الرئيسيةس .و .جبحـثالتسجيلدخول
شاطر | 
 

 يا مهدي الامين "المنتظر" !! أها نحن شايفين فيك أحلامنا نحن ذاتنا رايك شنو ؟؟ فيديو

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
المحبوب أحمد الأمين




مُساهمةموضوع: يا مهدي الامين "المنتظر" !! أها نحن شايفين فيك أحلامنا نحن ذاتنا رايك شنو ؟؟ فيديو    الجمعة 23 يناير 2015 - 6:55








الرجوع الى أعلى الصفحة اذهب الى الأسفل
عمارعبدالله




مُساهمةموضوع: رد: يا مهدي الامين "المنتظر" !! أها نحن شايفين فيك أحلامنا نحن ذاتنا رايك شنو ؟؟ فيديو    الأحد 22 فبراير 2015 - 19:41

الله يااستاذالمحبوب إختيارمميز لشاب مميزياحليلك يامهدى الصداح عطرك فاح فاح تمنياتى لك بالتقدم يامبدع..
وتحية خاصة لك اخى المحبوب
الرجوع الى أعلى الصفحة اذهب الى الأسفل
المحبوب أحمد الأمين




مُساهمةموضوع: رد: يا مهدي الامين "المنتظر" !! أها نحن شايفين فيك أحلامنا نحن ذاتنا رايك شنو ؟؟ فيديو    الإثنين 23 فبراير 2015 - 5:53




أشعلت النار يا عمار
تسلم ياخي
وبالفعل مهدي الأمين بالتسجيل دا أعادنا لأيام مضت "عجلى"
ما إتمهلت كلو كلو
ظهر كفنان ومطرب عديل
سمعتو بالصدفة في "الحلة الجديدة" ذات مساء خريفي لطيف
صوت شجي وقوي عالي التطريب
أصريت أشوف الزول البغني دا
زمان ما كان في مانع من "الإقتراب" من اي حفلة و"إسترقاق" السمع"
فرقة موسيقية مكتملة "عدة وعتاد" غاية في الإنسجام
واداء "جاد" لمطرب وفنان واثق من نفسو
يغني والناس تسمع مستمتعة دون جلبة تنطرب لمن راسك "يلف"
ومن ديك وعيك
باريتو من حفلة لي حفلة "إلا ما أسمع بيهو"
الحلال من الصداقة لي أبوعشر
الحلاوين مصطفى قرشي وشرفت وأبسير ومناقزا
وتجي بي جاي ودشنتور والقوز ونايل
وأبوجويلي وأم سيالة لي عند ودبهاي الأهدتنا هذا المطرب الفنان
حتى الحفلات في المدينة من الامتداد لي المايقوما وأركويت
والضقالة وأربجي وأبيد وودهجا
"حفلات الشرق صعبة لانو البنطون كان بقفل عشرة بالليل إلا تبيت"
ومن شدة اعجابي بيهو كنت برشحو للعرسان في حلتنا "نظام شلاقة ساي"
وعلى فكرة الناس زمان كانوا بقبلوا الترشيحات دون "وجل"
إنت عريس ممكن يرشحوا ليك العروس والفنان
كمان ينسقوا ليك المواعيد "مع مرتبات المحالج وصرف المزارعين"
ما كان في شهر عسل إلا في حدود ضيقة
وبمناسبة الترشيحات فمرة مع عريس قريبنا
وفي جلسة واحدة عملنا كافة الترشيحات اللازمة
والعريس إتكيف لمن قال لازم يسافر شهر العسل "إنتركونتننتال مدني"
واجهناهو "يازول ماعندك شعر لي رقبة شهر عسل"
"لا وكمان كلمناهو وقلنا ليهو كراعك ما طويلة وكشفك ما بغطي"
عندنا جدنا راقد بسمع في "المفاوضات"
قام قعد علي حيلو قال "يعني بقت علي مصاريف شهر العسل"
"حرم أكان يمش .... وعلي الطلاق تعريفة ما يخسرا"
قلنا لي جدنا "الفندق دايرليهو أقل حاجة خمسة وسبعين جنيه "
قال "إنتو مجانين ولا شنو ؟؟ ...فندك مكسر في روسيكن المطربشات ديل "
العريس داير يطير من الفرح "إتكيف لقى ليهو مخرج "
ولسان حالو "شهر عسل في مدني ؟؟ ومجان دي كيف ياجدي؟؟"
وما خلانا نندهش كتير
قال لينا "أسمعو هنا حرم النهار يعديهو في أم بارونة ..."
"من شدرة لي شدرة لي المغرب يركب عربات دردق" ولا "الجزيرة" ماعارف
"يمش القسم الأول في ود أزرق يصل بالليل"
"يخش علي ناس عباس ود عبد الرحمن يخت صفِحتو للصباح"
"فيها شنو ؟؟ والجايب خبرو منو ؟؟"
ولمن جينا لموضوع الحفلة واقترحنا للعريس مهدي الامين قال لينا ما بجيبو
ولمن زرزرناهو قال لينا "ياخي غناهو مافيهو عرضة"
أنا شبيت قلت ليهو "تعرض عريان بركة النبي"
أها بقى ماسكة لي يوم الليلة
"ياخي إنت عريس تقعد في كرسيك جنب عروسك...
"ويجي يغني ليك مهدي الأمين الحنينة السكرة وعروسك تتبسم ...
"وإن بقى علي النطيط خلاس سويهو في أم بارونة"
عموما نتمنى نسمع مهدي الامين أكتر واكتر حتى يعود للمنطقة ألقها
وترجع لي ليالينا بهجتـها
وتكسو وجوهنا الضحكات البتزيل الكدر
وتنبض قلوبنا بالحب
حب للناس والأشياء




الرجوع الى أعلى الصفحة اذهب الى الأسفل
المحبوب أحمد الأمين




مُساهمةموضوع: رد: يا مهدي الامين "المنتظر" !! أها نحن شايفين فيك أحلامنا نحن ذاتنا رايك شنو ؟؟ فيديو    الإثنين 23 فبراير 2015 - 11:49




وياعمار ما تقول حاجة امسك دي هدية
"لونية مختلفة"







الرجوع الى أعلى الصفحة اذهب الى الأسفل
المحبوب أحمد الأمين




مُساهمةموضوع: رد: يا مهدي الامين "المنتظر" !! أها نحن شايفين فيك أحلامنا نحن ذاتنا رايك شنو ؟؟ فيديو    الإثنين 23 فبراير 2015 - 11:51










الرجوع الى أعلى الصفحة اذهب الى الأسفل
بكرى عثمان حمد




مُساهمةموضوع: رد: يا مهدي الامين "المنتظر" !! أها نحن شايفين فيك أحلامنا نحن ذاتنا رايك شنو ؟؟ فيديو    الإثنين 23 فبراير 2015 - 12:41

والله ده زول ذو تطريب عالى وامتاع مدهش ..
وين الزول ده الان ... كيف مواهب ذى دى تجى وتروح والزول ما يسمع بيها ... اداء .. قوة صوت .. اوكسترا هائلة ومتمكنة ومكتملة ...
والله حرام زول ذى ده تخلو الساحة من امثاله وتمتلى الساحة الان باى كلام وكلام ... والله عجب!!!
الرجوع الى أعلى الصفحة اذهب الى الأسفل
عمارعبدالله




مُساهمةموضوع: رد: يا مهدي الامين "المنتظر" !! أها نحن شايفين فيك أحلامنا نحن ذاتنا رايك شنو ؟؟ فيديو    الإثنين 23 فبراير 2015 - 20:03

استاذالمحبوب مساءالخيرمن ارض الغربة لى الحصاحيصا سلامى وعلى الحرام متعه ومتعه تعيدالزول لى زمن جميييييييييييييييييييييل حرمونا منو الله يحرمهم شكرالهدية القيمة جداَوعليك الله شوف فتش وفتش فى زول كمان مميز سموه محمدكمال الدين بلبل لم يجدحظومن الإعلام..
الرجوع الى أعلى الصفحة اذهب الى الأسفل
عمارعبدالله




مُساهمةموضوع: رد: يا مهدي الامين "المنتظر" !! أها نحن شايفين فيك أحلامنا نحن ذاتنا رايك شنو ؟؟ فيديو    الإثنين 23 فبراير 2015 - 20:06

يادكتوربكرى مساءالخير الحصاحيصا غنيه جداًيالمواهب والمبدعين رغم مانرى من هجرة المبدعين..وفى يوم كان فى الحصاحيصا فن جميل وفنانين وشعراء غطاهم غبارالإنقاذ ولكنهم موجودين..
الرجوع الى أعلى الصفحة اذهب الى الأسفل
عبداللطيف عوض الله عبدالل




مُساهمةموضوع: رد: يا مهدي الامين "المنتظر" !! أها نحن شايفين فيك أحلامنا نحن ذاتنا رايك شنو ؟؟ فيديو    الجمعة 27 فبراير 2015 - 7:41




اشكر الاخ / المحبوب على تناوله الموضوع الرائع عن المطرب مهدي الامين فالذي لايعرفه المحبوب فقد عملت معه سنوات معه بالساوند
فقد جبنا معه جميع قرى الجزيرة وسيكون لهذا الموضوع بوست اخر
الرجوع الى أعلى الصفحة اذهب الى الأسفل
 
يا مهدي الامين "المنتظر" !! أها نحن شايفين فيك أحلامنا نحن ذاتنا رايك شنو ؟؟ فيديو
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
 :: منتدى الحصاحيصا العام-
انتقل الى: