الرئيسيةس .و .جبحـثالتسجيلدخول
شاطر | 
 

 من ديك وعيك

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
عبداللطيف عوض الله عبدالل




مُساهمةموضوع: من ديك وعيك   السبت 5 يوليو 2014 - 10:08

من ديك وعيك
الدنيا كان خيرها بيعم كل زول وزول
والشر عدم كل البشر مافيها شر
قام الخلق طفشت من القول السمح
الجوع كتر والغل كتر الغش كتر قل القمح
والناس بقت جيعانه مافارزه العوج من السمح
وكتر الفساد سفك الدما الخير تشوفو طشاش
وبالرغم ما موسم رشاش
لا زول حرث واطاتو لا قام الخشاش
الدنيا خير لكن اخير
قبل ما ترفع لى يمينك ترفع عيونك
تشوف سخيلاتك دروبهن ياها ذاتها محلهن
بستاهلن ؟ولو ما كده : بس فى زريبتك خلهن
الرجوع الى أعلى الصفحة اذهب الى الأسفل
عبداللطيف عوض الله عبدالل




مُساهمةموضوع: رد: من ديك وعيك   السبت 5 يوليو 2014 - 10:11

من ديك وعيك
ديك السواد سرق الغنيمات والجداد
ديك الخلا كتل الجداده وخم بيضها
حتى السواسيو بهدله

من ديك وعيك
قام الصبح من الدغش
لقط غنيمات الفريق ما خلا تقره ولا عتود
ما راعا لى حق القيود
قال : مافى زول جايب خبر
بس فيها ايه
لو بعت فى السوق كم عتود
واتصلح الحال انعدل
ما قايل العتان كمان زى سرقة المال الكبير
اصلا حرام
ولو تستهين بى حال عتود
ان كان سخل او تيس عديييل او ما صغير
لا شك حرامى وابن كلب وكمان خطير
الرجوع الى أعلى الصفحة اذهب الى الأسفل
عبداللطيف عوض الله عبدالل




مُساهمةموضوع: رد: من ديك وعيك   السبت 5 يوليو 2014 - 10:21

من ديك وعيك
قام قبل ما يقوم الغبار
لقط جداد الحله قام بيهن جزر
زاع الخبر وكان انتشار
قالت سعاد الريشه فى راس القريب
نط الحنين من الزعل كيف الكلام يا ستنا
حاجه الرضيه : لا لا
الريشه فى راس الغريب
نط الحنين تانى انعدل ممكن يكون,,,!
بعد التفاكر بى شويه وقامت الناس من هناك
صاحبنا داك برااااحه سرق العنقريب
لو ليو مراد يسرق معاهو الهمبريب
لكنو وحيات الامين مسكين وطيره وما بطيب
ماطالما عايش فى جيبو قرش غريب
حرم تعدمو ليك حتى الجاتو من باقى النصيب
وفى الياناصيب لو كان يصيب سجم امو
يخسر ينطم وينقنق ما عجيب
ينفض ايدينو ويصفق وما غريب
الرجوع الى أعلى الصفحة اذهب الى الأسفل
مجذوب الطيب




مُساهمةموضوع: رد: من ديك وعيك   السبت 5 يوليو 2014 - 20:40

الاخ عبد اللطيف رمضان كريم وتحياتى للاسرة كلامك صح يا عبدو من 1989 ديك وعيك

    الحرام بقى حلال والهبرة الكبيرة تحلل والسرقه الكبيره فساد عادى وكلو على الطريقة الاسلاميه

   ده عام الرماده فى السودان ادعوا لاخونكم بالفرج ورحيل الهمج
الرجوع الى أعلى الصفحة اذهب الى الأسفل
 
من ديك وعيك
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
 :: منتدى الحصاحيصا العام-
انتقل الى: