الرئيسيةس .و .جبحـثالتسجيلدخول

شاطر | 
 

 قصيدتي ( ماكان حالك )

اذهب الى الأسفل 
كاتب الموضوعرسالة
د . محمد طه منصور




مُساهمةموضوع: قصيدتي ( ماكان حالك )   الخميس 18 أبريل 2013 - 4:59



ماكان حالك
غناء الفنانة عافية حسن
1

ماكان حالك ياسيد الناس
ليه اتغيرته علي مالك
ماكنت زمان تسال عني
ايه الغير زمنك وحالك
بقيت قاسي وقاسي وصالك
ليه حارمنى افكر فيك
او حتى افكر فى سؤالك
ايه النساك ريدك مالك
وايه الشاغلك وشاغل بالك
ليه اتبدلته عليا كتير
وانا كنت زمان شاغله افكارك
خليتنى اريدك من جواي
من بين الناس قلبى اختارك
ادمنتو هواك حتى عيونك
وعشقته صدودك ودلالك
اديتك روحى وهبتها ليك
اصبحته ادور بس فى مجالك
خليت الناس ليك شان ارضيك
بى اجمل روح انا عايشالك
انا ديمة معاك وانته مسافر
حافظاك فى حلك وترحالك
حافظت عليك وعلى حبك
وسهرت الليل ارعى خيالك
جافيت النوم وجفانى كمان
مشغولة عليك ايه الجالك
الناس تتكلم عن غيبتك
وانا قلبى يدافع ويرتالك
مابتحمل فيك لو كلمة
لو جات سيرتك وجات احوالك
تلقانى معاك دون مااشعر
اتكلم عن اسباب غيبتك
وافسر ليك ماجيت مالك
وانا فى جواي مامقتنعة
كاتلنى بعادك ودلالك
رامينى هواك وبفتش ليك
خلصت معاك كل اعذارك
والليلة بعد صبر السنوات
نتقابل يوم
والقاك متغيره احوالك

2

ابدا والله ده ماانته
عارفاهو هواك وعارفه وصالك
الريد احساس مابيندسه
ولو كان دسيتو فضح حالك
ومابينفع فيهو كلام معسول
من وحى اوهامك وخيالك
ليه اتغيرته على مالك؟
انا صابره عليك وعلى بعادك
اوفيت بى وعدك وعايشالك
شايلاهو غرامك فى عيونى
اخلصت معاك رغم دلالك
حافظاها عهودك رغم جفاك
حافظاك جواي وبتمنالك
ترجعلى حنين وتلقانى
من بين الناس فى استقبالك
رايداك والله انا رغم الفيك
وصدقنى كمان مشتاقالك





وتوقفت القصيدة برغم احساسى بانها يجب ان تكتمل ولكن توقف الوحى وتوقف معه كل شى...

د. محمد طه منصور
الامارات العربية المتحدة - دبي
24/2/2008م
الرجوع الى أعلى الصفحة اذهب الى الأسفل
 
قصيدتي ( ماكان حالك )
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
 :: منتدى الحصاحيصا الثقافى-
انتقل الى: