الرئيسيةس .و .جبحـثالتسجيلدخول
شاطر | 
 

 نن جم "إنجمامي وناح حمامي عشان يا حبيبي ما حفظت غرامي"

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
المحبوب أحمد الأمين




مُساهمةموضوع: نن جم "إنجمامي وناح حمامي عشان يا حبيبي ما حفظت غرامي"    الإثنين 12 مايو 2014 - 5:08




لـود فرح قصة دائما يحكيـها "فرمالة"
قصة مع أحد أقربائنا "أقرباءنا
"شيلو الكويسة والغلط واحد يصلحا"
"الهمزة على السطر دي تمرق روحك عشان تبقى على نبرة"
المهم
ودفرح كان دائماً بسألوا "الفضل طهورك متين ؟؟"
إجابتو دائماً بتكون "في رجب"
وما بعمل فاصل بين الفي والرجب
أمو كانت مواعداهو إنو طهورو "المقدم الله" في رجب
وبي دروشتو ديك مسك ليك في رجب
تمر الأيام والسنين والفضل كِبِر الحمد لله
وأبوهو نقلو المناقل والفضل سكن هناك
وفي واحدة من جياتو ودفرح لاقاهو
وبعد السلام وحق الله بق الله
قام ودفرح سألو "أها آآلفضل طهورك متين ؟؟"
داك بتلقايته وقبل ما يتمو ليهو السؤال قال لودفرح
"في رجب"
وقبال ما يتم كلمة رجب إستدرك وقال
"هي هي هي ياودفرح ما طهروني"


الرجوع الى أعلى الصفحة اذهب الى الأسفل
المحبوب أحمد الأمين




مُساهمةموضوع: رد: نن جم "إنجمامي وناح حمامي عشان يا حبيبي ما حفظت غرامي"    الإثنين 12 مايو 2014 - 6:11




بمناسبة رجب

الختة
أو الصندوق
وهنا بسموها الجمعية
ممارسة تكافلية معروفة في الأوساط الاجتماعية
ومعروفة كمان في كثير من المصالح والمؤسسات
حتى في الأسواق والمجمعات التجارية
وحجم المبالغ المتداولة بختلف من منطقة لاخرى
وحسب طبيعة المتداولين
والمدى الزمني برضو بتفاوت من يوم حتى تلاتين يوم
في "ختات" يومية وأخرى إسبوعية وأخرى شهرية
وشخصية "أمين الصندوق" بالضرورة تكون محورية
بت العوض "عليـها الرحمة" كانت داخلة في صندوق شهري
أمينة الصندوق كانت بت بشير ربنا يديـها العافية "باقي بتعرف الحساب"
إمرأة حريصة وحقانية وغاية في الطيبة والحنية
جات يوم عشان تحاسب بت العوض في متأخرات
ولأنـهن الاتنين لا قراية لا كتابة
فبحسبن بكراب العنقريب "الحساب بالحبل"
ما كان في عنقريب عليـهو "لحاف"
تلقاهن كل واحدة ماسكة في كراب تحسب
قروش رجب وقصير وسايق الكرامات والويحيد
وصرفة فلانة كانت في يوم إتنين في سايق الكرامات
وداك دفعتيـهو يوم تمانية في قصير
وهن مشغولات بالحساب "الآلي"
يقوم واحد من الشفع يعتر في علبة "الدِهِن"
ودي علبة زمان لا يخلو منـها بيت وبدلعوها بـ"كركار"
وتم إستبدالـها حديثا بالبريل كريم والهيردوو
المهم بت بشير شغالة تلاتة في رجب
وخمستاشر في قصير
وتلاتة وعشرين في الويحيد
وواصلت وعينا في العلبة الإنكشحت ملت الفجة:
"زكية آآختي دفعنا ليـها حقـها يوم تمانية في الدهن الفات"



الرجوع الى أعلى الصفحة اذهب الى الأسفل
المحبوب أحمد الأمين




مُساهمةموضوع: رد: نن جم "إنجمامي وناح حمامي عشان يا حبيبي ما حفظت غرامي"    الإثنين 12 مايو 2014 - 6:20



بالمناسبة
قصير
وسايق الكرامات
والويحيد دي شهور مبروكة خلاس
وكمان سريعة مازي شهور الزمن دا
المرتب كان بسيط يقضيـها
وأسياد اللحم والخدار
وقروش الدقيق
والموجب
وقروش الدوا
وبعدا خاشين في الصناديق
جيب ليك شهر من بتاعين الزمن دا
تاح تراح "ديني"
دا لو ما "ألفحني"
أو
" حاصرني يا سيد الديون
"حللني حاول حس بي ألغفني وخت اللوم علي"
"جضمني والكاينا التكون "

الرجوع الى أعلى الصفحة اذهب الى الأسفل
حسن وراق حسن




مُساهمةموضوع: رد: نن جم "إنجمامي وناح حمامي عشان يا حبيبي ما حفظت غرامي"    الإثنين 12 مايو 2014 - 6:45

يالمحبوب وفرح ياتو فيهم ؟
الرجوع الى أعلى الصفحة اذهب الى الأسفل
حسن وراق حسن




مُساهمةموضوع: رد: نن جم "إنجمامي وناح حمامي عشان يا حبيبي ما حفظت غرامي"    الإثنين 12 مايو 2014 - 6:53

يالمحبوب وفرح ياتو فيهم ؟
الرجوع الى أعلى الصفحة اذهب الى الأسفل
المحبوب أحمد الأمين




مُساهمةموضوع: رد: نن جم "إنجمامي وناح حمامي عشان يا حبيبي ما حفظت غرامي"    الإثنين 12 مايو 2014 - 6:56




ود فرح "مختار أحمد الأمين "
أبو المختارات
في الصداقة لا يعرفون مختار
مختار في الحصاحيصا "مخير الله"
وودفرح في الحلة
كيفنك وطمنا عليك وكن بألف خير وعافية "حسن"
الرجوع الى أعلى الصفحة اذهب الى الأسفل
المحبوب أحمد الأمين




مُساهمةموضوع: رد: نن جم "إنجمامي وناح حمامي عشان يا حبيبي ما حفظت غرامي"    الإثنين 12 مايو 2014 - 6:59



وصارن بناتو المختارات بسببك
كما صار ودفرح بسبب الجراد عليه الرحمة
مسميهو على عماً ليهو "مختار ود إبراهيم فرح" ناس شندي والمتمة عليهم الرحمة







الرجوع الى أعلى الصفحة اذهب الى الأسفل
حسن وراق حسن




مُساهمةموضوع: رد: نن جم "إنجمامي وناح حمامي عشان يا حبيبي ما حفظت غرامي"    الإثنين 12 مايو 2014 - 7:05

انا في التمني
انا في الشمالية من الجمعة
آخر انبساطة ومافي شبكة غير بتاعة صيد السمك
مشيت في موسم الانتظار لا يوجد موسم الجميع ينتظر نضوج المنقة
الجو تغير180 درجة بعد بحيرة السد
امطار .ز شكشاكات و حاجات تانية
اكل و مرعي وقلة صنعة
تحياتي للمحبوبات وجدو ومثلو
الرجوع الى أعلى الصفحة اذهب الى الأسفل
المحبوب أحمد الأمين




مُساهمةموضوع: رد: نن جم "إنجمامي وناح حمامي عشان يا حبيبي ما حفظت غرامي"    الإثنين 12 مايو 2014 - 17:44




خلاس أخد ليك إنجماما شوية
بس ما تكتر من المنقة
بالمناسبة خليك في الشمالية بعد الكتاحة دي تروق
جوو قروو كلامك
مسكوا في المنقة
تقبل تحاياهم
وسلم لينا علي كل المعاك
الرجوع الى أعلى الصفحة اذهب الى الأسفل
المحبوب أحمد الأمين




مُساهمةموضوع: رد: نن جم "إنجمامي وناح حمامي عشان يا حبيبي ما حفظت غرامي"    الثلاثاء 13 مايو 2014 - 16:13



قالوا والقول يطير
عند استجواب أحد المتهمين بسرقة أموال من مكتب شيخ الحلة
المتحري : إنت أخوك رئيس ؟؟
قال لا لا
عند قريباً ليك في المجلس الوطني ؟؟
قال لا لا
ولا في واحد من معارفك في مجلس الوزراء ؟؟
قال لا لا
طيب عندك قريب والي ؟؟
قال لا لا
أها عندك قريبك معتمد ؟؟
قال لا لا
ولا عندك واحد مسئول من محلية ؟؟
قال لا لا
المتحري قال ليهو " طيب بتسرق فوق أم كم ؟؟؟!!!"





الرجوع الى أعلى الصفحة اذهب الى الأسفل
المحبوب أحمد الأمين




مُساهمةموضوع: رد: نن جم "إنجمامي وناح حمامي عشان يا حبيبي ما حفظت غرامي"    الجمعة 23 مايو 2014 - 19:54



في رجب في رجب انقرو ما نسينا الانجمامة ؟؟
ننجم


تكفي عيوني لمحة
وتكفي قليبي لمسة
قالوا لي انسى
وكيف انسى الليالي
العين الخجولة
والخد البلالي
العاقب محمد حسن رحمة الله عليهو
فنان وموسيقار ومجدد ومطور ليهو أعمال تنام في وجداننا في صخب








الرجوع الى أعلى الصفحة اذهب الى الأسفل
 
نن جم "إنجمامي وناح حمامي عشان يا حبيبي ما حفظت غرامي"
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
 :: منتدى الحصاحيصا العام-
انتقل الى: