ما تبقي من مباريات و هذا ما يريده منافسيه و المتربصين بإدارة الفريق الحاليه و علي رأسها الوالي الخلوق الذي يحبه حتي أعداءه وإن لم يجهروا بذلك!!!!!!!!!!!! ففي وجوده دوام عافية المريخ بإذن الله و عافية الكره السودانيه.. وبرضو بكره أحلي..

و بعد.. أخي الصغير..
يا أخ أنا للأن أذكر ذلك الصباح الضاحك عند قدومك لهذه الدنيا،، فبكيت بكاء لم تراه حتي أعيني من قبل.. و بكيت بعده مرةً أخري عند صباح أخر عند قدوم إبني الأكبر(حبيب) الذي أري فيه شخصك.. فلك منا حبال الصبر.. ياخ خلي لينا شفق من صباح نحزن و نفرح فيهو مع مريخنا ده.. و تسلم البطٌن الجابتك..
و دمت..

[center]ياوارغو دا اعتراف صريح منك وعقبال باقي المتزملين وبعدين حكاية المصاريف دي بقول ليك ابقي عاقل التقيل جاي ورا والمريخ دا ماحاتكلم فيهو تاني تيمنن بالمثل(الضرب علي الميت حرام) وبقول .. للحياة

لحن ... وللحن الة هى الهلال عشقه كل ذى فطرة سليمة الا من ابى ...

ود الاهية
يا صاحب الفطرة السليمة
لا تتعجل
نحن في المريخ نعلم ان الكبار يمرضون ولكن لا يموتون
هذه كرة القدم
الي متي تظل تشجع ناد يتباري زهاء القرن وليس لديه انجاز خارجي
ان المريخ اذاقنا حلاوة النصر والظفر بالبطولات وكذلك مرارات الهزيمة وويلاتها ولكن الفطرة السليمة تتطلب شخصاً جل اماله في الانعاش
هاك الفطرة السليمة دي
سليمة بائعة اللبن ؟
لك التحية

المارد كتب:

ود الاهية
يا صاحب الفطرة السليمة
لا تتعجل
نحن في المريخ نعلم ان الكبار يمرضون ولكن لا يموتون
هذه كرة القدم
الي متي تظل تشجع ناد يتباري زهاء القرن وليس لديه انجاز خارجي
ان المريخ اذاقنا حلاوة النصر والظفر بالبطولات وكذلك مرارات الهزيمة وويلاتها ولكن الفطرة السليمة تتطلب شخصاً جل اماله في الانعاش
هاك الفطرة السليمة دي
سليمة بائعة اللبن ؟
لك التحية

يا مارد.. ود الأهليه ده أخوي الصغير.. جهلول و مغرور.. شقي و مجنون..حاوي و صعلوك قهاوي.. شوف لينا ليهو حل غير كلامك اللطيف الكاتبو ليهو ده..

و دمت

لا شيخ
هههههههههههههههه
ربنا احقق امنياتكم

يا زعيم.. أسمح لي أسميك الزعيم(ضبابين).. عارف ليه؟؟؟ البوست ده خاص بالمريخاب المتيمين بمعشوقهم و وهاج قلوبهم الأحمر.. لم يغزو هذا البوست من الهلالاب إلا ثلاثه، محمود علوب، صديق قديم جديد و أظنو قال أطيب خاطر صاحبي ده و لا بأس أشاغلو شويه؟؟ و كتب ما يريد، أما ما يفيد لا يكتبه إلا بنو الأحمر لأبيهم الشرعي؟؟.. الهلالابي الثاني الذي تداخل هو شقيقي الأصغر(ود الأهليه)، وده موش أخوي من أب و أم واحده، برضو(ضبانه) .. و إنته يا زعيم لو واصلته معانا هنا، سوف نعينك زعيم (الضبابين) وليس(الضبان)، فحاشاك وأخي الحبيب محمد حبيب الله التوم أن تكونوا كذلك.. بس بطلوا(ضبابينكُم) دي؟؟؟؟
و دمت يا عزيزي

القصه ياعزيزي مجرد تفاعل او مجرد كلام فهمك مايمش بعيد
لو دا فهمكم كدا مامشكلة

الزعيم كتب:

القصه ياعزيزي مجرد تفاعل او مجرد كلام فهمك مايمش بعيد
لو دا فهمكم كدا مامشكلة

يا زعيم..
المشكله تواجدك هنا مع أخوي ود الأهليه هو أصل المشكله!!

قال تفاعل و مجرد كلام.. خلي يسمعوا بيك ناس صلاح مشكله؟؟

بلاي
---------------------------------------
ولسة ناس صلاح مشكلة ماسمعوا بي
---------------------------------------

الزعيم كتب:

بلاي
---------------------------------------
ولسة ناس صلاح مشكلة ماسمعوا بي
---------------------------------------

إن تعادّل أو تنازل
حاشاه يتأكل أو يتخاذل
لو إنهزم
أو ضهرو إنقصم
عندنا
لا يتقزم لا ينعدم
يشغلنا هم
و نبكيه بدمع الدم
يا مريخاب
تعالوا نتلم
حول النجم
ما أصلوا جوانا إترسم
بصّم وختم!!؟؟

المارد كتب:

ود الاهية
يا صاحب الفطرة السليمة
لا تتعجل
نحن في المريخ نعلم ان الكبار يمرضون ولكن لا يموتون
هذه كرة القدم
الي متي تظل تشجع ناد يتباري زهاء القرن وليس لديه انجاز خارجي
ان المريخ اذاقنا حلاوة النصر والظفر بالبطولات وكذلك مرارات الهزيمة وويلاتها ولكن الفطرة السليمة تتطلب شخصاً جل اماله في الانعاش
هاك الفطرة السليمة دي
سليمة بائعة اللبن ؟
لك التحية

الحمد لله انني حي ازرق بعدين بطولات خارجيه مين ياعم بطولاتكم الجبتوها من سنة حفرو البحر
ويكفي سيد البلد انو افضل فريق سوداني اداء في البطولات الافريقية والعربيه في الفترة الاخيره وياوارغو نعم انا مجنون بي سيدا وديدا وسادومبا وملك الامبله وارجو الراجيكم يوم 11 سبتمبر
ودي هدية لكل متورغن
http://www11.0zz0.com/2009/08/31/20/986803261.jpg

لا ياودالاهلية
الناس ديل ياخي ماتنسي جابوا بطولات خارجية وبطولات محليه وشرفونا وقالو عملو كتير وبعدين ماتنسي سليمة بائعة اللبن دا ما====
واحب اقول ليك بعض الكلمات اللهي =
الطيش في عين أمو بطل او زعيم
تحياتي

الزعيم كتب:

لا ياودالاهلية
الناس ديل ياخي ماتنسي جابوا بطولات خارجية وبطولات محليه وشرفونا وقالو عملو كتير وبعدين ماتنسي سليمة بائعة اللبن دا ما====
واحب اقول ليك بعض الكلمات اللهي =
الطيش في عين أمو بطل او زعيم
تحياتي

الزعيم و ود الأهليه
كويس إنكم بتحترفوا لنا بشئ ما خلدناه للتاريخ وأجبرنا الأخير أن يخلدنا من أماجده و صناعه، باقي الدور عليكم ؟؟ و إليكم أهدي هذا المقطع علكُم تناموا ليلة واحده و في خاطركم أمل لي بكره إنتو الإثنين بالذات يا ثنائي الوصافه..

بكره يا قلبي الحزين تلقي السعاده
و عيني تشبع نوم بعد ما طال سُهاده..

و الله لا يردكم لهذا البوست مره أخري..(بغيضين بغاضه) علي وزن (حلوين حلاوه)!!؟؟ للبلابل يا أبابيل الفتنه!!
و دمتم

يا رشا
وانا الهلابى رقم 4 وانضم الى ود الاهلية والصادق والزعيم عاشق سيد البلد
واتخيل لى احسن تغير العنوان
تحياتى