الرئيسيةس .و .جبحـثالتسجيلدخول
شاطر | 
 

 البنقو السوداني.. بنقو!! (للمخخنجية فقط) موضوع بكرا

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
حسن وراق حسن




مُساهمةموضوع: البنقو السوداني.. بنقو!! (للمخخنجية فقط) موضوع بكرا   الأربعاء 4 يونيو 2014 - 17:53


رحيق السنابل


البنقو السوداني.. بنقو!!

(#) نشرت صحيفة الجريدة يوم أمس الأول خبرا (خطيرا) لابد من التوقف عنده ، الدراسة التي تحصلت عليها الصحيفة حول تعاطي المخدرات وسط طلاب الجامعات بولاية الخرطوم والتي بلغت نسبتها 31% أي أن ثلث طلاب الجامعات بالخرطوم يتعاطون المخدرات . الدراسة اعتمدت العينة العشوائية باختيار 5% من الطلاب والبالغ عددهم 8255 طالب كانت نتيجة فحص العينة مذهلة حيث تبين ان نسبة التعاطي بلغت 31% حيث كانت اعلي نسبة تعاطي وسط الذكور 7.8% أما الإناث بلغت النسبة 2.6% حيث تتداول المنشطات بنسبة 7% ويستخدم الكوكايين بنسبة 6% والهيروين 4% أما البنقو بنسبة 36% أي أن أكثر من الثلث يتعاطونه وهذه الدراسة تعتبر حديثة رغم أنها أعدت في يونيو حتي أكتوبر 2009 أي بعد مضي 5 أعوام فالحال الآن أسوأ بكثير والحكومة لم تقرع بعد جرس الإنذار.
(#) اعترف رئيس اللجنة القومية لمكافحة المخدرات البروفيسور الجزولي دفع الله بفشله في وقف انتشار المخدرات بشكل عام ووسط طلاب الجامعات بشكل خاص . يكشف البروف عن خطته (الانصرافية ) للمكافحة وكل همه استضافة رئيس الجمهورية و الحصول علي قطعة ارض لإقامة دار والعقارات الحكومية أكثر من الهم علي القلب . الهيئة القومية لمكافحة المخدرات لا تملك منهج لإدارة عملها بدليل أنها وقفت عاجزة أمام الانتشار الجنوني للمخدرات وكل النشاط موسمي في اليوم العالمي لمكافحة المخدرات فقط .الحملة الإعلامية عبر الملصقات والإعلان الثابت والمتحرك أصبح (بزينس) تجني من وراءه بعض الشركات والأشخاص أرباح بلا عائد علي الحملة .
(#) خطة عمل لجنة مكافحة المخدرات يجب أن تستصحب اختصاصي علم الاجتماع وعلم النفس خاصة لدراسة انتشار هذه الظاهرة وسط الطلاب ودور البيئة الجامعية وانتشار العنف الطلابي والتوقف المستمر للدراسة في الجامعات علي نفسية الطالب ودور القدوة وسط الطلاب في انتشار أو الحد من تعاطي المخدرات وسطهم بالإضافة إلي ضرورة توضيح نسبة التعاطي بالنسبة للطلاب القادمين من الأقاليم وطلاب العاصمة وبالضرورة لا يجب أن نغفل بداية تعاطي المخدرات وسط الطلاب ولماذا تكثر وتنتشر وسط المراحل المتقدمة ودور هاجس التوظيف عقب التخرج وضيق الفرص وهنالك أعداد لها أكثر من 7 سنوات منذ التخرج لن تتحصل علي وظيفة بعد بالإضافة إلي العوامل الاخري التي تعبد الطريق الجامعي لتعاطي المخدرات .
(#) لم تستفد اللجنة القومية لمكافحة المخدرات من تجارب الشعوب ودول العالم في هذا الشأن بالتضييق علي المتعاطيين عبر الفحص والاختبار الدوري و المتكرر للمتعاطين عبر ما يعرف ب Drug testوالذي تطور كثيرا وأصبح لا يستغرق دقيقة زمن شأنه شأن فحص السكر والحمل وتوجد أدوات الفحص وتنتشر بشكل تجاري . علي الحكومة إصدار أوامر صريحة باجتياز فحص المخدرات للحصول علي الوظيفة وتجديد رخص القيادة وحتى عند التسجيل ولابد من وضع عقوبة رادعة تصل إلي حد الإعدام للتجار والمروجين واستنفار الإعلام المرئي والمقروء والمسموع لقيادة الحملة بشكل ممنهج ودوري لآن اللجنة القومية لمكافحة المخدرات بشكلها الحالي هي المسئولة من ظاهرة الانتشار.
hasanwaraga@hotmail.com
الرجوع الى أعلى الصفحة اذهب الى الأسفل
بليغ جيفارا




مُساهمةموضوع: رد: البنقو السوداني.. بنقو!! (للمخخنجية فقط) موضوع بكرا   الأربعاء 4 يونيو 2014 - 19:04

ده كابوس بيخيم علي المجتمع وبذات في طبقة الشباب والاطفال للاسف يعني حتي طلبة الابتدائي كمية خيالية تتعاطي المخدرات او الحبوب (الخرشة ) وليها مسميات في وسطهم مثلا كوكو الضعيف وفراولة واسماء اخري  ومن خلال الاسماء وكثرتا تدل ع كمياتا وانواعا كمان وللاسف لانو معناها دي السوق ملان وعايز اعرف كيف تصل للطلاب ومن هم المروجين وكيف المقابل بتاعا اتمني يكون مقابل مادي ( اتخيل لي فهمتوني ) يعني دي جريمة تانية وانحطاط اخلاقي وسرطان يهدم المجتمع من الساس ,,, انا من خلال ملاحظاتي لقيت انو المتعاطين الضعار او فلزات الاكباد المدمنة بتتناولنا من باب (الشفتنة ) او دلالة علي اني شفت ومفتح والسبب في الشفتنة او التشبه بالشفوت اسياد الاسم ... اديكم نبذة بسيطة عن الشفوت الهم بتلقاهم في الوسط الفني يعني تلقي مثال لكلامي ده عازف الاورغن ضارب ليهو كرتين ( سيجارة بنقو ) ونظارة سودا ومفلفل شعروا ويعزف ويرقص وشغال كتم ويترنح مع الكتمات شمال ويمين وفوق وتحت afro  : وتلقي المعجبين حولو في لحظة انبهار واعجاب  Shocked بيقولو ( سجارتو شدييييييييييييدة ) يعني لو ما البنقو ما حايعزف كدة ... وتلقي الفراجة ديل تاني يوم فتشو درب البنقو وجابو كريم شعر اسمو بيبسي ( ع فكرة مهم للفلفة ) وعلبة كريم جيل والله ديل يخلو الشعر رهييييييب اسالوني انا .. هوووووي غشيتكم ..المهم يومي يفلفل ويشرب بنقو يفلفل ويشرب بنقو بس من وين بجيب القروش تدريجيا من حق الفطور لشحدت ماما الفرحان بيهو وبايتة القوه وتاني باع جوالو تاني فلس سرق او انحرف ( والانحراف خشم بيوووووووت ) يا ساتر  affraid affraid ... ما السبب الرئيس وما عايز اطيل عليكم هو الحكومة النائمة علي مزاجة الحكومة الداقسة  السمحت لكميات بتاععت مخدرات بالكمية المهولة دي تدخل الجمعات والمدارس ولاطفال في اعمار زي دي والغريبة انو ناس المكافحة مايين السوق والاقسام .. ع العموم دي قضية كبيرة وما بقدر اجملا ليكم في موضوع بسيط زي ده .. ونسيت دقيقة  اها الجنس اللطيف البنات غير الهروين ما ينفع شئ معاهم وفي نوع كيييييييف شوف عيني الشيشة في الجبنة المعسل مكسور بالنقو ايوة بالبنقو واااااااااخر مزاج لما تلقي عيون الواحدي زي الكافتة غزال  clown 
في الاخر دي بحملا لعاتق الحكومة الملخومة بالاتفاقيات والمؤتمرات وافتتاح المساجد والمسايد علي الحكومة الهمها الانتخابات ع الحكومة اليومي فيها حرامي مسؤول ع الحكومة اللا تسمع لاتري ولكن تتكلم ع الحكومة الاسلامية الله قال ونبينا قال والله اكبر وسيرسير ع الحكومة الما سالت نفسها يوم طورت شنو في التعليم مدارس وجامعات بس خلتا طريق جباية لرسوم من طلاب من اسر مزارعية وعمال غلابة ع الحكومة الفيها الاشراف من سلالة نبينا محمد صلي الله عليه وسلم وخليفة المهدي الامام المنظر ياخي حرام الشعب بضيع اما عيونكم اطفال ادمنت مخدرات وحبوب وحاجات تانيه .. الله يعين
زمان ناس البنقو بالحساب معروفين هناي وهناي وناس الشربة كمية بس في احترام والهروين زمان كنا قايلنو شئ من افلام الخيال العلمي والحبوب غير البندول والكافلجين البرتقالي البنسرقو عشان نقرقشو لانو طعمو حلوووووووووو وبس والله تاني مافي حبوب لاخرشة لا كوكو الضعيف لا هناي دقس لا قرع بطيخ لا شحلبيس وبناتنا والله الروب الخمير يسكرن ويغمرن ويا حلااااااااات السكرة في هناية السرقت شربوتنا يوم العيد وقايلا عصير ( في زول قال ليكي شيلي عصير الاسد )  مافي داعي للفضايح  .... ياخي ما بسكت
ماتخافى يابت الضلام
القمره ماضرت نجيمات المساء
ويوم صحت النيل للقيام
انصره فى اشللة وحسى
والطعنه من نصل الكلام
ذى غصه فى الروح تلمسه
وماتخونى حفنات التراب
بخطوه للزول النسى
سهر عيونك واستراح
نعست نجومك وشهرذاد
سكتت عن القول المباح
الرجوع الى أعلى الصفحة اذهب الى الأسفل
حسن وراق حسن




مُساهمةموضوع: رد: البنقو السوداني.. بنقو!! (للمخخنجية فقط) موضوع بكرا   الخميس 5 يونيو 2014 - 6:07

يا بليغ
لكن ما لقيتك معلم كبير
الرجوع الى أعلى الصفحة اذهب الى الأسفل
محمدنور البشير




مُساهمةموضوع: رد: البنقو السوداني.. بنقو!! (للمخخنجية فقط) موضوع بكرا   الخميس 5 يونيو 2014 - 8:29

سلام عليكم،

من المواقف التي تضحك الإنسان و(تبكيه) بمرارة قصة حكاها لي أحد الأخوان الموثوقين قال أن شرطة مكافحة المخدرات بولاية الخرطوم عملوا معرض بإحدى الجامعات (لا داعي لذكر إسمها)، وكان من ضمن فقرات المعرض أن يدفنوا حشيش في موقع داخل الجامعة ويطلقوا الكلاب المدربة لتبحث وتحفر وتعود بالحشيش، ليصفق الناس لبراعتها في ذلك ، وبعد القيام بجميع إجراءات الدفن أطلقوا الكلاب للبحث وجمعوا الناس للتصفيق لها، وكانت المفاجأة أن أي حفرة تحفرها الكلاب لا تجد فيها شئ وتعود الكلاب  بدون نتيجة،  المهم لما فشلت كل المحاولات ناس الشرطة أخدوا كلابهم وعادوا بخفي حنين.. المفاجأة كانت بعد ذلك في حديث أحد الطلاب الممساطيل حين قال وسط مجموعة من زملائه ( والله بنقو ناس البوليس ديل طلع فشنك ما سوى لينا أي حاجة).. وثبت بعد ذلك أن ما دفنه رجال الشرطة داخل حرم الجامعة حفره واستهلكه المساطيل والمروجين دمن الطلاب اخل نفس الحرم ... ولا حول ولا قوة إلا بالله
.
الرجوع الى أعلى الصفحة اذهب الى الأسفل
بليغ جيفارا




مُساهمةموضوع: رد: البنقو السوداني.. بنقو!! (للمخخنجية فقط) موضوع بكرا   الخميس 5 يونيو 2014 - 17:41

هههههههههههاي تسلم يا مستر حسن وراق .....
الرجوع الى أعلى الصفحة اذهب الى الأسفل
عبدالمنعم ترتورة




مُساهمةموضوع: رد: البنقو السوداني.. بنقو!! (للمخخنجية فقط) موضوع بكرا   الجمعة 6 يونيو 2014 - 16:23

ماتخلوا العالم تبلبع
الرجوع الى أعلى الصفحة اذهب الى الأسفل
 
البنقو السوداني.. بنقو!! (للمخخنجية فقط) موضوع بكرا
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
 :: منتدى الحصاحيصا العام-
انتقل الى: