علي فكرة انا بحب الشعر وبحب اكتب وعندي بعض المساهمات المتواضعة ارجو انها تعجبكم

المشاركة بعنوان يا ظالمة

يا ظالمة وجايرة علي يا حاسة وناسية البي
لو شفت البي لكنت عطفت علي
لوطوفك وقف مرساه تعالي وطلي علي
اديني حب الزيف برضو كثيف
اصلو منك ذي سحابة صيف شايلة مطر قليلة كثيف

اغوص في بحورك ولسه القي الشاطي قريب
اتوه في حبك اكتر وأكتر وإنتي ليك الف حبيب

اعانق في اعماقك الحاضر الاقي الشاطر اتربع وليك قريب
وحاتك انتي كل اللي وكل البي وما في ليك نديد
معاك فرحت بالدنيا ونسيت الماضي والحاضر
وبقيتي لمستقبلي الشمعه بتنور احاول استنير بيها تجي العاصفة تطفيها
وأغوص في الظلمة من تاني وأفارق الماضي والحاضر وأعود لمستقبلي الجاير

ياريت لو اقرأ بعض من كتاباتكم لو عندكم الهواية دي علشان انا بالجد بحب الشعر جدا حتي لو اشعار ما حقتكم بس حقيقي لو كانت بتاعتكم بتكون اجمل مستنياكم

عسل ياهنويه ايو اظهر وبان عليك الامان
ايو ياحبيبه ادينا من ابداعاتك يارايعه
طبعا انت عارفه اختك مايتعرف التختح الهم الااشوف ليك شعر طبي وبرضو ماحيكون حقي
واصلي وانا حاتزوق شعرك بس
ماتنقطعي

هنوية


شكرا للمساهمة .. والى الامام دوماً .. فى انتظار المزيد


دمت

تسلم يا عمر وربنا يديك العافية

تحياتي الاستاذة الشاعرة/ هناء
القصيدة في غاية الروعة ونحن سعيدين بوجود شاعرة في قامتك معنا بهدا المنتدي ونحن طماعين وفي انتظار المزيد والي الامام ومزيد من التقدم
كمال حصاحيصا

علي فكرة بالجد انا لو بقيت شاعرة ذي ما بتقولوا بيكون بدعمكم الدايم لي بس بالجد بتمني انها تكون نالت رضاكم وشكرا يا كمال وتسلم

الى هنو فى العيد
ما بال هذا الظلم يصر على ملاحقتنا
كلماتك صادفت هوى فى نفسى
اليها 00 يا معذبنى عذب قلبى وتسلم ايدك
الليلة العيد
مع السلامة

نتذوق الكلمة التي تعبر عن الاحساس .. وقد لا نجيد كتابتها

لك التحية علي هذا الكم الجميل .. وزيدينا عشقا زيدينا .. فنحن نعشق الكلمة والحرف والتعبير

وكل عام وانت بالف خير

يا جماعة شكراً ليكم بالجد رفعتو من معنوياتي تسلمو علي المرور وكل سنة وانتو بألف خير

جبتها من وين دي يا حمااااة

كانت رايحة مني