الرئيسيةس .و .جبحـثالتسجيلدخول
شاطر | 
 

  الصفحة الرسمية لمعجبى مجدى الفاضل سعيد المرشح المحتمل؟؟

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
مجدى الفاضل




مُساهمةموضوع: الصفحة الرسمية لمعجبى مجدى الفاضل سعيد المرشح المحتمل؟؟   الجمعة 6 يونيو 2014 - 16:22


الصفحة الرسمية لمعجبى مجدى الفاضل سعيد

قررت وبكامل (ما تبقى) من قواى العقلية ان استجيب لنداء ( الناس الجواى) مش اللى بحبهم ..لا ما تفهمونى غلط..اصلو (انا) وحا اكثر من (انا)

لزوم ضروريتها فى تربيط الموضوع...وكما ان البعض يصاب بأنفصام شخصية ويصبح الواحد اثنين ..شنو البمنعنى انو يصيبنى انفصام شخصيات

واصبح مجموعة ( قروب) وتركب لى فى راسى انو اعمل لى مجموعة لى يتكون اعضائها منى لكى تحبنى و كده..

ودى والله ما كديسة منى ولا صواميلى اتحلجت ..لكنى زى غيرى..كتار.. انصاف فنانين..وانصاف مناضلين..ومفكرين وانصاف اى حاجة ..ولاعبين

كورة وخلافه..ومسئولين..

واقعد (اليك) يعنى اعمل like لمواضيعى البكتبها انا زاتى قبل الناس ما تليك..

واضيف 5000 صديق من طرف لزوم جيهة وكده وانو طبعا المعجبين والمعجبات واحشهم...وبليكو انشاء لى وفاة حبوبتى..وممكن يكونوا عنصر

ضغط اذا انقبضت وانا بنتقد الحكومة ..او ممكن يقدمنى لحزب او حركة او منظمة او اى جيهة كانت لها رغبة فى الاستفادة من علاقاتى العامة

واصبح ناشط بفهم فى اى حاجة.

او ممكن استغل تلك العلاقات التى ترتبت على ناسى الجواى مع الناس البشبهونى فى النرجسة...مع كم مجموعة من الاضافات للحسناوات حسب

صورهم فى صفحتهم انشاء تكون صور مزورة او قديمة وهسى تكون بى صلعة او ككو..المهم وجاهة الصورة ..يعنى الحا يقابلها منو ؟؟

والمهم فى الامر انو بروفايلى السكن بفرلى هلز وانا ساكن..ام جقيمة..وشغال فى ميلانو ..واكون عاطل..

ضرورة الموضوع ده لانى مفكر كما غيرى ومن حقى وحسب المواصفات والمتطلبات المزكورة اعلاه والمتوفرة لدىمن حقى اترشح لمنصب رئيس

الجمهورية..واحمل لقب المرشح المحتمل لرئاسة الجمهورية..او ما افوز وهذا مستبعد واكون برضو المرشح السابق لرئاسة الجمهورية...المهم فى

الامر اللصقة دى بتعمل بربقندا وجيهة مجتمعية وبتلقط ليها قريشات بى جاى وجاى...

لكن عشان ابقى واضح من هسة كان فزت وهذا امر ليس بمستبعد ..الكرسى بكنكش ليكم فيه كنكشة تمحنكم ذاتو..وما بتدلى لو حكمتكم خرتماية

سنة..القال ليكم جيبونى منو..هو لعب عيال ولا شنو..

وما تخافو انا قلبى عليكم وعلى البلد دى وزول بجيه ليكم حالكم غيرى مافى ..والدولار ده حا امنع تداوله عديل عشان لا يطلع لا ينزل ايييييييي..وما

حايكون فى موظفين ولا مسئولين شان اجفف منابع الفساد...وحا اعمل 500نائب رئيس لارضاء ال 500 قبيلة و27 عاصمة للسودان لتقصير الظل

الادارى..واعمل ليكم خرتماية خط احمر..ولاا اقول ليكم حا امنع اللون الاحمر زاتو وحا يكون حكر ا على استعماله عند الحاجة او مزاج منى

ساى..والمريخ يلبس اصفر ونجمة صفرة برضو..

وناس الجرايد ما تخافو حا اوسع ليكم هامش الحرية فى الكلمات المتقاطعة والابراج والكورة..والحنانات واخبار الدلوكة فى الفضائيات وشوية اعلانات

لمدارس خاصة نجح ابنائها بسبة100 % ولم يدخل احد الجامعة؟؟

وس..افتح باب الهجرة الشرعية واطفش اى كادر مؤهل شان ما يوجعو لى راسى بالمطالبات والاجتماعات والاتحادات..يفزوا الخليج..الخليل..

على كم خرطماية جامعة تلم الشباب ديل انشاء يقرو علم الدكوة ويسوقوا درداقات المهم يتلهو..والعلاقات الدولية ..جهجهة بس.. بلد تعرف لينا جيهة

مافى ..خرخرة شديده..شرق ..غرب ..رأسمالية اشتراكية علمانية بس حرامى ادوهو عكاز فى نص راسو؟؟..وبعدين مشكلة الفشقة فى القضارف

زرعوها الاثيوبيين ما زرعوها..شالوها وطوها برش ورحلوها..ما ياها قاعدة...وانتو ما دايرين تزرعو امل ليكم شنو..يا شعبى(المحتمل) هوى

..حلايب دى تكون مصرية كيف..يمصر مصارينهم..والله بالسفروك جدجع ساى نرجعها....بس ما تزنقونى وتزهجونى...عايزين تشتغلو وعايزين

تاكلو وما عايزين مشاكل مع جيرانكم وعايزين ايران وعايزين السعودية...كده بتطرطشونى...وامشى اقوم اعرس ليكم اربعة نسوان شان تعرفو

كلام..لانى بالجد محتاج تغيير لازاحة الهم والغم الانا ( حا اكون فيهو)

يا اخونا برنامجى الانتخابى طموح وبأكد انو جاى جاى انا السواى... كضاب ..خلاص شوفو ليكم حاوى..يا اقعدوا عاينو ..هى بقت على انا

الكضاب..بصبح بيكم الصبح دى فقط الملامح العامة

شفتو بديتها من وين ووصلتها وين..ما ياهو البنى ادم عمرو نقصان وجشعو ربيان....ما اكون اتعديت الخطوط الحمراء ولا كده؟؟؟
؟
الرجوع الى أعلى الصفحة اذهب الى الأسفل
صداح فاروق وراق




مُساهمةموضوع: رد: الصفحة الرسمية لمعجبى مجدى الفاضل سعيد المرشح المحتمل؟؟   الجمعة 6 يونيو 2014 - 16:34

يا مجدى :

كوميديا سوداء ، ومضحك مبكى .

الرجوع الى أعلى الصفحة اذهب الى الأسفل
بكرى عثمان حمد




مُساهمةموضوع: رد: الصفحة الرسمية لمعجبى مجدى الفاضل سعيد المرشح المحتمل؟؟   الجمعة 6 يونيو 2014 - 16:47

شريطة ان اكون انا رئيس الحملة الاعلامية ....
وبعد داك انت ابعد بعيد ... بس لمن تفوز ما تنسانى ...
كن جميل كما انت وبلاش توجع قلبك وقلبنا..
الرجوع الى أعلى الصفحة اذهب الى الأسفل
مجدى الفاضل




مُساهمةموضوع: رد: الصفحة الرسمية لمعجبى مجدى الفاضل سعيد المرشح المحتمل؟؟   الجمعة 6 يونيو 2014 - 18:47

صداح ..اهلا بالمرور..دى كوميديا قاطعنها من راسنا...تعرف الضحك الجوانى والبكاء الجوانى ده الخترى
الرجوع الى أعلى الصفحة اذهب الى الأسفل
مجدى الفاضل




مُساهمةموضوع: رد: الصفحة الرسمية لمعجبى مجدى الفاضل سعيد المرشح المحتمل؟؟   الجمعة 6 يونيو 2014 - 18:55

د.بكرى ..شريطة ...دى زاتها المجهجهة برنامجى...من غير نرجسة ..شفت ليك حملة انتخابية فى البلد دى عندها رئيس لجنة اعلامية..وانت حضرت كل الحكومات..ما تتضايق...من الاستقلال....كلو طق حنك ..وشكرا على خوفك علينا من وجع القلب...لكن ابقو عشرة على قلوبكم ..كان فزت...
يا دكتور ما تجرجرنى انا راسى خفبف...انا فى انت وده عالم افتراضى ..والبقول فيهو ده برضوا افتراضى...بكره القى روحى شاتلين لى مادة الشروع فى الحكم او مادة النية الحسنة لغير مستحقينها او اى ماده... كن بخير يا جميل
الرجوع الى أعلى الصفحة اذهب الى الأسفل
 
الصفحة الرسمية لمعجبى مجدى الفاضل سعيد المرشح المحتمل؟؟
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
 :: منتدى الحصاحيصا العام-
انتقل الى: