الرئيسيةس .و .جبحـثالتسجيلدخول
شاطر | 
 

 قالوا المابعزيـهن في المرحومة "بيزلي" إن مات ليهو جرقاس ما بعزوهو "صورة للفقيدة"

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
المحبوب أحمد الأمين




مُساهمةموضوع: قالوا المابعزيـهن في المرحومة "بيزلي" إن مات ليهو جرقاس ما بعزوهو "صورة للفقيدة"    الأحد 18 مايو 2014 - 10:43




صغيرة وجاهلة
لا غلتت ولا فلتت
ليـها كم شـهر زاد دنيا ما دخل خشما
ما خلو ليـها حاجة
علماء في مجال الطب العلاجي
وعلى مستوى عالمي
والفقرا كان آخرهم فكي في "هاييتي"
قال ليـهم "لحظة" وكتب ليـها بخرات
إبخروا فيـها صباح وعشية
ياكافي البلاء المسكا ما فكاها
عين ووقعت فيـها
ومن زمن بيت الرئاسة  
لمن كانت بتتحاوم قدام الضيوف
مرات بالبجامة ومرات مرات بالإسكرت والبلوزة
قالو علق عليـها رئيس أفغانستان كرزاي
ما مقق ليـها قال "أحييي أنا عليك يا بيزلي"
قالو الجماعة هرشوا وقالوا ليـهو هويا زول إتشهد
حلف ما يتشهد
ومن يوما قالت "ياهو سبب أزاي"
ومرة تـهضرب غنت :
" أزونا وأزونا
الله يازي أريزونا
القمرا تحت السحاب
وأنا جاهلة ضقت العذاب
أموت ضحية شباب
للأهلو في الكبجاب"  
راقدة في العناية المركزة في البيت ليـها كم يوم
لكن من أول البارح إتنازلت
والناس مكسرة حارساها
زول ساي شاف ليـهو شغلة مافي
الزوار لمن وزعوهن علي الجيران
بيوت العائلة ما شالتن
صاحباتا المن بوسطن واكلاهوما وميرلاند جن يهوهِون
وصلتن كدي ومجرد ما شافنـها سون البدع
شالن الليل كلو نبيح للصباح
والبارح بعد صلاة الضهر ماتت في الازعاف قبال ما تصل المستشفى
وهن ما مصدقين
يهبشوا في كرعيـها ويشمموا فيـها في البصلة
الدكاترة إجارو من شافوها عرفوها طوالي
والنبتشي إتوكل علي الله وقال ليـهم يا ناس إنتو جُهال ؟؟
مالكن الموت ما بتعرفوهو ؟؟
دي ميتة ليـها ساعتين
ويلا السكلي ضرب ونسوانن بكاياتن !!
حي ووب حي ووب وقفن دالاس علي قنقرة ضنبا
والرئيس السابق "علي العليـهو" إنخلع لمن جاتو  رجفة
المهم صبروهو وشالوا جنازتن وروحوا بيـها
والفراش في دالاس في بيت العائلة
وقالوا بت رايس وهيلاري كلنتون من أيام التعب ما فاتن فارشات
وتحت تحت سمعنا قالوا "شايلات الحفة"
مغبوبشات إلا كان زيت سمسم "مُر" بتمسحن بيهو من الباعوضة بالليل  
ديكشيني والن رايتر وكلود ماير جوا بعربية "نوبيرا" خاصة
قالو كانو في فلوريدا في عقد ود بيتر الكوت في ميامي
مخير الله






صورة الفقيدة







نيويورك، الولايات المتحدة الأمريكية (CNN)-- الرئيس الأمريكي السابق، جورج بوش وعائلته في حداد وحزن على فقدان كلبتهم ميس بيزلي. وقالت العائلة في بيان لها: "توفيت هذا الأسبوع كلبتنا الحبيبة ميس بيزلي حيث تم وضعها للراحة الأبدية بعد معركتها مع مرض سرطان الغدد الليمفاوية.. كانت مصدر سعادة لنا عندما كنا في واشنطن وفي دالاس."

ويشار إلى أن الكلبة بيزلي عاصرت فترة الرئاسة لجورج بوش حيث كانت هدية منه لزوجته في العام 2004 وانتقلت للعيش في البيت الأبيض العام 2005 بعمر عشرة أسابيع بعد إعادة انتخاب بوش لفترة رئاسية ثانية.





الرجوع الى أعلى الصفحة اذهب الى الأسفل
المحبوب أحمد الأمين




مُساهمةموضوع: رد: قالوا المابعزيـهن في المرحومة "بيزلي" إن مات ليهو جرقاس ما بعزوهو "صورة للفقيدة"    الأحد 18 مايو 2014 - 15:32



الليلة يا ميس بيزلي الحنانة
الليلة يا الما زي بقية الخلوق شوفانه
الليلة يا الفُتي خليتينا حزانة
ودموعنا سارفة زي موية الخريف طوفانة
الليلة يا العديلة تعالي لينااا أبُردي حشانه








الرجوع الى أعلى الصفحة اذهب الى الأسفل
المحبوب أحمد الأمين




مُساهمةموضوع: رد: قالوا المابعزيـهن في المرحومة "بيزلي" إن مات ليهو جرقاس ما بعزوهو "صورة للفقيدة"    الأحد 18 مايو 2014 - 15:39




الغدد يا بيزلي ؟؟
وكمان اللمفاوية ؟؟
ما كنا بنغيرا ليك او نبدلا ليكي باي غدد
نحن غير الغدد والرُكب شن عندنا ؟؟
غدد تركبيها في أي محل تشتغل زي البُمبا
مالو المافي شنو ؟؟
لكن الحمد لله علي مراد الله








الرجوع الى أعلى الصفحة اذهب الى الأسفل
حسن وراق حسن




مُساهمةموضوع: رد: قالوا المابعزيـهن في المرحومة "بيزلي" إن مات ليهو جرقاس ما بعزوهو "صورة للفقيدة"    الأحد 18 مايو 2014 - 16:12

اجاركم الله يا حبو
اها الكشف الماسكو منو؟
باقي في جماعة دايرين يواجبو؟




يا حبو البوست عجبني وسرّ بالي وبدور انزلوا في عمودي يوم الجمعة (رحيق الجمعة ) شن بتقول
الرجوع الى أعلى الصفحة اذهب الى الأسفل
المحبوب أحمد الأمين




مُساهمةموضوع: رد: قالوا المابعزيـهن في المرحومة "بيزلي" إن مات ليهو جرقاس ما بعزوهو "صورة للفقيدة"    الإثنين 19 مايو 2014 - 10:48



البركة فينا وفيكم
ومن أمبارح مالك كت وين ؟؟
داك الليلة ما جيناكن في كلب عثمان
مالا دلاس بعيدة ولا مافي مواصلات ؟؟
أسي كانت وقفت في بنسلفانيا وأشرت ليك ليك لأي مكسيكي ما كان وقف ليك وصلك
الحمد لله
والقدم بالقدم والكلاب كلهن سجم
بعدين بوستك إسمو رحيق الجمعة تقوم تجيب فيهو عزاء ؟؟
عندي واحد تاني
ولحدي الجمعة خلينا نرفع الفراش ونشوف الحاصل



الرجوع الى أعلى الصفحة اذهب الى الأسفل
 
قالوا المابعزيـهن في المرحومة "بيزلي" إن مات ليهو جرقاس ما بعزوهو "صورة للفقيدة"
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
 :: منتدى الحصاحيصا العام-
انتقل الى: