الرئيسيةس .و .جبحـثالتسجيلدخول
شاطر | 
 

 اقوال...وافعال ...وماكولات رمضانية

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
محمد امام رحمه




مُساهمةموضوع: اقوال...وافعال ...وماكولات رمضانية   الأحد 22 يونيو 2014 - 17:50

الاقوال :
هنالك بعض الاقوال المعتادة والتي توارتنها
قبل بداية رمضان مثل
ربنا يبلغنا رمضان....ربنا يقدرنا علي صيامه
وهنالك اقوال وهي عبارة عن تهنئة مثل
رمضان كريم والبحب كله كريم
تصوموا تفطروا علي خير...
تقبل الله صيامكم...
فهل كلها تجوز ام ان هنالك تهنئة تتناسب مع هذه المناسبة والركن العظيم
الافعــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــال :
هنالك بعض الافعال ترتكب قبل رمضان بعدة ايام وخاصة في ايام ---خم الرماد----
فالذين يهتمون بخم الرماد فهل يعتقدون ان رمضان سوف يستمر طيلة ايامهم الباقية من اعمارهم
الايعرفون انه شهر من اثني عشرة شهرا...!!!
وهنــــــــــــــــــــــالك افعال تحدث اثناء الشهر
مثل السهر الي الصباح والنوم طول النهار من غير صلاة...!!!
فاننه شهر لله ولذا يجب ان تكون هنالك صلة وتواصل بين العبد وربه طوال الشهر
وهنـــــــــــــــــــــالك افعال يرتكبها البعض في رمضان ولايحلوا لهم ذلك الا في رمضان
ولذا تكون مواضيع لكثير من برامج الافتـــــــــــــــــاء..!!؟؟؟
ووووو......
الماكولات التقليـــــــــــــــــــــــــــــــــــــــــدية الرمضانية
من الماكولات الرمضانية والمشروبات التي لاتظهر الا في رمضان
الحلـــــــــــــــــــــــــو مر...لماذا في رمضان فقط انه مشروب جميل..
اما الماكولات العصيدة والقراصة لهما السيطرة وان كان الفول
مهم الا ان منافسته لهما كمنافسة الهلال والمريخ لنيل كاس الاندية الافريقية
يعني دور المجموعات ومع السلامة..!!!!!!
وهنالك البليلة بانواعها
ولكم المساحــــــــــــــــــــــة للاضافة
.....ونواصــــــــــــــــــــــــــــــــــل.....
الرجوع الى أعلى الصفحة اذهب الى الأسفل
بكرى عثمان حمد




مُساهمةموضوع: رد: اقوال...وافعال ...وماكولات رمضانية   الإثنين 23 يونيو 2014 - 5:36

تسلم على السرد المختصر والشامل ..
اللهم اجعلة شهر مبارك على الجميع
الرجوع الى أعلى الصفحة اذهب الى الأسفل
كمال ود التقيل




مُساهمةموضوع: رد: اقوال...وافعال ...وماكولات رمضانية   الإثنين 23 يونيو 2014 - 9:54

ود .. امام ....
اهم حدث في رمضان لم تذكره !!! لمة البرش ... الجيران ساعة الفطور واللا انت عشان فارقتها ... كرم رمضان بدأ يظهر فقد اعتدل الجو بعد سخانة مخيفة ... اللهم بلغنا رمضان وقدرنا على صيامه .
الرجوع الى أعلى الصفحة اذهب الى الأسفل
مجذوب الطيب




مُساهمةموضوع: رد: اقوال...وافعال ...وماكولات رمضانية   الإثنين 23 يونيو 2014 - 11:38

رمضان شهر كريم وفضيل وعظيم ومميز عن باقى الشهور ومن اجل ذلك فلرمضان فى كل دولة من دول العالم

  طقوس احتفاليه بقدوم الشهر وايامه ولياليه ويتغير فيه نمط الحياه الاجتماعى والغذائى والسلوكى ورمضان كريم

 لمه وكرم حلو ومر وكمان نشا ورقاق باللبن وسحور وفطور وفى ناس بتعمل طناش زمان بقولوا لينا انت صايم صيام

الضب ولا صيام السحليه واخرو عيد شوف العظمة دى اهل المنتدى وجميع اهل السودان والاسلام كل عام وانتم بخير

وصيامكم بأذن الله مقبول يعود علينا والسودان ديمقراطى والحريه غيمة فى سماءنا ومطر الرخاء نازل يرش

غبوشنا ويغسل فقرنا ويشفى مريضنا ويعلم جاهلنا ويشغل عاطلنا ويرجع مغتربنا ويجمعنا كلنا عاقر ويسار عرمان ومناوى

نوبة ومسيريه نضع البندقية ونتعانق سويا ونرقص فى نغمة البامبو السودانى فى روحى وفى كيانى بامبو .

انا وانتم بعافية تصوموا وتفطروا بخير
الرجوع الى أعلى الصفحة اذهب الى الأسفل
محمد امام رحمه




مُساهمةموضوع: رد: اقوال...وافعال ...وماكولات رمضانية   الإثنين 23 يونيو 2014 - 16:53

بكرى عثمان حمد كتب:
تسلم على السرد المختصر والشامل ..
اللهم اجعلة شهر مبارك على الجميع


اخي الفاضل بكري عثمان حمد
سلام واحترام وتقدير ايها الانسان الطيب
وشكرا لك علي المجهود الذي تقوم به انت وادارة المنتدي والاعضاء
علي خدمة المنطقة واهلها وربنا يجعلها في ميزان حسناتكم
شكرا علي المرور و الثناء وربنا يبلغكم رمضان وتصوموا تفطروا علي خير
سؤال من اراد المساهمة في افار الطلاب هل هنالك رقم حساب يمكن الايداع فيه
ياريت كيفية التواصل توضح
وشكرا لكم وكثر الله من امثالكم
الرجوع الى أعلى الصفحة اذهب الى الأسفل
محمد امام رحمه




مُساهمةموضوع: رد: اقوال...وافعال ...وماكولات رمضانية   الإثنين 23 يونيو 2014 - 17:14

كمال ود التقيل كتب:
ود .. امام ....
اهم حدث في رمضان لم تذكره !!! لمة البرش ... الجيران ساعة الفطور واللا انت عشان فارقتها ... كرم رمضان بدأ يظهر فقد اعتدل الجو بعد سخانة مخيفة ... اللهم بلغنا رمضان وقدرنا على صيامه .


اخي الغالي العمدة كمال دفع الله ود التقيل
سلام واحترام وتقدير وكل عام وانت بخير
ورمضان كريم وتصوم وتفطر علي خير
اخي العمدة
لمة البرش
ما اظن باقية الا في القري ياكمال
السنة الفائتة صمت عشرة يوم في الخرطوم اختفت فيها البروش
في كل مناطقها الا اذا كان هنالك مناطق لم امر بها..
اتخيل يا عمدة ما فطرت في لمة برش الا في الكاملين
وزمان ياعمدة من اول الافعال
شراء البروش الجديدة
ولكن الان اختلفت الافعال
وكثرة المطاعم الفاخرة في نظر اهل المدن والمتمدنين
وهي ليس فيها شئ غير الديكور مثل الوردة الصناعية
فاصبح كل اهل الخرطوم يحبون اكلها ولذا كثرة الامراض
ربنا يحفظنا يا عمــــــــــــــــدة ويحفظ قديمنا واصيلنا
الرجوع الى أعلى الصفحة اذهب الى الأسفل
محمد امام رحمه




مُساهمةموضوع: رد: اقوال...وافعال ...وماكولات رمضانية   الإثنين 23 يونيو 2014 - 17:28

مجذوب الطيب كتب:
رمضان شهر كريم وفضيل وعظيم ومميز عن باقى الشهور ومن اجل ذلك فلرمضان فى كل دولة من دول العالم

  طقوس احتفاليه بقدوم الشهر وايامه ولياليه ويتغير فيه نمط الحياه الاجتماعى والغذائى والسلوكى ورمضان كريم

 لمه وكرم حلو ومر وكمان نشا ورقاق باللبن وسحور وفطور وفى ناس بتعمل طناش زمان بقولوا لينا انت صايم صيام

الضب ولا صيام السحليه واخرو عيد شوف العظمة دى اهل المنتدى وجميع اهل السودان والاسلام كل عام وانتم بخير

وصيامكم بأذن الله مقبول يعود علينا والسودان ديمقراطى والحريه غيمة فى سماءنا ومطر الرخاء نازل يرش

غبوشنا ويغسل فقرنا ويشفى مريضنا ويعلم جاهلنا ويشغل عاطلنا ويرجع مغتربنا ويجمعنا كلنا عاقر ويسار عرمان ومناوى

نوبة ومسيريه نضع البندقية ونتعانق سويا ونرقص فى نغمة البامبو السودانى فى روحى وفى كيانى بامبو .

انا وانتم بعافية تصوموا وتفطروا بخير


اخي مجذوب الطيب..سلام واحترام وتقدير
كل عام وانت بخير وتصوم تفطر علي خير
ورمضان كريم.....
انت ذكرة احلي الاقوال في رمضان
وهو قول كان يقال للصغار قي زماننا
وهو صائم صيام الضب او صيام السحلية...
صيام الضب كل البلقاه يقوليه جب
وصيام السحلية من الصباح للعشية
باللله عليك اخي مجذوب شوف جمال اهلنا
وارتباطهم بالبيئة حتي الامثال...
ربنا يحفظكم ويحفظ جميع اعضاء المنتدي واهل السودان قاطبة والجزيرة خاصة
...........................ونواصل
الرجوع الى أعلى الصفحة اذهب الى الأسفل
حسن وراق حسن




مُساهمةموضوع: رد: اقوال...وافعال ...وماكولات رمضانية   الإثنين 23 يونيو 2014 - 19:14

ياود رحمة يا مبدع
هاك دي،،
() اليومين ديل والله الكلي قامت عليهو صام اليوم الاول لحدي الضهر ..(تلقاهو يجغم ساكت)
() القبضة من شراب الموية اول حاجة ابدأ بالنشا والشوربة الدافية
() والله راميانا القهوة
() انا في رمضان ما بقرب الشاي
() القراصة بالمفروك والملوخية في العشاء ما بتعطش بالنهار
() انا ما بأكل غير بليلة وشوربة بحلل بي بلحة وبعد داك الصلاة
الرجوع الى أعلى الصفحة اذهب الى الأسفل
محمد امام رحمه




مُساهمةموضوع: رد: اقوال...وافعال ...وماكولات رمضانية   الثلاثاء 24 يونيو 2014 - 18:00

حسن وراق حسن كتب:
ياود رحمة يا مبدع
هاك دي،،
() اليومين ديل والله الكلي قامت عليهو  صام اليوم الاول لحدي الضهر ..(تلقاهو يجغم ساكت)
()  القبضة من شراب الموية اول حاجة ابدأ بالنشا والشوربة الدافية
() والله راميانا القهوة
() انا في رمضان ما بقرب الشاي
() القراصة بالمفروك والملوخية في العشاء ما بتعطش بالنهار
() انا ما بأكل غير بليلة  وشوربة  بحلل بي بلحة وبعد داك الصلاة

اخي الاديب حسن وراق....سلام واحترام وتقدير
تصوم وتفطر علي خير وربنا يحقق امانيك الخاصة والعامة
وشكرا علي الكلام الجميل فالروعة والجمال من الكم
ربنا يجعلنا عند حسن ظنكم جميعكم.
فعلا كلامك صادق...
1/ من اول يوم في رمضان كل متجرس (علي وزن سيد جرسه) ينفض الغبار عن الامراض القديمة
او يدور عن امراض جديده حتي  يباح له الافطار....والمشكلة عندنا استاذ حسن ان الكثير يبيح لنفسه الافطار دون الذهاب الي الطبيب..
2/ فعلا بعد شراب الموية تبد الاقوال وتكثر الشكوي من  الاكثر من الطعام...
وحتي قبل الافطار يبدا البعض بذكر انه لايشرب كذا ولاياكل كذا لانه عنده حموضة
ولذا يجب ان يشرب الشوربة او النشا فنجد الكثيرون يتركون له الشوربة والنشا
3/تكثر الاقوال والافعال اثناء النهار قبل الافطار
000
ونواصل في بل الثياب اوو عدم العمل والنوم او الهروب من مكيف الي مكيف...نواصل000
الرجوع الى أعلى الصفحة اذهب الى الأسفل
مجذوب الطيب




مُساهمةموضوع: رد: اقوال...وافعال ...وماكولات رمضانية   الأربعاء 25 يونيو 2014 - 8:13

ود الامام ربنا يكون فى عون الجميع لكن رمضان قد جيب الاصلو مقدود واخرو نار جهنم

 عديل تجهيزات العيد خصوصا مع ناس ديل فى الايام ديل وربنا يجيب الفرج لناس ما بستاهلوا

 البحصل ده
الرجوع الى أعلى الصفحة اذهب الى الأسفل
محمد امام رحمه




مُساهمةموضوع: رد: اقوال...وافعال ...وماكولات رمضانية   الخميس 26 يونيو 2014 - 17:09

مجذوب الطيب كتب:
ود الامام ربنا يكون فى عون الجميع لكن رمضان قد جيب الاصلو مقدود واخرو نار جهنم

 عديل تجهيزات العيد خصوصا مع ناس ديل فى الايام ديل وربنا يجيب الفرج لناس ما بستاهلوا

 البحصل ده



اخي مجذوب الطيب
سلام واحترام وتقدير...وتصوم وتفطر علي خير
ربنا ان شاء الله يسهل علينا الصيام وعلي جميع اهلنا في السودان
وان شاء الله يكمل فرحتهم بعيد جميل....ويبعد عنهم البشير واعوانه
اخي مجذوب الطيب غدا تصبح ذكريات هذه الايام
وان شاء الله ربنا يبدلنا خير منها ويولي علينا خير منهم
ويجعل ايامنا اعياد...
زمان يامجذوب العشاء والسحور في السودان
معروف ومكرر ..
الان هل اتغيير ام مازال نفس الشئ
فهل مازال هنالك رقاق...!!!
الرجوع الى أعلى الصفحة اذهب الى الأسفل
حسن وراق حسن




مُساهمةموضوع: رد: اقوال...وافعال ...وماكولات رمضانية   الخميس 26 يونيو 2014 - 17:16

والله يا ود الامام الله لطيف علي غبادو
طلعت الطماطم والموز والجرجير والبطيخ وكل الخضار مضروب كيماوي وبقي بعيد عن شهية الصايمين
الجماعو مركزين علي البليلة والنشأ والعصيدة وتمرات وشربات الليمون والكردية تملا بطنك ويوم التوسعة جقاجق بالقراصى والعشا سكو السحور ماء قراح
ويجعلو صايم
الرجوع الى أعلى الصفحة اذهب الى الأسفل
محمد امام رحمه




مُساهمةموضوع: رد: اقوال...وافعال ...وماكولات رمضانية   الإثنين 7 يوليو 2014 - 21:07

حسن وراق حسن كتب:
والله يا ود الامام الله لطيف علي غبادو
طلعت الطماطم والموز والجرجير والبطيخ وكل الخضار مضروب كيماوي وبقي بعيد عن شهية الصايمين
الجماعو مركزين علي البليلة  والنشأ والعصيدة وتمرات وشربات الليمون والكردية تملا بطنك ويوم التوسعة جقاجق بالقراصى والعشا سكو السحور ماء قراح
ويجعلو صايم

الاديب حسن وراق...سلام وتقدير واحترام
والله اذا الكيماوي وصل الجزيرة علي الدنيا السلام..
كيماوي وتقاوي...!!!
طيب الحلو مر مازال حلــــومر...!
وين الرقاق واللبن يا استاذ حسن..!!
الذرة مافيها كيماوي...
لان التركيز شايفه علي النشا والعصيدة
الله يستر.....
تصوموا وتفطروا علي خير
ويجي ان شاء الله العيد ومانلقي البشير
قولوا اميين
الرجوع الى أعلى الصفحة اذهب الى الأسفل
محمد امام رحمه




مُساهمةموضوع: رد: اقوال...وافعال ...وماكولات رمضانية   الإثنين 7 يوليو 2014 - 21:12

اهم شئ يجب ان يتواجد في رمضان في السودان
الماء النقي النضيف البارد...
فهل موجود ام اصبحت كل الابار مالحة
واصبح الناس يشترون الماء من الدكاكين في زجاج زي الدواء
والبلح اخباروا شنو..
بكل انواعه.....
هي اختفي من المائدة...
الرجوع الى أعلى الصفحة اذهب الى الأسفل
 
اقوال...وافعال ...وماكولات رمضانية
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
 :: منتدى الحصاحيصا العام-
انتقل الى: