نستعرض هنا مساهمات اعضاء المنتدى الخاصة من شعر وخواطر شعرية,,,
فلنبدأ

يا السمحة يا ست البنات

يا الغالية يا كلك ثبات

وزنوك مع الدهب وانتي مع الدهب وزنك فات

سموك ....... وانتي الجمال كلك كمال

يا غالية يا بدر البدور

يا وردة في وسط الزهور

إنشاءالله سعدك يا بنية فايت بنات الحور

سار بيك عريسك ودار من دار لدار

وداك أديس ومن كينيا لدبي بلد الجمال

انشاءالله تسعدي في بعادك والدار بعدك عمار

إلا العمار كان بيك انتي يا السمحة يا ست الدلال

ممتاز استمري,,,

ممتاز,,,,الى الامام

كتبت فيك كل الكلام عشان أوصف عينيك

لقيت فيك الكلام ما بنكتب

ابحرت في دواخلك كتير لقيت فيك بحور ما ليها حد

حلفت انو تكون ظلام وشاطئك ما القاه بد

يا قاسي ارحل لبعيد

خلي القليب بعدك يريد

أحببتك دماً يجري في نبضي

احببتك طيفاً يمضي كي يأتي

لو زاد حنينك ذكراك تشجيني

لو طال فراقك ياليتك تسبيني

عمري لك وحدك أتركة

قلبي لك وحدك تملأه

فكياني يعشقك يحترق

يا من صرت ذكري تؤلمني

دعني أرحل تاركة قلبي ملكك

من بعدك اتمزق الماً اتردد

داعبني صوتك حلماً يتجدد

زارني طيفك خيالاً وتبدد

عادت أحزاني تؤلمني وصرت أعاني من فقدك

دع طيفك يرحل دع صوتك يرحل

اتركني كي اعرف دربي فأواصل سيري من بعدك ...................

يديك العافية أخ ابراهيم ويسلمك بالجد مروركم علي اسهاماتي المتواضعة يديني الدافع علشان أواصل بس استحملو اخطائي وحاولو صلحوني وانا بالجد بقبل أي انتقاد لأني انا ما شاعرة أنا يادوب بحاول أكون مشروع كاتبة

الشعر بصورة احترافية يعتمد على الموسيقى الداخلية المتزنة للالفاظ وتركيب القافية بصورة متناسقة من بين عدد من المقومات التي يجب توفرها لصناعة القصيدة,,,,مساهمة جميلة يلاحظ فيها غياب الالتزام بوزن مرتب للقافية وماعدا ذلك فقد وردت بها صوروخيالات تشيرالى غنى المقصد والمضمون وان تم الاختصار في عدد من المواضع,,,نصيحة جربي تكتبي قصيدة طويلة ولو كتبتيها نشوفا,,,متابعين استمري ياهنوية

تسلم يا صفوان ويديك العافية ( اصلا انا قاعدة اكتب بالمناسبات ويمكن هي دي المشكلة يعني انا اي حاجة كتبتها عندها مناسبة معينة علي العموم احاول اكتب جديد انشاءالله بس انتو لازم تتحملو القديم بأخطاءة لغاية ما اتحسن )

مافي عوجة منتظرين,,,

عايشة وماكي مرتاحة
تحلفي تقولي مرتاحة
وانتي البيك ذي ريحاً خطف فرحك من الساحة
وزرع جواك أحزانه ... شفتي الريح ما أصلو الريح دي كتاحه
تشيل الدايراه براحــــــــــــــه
وانتي الدايشه ما عايشه
تشوفيه وتلاقيه ووتشوفي الجوووة في عيونه
تقولي خلاص ده يا هو خلاص
تخلي الريح تشيل فرحك وبعد ما تمر لياليه
تشوفي الإنتي ما شوفتي وتعرفي الإنتي ما عرفتيه
وتقولي انا الشفته ده ما ياهو ..... بس بعد ما الزمن ولي وراح