الرئيسيةس .و .جبحـثالتسجيلدخول

شاطر | 
 

 (قصة ستة وستة شهور)

اذهب الى الأسفل 
كاتب الموضوعرسالة
عبيد الحاج




مُساهمةموضوع: (قصة ستة وستة شهور)   الأربعاء 1 مايو 2013 - 18:50


"صعب الرجوع"
و أخيرا ح اقدر أبوح و أقول
خلاص طلعتك من قلبي
و قفلت وراك الباب يا زول
يا زولا كنت سبب تعبي
كنت موقف كل حياتي
ليل و نهار بي كل سذاجة كنت أنا بيك تملي بهاتي
ستة و ستة شهور يا زول
فيهم دايرة أجيز القول
و أقول الكان مكتوم جواي
ما القصة بقت ما فارقة معاي
و في يناير كنت عرفتك
و قبل أعرفك كنت بقول
أوعاكي الحب يا بنية أوعاكي
لا بتستحملي جرح الريدة و لا ح تقدري تبقي براكي
أبقي بنية لضيضة شديدة و قلبك أمسكي زمامو عليكي
و في فبراير بح ليا بي ريدك
و دسيت منك إني بريدك
خفت الريدة و خفت دروبا
قت أسيبك قت أسيبا
بس رغما عني و غصبا عني
أصبحت حبيبك
بداية مارس بدت الغيرة
و لمن تبقى الغيرة كتيرة
نهاية القصة ح تبقى مريرة
في أبريل (غاب القمر و الغالي سافر مننا)
غاب الحبيب ساب القليب فاقد الهنا
غضب القلب و حلف يمين محال رجوعك لي أنا
في مايو طاب ليهو الرجوع
رجع أعتذر ذرف الدموع
قال للقلب طالب السماح يا سيد هواي
رد القلب غدار دموعك ما بتفيد
و هو ذاتو كان بدمع شديد
بس كان خلاص صعب الرجوع
في يونيو قال اشتقت ليك
بس كان خلاص صعب الرجوع
في يوليو قال صعب الفراق رد القلب صعب الرجو
أغسطس سبتمبر دموع
لكن كمان صعب الرجوع
أكتوبر نسيانك محال
نوفمبر انقطع السؤال
ديسمبر أقفلنا الدفاتر
و الدرس كان (أوعك تخاطر)
مالك و مال ذرف الدموع
بعدين تقول صعب الرجوع !!!!

%.......ابو عفاف......%
الرجوع الى أعلى الصفحة اذهب الى الأسفل
 
(قصة ستة وستة شهور)
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
 :: منتدى الحصاحيصا الثقافى-
انتقل الى: