الرئيسيةس .و .جبحـثالتسجيلدخول
شاطر | 
 

 الرشيد حبيب الله ومجدوب عشان ما تفرحوا كتير بكاس "شينافا"

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
المحبوب أحمد الأمين




مُساهمةموضوع: الرشيد حبيب الله ومجدوب عشان ما تفرحوا كتير بكاس "شينافا"    الخميس 28 أغسطس 2014 - 15:15






مسطول راكب في حافله
ركبت جنبو بت "نجاضة"
عجبتو شديد
يعاين بي عينيهو التلاتة
فاتح خشمو "مِقهي"
داير يفتح معاها موضوع
فتش بي جاي وبي جاي
ما لقى مدخل
وفي الآخر قال ليها :
( السلام عليكم )
لوت بوزها لمن لبانتا قربت تقع
ورفعت حواجبا "مِستغربة"
وردت عليهو:
( اههههلا .. نعم ؟؟ )
إضاير من هول المساخة
قال ليها شكلك ما عرفتيني ؟؟
قالت ليهو لا !!!
ماحصل لينا الترف !!
قال ليها طيب بتعرفي جمال الوالي ؟؟؟
البت صلحت قعدتها وابتسمت وقالت ليهو :
آآآآي والله بعرفووو
وسامعة بيهو
قال ليها :
مش قال العارف عزو مستريح ..؟؟
قالت ليهو أيوة
قال ليها : بسسسس أنا عزو ذاتوووو ...




الرجوع الى أعلى الصفحة اذهب الى الأسفل
المحبوب أحمد الأمين




مُساهمةموضوع: رد: الرشيد حبيب الله ومجدوب عشان ما تفرحوا كتير بكاس "شينافا"    الخميس 28 أغسطس 2014 - 16:41



والتانية برضو نقلتها ليكم من كبسولات في بوست غاية في اللطف ل درديري الكباشي بسودانيزاونلاين


((((( جرته قدماه دون وعي منه الى المنتزه .مثل ما يفعل حمار بائع اللبن لصاحبه ,ذاك المكان الساحر الذي ضمهما وحفظ الهمسات وتلامست فيه الايادي .. قبل ما يظهر أبن خالتها الغائب خمسة عشر عاما في أمريكا .. غسل مخها وقلبها بالدولارات ونسيته في ظرف أسبوع .. في ذات المكان قابلته آخر مرة وقالت له ( نحن ما بننفع لبعض يا حسام ).. حاول أن يفهم سر هذا التغيير لم تفصح غير أنه بعد اسبوع شاهد صيوان الفرح أمام بيتهم وبعدها أختطفها طائر ميمون حيث مأمنها بعيدا خلف المحيط عند مخبأ الشمس ..صدمة كانت كضربة الملاكمة القاضية .. قام بعدها تائها هائما في الشوارع حانقا على الاناث حاقدا على العشاق.

رفع رأسه وجد المنتزه وقد بدأ العشاق يتجمعون أزواج كسرب الحمام .. الرؤوس تكاد تتلامس والهمس يصنع سيمفونية المساء .. قال بغل والله لن أتركهم يتهنون بعشفهم بعدي .( بلا حب بلا كلام فارق ) .. أستخرج تلفونه وتظاهر كأنه يتحدث مع أحد ما قائلا بأعلى صوته (أسمع يا فردة شايف أختك دي خالطة ليها واحد في المنتزه هنا ... نعم نفس المنتزه ..أيوا هسع قاعدين ) .. ثواني وتبدأ الزحمة على باب الخروج .. والطاولات مليئة بكاسات العصير والا يسكريم التي لم تمس ..أبتسم بخبث وأدخل جواله في جيبه وقال في نفسه ( تاني بس كدا )..))))).








الرجوع الى أعلى الصفحة اذهب الى الأسفل
عبداللطيف عوض الله عبدالل




مُساهمةموضوع: رد: الرشيد حبيب الله ومجدوب عشان ما تفرحوا كتير بكاس "شينافا"    الخميس 28 أغسطس 2014 - 17:17

الاخ / المحبوب سؤال ارجو الاجابة عليه هل سمعت ببطولة تقام في العام اكثرة من مرة
واحدة سيكافا حوض البط والاخرى سيكافا حوض الحمام

كتبت جريدة الاسياد الوصيف طير عزام وجاب كاس الحمام
الرجوع الى أعلى الصفحة اذهب الى الأسفل
الرشيد حبيب الله التوم




مُساهمةموضوع: رد: الرشيد حبيب الله ومجدوب عشان ما تفرحوا كتير بكاس "شينافا"    الجمعة 29 أغسطس 2014 - 9:43

تحياتي يا أستاذي المحبوب و أخي عبد اللطيف..

و جمعة مباركة عليكم..

أنحنا قاعدين نجقلب في عديلنا..
إنتو قاعدين تفنجطوا في شنو..؟
أنا يا محبوب.. فرحان كتير.. كتير كتير..
و للأن فرحان بلا حدود أو قيود..
فرحي بالأحمر هذه الأيام يذكرني بأيام أن أرزق بمولود
الحمد و الشكر ليك يا الله..
و الله من الفرح بكيت يومها (بمزاج)..
لاقاك زول ببكى بى مزاج..؟
حتى أشفق علي صغاري في البيت..
إلا أن حالة البُكاء ألهمتني شعراً للفنجري الأحمر..
و أنا أصلاً لا أجيد الشعر و النثر..
إلا أنه الفرح..
إن شاء الله ربنا يفك غبينتكم دي..
و يخليكم تكتبوا كلام غير ده.. !!
غايتو شينين شناة..
ربنا يلطف بيكم..
و دمتم
الرجوع الى أعلى الصفحة اذهب الى الأسفل
مجذوب الطيب




مُساهمةموضوع: رد: الرشيد حبيب الله ومجدوب عشان ما تفرحوا كتير بكاس "شينافا"    السبت 30 أغسطس 2014 - 7:11

المحبوب احبك وانت كده فى حاله قلق قرف زعل غيره بغر شنو الحاصل بيك ياحبيب وذى ما قال الاخ

 الرشيد نحن الايام ديل فرحانين بانجازنا وفرحابين باولادنا وفرحانين بالنجمة السامقه وبجمال دنيانا بوالى

 امبراطورية المريخ العظيم  . وده المرجو منكم وده حالكم تبخسون الناس اشيائها وانتم اصلا صفر +صفر=

صفر كبير ولما تجيبوا اى كاس تعالوا وتكلموا مع التحيه لك واخى عبداللطيف ودايرين سكافا 6 مرات فى السنة
الرجوع الى أعلى الصفحة اذهب الى الأسفل
المحبوب أحمد الأمين




مُساهمةموضوع: رد: الرشيد حبيب الله ومجدوب عشان ما تفرحوا كتير بكاس "شينافا"    السبت 30 أغسطس 2014 - 7:19






يا مجدوب بالمناسبة الهلالاب بتمنو ليكم كاس الكونفدرالية
خصوصا بعد تعيين فاطنةة شاش ناطق رسمي لادارة الهلال
وربنا ما يجيب زعل بس حبينا نداعبكن شوية
وكنت عارف الرشيد بكون داير يطير حبيت اغلغلو شوية
المهم انجاز المريخ زيو وزي شمش الصيف في عز النهار
ما في زول بقدر يحجبا مهما حاول
مع خالص التحايا






الرجوع الى أعلى الصفحة اذهب الى الأسفل
مجذوب الطيب




مُساهمةموضوع: رد: الرشيد حبيب الله ومجدوب عشان ما تفرحوا كتير بكاس "شينافا"    السبت 30 أغسطس 2014 - 7:55

تعرف يا المحبوب الهلالاب ديل ذى الملح لينا كان زاد  بمرضنا وكان نقص بيكون ما  فى

  طعم للحياة وربنا يجعل فاطمة شاش ناطق خير وتجيب ليكم الكؤوس العربيه والافريقيه والعالميه
 ما تكون ليكم ذى الصوارمى . ونحن بنحبك
الرجوع الى أعلى الصفحة اذهب الى الأسفل
الرشيد حبيب الله التوم




مُساهمةموضوع: رد: الرشيد حبيب الله ومجدوب عشان ما تفرحوا كتير بكاس "شينافا"    الأحد 31 أغسطس 2014 - 20:36

تحفيز المدربين بسيارات.. واللاعبين بأراضٍ زراعية وأموال.. بعد الفوز على بطل الصومال!

رئيس الهلال يستقبل أفواج المهنئين في مزرعته وبيته.. ومهرجان فرح ومسيرة بالسيارات


* (عادت إلى البلاد صباح اليوم بعثة نادي الهلال الظافرة بعد أن شاركت في بطولة شرق ووسط إفريقيا وحققت إنجازاً عظيماً للكرة السودانية باحتلالها للمركز الثالث في مجموعة الأقوياء بنيروبي والتي ضمت ليبردس الكيني وفيلا اليوغندي وبطل زنزبار وبطل الصومال، هذا وستستقبل بعثة الهلال استقبال الفاتحين حيث تتوجه جماهير الكرة بمختلف انتماءاتها واتجاهاتها منذ الصباح الباكر نحو مطار الخرطوم لتكون في استقبال أبطال الهلال الذين أعادوا للكرة السودانية سمعتها ومكانتها وجعلوا اسمها يتردد على كل لسان بعروضهم الرائعة وانتصاراتهم العظيمة التي أشادت بها الصحف الكينية ومراسلو وكالات الأنباء والمدربون والمشاركون في البطولة والذين أكدوا أن الهلال فريق عملاق نجح في تطبيق خطط اللعب وتكتيكاتها الحديثة التي تحتاج إلى قدر كبير من اللياقة والمهارة والقدرة على اللعب في مختلف وظائف الملعب، كما أبدى مدرب ليبردس إعجابه الشديد بمستوى الهلال في الدورة والذي لا يقل عن مستوى أفضل الفرق الأوروبية، وأكد مدرب فيلا أن الهلال يضم عدداً كبيراً من اللاعبين الذين يتمتعون بمهارات عالية وقدرات كبيرة، تؤهلهم للعب كمحترفين، وخاصة حارس المرمى الأسطوري والجناح الصاروخي جلال كادوقلي وعقل الفريق المفكر هود الذي أذهل الجماهير الكينية وحلق بها في سموات الفن الكروي الأصيل، ومن جهة أخرى علمت (السوداني) أن إدارة الهلال ستعقد اجتماعاً طارئاً مساء اليوم بمزرعة الرئيس ببتري لتحديد موعد المهرجان الرياضي الحاشد الذي سيقيمه مجلس الإدارة تكريماً لأبطال الهلال، والذي سيشمل العديد من الفقرات الشيقة والمتنوعة وستكون الفقرة الرئيسية مباراة كاملة بين الأسد الإفريقي بقيادة العمدة والأسد المرابط بقيادة حمد الجريف، وستقدم الإدارة الحوافز لأبطال نيروبي، حيث سيحصل كل لاعب على مبلغ عشرة آلاف جنيه من مجلس الإدارة بالإضافة إلى فدان زراعي لكل لاعب شارك في الدورة، والذي تبرع به عضو مجلس الإدارة فاروق نور الدين كما سيتم أيضاً تكريم الجهاز الفني المكون من ميروسلاف وكسلا حيث سيمنح كل منهما عربة جديدة، دراجة بخارية لفاروق دين (المدلك) تبرعت بها رابطة مشجعي الهلال في الإمارات، وسيقدم فقرات المهرجان الزملاء علي الحسن مالك وأحمد الحاج ومحمد تميم ومفتي محمد سعيد، وترجو اللجنة القومية لتكريم الهلال من كل أقطاب الهلال والشركات والمؤسسات التي تود التبرع لأبطال الهلال الاتصال بالسيد علي أحمد عباس نائب سكرتير الهلال، ويرجو صديق أبو إدريس سكرتير عام رابطة مشجعي الهلال من جماهير الهلال الوفية أن تحتل مقاعدها منذ وقتٍ مبكر في إستاد الهلال لتكون في استقبال الأبطال، هذا وستصدر جريدة الهلال عدداً خاصاً بمناسبة احتلال الهلال المركز الثالث في مجموعة نيروبي، وستكون مع العدد صورة ملونة لأبطال سيكافا، (بادر بحجز نسختك ولا تدفع أكثر من اثنين جنيه دعماً لمسيرة الهلال)، وعلمت (السوداني) أن السيد الطيب عبد الله رئيس نادي الهلال سيستقبل وفود المهنئين بمزرعته ببتري في الفترة الصباحية، وفي المساء بفيلته العامرة بالمنشية)!!!

الرجوع الى أعلى الصفحة اذهب الى الأسفل
الرشيد حبيب الله التوم




مُساهمةموضوع: رد: الرشيد حبيب الله ومجدوب عشان ما تفرحوا كتير بكاس "شينافا"    الأحد 31 أغسطس 2014 - 20:37

* المادة المذكورة أعلاه خطها الزميل الصديق محمد أحمد دسوقي في الصفحة الرياضية لصحيفة (السوداني) في العام 1992، بعد مشاركة الهلال في بطولة سيكافا بنيروبي (كينيا)، وفي البطولة المذكورة لعب الهلال في مجموعة نيروبي مع ليبردس الكيني، وناكيفوبو فيلا اليوغندي وسيمبا الصغير الزنزباري وإم بي سي الصومالي!!

* من يقرأ مادة الحبيب دسوقي سيظن قطعاً أن الهلال حقق إنجازاً هائلاً في المشاركة المذكورة!

* وسيتوهم أن الأزرق حلق باللقب وكسب الذهب!

* الحقيقة المثيرة للسخرية تفيد أن الهلال طار من البطولة من دورها الأول، وفشل في الترقي إلى الدور التالي، بعد أن حل في المركز الثالث خلف ليبردس الكيني وفيلا اليوغندي!!

* استقبلوا اللاعبين في المطار، وحفزوا كل لاعب بعشرة آلاف جنيه، وفدان زراعي، وحفزوا المدرب ميروسلاف ومساعده محمد حسين كسلا بعربة لكل واحد منهما، ومنحوا المدلك فارق دين (رحمة الله عليه دراجة نارية)، وتلقى رئيس الهلال الطيب عبد الله (رحمة الله عليه) وفود المهنئين صباحاً في مزرعته ببتري، ومساءً في منزله بالمنشية، وناشدوا الهيئات والمؤسسات التبرع للاعبين، ونظموا مهرجاناً ضخماً على شرف (الأسد الإفريقي)، حوى فقرات شيقة ومتنوعة وكانت الفقرة الرئيسية مباراة كاملة بين الأسد الإفريقي بقيادة العمدة والأسد المرابط بقيادة حمد الجريف، قدمت فيه الإدارة الحوافز (لأبطال نيروبي) مع أنهم طاروا من الدور الأول، ولم يفوزوا إلا على بطل الصومال فقط، ويستنكرون على المريخاب الاحتفال بفريقهم الحاصل على ذهب سيكافا!

* أضحك مع الأهلة!

* تاريخهم يرد عليهم!

* وصفحات صحيفة (السوداني) تشهد عليهم!

* زعموا أنهم أعادوا للكرة السودانية سمعتها ومكانتها وجعلوا اسمها يتردد على كل لسان بعروضهم الرائعة وانتصاراتهم العظيمة التي أشادت بها الصحف الكينية ومراسلو وكالات الأنباء والمدربون والمشاركون في البطولة والذين أكدوا أن الهلال فريق عملاق نجح في تطبيق خطط اللعب وتكتيكاتها الحديثة التي تحتاج إلى قدر كبير من اللياقة والمهارة والقدرة على اللعب في مختلف وظائف الملعب.. مع أنهم لم يفوزوا في البطولة المذكورة إلا على إم بي سي الصومالي!

* أشكر الحبيب وليد نجم الدين (أبو نجمة) الذي أمدني بالقصاصة المذكورة بعد أن تم نشرها في منتدى محبي المريخ الإلكتروني، وفيها قرأنا العجب العجاب!

* فدان زراعي وعشرة آلاف جنيه ومهرجان حاشد وسيارات ودراجات نارية للاعبي الهلال ومدربيهم مكافأة (الطيران المنخفض) من سيكافا.. ويتحدثون عن ضعف بطولة سيكافا!

* استقبالات في المطار ومهرجانات في الإستاد وأفواج مهنئين في منزل رئيس النادي، ويصفون سيكافا بالضعف والتخلف!

* يستكثرون على المريخاب الفرحة بكأس سيكافا.. بعد أن احتفلوا بالخروج من الدور الأول للبطولة، وحفزوا اللاعبين بالأراضي الزراعية والأموال!

* عش رجباً ترى عجباً!

* ما أجمل تصفح صفحات التاريخ.. لتأكيد عظمة المريخ!
الرجوع الى أعلى الصفحة اذهب الى الأسفل
الرشيد حبيب الله التوم




مُساهمةموضوع: رد: الرشيد حبيب الله ومجدوب عشان ما تفرحوا كتير بكاس "شينافا"    الأحد 31 أغسطس 2014 - 20:38

كمل .. كمل يا مزمل
الرجوع الى أعلى الصفحة اذهب الى الأسفل
الرشيد حبيب الله التوم




مُساهمةموضوع: رد: الرشيد حبيب الله ومجدوب عشان ما تفرحوا كتير بكاس "شينافا"    الإثنين 1 سبتمبر 2014 - 3:49

رأيك يهمنا يا محبــــــــــــــــــــــــــــــــــــــــــــــــــــــــــــــــــــــــــــوب..
الرجوع الى أعلى الصفحة اذهب الى الأسفل
المحبوب أحمد الأمين




مُساهمةموضوع: رد: الرشيد حبيب الله ومجدوب عشان ما تفرحوا كتير بكاس "شينافا"    الإثنين 1 سبتمبر 2014 - 16:54




استاذي ابوحبيب
اسي اكان احتفلت مع جماعتك ما كان اخير ؟؟
زغت من الرد عليك كم يوم برضو لقيتك حارسني
ما وريتنا كيفية الاستعداد للممتاز عطبرة وشندي وكدة "لو انت نسيت انا ما نسيت " أغنيها ليك ؟؟
بالمناسبة ذكرتني نكتة لحارس المريخ الحصاحيصا "الثعلب"
كنا في عطبرة مع المريخ
وذات مساء جات سيرة "سيكافا"
قال كانوا في نادي المشعل اربجي بتابعوا في مباراة هلال وواحد من فرق سيكافا لا اذكره
الشوط التاني وبعد ربع ساعة الهلال استقبل الهدف التاني
الراجل انسحب من النادي مشى اهلو
لسوء حظه لاقاهو مريخابي "عكليت" زيك كده سالوا من النتيجة كم ؟؟
بي زعلتو قال ليهو اتنين صفر "وهو ماشي"
العكليت واصل قال ليهو : لي منو ؟؟
داك قال ليهو بحرقة : لي سيكافا



الرجوع الى أعلى الصفحة اذهب الى الأسفل
الرشيد حبيب الله التوم




مُساهمةموضوع: رد: الرشيد حبيب الله ومجدوب عشان ما تفرحوا كتير بكاس "شينافا"    الأربعاء 3 سبتمبر 2014 - 5:16

أستاذي الحبوب المحبوب..
عارفنك ما زول كورة شديييد..
و دخلتا نفسك ساكت مع المريخاب..
و نقدر مداعبتك اللطيفة..
كما نقدر هلاليتك ..
ما تجي تقول أنا ما هلالابي..
و لكن ضد الإنقاذ..؟
عارفك في الحتة دي ممكن تلاوينا بذات (العكلتة) التي نسبتها لي مازحاً..
متعك الله بالصحة و العافية..
بس خليني أدي باقي الهلالاب الهدية دي..
و دمتم


" />

الرجوع الى أعلى الصفحة اذهب الى الأسفل
محمود علوب




مُساهمةموضوع: رد: الرشيد حبيب الله ومجدوب عشان ما تفرحوا كتير بكاس "شينافا"    الأربعاء 3 سبتمبر 2014 - 11:33

ابو الشوش ..
هديتك مقبولة ..
لكن ما تنسي ترفق معاها عمود (دسوقي) الذي ادرجه أمس (حتي تكتمل الصورة) ..
.
.
الشارع الرياضي
محمد احمد دسوقي

اضحك مع مزمل ابوالقاسم..!!
اذا كان الهلال يحتفل بخروجه المبكر من سيكافا لاعتبر نفسه فائزاً بعدة بطولات اقليمية بوصوله للنهائي الاندية مرتين..!!
× أعاد الأخ الصديق مزمل أبوالقاسم قبل عدة أيام بالزميلة الصدى مادة كتبتها قبل أكثر من ربع قرن عندما كنت رئيساً للقسم الرياضي بجريدة السوداني في عهدها الأول بمناسبة خروج الهلال من المرحلة الأولى لبطولة سيكافا بنيروبي واحتلاله للمركز الثالث بفوز وحيد على بطل الصومال بعد ان كانت الجماهير تتطلع لفوز الهلال ببطولة خارجية بعد ان وصل لنهائي كبرى بطولات الأندية قبل عدة سنوات..
× ولم تكن المادة ابتهاجاً بطيران الهلال من المرحلة الأولى كما يفهم من تعليق الأخ الأستاذ مزمل ولكنها كانت مادة ساخرة تهكمت فيها على مستوى الهلال الذي خيب آمالنا في الفوز ببطولة سيكافا والعودة بكأس محمول جواً واغتال احلامنا في عبور الأزرق لكل المراحل والوصول للنهائي الذي يفترض ان يكون لصالحه وهو الذي هزم اكبر وافضل الاندية الافريقية وشق طريقه بقوة نحو مواجهة الاهلي القاهري في عام 1987م..
.
.
و باقي العمود تلقي هناك في (كفر و وتر) ،
اعتبروا هدية مننا نحن (الهلالاب ، الممحوقاب ، الصفراب) - كما تداعبنا دائما - ردا لهديتك أعلاه .
.
.
سيكافا للمريخاب القيافة .
الرجوع الى أعلى الصفحة اذهب الى الأسفل
محمود علوب




مُساهمةموضوع: رد: الرشيد حبيب الله ومجدوب عشان ما تفرحوا كتير بكاس "شينافا"    الأربعاء 3 سبتمبر 2014 - 12:10

يا ابو حبيب ..
فرفور ولدنا غني ليكم ..
عاد أكتر من كده نفرح ليكم كيف !!!
.
.
.
محمد احمد دسوقي - اليوم
فرفور غنى للمريخ في حضرة الوطن وقدم درساً في الروح الرياضية ونبذ العصبية
مشاركة فرفور في احتفالات المريخ لا تجرده من هلاليته بل هي اضافة له وللأزرق
فرفور أعطى احتفالات المريخ قيمة ومعنى وجعل جماهيره تهتف "مشكور مشكور يا فرفور"
× تواصل بعض مواقع التواصل الاجتماعي هجومها على الفنان جمال فرفور بسبب مشاركته بالغناء في المهرجان الذي أقامه المريخ احتفالاً بفوزه ببطولة سيكافا.. وقد شككت بعض هذه المواقع في هلالية جمال فرفور بسبب هذه المشاركة رغم ان ولاءه وانتماءه للهلال ليس موضع شك واكبر من أي اتهام بالمريخية..!
× الفنان جمال فرفور عشق الأزرق الأنيق في سن مبكرة ولم يتخلف يوماً عن تشجيعه ومساندته في المدرجات حتى بعد ان اصبح واحداً من اعمدة الغناء السوداني وأشهر الفنانين الشباب الذين تركوا بصمة واضحة واحتلوا مكانة كبرى في نفوس الجماهير..!
× ان مشاركة جمال فرفور في احتفالات المريخ لا تنقص من هلاليته أو تجرده منها بل هي في الواقع اضافة له وللهلال حيث افرح المريخاب وأعطى لاحتفالاته قيمة ومعنى بأغنياته الرائعة وصوته الجميل وتطريبه العالي وألحانه الشجية القادمة من شمال العرضة لاشاعة البهجة في احتفالات أهل العرضة جنوب بكأس سيكافا..!
× واذا كان انتصار المريخ وفوزه ببطولة خارجية هو انتصار للوطن الذي شارك باسمه في هذه المنافسة فان مشاركة فرفور في احتفال المريخ هي تأكيد لوطنية الفنان الهلالي الذي هتفت له جماهير المريخ "مشكور مشكور يا فرفور" تقديراً منها لمشاركة فنان أزرق في احتفالات النادي الأحمر الذي يعطي انتصارات الهلال عليه قيمة ونكهة وبدونه تموت المنافسة وتصبح البطولة بلا طعم أو اثارة..!
× ان شعبية جمال فرفور الفنان الهلالي لا تقتصر على الجماهير الزرقاء بل تمتد لاعداد هائلة من جماهير المريخ التي تعشق فنه وتذوب وجداً في غنائه الذي هو لكل الناس وليس للأهلة وحدهم الذين لا يحق لهم احتكاره ومنع الآخرين من الاعجاب به والتجاوب مع أغنياته..!
× فرفور غنى للمريخ في حضرة الوطن وأبهج القبيلة الحمراء بروائع فنه ونثر عليها أريج المحبة الهلالي لنادي لا يعرف العصبية والكراهية ويحمل الحب والخير لكل الرياضيين..
الرجوع الى أعلى الصفحة اذهب الى الأسفل
 
الرشيد حبيب الله ومجدوب عشان ما تفرحوا كتير بكاس "شينافا"
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
 :: منتدى الحصاحيصا العام-
انتقل الى: