الرئيسيةس .و .جبحـثالتسجيلدخول
شاطر | 
 

 غندور ((....العمل السياسي سهر وقهر ووجع ضهر...)) طيب ما كفاك "ضهرك" دا ما حقك ؟؟

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
المحبوب أحمد الأمين




مُساهمةموضوع: غندور ((....العمل السياسي سهر وقهر ووجع ضهر...)) طيب ما كفاك "ضهرك" دا ما حقك ؟؟    الخميس 5 فبراير 2015 - 6:56








في حوار مطول حاوره فتح الرحمن شبارقة
الحوار منشور في "سودانايل"
سأله شبارقة قال ليهو (( الأغلبية تتوقع أن يفوز الوطني بالانتخابات، فهل أنت مع توقعات الأغلبية؟ )).

أجاب
(( التوقعات بحسابات السياسة، سيجد المؤتمر الوطني إن شاء الله وضعاً مريحاً في الانتخابات. ولكنها ليست نزهة، فأنا كما قلت ( العمل السياسي هو سهر وقهر ووجع ضهر) ،ونحن نخطط لهذه الانتخابات منذ الانتخابات الماضية. لكننا نعتقد أن هنالك سيكون تنافس حقيقي بين المرشحين. فالانتخابات على المستوى الجغرافي على الأقل تتدخل فيها قضايا شائكة غير الولاء الحزبي.....)).






الرجوع الى أعلى الصفحة اذهب الى الأسفل
المحبوب أحمد الأمين




مُساهمةموضوع: رد: غندور ((....العمل السياسي سهر وقهر ووجع ضهر...)) طيب ما كفاك "ضهرك" دا ما حقك ؟؟    الخميس 5 فبراير 2015 - 7:17



بلحيل إتأثرت لي حالكن بصراحة تعبانين
نان جاريين كم سنة يا غندور ما لازم يجيكن وجع الضهر
ووحات السيدي الحسن وجع الضهر طوالي بنقلب "غضروف"
وأخير منو وجع الرُكب" ترا ممكن في الزيتونة يبدلوها ليك
أها أسي إنت الضهر يجيبوا ليك من وين والله إلا إتكلو ليك سبورة في "أدراج"
حقو ترتاحوا شوية ياخي مافي داعي تتألموا أكتر من كدا
خاصة الآلام لمن تجي في الضهر والرُكب لي ناس في سن "سعادتكن"
وممكن تروحو في اجازة ياخي الشعب دا الداير يجيهو شنو ؟؟
هو فعلاً ضاغط عليكن شديد ومتمسك بيكن وبي نهجكن
لكن ما برضو "أخوك كان عسل ما تلحس ضهرو كلو"
كلام فاضي شعب "جِنو" يقول داير "ينحكِم"
وبعدين لمن يمسك في حاكم كان الله ساي يفكو بلحيل "لايوق"
ولا تشتغلوا بيهو الشغلة "يبكي ويسكت"
أمشوا روحوا عن أنفسكن شوية إنعل أبو "الحُكم" ذاتو


الرجوع الى أعلى الصفحة اذهب الى الأسفل
المحبوب أحمد الأمين




مُساهمةموضوع: رد: غندور ((....العمل السياسي سهر وقهر ووجع ضهر...)) طيب ما كفاك "ضهرك" دا ما حقك ؟؟    الخميس 5 فبراير 2015 - 7:28





آآآآي والله النصيحة بنقولا
شعب ما عندو زوق
اليوم كلو يكورك "دايرين ناس غندور يعيشوا ناس غندور "
أهو لمن جاكن وجع الضهر وركبكن ساحت
والله يستر عليكن من العمى "الشر برا وبعيد"

الرجوع الى أعلى الصفحة اذهب الى الأسفل
المحبوب أحمد الأمين




مُساهمةموضوع: رد: غندور ((....العمل السياسي سهر وقهر ووجع ضهر...)) طيب ما كفاك "ضهرك" دا ما حقك ؟؟    الخميس 5 فبراير 2015 - 7:38



اللهم أحفظ ناس غندور من الأمراض ما "ضهر" منها وما "بطُن"
أللهم كفيهن شر اللآلام والأزلام ومافي واحد منهن ينضام
أللهم زيد من كميات الكالسيوم في عضامن
وأحفظ سلاسلهم "الفقرية"
اللهم "كبر" جضومن" وتخن "فِقرن" وأحلل عُقد ألسنتهم حتى "نفقه" قولهم
يا حافظ يا رقيب


الرجوع الى أعلى الصفحة اذهب الى الأسفل
المحبوب أحمد الأمين




مُساهمةموضوع: رد: غندور ((....العمل السياسي سهر وقهر ووجع ضهر...)) طيب ما كفاك "ضهرك" دا ما حقك ؟؟    الخميس 5 فبراير 2015 - 8:12





ياسامع الدعوات
يامنزل البركات
يامعطي الخيرات
صلى على محمد وآل محمد
اللهم أصرف عن ناس غندور شرور الدنيا والآخرة
اللهم أذهب عنهم "الهموم" وبرد عليهن حر "السًموم"
بالذات غندور "البشكي من وجع الضهر دا"
اللهم ازرع أرضهن بقلاوة وباسطة وكيك وبالوظة
اللهم خفف عنهم أعباء الحياة وكتر ليهن الاسبيرات البشرية
"بنكرياس ورُكب وقلوب وكلاوي بالطوة والكمونية والجقاجق"
اللهم أحفظ أموالهم في البنوك الماليزية والسويسرية والبنوك الربوية
اللهم وفق أولادن وبناتن في الجامعات الاوربية والامريكية
اللهم وفق بين زوجات كل واحد منهم في الدنيا الزائلة ديــة
اللهم أبعد ناس الضرائب والمكوس عن شركاتن المحلية والعابرة قارية
اللهم أشغل عنهم ناس المراجع العام وابعدن منهم كدي كدي
اللهم أمنع عنهم ناس الجرائد وكشف الحال والمواقع الاسفيرية
اللهم أبعد عنهم ناس حقوق الانسان وكوفي عنان
اللهم سخر ليهن ناس البنك وصندوق "النقذ" الدولي
أللهم أحفظ ضهورهم وبطونهم وروسيهن المطربشات ديل



الرجوع الى أعلى الصفحة اذهب الى الأسفل
 
غندور ((....العمل السياسي سهر وقهر ووجع ضهر...)) طيب ما كفاك "ضهرك" دا ما حقك ؟؟
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
 :: منتدى الحصاحيصا العام-
انتقل الى: