الرئيسيةس .و .جبحـثالتسجيلدخول
شاطر | 
 

 يا حمدي ما تسيبن !! يعني نحن دولايب ولا عونكوليب يحولونا من الصداقة لود ساوي ؟؟

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
المحبوب أحمد الأمين




مُساهمةموضوع: يا حمدي ما تسيبن !! يعني نحن دولايب ولا عونكوليب يحولونا من الصداقة لود ساوي ؟؟    الأربعاء 1 أبريل 2015 - 9:13




كشف المرشح الرئاسي المستقل حمدي حسن أحمد، في مذكرة دفع بها للمفوضية القومية للانتخابات بالسودان الثلاثاء، عن خلل في السجل الانتخابي، وطلب توضيحاً من المفوضية حول ذلك، وقال إنه يعتزم التقدم بشكوى رسمية للمحكمة الدستورية الأربعاء. وقال المرشح الرئاسي، في مذكرته إنه تفاجأ بإدراج المئات من أسماء وكشوفات الناخبين المسجلين، من سكان منطقته (الصداقة) القريبة من الحصاحيصا بولاية الجزيرة، بما فيهم أفراد من عائلته، لدى دائرة مغايرة، وهي الدائرة القومية رقم (4) تحديداً لدى مركز اقتراع بمنطقة (ود ساوي 28).


وأضاف أن معظم المسجلين لدى مركز (ود ساوي) هم من سكان الصداقة، وأن هذا المركز أبعد ما يكون لمنطقته بنحو 30 كلم. سلامة السجل وأوضح حمدي أنه لا توجد علاقة بين المسجلين وبين المنطقة المعنية، مشيراً إلى أن عدد المسجلين من سكان منطقته في المركز المعني يتجاوز الـ 2000 شخص. وقال "إن هذه الحالة أكدت لي شكوك الكثيرين حول سلامة السجل الانتخابي"، مبيناً أنه لا يستبعد حدوث مشكلات مماثلة في السجل الانتخابي في مناطق السودان المختلفة، مطالباً مفوضية الانتخابات بإجراء تحقيق عاجل في "هذا الموضوع الخطير".


وجدَّد المرشح الرئاسي، مطالبته للمفوضية، باستبدال نظام الأحبار (المشكوك) فيه بنظام تقليم الأظافر أو أي نظام آخر يتفق عليه، واعتماد يوم واحد للاقتراع والفرز وإعلان النتيجة بالمركز عبر زيادة عدد المراكز، بجانب وضع الصنادق في مكان مفتوح لتتم مراقبتها من الجميع وليس المناديب فقط، وفتح باب الاقتراع للجميع دون التقيد بالسجل الانتخابي.






الرجوع الى أعلى الصفحة اذهب الى الأسفل
المحبوب أحمد الأمين




مُساهمةموضوع: رد: يا حمدي ما تسيبن !! يعني نحن دولايب ولا عونكوليب يحولونا من الصداقة لود ساوي ؟؟    الأربعاء 1 أبريل 2015 - 9:20






غايتو ود ساوي دي ما عندنا فيها كلام والحال من بعضوا
لكن كانوا ياخدوا راينا أو يشوفوا ناس ود ساوي إمكن ما قبلانين ولا شنو ؟؟
المهم لو الموضوع دا سار علي كدا فبصراحة بتكون زي في مشقة
والعجب كان نزلت أمطار والله ود الكامل القريبة دي صعبة خلي ود ساوي


الرجوع الى أعلى الصفحة اذهب الى الأسفل
المحبوب أحمد الأمين




مُساهمةموضوع: رد: يا حمدي ما تسيبن !! يعني نحن دولايب ولا عونكوليب يحولونا من الصداقة لود ساوي ؟؟    الأربعاء 1 أبريل 2015 - 9:36






نصحناك أبيت تسمع لشي في نفس ناس هناي
والله لو محلك كنت معطت للاصم شعيراتو المصبغات العاجباتنو ديل
تشتكيهو دي شنو كمان ؟؟
المفوضية والدستورية ديل وحياتك قلبين في جوف تمساح واحد
والله صحي
يعني ما لقى غير الصداقة يلخبت سجلاتا ؟؟
أصلك ما تخليهو حدك معاهو لاهاي توقد نار وتصبح رماد
وفي دي نحن معاك "تب" بالله قصرنا ؟؟
آآل ود ساوي آآآل
لكن كان جهزت "السياحيات" والوجبات والذي منو بصراحة بنمش
ناكل تور ناس ود ساوي وندي زولنا
الله يستر نمش ود ساوي ما نلقى إسمك كمان
أها في الحالة نعمل شنو ؟؟
كدي رسل ليك زول يمش ود ساوي يسألن شوف إسمك في ولا مافي
بالله شوف جنس الشقاوة دي !!



الرجوع الى أعلى الصفحة اذهب الى الأسفل
المحبوب أحمد الأمين




مُساهمةموضوع: رد: يا حمدي ما تسيبن !! يعني نحن دولايب ولا عونكوليب يحولونا من الصداقة لود ساوي ؟؟    الأربعاء 1 أبريل 2015 - 9:40






من فضل الله علينا اللخبتة جات في كشوفات الانتخابات الاصلن الناس رامية طوبتا
وحياتك لو بقت في كشوفات الخطط الاسكانية كان بقت رباعية وقدها خماسي






الرجوع الى أعلى الصفحة اذهب الى الأسفل
المحبوب أحمد الأمين




مُساهمةموضوع: رد: يا حمدي ما تسيبن !! يعني نحن دولايب ولا عونكوليب يحولونا من الصداقة لود ساوي ؟؟    الأربعاء 1 أبريل 2015 - 10:11




كشف المرشح الرئاسي المستقل حمدي حسن أحمد
في مذكرة دفع بها للمفوضية القومية للانتخابات بالسودان الثلاثاء
عن خلل في السجل الانتخابي

خلل ؟؟
ياخي دي مخللة من 2010
مالك ما سمعت بمراكز التدريب القجاها الأصم دا ذاتو ولغف بيها قروش الداعمين التدريب ؟؟
إلا لكن إنت أسي عايز تصلح الخلل ولا عايز تشطبنا من سجلات ود ساوي ؟؟
عشان لو عايز الشطب فناس ود ساوي ديل ساهلين نمش ليهن والله يضبحوا لينا ويشطبونا
ولو عايز تصلح الخلل فدا بنيوي ما بتصلح إلا تتفرتق الحكاية أمال إيه تحسبو لعب ؟؟



الرجوع الى أعلى الصفحة اذهب الى الأسفل
 
يا حمدي ما تسيبن !! يعني نحن دولايب ولا عونكوليب يحولونا من الصداقة لود ساوي ؟؟
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
 :: منتدى الحصاحيصا العام-
انتقل الى: