الرئيسيةس .و .جبحـثالتسجيلدخول

شاطر | 
 

 يا باشري ما تزدري

اذهب الى الأسفل 
كاتب الموضوعرسالة
بليغ جيفارا

avatar


مُساهمةموضوع: يا باشري ما تزدري    الخميس 29 مايو 2014 - 14:47

ثم ماذا بعد ي باشـــــــــــــــــــــــــــري
انتهت الانتخابات المليئة بالوعودات منك يا دكتور باشري والجميع في الانتظار لتحمل عصاك السحرية وتلبي لكل من وعدت بتحقيق وعدك له من دعم مادي وملموس
الكل في انتظارك يلا ورينا يا شيخ الطريقة وع فكرة شيخ م عندو كرامات ناس الحصاحيصا م بيقتعو بيهو زي ما بيقولو البنقالة قرقر كتير ما يبقي ( يعني كلام كتير ما عايزين )
شغل جلدي جلدي ( سرعة يعني ) وقع ليك اول شئ نحن كشباب عايزين نشوف الاستاد في لوحة فنية زي ما قلت ووعدت وده الاهم يا شيخ دي الحتة البتخصنا وما عايزين نشوف النيل بيلعب برا
وانشاء الملعب الرديف للاستاد دي لو عملتها والله انا والجكومي نجيك ونقول ليك مبروووووووووووك ... اما م يخص الاندية فلابد من تحقيق الوعودات انت يتشوفهم فوزوك وده المطلوب والفوز ساهل لو بطريقتك دي والله مجاهد ارنب لو قال كلامك ده يقوز وبالتزكية كمان
وانسي خلاص وقت القول جا ووقت الفعل والكوك ببين عند المخادة ... ولو طلع الكلام بندق في بحر حررررم تلقي نفسك داخل الاستاد بتزكرة لانو ممكن بشلة الدبايب تلقي نفسك هتاف بس انت برا الاتحاد ... خليك زي القبلك واحسن واخزلنا عليك الله وشكرا علي الحرس او البوابين الجبتهم للرواد  في البوابة ومنعهم الدخول وطردهم شر طردة من المقصورة الغريبة النزلوهم قبل كم يوم ديل خبرتهم ما عايزة شهادة مشكوك في امرها يعني ربع خبرتهم في العمل الرياض ممكن يوزن خبرتك دي مليون مرة
علي العموم ي ادكتور باشري الكورة في ملعبك ومخولة ليك اي سلطة في ايدك ..... وشايفك عملتا ليك حاجب كمان .. مخير الله
وموضوع بورتسودان ده انساهو خلاص عليك الله اهو استغليتو للانتخابات وقدرتا ترجح بيهو كفتك  وفي النهاية دي مشكلة حصلت بين تيمين اخوان والمصارين في البطن بتتشاكل ومن هنا احيي اخواني واصدقائي ببورتسودان الشقيقة ... وموضوع بورتسودان خلاص ببح انتهي ولي عايز مشكلة بورتسودان تجي تحل وعودك
علي العموم مالينا عداوة مع زول نحن همنا الوحيد مصلحة الحصاحيصا اولا واخيرا لانو الموسم ده عايزين وقفة جد وما ننسي مريخ الحصاحيصا ومشاركتو بالتأهيلي وموقف النيل المحرج بالممتاز ديل كلهم في عاتقك معلقين ... مشينا خلينا النيل في الممتاز والمريخ في التأهيلي ولو جينا ولقينا في نقص فيهم اسبوع ي باشري ما تلم في قرعة في المقصورة ولو في محلهم او المريخ صعد يبقي ليك الود والتقدير والاحترام ... وي حليلك يا USA جد براك تخرب
الرجوع الى أعلى الصفحة اذهب الى الأسفل
عثمان الضو الامين




مُساهمةموضوع: رد: يا باشري ما تزدري    الأحد 1 يونيو 2014 - 5:12

يا ود جيفارا !! الظاهر انك مشحون بطاقه وشحنات كهربائيه عاليه لاتقوى ماكينات الاتحاد على تحملها ، وحاجه زى دى بتودى الاخره وتخليك فحمه !!! وهل تتوقع بان ود باشرى له بعصا سيدنا موسى !!! ولا اريد الغوص فى الاعماق وفتق الجراح لان الضمادات غير موجوده !! وطالما ان هنالك اتحاد جديد ووجوه مكتسبه ديمقراطيا ورغم ان الديمقراطيه فى الارجاء لابد لها من شوائب!! ما علينا.. وعليه لو ان المقصود هو اعمار الاتحاد وروافده من الانديه فمثل هذه الحاله هو هو عمل فلتره للقلوب من الرواسب الموجوده ووضع الاكف مع بعض عشان ننجز حاجه قبل الدوره ما تدور من جديد وأكتفى...
الرجوع الى أعلى الصفحة اذهب الى الأسفل
بليغ جيفارا

avatar


مُساهمةموضوع: رد: يا باشري ما تزدري    الأحد 1 يونيو 2014 - 14:28

يا عمثان اخوي الطاقة دي ما من فراغ جاتنا اكتسبناها من خلال العك والتحسر علي وضع الحصاحيصا المأسف في خارطة الكرة السودانية وعن التكتل والشلليات والله لو حاجة زي دي بتودي الاخرة وتخليني فحمة والله لي الفخر اتفحم حسي اخير مما امشي الاخرة مطبل ومندي ... وبالنسبة لتوقعاتي بعصاة باشري الموسوية دي ما جات من برا الشبكة دي برمجة نزله هو في كل رياضي من خلال الوعودات النرجسية ونحن في الرياضة عمر الوعد قصييييير ولو ما اتنفذ بسرعة البرق يبقي ( ماسورة ) ما عصاية ... واريك شنو من خلال النافذة دي نقوم نفتق لينا كم جرح وعسي ولعل يكون بمثابة علاج وكمان ي باشا الجرح لو ما عصروهو شدييييد ونضفو ما بيبرى ...اما الديموقراطية البتتكلم عنها دي والله يعميني ولا حتي شوفتها في حلم ويكفي ما حدث في الانتخابابت الاخيرة ... اما قصة الاعمار للاتحاد والاندية ده شئ من المستحيلات ال 7 اكان النفوس بيضاء او اتلونت ياهو ده الحال الفوز بالكرسي وباي وسيلة او طريقة هو المطلوب ونحن الضحايه والله ي اخوي نحن قريبيييييين للوضع وللحال وللاسف الكل يتفرج لما آلت اليه حال الرياضة ويكفي مثالا فريق النيل الحبيب ومعاناته السنوية في الممتاز والكل يتفرج او مشغول بالكرسي ... الموضوع طوييييييييل لو حكيت ليك وع فكرة نحن من ناس الوجعة وقريبييين للوضع الحاصل وملمين باي شئ .. نرجع لودباشري وهو الان رئيسا واعلي سلطة رياضية بالبلد موقفو شنو من البيحصل للنيل بعد توليه الخلافة وهو للوقت م حرك ساكن لتدعيم الفريق سوا بالتسجيلات او بالدعم المادي لزوي الخبرة بالنادي والكل شايف الفرق بالمتتاز كيف بتنهش في النيل ولعيبتو ... ولسي العصاية م اشتغلت ي ربي عصاتو دي للتوكؤ ولهش المااااااااشية ...شكرا علي مرورك الراقي وردك الشافي الكافي المختصر ودمت خير صديق
الرجوع الى أعلى الصفحة اذهب الى الأسفل
 
يا باشري ما تزدري
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
 :: منتدى الحصاحيصا الرياضى-
انتقل الى: