الرئيسيةس .و .جبحـثالتسجيلدخول
شاطر | 
 

 افادات حول كادر الامن جمال فرفور

استعرض الموضوع السابق استعرض الموضوع التالي اذهب الى الأسفل 
انتقل الى الصفحة : 1, 2  الصفحة التالية
كاتب الموضوعرسالة
عبدالمنعم ترتورة

avatar


مُساهمةموضوع: افادات حول كادر الامن جمال فرفور    الأربعاء 9 أكتوبر 2013 - 13:33

نجلاء سيد أحمد وزوجها بخاري أمين
افادات حول كادر الامن جمال فرفور :

======================
كنا معتقلين انا ونجلاء في مكتب جهاز الامن ببحري محطة شندي وفرفور دا جاء داخل المكتب وافراد الامن قاموا ادوه التحية وطبعا هو ونجلاء من حلة واحدة الزول... دا ارتبك ارتباك مبالغ فيهو لمن لقانا وسلم علي في يدي وفط نجلاء مع انه نجلاء هي بت حلته دا كلب ممكن يعمل اي حاجة وقصة مستشار قانوني دي ذاتها ما مقسمه ورونا يا ناس جمال دا ظهر وين بصفته مستشار قانوني ... ديل ادوهم رتب ومرتبات من دم الشعب دا عشان يجئ يوم ويقول زي كلامه دا مفتكرين انه قاعدته الجماهيرية ممكن يأثر فيها

غور يافرفور

غور غور يافرفور والعب غيرا علي الجمهور
والحس كعب البوت الهالك من احذيه الدكتاتور
واقبض تمن النمه هزيمه وخيبه روح وضمير مكسور
غرد بره السرب وشنف أذن الطاغيه يامأجور
ﻻ بسوقوك ماليزيا معاهم ﻻ إيران يوم يقع التور
خون الدم السال في الشارع وكن جم قيقم كالصرصور
نحن بنات الشعب الطالع في وديان اﻻرض البور
نحن وﻻد الشعب الرائع شهيد وجريح وبطل مأسور
قسما ليس رخيصه دمانا ولن ننساها ليالي الجور
بنعرف مين الغنو جرحنا ومين الطبلو حرقو بخور
الوازا بتعرف اناتنا وبكت الكمبلا قرن التور
كم دوبينا وقلنا ابينا مسحنا دموعنا مع الطنبور
الطنباري مع الجراري والصقريه وغنا دارفور
عزفنا كرنا برغم حزنا وقرر شعب العزه يثور
سل حنجرتك فينا كخنجر واطعن فينا صدور وظهور
باكر تعرف كيف يامقرف ليس الفن عداد واجور

وقعو ايامك وينو مقامك من أفذاذا ضوو النور
وينو خليل في فرح أنغامك وين نيرودا السلفادور
وينو زئير الشعب الغاضب وين اكتوبرك الممهور
ياحكامه الضبع الجائع اخجل واﻻيام بتدور
وين مصطفي ودحاج سيد احمد وين حميدك ياطرطور
وين احزان الناس في غيك وينو ضميرك يامغرور

مهيره جساره وماندي طهاره وارجل منك يامذعور
بكره الشعب يسد الفارغه والمقدودة مصيرا الخور
تقفزو كالفيران في السهله كان مندور .غندور. فرفور
بكره تولع شمس العدل وتحرق كل شهود الزور
باكر تعرف كيف سودانا سامع وعارف كل مايدور
وكل الدنيا تولع شايفة مين طعن الشعب المغدور
غور غور يافرفور والعب غيرا علي الجمهور

الشاعر. هزاع مصعب سنهوري الخرطوم
الرجوع الى أعلى الصفحة اذهب الى الأسفل
أبو رائد

avatar


مُساهمةموضوع: رد: افادات حول كادر الامن جمال فرفور    الأربعاء 9 أكتوبر 2013 - 16:36

يعني كلك كلك كلك حلو دي مكنة يا عمك
الرجوع الى أعلى الصفحة اذهب الى الأسفل
الفقراوي

avatar


مُساهمةموضوع: رد: افادات حول كادر الامن جمال فرفور    الأربعاء 9 أكتوبر 2013 - 19:26

ومساءااات
ياخي دي مبالغه وكراهية
واول مره اشوف زول سوداني اسمو هزاع
فرفور فنان بصمه
لن ينتقص منه بقاء الانقاذ او ذهابها
ناس نجلاء وبخاري ناس لوحات حمراء
ومشكوك في انتمائهم -----
اذن هم لامرجع ولا مصداقيه يعتمد عليهم
وفرفور رجل سلوكياتو مافيها كلام
ولم يسقط كاخرين
حتي قال احدهم
اوضح حاجه في بلدنا صلعة فرفور
التحيه لمبدع تغلغل داخل وجدان الملالايين
وسنطرب له حتي لو تبين انه رفيق قوش
غني وردي للنميري والبلابل
وترنم ترباس للانقاذ وغيرهم
فهل سنقيم مقصله لمجرد الاختلاف السياسي
يا ترتوره --- البلد حلوه بي فرفوره
--------------------------
الرجوع الى أعلى الصفحة اذهب الى الأسفل
عبدالمنعم ترتورة

avatar


مُساهمةموضوع: رد: افادات حول كادر الامن جمال فرفور    الخميس 10 أكتوبر 2013 - 0:46

الفقراوي كتب:
ومساءااات
ياخي دي مبالغه وكراهية
واول مره اشوف زول سوداني اسمو هزاع
فرفور فنان بصمه
لن ينتقص منه بقاء الانقاذ او ذهابها
ناس نجلاء وبخاري ناس لوحات حمراء
ومشكوك في انتمائهم  -----
اذن هم لامرجع ولا مصداقيه يعتمد عليهم
وفرفور رجل سلوكياتو مافيها كلام
ولم يسقط كاخرين
حتي قال احدهم
اوضح حاجه في بلدنا صلعة فرفور
التحيه لمبدع تغلغل داخل وجدان الملالايين
وسنطرب له حتي لو تبين انه رفيق قوش
غني وردي للنميري والبلابل
وترنم ترباس للانقاذ وغيرهم
فهل سنقيم مقصله لمجرد الاختلاف السياسي
يا ترتوره --- البلد حلوه بي فرفوره
--------------------------
صباحات وفي وضح النهار
*أي كراهية تتحدث عنها، وشخص شاهد فرفور في مباني الجهاز، وزوجته المعتقلة معه من جيران فرفور، أي إثبات أكثر من ذلك تريد.
* أما حكاية الأسماء فلكل شخص حرية في اختيار اسم ولده او بنته، وأنا اعرف شخص سوداني مقيم في الكويت ولده اسمه باتل.
*وانت حر في اختيار فنانك المفضل، وكل شخص له مطلق الحرية في اختيار فنانه المفضل، ولا يوجد هنالك جهة لها حق حجر للمزاج.
* اما ولاء بخاري ونجلاء، فليس لك الحق في أن تٌقيم ولائهم للوطن، وحب الوطن ليس حكر على ألوان معينة ولا على نبته معينة "الشجرة الملعونة".
*إذا كان بخاري وولاء لا مصداقية لهم من اين لك بأن فرفور له مصداقية في تعامله مع معجبيه، ومن يخدع الناس أكيد تنعدم عنده المصداقية
* هنالك فرق بين وردي وترباس وغيره من الفنانين، أي نعم انهم غنوا لأنظمة قمعية، ولكنهم لم يحملوا رتية عسكرية عند نظام الأمن السوداني، وهو نظام معروف للقاصي والداني ولا أحتاج أن أشرح لك مدى كراهية الشعب السوداني لأعضاء هذا النادي القذر
* ويا فقراوي برضو البلد حلوة من غير فرفرة فرفور
* ويا خسارة أغاني الفنان المبدع الكاشف التي تغني بها كلب الأمن
* وأنا هنا لا أطالب بإقامة مقصلة ، ولا أطالب بمحكامة شخص، فقط أنا هنا اسرد حقائق كما وردت من شهود عيان، ومرة تانية العاجبو فرفور بحالته الراهنة ليطرب معه كيفما شاء، لكن أنا بالنسبة لي فقد اصبح فرفور  في موقع "الصفر على اليسار"
ودمت سالماً


عدل سابقا من قبل عبدالمنعم ترتورة في الخميس 10 أكتوبر 2013 - 13:39 عدل 1 مرات
الرجوع الى أعلى الصفحة اذهب الى الأسفل
عبدالمنعم ترتورة

avatar


مُساهمةموضوع: رد: افادات حول كادر الامن جمال فرفور    الخميس 10 أكتوبر 2013 - 0:48

أبو رائد كتب:
يعني كلك كلك كلك حلو دي مكنة يا عمك
مكنة بي 16 سلندر و32 صمام
الرجوع الى أعلى الصفحة اذهب الى الأسفل
ناجي جندي

avatar


مُساهمةموضوع: رد: افادات حول كادر الامن جمال فرفور    الخميس 10 أكتوبر 2013 - 13:32

ياخ حرام.. وردي مع فرفور حتة واحدة.. عارف وردي لما غاب عن الوطن سألوه ماذا تركت لنا في السودان؟؟.. فقال: "تركت لكم (طرطور)".. إشارة إلى فرفور.. بالله فرفور دا فنان مع ترباس ووردي.. يعني يا الفقراوي دا أحسن ما تكتب.. فرفور يا راجل؟؟. خليتو شنو لي ناس تامنة؟؟
الرجوع الى أعلى الصفحة اذهب الى الأسفل
عبدالمنعم ترتورة

avatar


مُساهمةموضوع: رد: افادات حول كادر الامن جمال فرفور    الخميس 10 أكتوبر 2013 - 13:42

ناجي جندي كتب:
ياخ حرام.. وردي مع فرفور حتة واحدة.. عارف وردي لما غاب عن الوطن سألوه ماذا تركت لنا في السودان؟؟.. فقال: "تركت لكم (طرطور)".. إشارة إلى فرفور.. بالله فرفور دا فنان مع ترباس ووردي.. يعني يا الفقراوي دا أحسن ما تكتب.. فرفور يا راجل؟؟. خليتو شنو لي ناس تامنة؟؟
شفت يا ناجي المحن
"اين الثريا من الثرى"
الرجوع الى أعلى الصفحة اذهب الى الأسفل
ناجي جندي

avatar


مُساهمةموضوع: رد: افادات حول كادر الامن جمال فرفور    الخميس 10 أكتوبر 2013 - 13:57

والله محن زمن.. الله يصبرنا على الإنقاذ وعلى والــ (القزاز).
الرجوع الى أعلى الصفحة اذهب الى الأسفل
الفقراوي

avatar


مُساهمةموضوع: رد: افادات حول كادر الامن جمال فرفور    الخميس 10 أكتوبر 2013 - 21:31

عبدالمنعم ترتورة كتب:
الفقراوي كتب:
ومساءااات
----
صباحات وفي وضح النهار
*أي كراهية تتحدث عنها، وشخص شاهد فرفور في مباني الجهاز، وزوجته المعتقلة معه من جيران فرفور، أي إثبات أكثر من ذلك تريد.

* ويا خسارة أغاني الفنان المبدع الكاشف التي تغني بها كلب الأمن
"الصفر على اليسار"
ودمت سالماً
ومساءااات
هسي دا منطق شنو ياناس
يعني لو قابلتني بكره في التجاني الماحي
حتقول الزول خلاص مخو اتلحس
ولااتصادفنا في كوبر حتقول طوالي الزول عليهو شيكاات
فرفور شخصيه عامه ممكن يتواجد عادي في اي مكان
بعدين نجلاء دي بتاعت ( قرفنا ) مصدر لاموثوق بيهو ولاحاجه
وكراهيتا للانقاذ معروفه اسفيريا
وبخاري ذاتو متهم من معارضين بانو ( غواصه كبيره) للكيزان
لادليل حسي ولا مصور ولا افادة موثوقه ولا ادني دليل
بس لانو فرفور زول محترم جدا قامت نجلاء ببث هذه الفريه
والتي وان صحت لا تنتقص كثيرا منه ---
اما الكاشف ذاتو لو كان سمع اغانيهو عند فرفور كان احتمال يتنازل ليهو عنها
اغتيال الشخصيه ادب سي يلجا اليه المفلسون ---
نجلا وراجلها عايزين يشتهروا علي حساب فرفور
بعد ان غربت شمسهم وحتي بعد جلد نجلاء من قبل الامن
فرفور خلاص عسكر في قلوب محبيه بالملالاييين
وشالو الكلام جابوه ليك -------
الرجوع الى أعلى الصفحة اذهب الى الأسفل
الفقراوي

avatar


مُساهمةموضوع: رد: افادات حول كادر الامن جمال فرفور    الخميس 10 أكتوبر 2013 - 21:45

ناجي جندي كتب:
ياخ حرام.. وردي مع فرفور حتة واحدة.. عارف وردي لما غاب عن الوطن سألوه ماذا تركت لنا في السودان؟؟.. فقال: "تركت لكم (طرطور)".. إشارة إلى فرفور.. بالله فرفور دا فنان مع ترباس ووردي.. يعني يا الفقراوي دا أحسن ما تكتب.. فرفور يا راجل؟؟. خليتو شنو لي ناس تامنة؟؟

ومساءاات

فرفور امتداد كبير ومستحق لهؤلاء المبدعين
وقد لاتقل شعبتو الجارفه عنهم
وله من المزايا الشخصيه ماقد يجعل البعض يميل اليه
فهو مثقف ومتواضع واجتماعي ومبدع من الطراز الاول
كونو لايعجب البعض هذا لايقلل ابدا من اعجاب اخرين به
وترباس نفسو من المعجبين بيهو -=-- رايك شنو ؟
تحيه لكل مبدعي بلادي بدون فرز ؟
ويابساط الريح ---- سلم علي ناس الجندي
----------------؟

الرجوع الى أعلى الصفحة اذهب الى الأسفل
حسن وراق حسن

avatar


مُساهمةموضوع: رد: افادات حول كادر الامن جمال فرفور    الجمعة 11 أكتوبر 2013 - 4:37

الفقراوي كتب:
ناجي جندي كتب:
ياخ حرام.. وردي مع فرفور حتة واحدة.. عارف وردي لما غاب عن الوطن سألوه ماذا تركت لنا في السودان؟؟.. فقال: "تركت لكم (طرطور)".. إشارة إلى فرفور.. بالله فرفور دا فنان مع ترباس ووردي.. يعني يا الفقراوي دا أحسن ما تكتب.. فرفور يا راجل؟؟. خليتو شنو لي ناس تامنة؟؟

ومساءاات

فرفور امتداد كبير ومستحق لهؤلاء المبدعين
وقد لاتقل شعبتو الجارفه عنهم
وله من المزايا الشخصيه ماقد يجعل البعض يميل اليه
فهو مثقف ومتواضع واجتماعي ومبدع من الطراز الاول
كونو لايعجب البعض هذا لايقلل ابدا من اعجاب اخرين به
وترباس نفسو من المعجبين بيهو -=-- رايك شنو ؟
تحيه لكل مبدعي بلادي بدون فرز ؟
ويابساط الريح ---- سلم علي ناس الجندي
----------------؟

يا فقراوي بس نسيت تقول فرفور زميل ودفعة ..ياخي دا فار فور
الرجوع الى أعلى الصفحة اذهب الى الأسفل
المحبوب أحمد الأمين

avatar


مُساهمةموضوع: رد: افادات حول كادر الامن جمال فرفور    الجمعة 11 أكتوبر 2013 - 8:44




والله ياترتورة لمن وضعتو في الصفر يسار ياخي ظلمتو  
رتبة في الامن والله شوية عليهو
وزول زي فرفور مفروض يكون لواء عديل
مش بسيطة عليهو يثري وجداننا ويغطس حجارنا ؟؟
ونجلاء من يوما محروقة عليهو بسبب العداد
بعدين تعالو هنا تقارنو وردي بي فرفور ؟؟
فرفور البغني "الحنينة العسكرا"
والطير المهاجم
وهجمة تصاريف الخريف
والناس الخرافة
معقول وردي يرتقي ليهو ؟؟
على كل حال إن شاء الله الكاشف يقوم وتقوم معاهو القيامة ونرتاح




الرجوع الى أعلى الصفحة اذهب الى الأسفل
صداح فاروق وراق

avatar


مُساهمةموضوع: رد: افادات حول كادر الامن جمال فرفور    الجمعة 11 أكتوبر 2013 - 17:25

من يُثرى وجدان الشعب لا يتأمر مع جلاديه بل ويكون الجلاد أبو نقطة .ده أول درس عصر فى يوم (قيامة) الشعب اللى بيحدد الخائن والشجاع والمتأمر .

بخارى عثمان الأمين ود الديم وبشريه ودفعة أقتصاد 93 ونجلاء بت المناضل سيد أحمد الشيخ أكثر وطنية ونزاهة ممن تضربهم (طراوة ) الأسافير .

أخيراً قل لى أين تقف ؟ أقل لك من أنت .
الرجوع الى أعلى الصفحة اذهب الى الأسفل
عبدالمنعم ترتورة

avatar


مُساهمةموضوع: رد: افادات حول كادر الامن جمال فرفور    الجمعة 11 أكتوبر 2013 - 18:08

الفقراوي كتب:
عبدالمنعم ترتورة كتب:
الفقراوي كتب:
ومساءااات
----
صباحات وفي وضح النهار
*أي كراهية تتحدث عنها، وشخص شاهد فرفور في مباني الجهاز، وزوجته المعتقلة معه من جيران فرفور، أي إثبات أكثر من ذلك تريد.

* ويا خسارة أغاني الفنان المبدع الكاشف التي تغني بها كلب الأمن
"الصفر على اليسار"
ودمت سالماً
ومساءااات
هسي دا منطق شنو ياناس
يعني لو قابلتني بكره في التجاني الماحي
حتقول الزول خلاص مخو اتلحس
ولااتصادفنا في كوبر حتقول طوالي الزول عليهو شيكاات
فرفور شخصيه عامه ممكن يتواجد عادي في اي مكان
بعدين نجلاء دي بتاعت ( قرفنا ) مصدر لاموثوق بيهو ولاحاجه
وكراهيتا للانقاذ معروفه اسفيريا
وبخاري ذاتو متهم من معارضين بانو ( غواصه كبيره) للكيزان
لادليل حسي ولا مصور ولا افادة موثوقه ولا ادني دليل
بس لانو فرفور زول محترم جدا قامت نجلاء ببث هذه الفريه
والتي وان صحت لا تنتقص كثيرا منه ---
اما الكاشف ذاتو لو كان سمع اغانيهو عند فرفور كان احتمال يتنازل ليهو عنها
اغتيال الشخصيه ادب سي يلجا اليه المفلسون ---
نجلا وراجلها عايزين يشتهروا علي حساب فرفور
بعد ان غربت شمسهم وحتي بعد جلد نجلاء من قبل الامن
فرفور خلاص عسكر في قلوب محبيه بالملالاييين
وشالو الكلام جابوه ليك -------
نجلاء سيد أحمد وزوجها بخاري أمين
افادات حول كادر الامن جمال فرفور :

======================
كنا معتقلين انا ونجلاء في مكتب جهاز الامن ببحري محطة شندي وفرفور دا جاء داخل المكتب وافراد الامن قاموا ادوه التحية وطبعا هو ونجلاء من حلة واحدة
إذا قرات هذه الفقرة أعلاه ما حيكون ردك " هسي دا منطق شنو ياناس
يعني لو قابلتني بكره في التجاني الماحي
حتقول الزول خلاص مخو اتلحس"
يعني طرطور لمن دخل مباني الأمن ليس من أجل أن يبحث عن قريب له معتقل، دخل مكاتب الأمن بصفته منتسب لهذا الجهاز القذر، فهمت الفرق والله اعيد
الرجوع الى أعلى الصفحة اذهب الى الأسفل
عبدالمنعم ترتورة

avatar


مُساهمةموضوع: رد: افادات حول كادر الامن جمال فرفور    الجمعة 18 أكتوبر 2013 - 13:57

" />
الرجوع الى أعلى الصفحة اذهب الى الأسفل
الفقراوي

avatar


مُساهمةموضوع: رد: افادات حول كادر الامن جمال فرفور    الجمعة 18 أكتوبر 2013 - 16:38

ومساءااات
لي بكره ولي السنه الجايه
ولحدي ذهاب الانقاذ وكشف المستور
لا احد يملك دليل ادانه واضح ضد الرجل
نجلاء قرفنا ليست مصدر موثوق
وهي معارضه صناعة الاسافير
وتحاول ان تجد لها موضع قدم معارض
فرفور حبيب الملالايين حتي بيان اخر
قالوا وقلنا بلا دليل ---- كلام ساكت
وسجل من غنوا قبله للحكومات موجود وموثق
قالت شافتوا -------- معقوله بس ؟
الرجوع الى أعلى الصفحة اذهب الى الأسفل
المحبوب أحمد الأمين

avatar


مُساهمةموضوع: رد: افادات حول كادر الامن جمال فرفور    الجمعة 18 أكتوبر 2013 - 20:29




بافقراوي كل سنة والناس كافة طيبين
وعيد مبارك
مداخلتك الاخيرة دي إنطوت على أخطاء يفضل تداركها
قلت ".....لي بكره ولي السنه الجايه
ولحدي ذهاب الانقاذ وكشف المستور
لا احد يملك دليل ادانه واضح ضد الرجل ..."
فربطك لذهاب الانقاذ بكشف المستور مبالغة
ولسان حالك "نخليها مستورة" ودا ما موضوعنا
واحب أطمنك بأن الانقاذ فقدت مقومات البقاء والموضوع بي وقتو طال ولا قصر
نرجع لأوجه الخطأ في كلامك الفوق دا
واحد الناس ما بتكلموا عن إدانة بل عن "إتهام"
ولا أحد يملك الحق في إدانة الرجل حتى لو أقام الدليل
لعدم وجود الجريمة ابتداء
وحتى الان الكلام عن قيم واخلاق لم تتبلور كقانون حتى الان
الكلام المنشور بسند وقائع محددة تشير لإنتماء فرفور لجهاز أمن
والى الآن مافي جريمة إسمها جريمة الانتماء للأجهزة الامنية
بس الجهاز المعني متورط في جرائم يابها ويعافها الضمير الانساني الحي
وفرفور مغني وليهو جمهور زي ما انت بتقول ودي حقيقة
ومصدر الغرابة في الجمع بين كونك مغني بتشكل بصورة أو بأخرى وجدان الناس
وفي نفس الوقت بتكون جزء من منظومة بتقتل الناس "المعجبين" بسكاكين التعذيب ومطاوي الملاريا
وقع ليك ؟؟
وعلى فكرة فرفور بكون سمع بالاتهام دا فلماذا لم ينفيه وهو حارس ااجهزة الاعلام المسمومة والمقرءوة ؟؟
ثانياً تكلمت عن سجل الفنانين الغنوا للحكومات واظنك بتقصد الحكومات المستبدة
ما علينا
بس الناس هنا مش بتكلموا عن سجل الغنوا للحكومات أكان الديمقراطية أو المستبدة
لا يافقراوي
الموضوع عن الفنانين أصحاب "الرطب" العسالى في أجهزة "الجزارا"
أها إن بقى عندك سجل متل دا أمرقوا
وإن غلبك فبكون فرفور زيو وزي الغنوا للدكتاتوريات وزائد عليهم بـ "رطبة"
يعني قندول الرطبة هو الفندر ريكة فرفور


الرجوع الى أعلى الصفحة اذهب الى الأسفل
ناجي جندي

avatar


مُساهمةموضوع: رد: افادات حول كادر الامن جمال فرفور    الجمعة 18 أكتوبر 2013 - 20:54

جداً


عدل سابقا من قبل ناجي جندي في الجمعة 18 أكتوبر 2013 - 21:02 عدل 1 مرات
الرجوع الى أعلى الصفحة اذهب الى الأسفل
ناجي جندي

avatar


مُساهمةموضوع: رد: افادات حول كادر الامن جمال فرفور    الجمعة 18 أكتوبر 2013 - 21:00

هذا الطرطور.. أقصد الفرفور مطرب يطرب كثير ممن خلق الله وهو ليس بفنان.. فحنان بلوبلو لها معجبون مثلها ومثل فرفوركو.. وحتى كيمو المجنون فنان في احد أحياء الحصاحيصا وله معجبون.. نحن نعجب بمن نعجب بهم.. هذا خيار وحق.. ولكن تقييم عمل كل السابقين موكول بمن له ذوق نقدي فني.. أمثال السر قدور والذي هو معجب بفرفور جدا.. وأمثال محمد سليمان (جراب الحاوي).. أما نحن فلا نفهم في هذه المقاييس شيء.. لكن ما نفهمه هو أن فرفور لم يطرب مسامعنا يوماً.. لانه من جيل جديد لم يقنع اسماعنا (القديمة) بشيء.. ولا نسمح بقياسه بأحد الفنانين (القدماء).. فرفور مطرب مرحلة.. مثله مثل بلوبلو وندى القلعة وبلال موسى واحمد الصادق ومنو كدا ما عارف.. لهم مواسم طينية تنتهى بعد حين.. المهم (البائرات كتار والسوق كبير).. وكل باير بلقى سوقو.. والله في.
الرجوع الى أعلى الصفحة اذهب الى الأسفل
عبدالمنعم ترتورة

avatar


مُساهمةموضوع: رد: افادات حول كادر الامن جمال فرفور    الجمعة 18 أكتوبر 2013 - 21:34

تحياتي للجميع، إن الحقيقة التي لا يود الأخ الفقراوي أن يستوعبها، ربما لمدى إعجابه بفنانه المفضل.
وأنا لا أنكر أن هذا الفنان له محبيه ومعجبيه، وهذا من حق كل شخص أن يعجب بزيد او عبيد من الفنانين، "وحب الناس مذاهب".
وبما أن هذا الفنان كما يقول الفقراوي بأنه رقم في الغناء السوداني، فهذا يتطلب على الفنان أن يكون غدوة حسنة لجمهوره العريض، ليمتد بعد إعجابهم بفنه إلى إعجابهم بخُلقه وأخلاقه، ولكن عندما يصبح جزء اساسي وفعال في جهاز متعفن مهمته إهانة وإذلال كرامة المواطن السوداني، فهو غير جدير بأن يحترم كفنان، له شعبيته كما يقول الفقراوي، وخلاصة الموضوع هو أن هذا الفنان ثبت تواجده في مبنى الجهاز، ليس من أجل زيارة أحد المعتقلين هنالك، بل جاء من أجل الدوام، والدليل التحية العسكرية التي تلقاها من العساكر الأقل رتبه منه، وهذا عُرف يعرفه القاصي والداني ماذا يعني؟
لذلك لك الحق يا فقراوي في أن تدافع عن غناء فنانك المفضل، لكن لا تشكك في صحة معلومة انتمائه لهذا الجهاز القذر
فلا تستعجل الأمور سيسقط النظام وينكشف المستور
وثورة حتى النصر
الرجوع الى أعلى الصفحة اذهب الى الأسفل
الفقراوي

avatar


مُساهمةموضوع: رد: افادات حول كادر الامن جمال فرفور    السبت 19 أكتوبر 2013 - 18:32

المحبوب أحمد الأمين كتب:



واحد الناس ما بتكلموا عن إدانة بل عن "إتهام"
ولا أحد يملك الحق في إدانة الرجل حتى لو أقام الدليل
لعدم وجود الجريمة ابتداء
وحتى الان الكلام عن قيم واخلاق لم تتبلور كقانون حتى الان
الكلام المنشور بسند وقائع محددة تشير لإنتماء فرفور لجهاز أمن
والى الآن مافي جريمة إسمها جريمة الانتماء للأجهزة الامنية
بس الجهاز المعني متورط في جرائم يابها ويعافها الضمير الانساني الحي
وفرفور مغني وليهو جمهور زي ما انت بتقول ودي حقيقة



ومساءااات فرفوريه
نعم المتهم برئ حتي تثبت نجلاء ادانتو
هذا الكلام يرقي الي اغتيال الشخصيه
فكيف اذا صدقنا انو مخابراتي
هسي بقت كلمة كووز ساي بتخوف الواحد
فرفور زجاج بلوري يحمل معاني الخير والجمال
اي حاجه تتلصق بيهو بتشوهو
للاسف لا وقائع ولا سند ولا اي حاجه
مجرد ( قوالات )  ومن منو ؟
من ناس تدور حولهم شبهات غواصيه
وقد شكك معارضين كثر في مصداقية ثنائي النغم
نجلاء وبخاري ---
يا  المحبوب ياخي  اقطع تذكره
واطمئن واطرب حتي ياتي دليل قاطع
عندها سندين الفرفور ونشيل قروشنا وننزل من محطتو
صفق العنب  لي المحبوب الراقي ---------؟
الرجوع الى أعلى الصفحة اذهب الى الأسفل
الفقراوي

avatar


مُساهمةموضوع: رد: افادات حول كادر الامن جمال فرفور    السبت 19 أكتوبر 2013 - 19:04

ناجي جندي كتب:
. ولا نسمح بقياسه بأحد الفنانين (القدماء).. فرفور مطرب مرحلة.. .

ومساءااات الجمال ---
القدماء ديل شالو الفن معاهم ولا شنو ؟
قلنا ليك الرجل امتداد لهولاء
مافي زول بقدر بوجه الذوق العام
خليك مع اجدادك القدماء وما تحجر علي الاخرين
الفنان حينما يعبر الي قلوب المعجبين
لا يحتاج الي تصنيف ولا ترقيم ولا سماح من احد
نعم عليه ان يكون للجميع
وان يبتعد ان اي مواطن شبه
لكن علي الاخرين احترام خيار الملالايين --
المشكله ---- الانقاذ هي المشكله ؟
تحيات من صالة اسبارك سيتي ---
الرجوع الى أعلى الصفحة اذهب الى الأسفل
الفقراوي

avatar


مُساهمةموضوع: رد: افادات حول كادر الامن جمال فرفور    السبت 19 أكتوبر 2013 - 19:44

عبدالمنعم ترتورة كتب:
وخلاصة الموضوع هو أن هذا الفنان ثبت تواجده في مبنى الجهاز، ليس من أجل زيارة أحد المعتقلين هنالك، بل جاء من أجل الدوام، والدليل التحية العسكرية التي تلقاها من العساكر الأقل رتبه منه، وهذا عُرف يعرفه القاصي والداني ماذا يعني؟
لذلك لك الحق يا فقراوي في أن تدافع عن غناء فنانك المفضل، لكن لا تشكك في صحة معلومة انتمائه لهذا الجهاز القذر
فلا تستعجل الأمور سيسقط النظام وينكشف المستور
وثورة حتى النصر
ومساءاات
الدليل قالو لو
دا دليل يحتاج الي دليل
ياخي انا لو لاقيت ندي القلعه بديها التحيه العسكريه
اسمح لي ياغالي انا  لا اشكك وبس
انا  لا اصدق اي حاجه من طرف نجلاء قرفنا وبعلها
لانو هنا في غرض سياسي والغرض احيانا مرض وقرض
عندما يسقط النظام بكره
حنطالب فرفور باعتذار كبير لناس دوت كوم ولجماهير شعبنا الابيه
وكما اعتذر وردي متاسفا وباكيا  علي اغانيه للثورات الفاشيه
وقال انو كان مغشوش
وقبلنا اعتذارو ونسينا الحكايه
ربما نقبل غدا اعتذارو الفرفوري
او نشيل قريشاتنا وننزل من محطة الاعجاب
لاتغتالو الرجل لمجرد الاختلاف السياسي
ستذهب الانقاذ
وسيبقي الفن الخالد يطرب المعجبين
ترتوره --- خلي الانقاذ وكنكش في فرفوره
حتي بقي شعارو اليومين ديل
فرفره حتي النصر ؟
تحياتي بوضوح صلعة فرفور اللامعه ؟
الرجوع الى أعلى الصفحة اذهب الى الأسفل
الفقراوي

avatar


مُساهمةموضوع: رد: افادات حول كادر الامن جمال فرفور    السبت 19 أكتوبر 2013 - 19:52

ومساءااات
اسمع كلامو المرتب والانيق في اللقاء دا



لانو رقم فني وليهو تاثير حقيقي علي جمهور الشباب

هديه لدعاة الثوره السلميه
الرجوع الى أعلى الصفحة اذهب الى الأسفل
محمود علوب

avatar


مُساهمةموضوع: رد: افادات حول كادر الامن جمال فرفور    الثلاثاء 22 أكتوبر 2013 - 14:13

يعني يالفقراوي أخوي ..
"أزهري محمد علي " تطلع أشعارو  "جلبطة" .
و " جمال فروفور " يطلع " زجاج بلوري " ..
.
.
.
و الله لو لا إختلاف الاراء .... لبارت السلع .
الرجوع الى أعلى الصفحة اذهب الى الأسفل
 
افادات حول كادر الامن جمال فرفور
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 2انتقل الى الصفحة : 1, 2  الصفحة التالية

صلاحيات هذا المنتدى:لاتستطيع الرد على المواضيع في هذا المنتدى
 :: منتدى الحصاحيصا العام-
انتقل الى: