الرئيسيةس .و .جبحـثالتسجيلدخول

شاطر | 
 

  شقا اللقيا؟؟؟؟؟؟؟ظ

اذهب الى الأسفل 
كاتب الموضوعرسالة
كوثر يوسف عبدالصادق

avatar


مُساهمةموضوع: شقا اللقيا؟؟؟؟؟؟؟ظ   الأربعاء 17 أبريل 2013 - 4:20


مرقت بشيشي تتوق راجيه الحليله تروق
لاحقه الجنا المعشوق
جات مارقه مِنسرقه ، مستعجله القعدة
نص الهِدم مجرور ، والباقي بِلِّيمه
نص الوجيه مستور خجلانه ياحليله
مرسالو من اسبوع" برجاكي طرف الحله
عن سِدرة البابور" والموعد الليله
والبال شديييد مشغول
يات الدروب اقرب ؟ يات الدروب مهجور؟!
والبال شديد مشغول
شارع نفيسه هناك ، فيهو الكلب مربوط اكّان فتح خشمو كل الخلوق بتجوط
شارع الخِدر ودنور مزروبلو بغصون شوك، خوفا على المرحات والكم عجل مربوط
الشارع الوراني ، انا ووب علىْ مِنّو، ناس هوى تعال ما تفوت
الحلة جايطة اليوم
ناس في الدكاكين رصَّه ومَتكَّلين بالكوم
حظي الكعب ياناس واعدني هادي اليوم
جات مارقة منسرقة ومستعجلة القعدة خايفة الزمن لا يفوت
ظهرن لها التومات ستات شمار الحلة، فى الجبنة واللمات
نص الدرب واقفات
طوالي سعلوها" إت ماشه وين يابنيه مفقوده في الونسات؟؟!!."
(اتلفتت بي جاي واتلفتت بي جاي)
محتاره شن بتقول في ها المصيبه الجات
واتذكرت نعمات..
" انا شايلة ناس نعمات ، ما سمعتو؟! امس ما جات!"
جابت معاها رغيف وتشاشة الخرتوم ، جابت جنس حاجات!
"ارجينا نمشى معاك" هجمنها التومات
قالت لهن بسراع
قالوا التِلب محموم شايلنو للخرتوم كل الخلوق شفقانه وبالن كتير مهموم
انبهطن التومات وبسراع مشن خابات اصلو التِلب مو ساهل ضكران عشا البايتات
(اتلفت بى جاى واتلفتت بى جاى)
ما الحلة دايما فايرة، تتشارف الحرَّوم والشُفَّع الجايطين نوم النهار معدوم
عاد القيامة تقوم ان شافا اخوها التوم الشال هموما تِما من يوم ابوها المات
لا بلاوي لابغلت لا بيغفر الغلتات
المرقه مابدورا حتى ان بقت جارات
يا ربى استرني، والطف علي قليبي وتعدى هادى اليوم
يوما طويل وعريض اصلو اتقول سنوات
****************
حدفت حدا البابور والباقى بس خطوات.
عربد قليبا رجف، والروح حدا الحلقوم
كل الكلام طار راح الا القصد مفهوم
الكف ملاقى الكف بى رقة متلامسات
لامصدقه اللقيا ولاحتى اصلا جات
قبال تفك الليد شرَّف اخوها التوم
وسوس لها المريود... شايلك حمار النوم .
الرجوع الى أعلى الصفحة اذهب الى الأسفل
د . محمد طه منصور




مُساهمةموضوع: رد: شقا اللقيا؟؟؟؟؟؟؟ظ   الأربعاء 17 أبريل 2013 - 5:06

كوثر يوسف عبدالصادق كتب:

مرقت بشيشي تتوق راجيه الحليله تروق
لاحقه الجنا المعشوق
جات مارقه مِنسرقه ، مستعجله القعدة
نص الهِدم مجرور ، والباقي بِلِّيمه
نص الوجيه مستور خجلانه ياحليله
مرسالو من اسبوع" برجاكي طرف الحله
عن سِدرة البابور" والموعد الليله
والبال شديييد مشغول
يات الدروب اقرب ؟ يات الدروب مهجور؟!
والبال شديد مشغول
شارع نفيسه هناك ، فيهو الكلب مربوط اكّان فتح خشمو كل الخلوق بتجوط
شارع الخِدر ودنور مزروبلو بغصون شوك، خوفا على المرحات والكم عجل مربوط
الشارع الوراني ، انا ووب علىْ مِنّو، ناس هوى تعال ما تفوت
الحلة جايطة اليوم
ناس في الدكاكين رصَّه ومَتكَّلين بالكوم
حظي الكعب ياناس واعدني هادي اليوم
جات مارقة منسرقة ومستعجلة القعدة خايفة الزمن لا يفوت
ظهرن لها التومات ستات شمار الحلة، فى الجبنة واللمات
نص الدرب واقفات
طوالي سعلوها" إت ماشه وين يابنيه مفقوده في الونسات؟؟!!."
(اتلفتت بي جاي واتلفتت بي جاي)
محتاره شن بتقول في ها المصيبه الجات
واتذكرت نعمات..
" انا شايلة ناس نعمات ، ما سمعتو؟! امس ما جات!"
جابت معاها رغيف وتشاشة الخرتوم ، جابت جنس حاجات!
"ارجينا نمشى معاك" هجمنها التومات
قالت لهن بسراع
قالوا التِلب محموم شايلنو للخرتوم كل الخلوق شفقانه وبالن كتير مهموم
انبهطن التومات وبسراع مشن خابات اصلو التِلب مو ساهل ضكران عشا البايتات
(اتلفت بى جاى واتلفتت بى جاى)
ما الحلة دايما فايرة، تتشارف الحرَّوم والشُفَّع الجايطين نوم النهار معدوم
عاد القيامة تقوم ان شافا اخوها التوم الشال هموما تِما من يوم ابوها المات
لا بلاوي لابغلت لا بيغفر الغلتات
المرقه مابدورا حتى ان بقت جارات
يا ربى استرني، والطف علي قليبي وتعدى هادى اليوم
يوما طويل وعريض اصلو اتقول سنوات
****************
حدفت حدا البابور والباقى بس خطوات.
عربد قليبا رجف، والروح حدا الحلقوم
كل الكلام طار راح الا القصد مفهوم
الكف ملاقى الكف بى رقة متلامسات
لامصدقه اللقيا ولاحتى اصلا جات
قبال تفك الليد شرَّف اخوها التوم
وسوس لها المريود... شايلك حمار النوم .
شكر اخت كوثر على هذا الالق الجميل .... القصيدة في غاية الفخامة وهى تصوير منظوم يمثل ويشكل الواقع والمعاناة التي نعيشها في غير نقصان ولا اسراف .... قرأتها اكثر من مره وفي كل مره كنت اخرج بفكره اكبر واعمق من الفكره الاولى ... بساطة في الكلمات عذوبة في الاسلوب تلقائية وانسياب في المعاني بساطة في الفكرة برغم صعوبة تصويرها ... شكرا لك اختي العزيزة ... انا لست بناقد ولكننى محب للشعر اتحسس معانيه ماخفي منها وماظهر .
الرجوع الى أعلى الصفحة اذهب الى الأسفل
كوثر يوسف عبدالصادق

avatar


مُساهمةموضوع: رد: شقا اللقيا؟؟؟؟؟؟؟ظ   الأربعاء 17 أبريل 2013 - 6:58


اشكرك د/ محمد طه المنصور ع المرور الاكثر من رائع . وكذلك انا اخزتنى بتصويرها للحدث

بطريقة جميله وقد قرتها اخى اكثر من مرات ومرات فلم اشبع من تفاصيلها . وخاصتا

طريقة المخارجه من الجارات .تسلم د/محمد
الرجوع الى أعلى الصفحة اذهب الى الأسفل
عائشه ابراهيم بخيت




مُساهمةموضوع: رد: شقا اللقيا؟؟؟؟؟؟؟ظ   الأربعاء 17 أبريل 2013 - 12:21

المعانه تولد الابداع تسلمى يارائعه (كوثر) Laughing
الرجوع الى أعلى الصفحة اذهب الى الأسفل
أحمد سركيس

avatar


مُساهمةموضوع: رد: شقا اللقيا؟؟؟؟؟؟؟ظ   الأربعاء 17 أبريل 2013 - 16:01


" انا شايلة ناس نعمات ، ما سمعتو؟! امس ما جات!"

بدون تعليق
الرجوع الى أعلى الصفحة اذهب الى الأسفل
كوثر يوسف عبدالصادق

avatar


مُساهمةموضوع: رد: شقا اللقيا؟؟؟؟؟؟؟ظ   الأربعاء 17 أبريل 2013 - 19:57

عائشه ابراهيم بخيت كتب:
المعانه تولد الابداع تسلمى يارائعه (كوثر) Laughing


والابداع .من اكتر الشعراء المشهورين بالشعر القصصى اهلنا الشوايقه .

عندهم نظم للقصيده قمة الروعه
الرجوع الى أعلى الصفحة اذهب الى الأسفل
 
شقا اللقيا؟؟؟؟؟؟؟ظ
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
 :: منتدى الحصاحيصا الثقافى-
انتقل الى: