الرئيسيةس .و .جبحـثالتسجيلدخول
شاطر | 
 

 مطلوب منحة لمشروع وثبة جمالية.. للزول

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
مجدى الفاضل




مُساهمةموضوع: مطلوب منحة لمشروع وثبة جمالية.. للزول   الإثنين 2 يونيو 2014 - 9:17

..وبعد ارزل العمر انخدعت واتعلمت معنى الحياة بعد دردرة ( شوفو جنس الشوفنية والفلقصة دى) ووصلت لقناعة انو نحن شعب غير عاطفى غير رقيق يعنى ناشفين فى مشاعرنا تجاه بعضنا او حتى تجاه نفسنا...الواحد تلقاهو معاهو قرشين حلوين ومصعبها على روحو ويقول ليك...هسى تلبس قيافة يطقشوك عين لمن تعرف الله واحد..او منشفها على الولية بحجة انو النسوان ديل لو اظهرت اى بادرة من بوادر الجيهة او تلبية الطلبات على طول يا عمك رقابةشديدة من الولية لانو زيادة القرش ووجاهة الراجل مدعاة للطبفة التانية او سك ام سكاكات لى راجلها شان يدردقنو ويعرسنو...عشان كده المرة تنكد عليك حياتك بالمصاريف لمن تفقع مرارتك ومرارة جيرانكم..ده كوم وبهدلة النسوان كوم الواحدة بى فستان الصباح القشرت بيهو بصلة الغداء للمساء عشان تعرف كلام وتكره النسوان والعرس زاتو..ولمن تجى تمشى بيت البكاء تتدخن وتتحنن وتتريح دى غلوطية عديييل كده..
وبعدين الرجل السودانى بكمل الكلام الحلو كلو قبل يعرس..شغال كضب ساى وطق حنك لحد ما عرس ..وطبعا كلامو كمل وصرفوا يجيب كلام حلو من وين...تلقاهو داخل صارى ومارق مبوز..وكان بقى فدامى وفرايحى وعايز يعبر عن مشاعرو ..يجيب ليهو كوارع للعشاء وهو داخل البيت..
وثقافة الزهور عندنا منعدمة او تكاد وممكن الواحد يربى ليهو كلب ولا كديسة ولا حتى ضب ولا يزرع ليهو زهور فى السهلة فى الشباك مثل كل شعوب العالم..
والامر انو كلامنا زاتو ناشف ودراب ..تلقى الواحد كان خفف دمو خلاص وبقى فرايحى يشاور ليك فى الشارع زى التقول بوليس حركة داير يعمل ليك مخالفة..او يقول ليك ..كيف يا فردة؟؟..شنو يا حبة..كيف يا ابو الزيق..
يعنى المصريين ديل وان وصفناهم واتريقنا عليهم بالحبرتجية الا انهم كلامهم حلاو.. صباح الورد يا باش..تأمر يا عمدة..سالم يا شكولاته..او السوريين ..على عينى...يسلموا...الله يعطيك العافية..شو ما بدك خيو...طل الخير يا زلمة..
با اخوانا عندنا جفاف وتصحر فى الكلام ..اى نعم الحياة قاسية والشمس حارة لكن ما لازم نرطب الجو شوية..نتكلم مع بعض بكلام جميل وعبارات رقيقة ..نزرع ورورد انشاء الله صبار ..نظهر مشاعرنا الايجابية تجاه بعضنا ونبوح بيها..نتواصل ونتهادى..نخلى القطيعة فى بيوت العذاء والمناسبات وحتى فى الاجتماعات ..محتاجين تغير سلوكنا الى قليل من المشاعر الدافئة والصدق....انا ما يانى ولا شنو البوست ده الا تقبضونى بى ..زى التكنى مهضرب ولا جرى لعقلى حاجة.. ..الجمال ده مهم ..الجمال الاخلاقى..جمال اللفظ ..جمال الكلام جمال التعامل ..جمال المظهر..جمال الاخلاص فى العمل والمهنة..يااخى نحن محتاجين وثبة جمالية..والله تكتروها ..اعمل لى مؤتمر الجمال..او الخطة العشرية للحالة الجمالية ..او مؤتمر الصلح الجمالى..والم ليكم كل المتمردين ضد الجمال..انشاء بعد داك نقسموا فى بعضهم لكيانات جماليةفرع سويسرا او تركيا او ماليزيا... وهيئة من برلمان كل اعضائه ذوىمواصفات جمالية محددة ليس بالهيئة فقط....او جمعية تطوعية جمالية..رأيكم شنو فى المقترحات المجندرة دى؟؟ على الاقل يكون مانشيت الصحف ..اختلاس مليار شتلة ورود...الاستيلاء على اراضى وتحويلها الى حدائق بغرض الثراء.. القبض على عصابة لتهريب حبوب الازهار والورود..وبدل ما تكون هناك خطوط حمراء للمنع تكون هناك خطوط بكل الالوان للمنع انشاء الله نكتب بالحبر السرى
.
الرجوع الى أعلى الصفحة اذهب الى الأسفل
حسن وراق حسن




مُساهمةموضوع: رد: مطلوب منحة لمشروع وثبة جمالية.. للزول   الإثنين 2 يونيو 2014 - 18:21

يا مجدي يا خوي
جري لعقلك حاجة
ايوا عرفت السبب
السخانة والكهربا قاطعة والشمس زي المصنفرة
تعرف نحن شغالين غلط مفروض يوم العمل يبدأ الساعة السدسة صباحا بعد صلاة الفجر وينتهي الساعة 10 مع الفطور والدوام التاني يبدأ الساعة 5 حتي العاشرة
شوف كان ىتلقي زول مبوز
تسلم يا ابو الفاضللا
الرجوع الى أعلى الصفحة اذهب الى الأسفل
 
مطلوب منحة لمشروع وثبة جمالية.. للزول
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
 :: منتدى الحصاحيصا العام-
انتقل الى: