الرئيسيةس .و .جبحـثالتسجيلدخول
شاطر | 
 

 السلام عليكم من ضفاف الامازون وشواطي فرناندو دي نورونا في البرازيل

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
المحبوب أحمد الأمين




مُساهمةموضوع: السلام عليكم من ضفاف الامازون وشواطي فرناندو دي نورونا في البرازيل    السبت 21 يونيو 2014 - 15:08




الاحباب في الحصاحيصا دكوت كوم
لكم خالص التحايا من ضفاف الامازون وشواطي المحيط
قف
الاجواء في غاية السخونة والرطوبة معذبانا
ونتائج المباريات قلبت التوقعات والببكوو غلبو السكاتين
قف
كوستاريكا المامعروفة وين غلبت ايطاليا
وخلت ناس بيفون وبيرلو وبالوتيلي يتلفتوا
قف
انجلترا طارت واسبانيا طارت وايطاليا تتضاءلت فرصا
اريتو كان قبيل دخلنا ناسنا والله كان تجاوزوا الدور البائخ دا
قف
جنيفر لوبيز كانت معانا وفاتت امبارح قالت مرتبطة بي حفلة في ميامي
وعلى الرغم من المشكلة الحصلت معاها قالت جاية للختام
ولمن ذكرناها بضرورة احضار شنطة هدوما معاها قالت جاية بي عباية
قف
باقي قبضوها ناس النظام العام بتاعين الكبجاب في ساوباولو يوم حفل الافتتاح
وقالو لبسها الرقصت بيهو دا جهجه اللاعبين والحكام والمتفرجين وقوات الدعم الفرفارة  
ويا الله ويامين فكوها بضمانة وقالوا الا يمسكوا جواز سفرا لكن تدخل ضابط ودناس وفكاها ساي
قف
عموما البرازيل جميلة وسوحلا رمال ساي ومياه بس زرقاء اليمامة
ولا يعكر صفوها غير اتحادات عمال داعش في الريو وكورة حرام في ساوباولو
عموما لمن اصلكم حا امرق ليكن الصور بس صور جنيفر في الافتتاح تشموها قدحة
حول



الرجوع الى أعلى الصفحة اذهب الى الأسفل
بكرى عثمان حمد




مُساهمةموضوع: رد: السلام عليكم من ضفاف الامازون وشواطي فرناندو دي نورونا في البرازيل    السبت 21 يونيو 2014 - 15:46

والله يا المحبوب ليك وحشه ...
انا قايلك سمعت كلامى وخشيت فى غيبوبة نهاية الاسبوع .. تاريك مع ناس لوبيز... الله يستر عليك من اللوسسسس...
اليوم هاتفت المجدوب ود الطيب ود عطا المنان بعد غيبة ولقيتو حارق تش موية ونور ... وامكن تلاقيهو بهناك متحاوم .. لكن غايتو امكن ما تعرفو كان ما لابس انت النظارة
الرجوع الى أعلى الصفحة اذهب الى الأسفل
مجذوب الطيب




مُساهمةموضوع: رد: السلام عليكم من ضفاف الامازون وشواطي فرناندو دي نورونا في البرازيل    الأحد 22 يونيو 2014 - 6:20

المحبوب كان ما انت زولا رقم ما كان الناس فقدوك كده وخصوصا الاخ حسن وراق عشان انت دائما

    بتدردق ليهو وهو يشوت والاخ بكرى الذى سعدت باتصاله جدا وبعد سنوات طوال من الفراق . وكنت

  انت محور الحديث وانا كمان قلت الزول وين بخم ولاشنو وفقدناك عشان تشوف ترتورة عمل فينا شنو

ولك التحية ودوام العافية
الرجوع الى أعلى الصفحة اذهب الى الأسفل
المحبوب أحمد الأمين




مُساهمةموضوع: رد: السلام عليكم من ضفاف الامازون وشواطي فرناندو دي نورونا في البرازيل    الأحد 22 يونيو 2014 - 17:53



يادكتور والله كان عارف كنت غشيتك سقتك معانا
ونسوق معانا وراق عشان يترجم ليك
انا ما محتاج لي ترجمة على كل حال
اعرض زين واشيل لي شبال من جنيفر لوبيز
وبعداك جناين الشاطي وقصور الروم البرازيليين
ومجدوب هناك وين ؟؟
غايتو في الريو ما شفتو
إكون ضِهب ومرقا في الاكوادور ؟؟
شوفو ليهو حلل ما يلحقو اسكوبار
الله يستر ما يقوم يجي راجع وتفوتو المباريات دي
وتبقى عليهو حكاية ود الشريف اللا ساك ولا لاك
والعجب كان مشى بالغلط





الرجوع الى أعلى الصفحة اذهب الى الأسفل
كمال ود التقيل




مُساهمةموضوع: رد: السلام عليكم من ضفاف الامازون وشواطي فرناندو دي نورونا في البرازيل    الإثنين 23 يونيو 2014 - 9:45

والله يا المحبوب بتجيب في المشاكل لنفسك !! حد عائيش في بلد فيها هلال مريخ ونيل الحصاحيصا يمشي يطلع فووووووق .. حسع بعد ما ينتهي كأس العالم تجي نازل كيف والله الكورة السودانية تاني سكر البرازيل كلو ما يطعما ليك حتى لو جات معاك جينفر لوبيز ... وعاد معتصم جعفر ح يزعل منك جنس زعل زي زعلة البرير الشطبت هيثم مصطفى ....و.....فوق فوق هلالنا فوق ... ودافوري بلدنا وﻻ تابلوهات ميسي .
الرجوع الى أعلى الصفحة اذهب الى الأسفل
مجذوب الطيب




مُساهمةموضوع: رد: السلام عليكم من ضفاف الامازون وشواطي فرناندو دي نورونا في البرازيل    الإثنين 23 يونيو 2014 - 11:57

المحبوب ليك شوق كتير شوف نحن امازون وجنيفر وبرازيل ده شعرا ما عندنا ليه رقبا

  لكن الوصيه فى الزمه كان لاقيت اى واحده ماشه وخاتة ليها علم وعامله ليها الون طوالى

  سلم عليها وقالدا وبلغها سلامى وقول ليها لازم تجينا  فى مونديال الخرطوم . سمح المحبوب
 
  ما  تنسى تجيب لينا اى ذكرى جميله هديه للدكتور المغلى والبعاين وبجرى ويجى تانى راجع غايتوا
 
ده طقلا يكركب اسرع رمضان جا
الرجوع الى أعلى الصفحة اذهب الى الأسفل
 
السلام عليكم من ضفاف الامازون وشواطي فرناندو دي نورونا في البرازيل
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
 :: منتدى الحصاحيصا العام-
انتقل الى: