الرئيسيةس .و .جبحـثالتسجيلدخول
شاطر | 
 

 واحدة حلوة زي ليل السهاد والتانية لو لقو ليها "سِر الغنا" كان جابوا ليها "خاتم المنى"

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
المحبوب أحمد الأمين




مُساهمةموضوع: واحدة حلوة زي ليل السهاد والتانية لو لقو ليها "سِر الغنا" كان جابوا ليها "خاتم المنى"    الخميس 28 أغسطس 2014 - 15:33













الرجوع الى أعلى الصفحة اذهب الى الأسفل
المحبوب أحمد الأمين




مُساهمةموضوع: رد: واحدة حلوة زي ليل السهاد والتانية لو لقو ليها "سِر الغنا" كان جابوا ليها "خاتم المنى"    الخميس 28 أغسطس 2014 - 15:40




والتانية قصة
لا ليها بداية
ولا إتعرفت نهايتا
وياريت لو عثمان خالد كان عندو "سِر الغنا"
ومن غيرو بقول

والله يا احلى البنات
لو كان لقيت سر الغنا
كان طرت عانقت الخيال
حلقت عبر الأزمنة
وقلت الخيال يصبح حقيقة
ونهدي ليك خاتم المنى



شان تسرحي وتتخيلي
وتتوهي في بحور الخيال
تتمني فيها وتسألي
ويتم ليك كل المنى
تستاهلي
العرش البشيل
حسنك يطوف بيك العصور تستاهلي
ويمر بيك عبر الزمان
شان تمرحي وتتخيلي
كيفن تجيك ليلى بتغير
يبين عليها وينجلي
وكيفن تجيك بلقيس ترش
دربك ورود لو تقبلي
ويطل جميل وكثير يقولوا
بيوت شعر مرهف طلي
وتمري بي عهد الرشيد
ويغني ليك الموصلي


الرجوع الى أعلى الصفحة اذهب الى الأسفل
المحبوب أحمد الأمين




مُساهمةموضوع: رد: واحدة حلوة زي ليل السهاد والتانية لو لقو ليها "سِر الغنا" كان جابوا ليها "خاتم المنى"    الخميس 28 أغسطس 2014 - 15:48




تستاهلي لو درتي من قلبي القمر
باقات أساور أو حلي
أو حتى من كل النجوم
عنقو مبهرج ومنطلي
كان خف لي لقاك القمر
منصاع وقال ليك أسألي
وكان حفو دنياك النجوم
إتباكوا ليك
شان تنزلي
تختاري ليك باقات عهود ويغنوا ليك وتغزلي


الرجوع الى أعلى الصفحة اذهب الى الأسفل
المحبوب أحمد الأمين




مُساهمةموضوع: رد: واحدة حلوة زي ليل السهاد والتانية لو لقو ليها "سِر الغنا" كان جابوا ليها "خاتم المنى"    الخميس 28 أغسطس 2014 - 15:51





شفتيني كيف حاضن هواك
غيران عليك من كم سنة
شفتيني كيف ساعة الوداع
أنا كنت دمعة محننة
والليلة يا نعمة حياتي
بذوب حنان وبذوب منى
والليلة عايش أمنيات
يا حليلة لو كان ممكنة
أحكيك حروف أشواقي ليك
وأسمع حروفك وأحضنا
تســــــــــــــــــــــتاهلي
تستاهــــــــــلي
تستاهلي






الرجوع الى أعلى الصفحة اذهب الى الأسفل
المحبوب أحمد الأمين




مُساهمةموضوع: رد: واحدة حلوة زي ليل السهاد والتانية لو لقو ليها "سِر الغنا" كان جابوا ليها "خاتم المنى"    الخميس 28 أغسطس 2014 - 16:22



عودا على ذي بدء
حلاوة ليها طعم السر قدور
تصاوير تماثل البهاء نفسو

ياحلوة يا ست البنات
يامتعة للحب والنظر
طولتي بتخبي الغرام
الليلة في عيونك ظهر
في بسمتك في رقصتك
في خدودك الحلوين زهر
خلاك أحلي من البنات
واللهِ أحلي من القمر





يا حلوة ذي ليل السهاد
بي فتنه دليتي الشعر
جل المصور يا ملاك
خلاك في احلي الصور
وخلاني تايه في الغرام
راجيك شهر وراء شهر
اليوم عيونك قالوا لي
بحبي ليك قلبك شعر
خلاك شعلة تضوي نور
والله احلي من القمر

يااا حلوة بس خجلانه ليه
ايه الغريب و الحب حلاااال
فى نظرتك اجمل كلااام
دايما تقول للحب تعااال
بقيتى زى زهر الربيع
جميلة احلى من الجمااال
علمتى عينى السهر
ساااهرتى بالمحبوب شهر
الليلة حبك باان عليك




الرجوع الى أعلى الصفحة اذهب الى الأسفل
المحبوب أحمد الأمين




مُساهمةموضوع: رد: واحدة حلوة زي ليل السهاد والتانية لو لقو ليها "سِر الغنا" كان جابوا ليها "خاتم المنى"    الخميس 28 أغسطس 2014 - 16:29



ومناسبة الاغنية من قوقل

(( كان حفلا غنائياً جميلاً مع بداية ستينات القرن الماضي، والمدينة هي الخرطوم بحري، والحي هو حلة خوجلي بجوار بيوت السادة المراغنة، وقد ظهر وقتها الفنان صلاح ابن البادية على الساحة الفنية حيث كانت أغنية (الأوصفوك) تتسيد الساحة وقد أداها صلاح بصوته الطروب ذاك (يبرق سناك في غيهب الليل الحلوك) .. أغرب شمايل زاملوك .. وهم أكملوك .. وأدبك هبة وحسن الظباء .. وفيك موهبة وطبع الملوك) ورحم الله عتيق.

كان في ذلك الحفل عميد الفن يشرف على الإعداد للفرح، كانت له علاقة دم أو صداقة مع أصحاب الفرح وقد شارك أيضاُ الغناء، نعم عن الراحل أحمد المصطفى قد كان زعيماً للمجاملات الاجتماعية فقد حكى لي ذات مرة الأستاذ والصديق السني السيد ابن ودمدني والإداري حالياً بالعاصمة القطرية الدوحة، بأنهم ذات مرة أتوا من ودمدني الى أم درمان في (سيرة عرس) لأحد أبناء أهلهم، غير أن الفنان قد تأخر ولم يحضر من ودمدني، فظلوا في الشارع ينتظرون ويتطلعون لرؤيته، وفجأة بينما هم كذلك يظهر الأستاذ الراحل أحمد المصطفى بعربته ويتوقف ليسألهم، فحكوا له الحاصل وأنهم في موقف حرج في بيت الفرح، فقال لهم انتظروني نصف ساعة وسوف أقوم بحل المشكلة، وقد كان .. حيث ذهب الى نادي الفنانين وأتى بمجموعة عازفين وأحيا لهم الحفل حتى الساعات الأولى من فجر اليوم التالي وبلا مقابل ,, رحمك الله يا أحمد المصطفى.

المهم .. كان السر قدور حضوراً في ذلك الفرح بحلة خوجلي للمشاركة باسكتش فكاهي تمثيلي مع الراحل أحمد حميدة (تور الجر)، حيث كان من الطبيعي في ذلك الزمان أن تجد الفكاهة خلال فقرات حفل الزواج، او تجد منولوجيست يشارك في الفواصل بمنلوج فكاهي. وفي أثناء الحفل أتت فتاة وقد كانت بازخة الجمال، وهي تعرف أن السر قدور قد تسيد ساحة الشعر الغنائي في ذلك الزمان مع الكاشف والعاقب محمد حسن بجميل أشعاره الطروبة حيث أطلت وقتها (الشوق والريد .. يا صغير يا محيرني) ومتحير .. واتلاقينا مرة .. واتدللي) إلى آخر الأغنيات الحسان للسر قدور. فقد طلبت تلك الحسناء من السر قدور أن يؤلف فيها قصيدة تُغنى، غير أن الأستاذ قدور لم يعر للأمر اهتماماً .. الى أن ينتهي الحفل، وقد كان العميد يرف على توفير الترحيل للفنانين والموسيقيين المشاركين في حفل الفرح ذاك.. وكان السر قدور واقفاً خارج المنزل، وإذا بتلك الفتاة وهي تمتلك جرأة عالية توجه عتاباً له عن طريق أحمد المصطفى قائلة له: تصدق يا أستاذ أحمد لقد طلبت من الأستاذ قدور أن يعمل لي قصيدة ويعطيها للفنان الجديد هذا (تقصد ابن البادية)، (لكنه طنش طلبي) وهنا ضحك أحمد المصطفى موجهاً اللوم للسر قدور: شنو يا قدور .. يعني بنتنا دي ما عجبتك وللا شنو؟ فأجاب السر قدور، كيف لم تعجني، ثم أردف قائلاً: أدوني ورقة وقلم، فلم تصدق الفتاة وأحضرتها على وجه السرعة من داخل المنزل .. وهنا قال السر قدور لأحمد المصطفى كيف يا أبوحميد تقول البنت دي ما عجبتني .. مضيفاً (دي زي القمر والله) وقد انهمك في كتابة النص فوراً:

دي زي القمر ... والله أحلى من القمر
يا حلوة يا ست البنات .. يا متعة للحب والنظر
طولتي بتخبي الغرام ... الليلة في عيونك ظهر
في بسمت في رقصتك .. في خدودك الحلوين زهر
خلاك أحلى من البنات .. والله أحلى من القمر

ثم قام بتسليمها للفنان ابن البادية، ولم يمض أسبوع واحد حتى كانت تبث من الإذاعة كأجمل أغنيات صلاح الخفيفة .. وشكراً للسر قدور وابن البادية وأطال الله في عمريهما .. وربما أصبحت تلك الفتاة الحسناء الآن (حبوبة) .. من يدري))





الرجوع الى أعلى الصفحة اذهب الى الأسفل
 
واحدة حلوة زي ليل السهاد والتانية لو لقو ليها "سِر الغنا" كان جابوا ليها "خاتم المنى"
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
 :: منتدى الحصاحيصا العام-
انتقل الى: