الرئيسيةس .و .جبحـثالتسجيلدخول
شاطر | 
 

 استقبال المعتمد الجديد ووداع المعتمد السابق (شاهدوا الصور )

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
حسن وراق حسن




مُساهمةموضوع: استقبال المعتمد الجديد ووداع المعتمد السابق (شاهدوا الصور )   الأحد 18 مايو 2014 - 13:49

" />

تم اليوم بمحلية الحصاحيصا استقبال  المعتمد الجديد الاستاذ عبدالرحمن محمد موسي ووداع الاستاذ جلال الدين البشير المعتمد السابق والذي  امضي 7 اشهر بمحلية الحصاحيصا وفي حفل خطابي  القي السيد جلال الدين  كلمة وداع وترحيب بالمعتمد الجديد  ركز السيد المعتمد السابق في كلمته علي  اولويات تتلخص في شوارع الحصاحيصا والخطة الاسكانية وقضايا التعليم ومستشفي الاطفال بمشاركة لجنة تطوير مدينة الحصاحيصا  وتطرق حول  حريق الحصاحيصا و انتهاء لجنة التحقيقات وقد توصلت الي تعويضات المتضررين واما في ما يختص  بالريف فان هنالك مشكل العطش والكهرباء في مناطق ابوقوتة والربع هذا وقد شكر سيادته اهل الحصاحيصا علي تعاونهم  وقدم السيد المعتمد الجديد الذي شكر الحضور ووعد بانه سوف يسير في درب المعتمد السابق لتحقيق متطلبات التنمية المستدامة والمتواصلة ووعد تنفيذ المطلوبات بالتعاون مع كل الاجهزة الشعبية والتنفيذية و منظمات المجتمع المدني وسوف يقوم  بترتيب برنامجه للفترة القادمة
" />
المعتمد عبدالرحمن محمد موسي
" />
المعتمد السابق جلال الدين البشير
" />
الاستاذ علي البشري امين الوحدات التنظيمية
" />
جانب من التنفيذيين بالمحلية
" />
الشعبيين ابراهيم ابودرب و عصام مصطفي البشير و دكتور محمد الحسن بلال
" />
علي انغام دخلوه وصقيرا حام
" />
التسليم والتسلم
" />
جانب الحضور



عدل سابقا من قبل حسن وراق حسن في الثلاثاء 17 يونيو 2014 - 6:30 عدل 1 مرات
الرجوع الى أعلى الصفحة اذهب الى الأسفل
المحبوب أحمد الأمين




مُساهمةموضوع: رد: استقبال المعتمد الجديد ووداع المعتمد السابق (شاهدوا الصور )   الأحد 18 مايو 2014 - 16:03






حكاية يودعون المعتمد ويستقبلون المعتمد بقت مسيخة وما فيها تجديد ولا فيها حِس إبداعي
بعدين هي هيها قدر ما تجي تلقاها ياها ذاتا
فترنا من يودعون ويستقبلون المكتوبة زي جملة البصات "بكرة الركوب مجان"
لي شنو مافي كلام عن برنامج يطرح نعول عليهو ؟؟
وكمان كشف بما قام به القديم يوري الليهو والعليهو  إن أصاب نشكرو وإن ما أصاب "نشتِروا"
وكان المفروض اللافتة دي نلحقا  بيودعون
ونجيب لافتة جديدة نكتب عليها "العاملون الدائمون بالمحلية يناقشون برنامج المعتمد القديم "
وبعد كم يوم نجيب لافتة تاني نكتب عليها "العاملون الدائمون بالمحلية يدرسون خطط وبرامج المعتمد الجديد"
ونجيب لافتة دائمة من الاسمنت والبوهية جنب السكة حدييد
مكتوب عليها "إنتو المعتمدين ديل مالن بتغيروهن لي شنو ؟؟"
بعدين ياخي كلوو كلو مافي يودعون ساي ؟؟
المحيرني الدعاء الفي اللافتة بتاعة الدائمون دي "متمنين لهم القبول والتوفيق"
غايتو قبول مافي لكن التوفيق من رب العالمين



الرجوع الى أعلى الصفحة اذهب الى الأسفل
المحبوب أحمد الأمين




مُساهمةموضوع: رد: استقبال المعتمد الجديد ووداع المعتمد السابق (شاهدوا الصور )   الأحد 18 مايو 2014 - 16:15



بس براكن تودعو وتستقبلو ؟؟
وبتتمنو من الله بياتو صفة ؟؟
المحلية دي أهلا وينن ؟؟
ما يجو ويودعوا ما عزموهن لي شنو ؟؟
والجائي "منكرِب" دا ما كان يسأل من الناس الجائي يتعمد عليهن ديل وين مالن ما إستقبلوهو ؟؟
بس صقيرا حام صقيرا حام وخلاص ؟؟
والله الخوف يوم يجي الصقير دا حائم ما يلقى حاجة يقوم يشيل ليهو راس معتمد
يختها الله داك



الرجوع الى أعلى الصفحة اذهب الى الأسفل
عمارعبدالله




مُساهمةموضوع: رد: استقبال المعتمد الجديد ووداع المعتمد السابق (شاهدوا الصور )   الأحد 18 مايو 2014 - 19:42

أتواذهبوا ونفس الملامح والشبه ونفس النافذون ولاتنفيذ يذكر نحن نتدحرج للوراء وهم يعتلون منصات التتويج والوداع ونفس الأنغام التى تعودها إنسان المدينة الذى يمشى على تراب الارض وتراب الأرض يشكو له ظلم من أتوا ومن ذهبوا..ونحنيانانحن والهم فى الدم والسحنه..
الرجوع الى أعلى الصفحة اذهب الى الأسفل
أبو رائد




مُساهمةموضوع: رد: استقبال المعتمد الجديد ووداع المعتمد السابق (شاهدوا الصور )   الإثنين 19 مايو 2014 - 7:12

حظكم يا ابو على تضربوا لي في التمر ولحم الضان عزمات ساي مبروك عليكم ... لكن عمك دا شكله خير بجيب ضقلها يكشكش

الرجوع الى أعلى الصفحة اذهب الى الأسفل
صداح فاروق وراق




مُساهمةموضوع: رد: استقبال المعتمد الجديد ووداع المعتمد السابق (شاهدوا الصور )   الإثنين 19 مايو 2014 - 7:33

ساقية المعتمدين لسه ولسه مدورة .

بشرنا السابق بشجر المنقة فى كل حى وزاوية ، فجلست المدينة تحت ظل (المنقه ) المفترضة ممنية النفس بسقوط أخت تفاحة نيوتن على رأسها ، عسى ولعل أن تكتشف قانون الجاذبية الأدارية للفشل المرتبط بإدارية الحصاحيصا ، فطالت النومه ودخلنا عصر المعتمد الثانى عشر ، والمعتمد الثانى عشر جاء من بوابة الدفاع الشعبى وهى بوابة جاءت منها كل كوارث السودان ، فهل مثل تلك البوابة تحمل الخير للحصاحيصا ؟

الرجوع الى أعلى الصفحة اذهب الى الأسفل
مجذوب الطيب




مُساهمةموضوع: رد: استقبال المعتمد الجديد ووداع المعتمد السابق (شاهدوا الصور )   الإثنين 19 مايو 2014 - 9:06

شالو كوز  الالمنيوم وجابو كوز سبيل قديم ومطرقع انشاء الله  
     يكون كوز خير وبركة يروى ظماء مواطن الحصاحيصا
   بالطريق الممهد والنور المولع والشارع النظيف .
والا كاميرا وقلم وراق قاعدين خلى بالك .
الرجوع الى أعلى الصفحة اذهب الى الأسفل
عبدالمنعم ترتورة




مُساهمةموضوع: رد: استقبال المعتمد الجديد ووداع المعتمد السابق (شاهدوا الصور )   الإثنين 19 مايو 2014 - 10:34

حيكومات تجي ,,, وحيكومات تغور ,, وأرضك راقدة بور,,, لا تيراب وصل,,, لا بابور يدور
تف يا دنيا تف,, في هذ الزمن,,, تف يا دنيا تف

الرجوع الى أعلى الصفحة اذهب الى الأسفل
كوثر يوسف عبدالصادق




مُساهمةموضوع: رد: استقبال المعتمد الجديد ووداع المعتمد السابق (شاهدوا الصور )   الأربعاء 21 مايو 2014 - 8:16

نسال الله العلى القدير ان يكون قدومه قدوم خير وبركه كسماحة وجهه

وعلينا جميغا ان نتوسم فيه الخير .والعريس من بشتو والمطر من رشتو

يمكن نرجع الحصاحيصا تااااااانى
الرجوع الى أعلى الصفحة اذهب الى الأسفل
elrashid farah elhassan




مُساهمةموضوع: رد: استقبال المعتمد الجديد ووداع المعتمد السابق (شاهدوا الصور )   الخميس 22 مايو 2014 - 8:50

الشوارع+المدارس+الخطة الإسكانية المقدم فيها من ١٩٩٤
الرجوع الى أعلى الصفحة اذهب الى الأسفل
 
استقبال المعتمد الجديد ووداع المعتمد السابق (شاهدوا الصور )
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
 :: منتدى الحصاحيصا العام-
انتقل الى: