الرئيسيةس .و .جبحـثالتسجيلدخول
شاطر | 
 

 بيان من اللجنة القومية لمناصرة المرشح الرئاسي حمدي حسن أحمد بـ"الحق" ومطالبته للمرة الأخيرة بسحب ترشيحه فوراً .

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
المحبوب أحمد الأمين




مُساهمةموضوع: بيان من اللجنة القومية لمناصرة المرشح الرئاسي حمدي حسن أحمد بـ"الحق" ومطالبته للمرة الأخيرة بسحب ترشيحه فوراً .   الإثنين 6 أبريل 2015 - 7:12




اللجنة إتكونت بليل ناصح السواد
إقتضتـها ضرورات الدين والقانون وروابط الاهولية
فقد قال النبي الكريم صلى الله عليه وسلم
" انصر أخاك ظالماً أو مظلوماً"
"قالوا يا رسول الله كيف أنصره ظالماً؟"
"قال: تحجره عن الظلم ، فذلك نصرك إياه.."
اها اللجنة ناسا مش كتيرين وتكاد تكون "صِفرية"
أي زول إتصلنا عليهو قال صوتو رايح وعرضو فائح  
لذلك كونت اللجنة برئاستي كما انني أمين المال والمقرر
هدف اللجنة كان لإعتبارات بداية التكوين
والمقصود تكوين المفوضية القومية للإنتخابات
فقد شابت تكوينها العيوب ومن كل "جدب" وصوب
وفقدت مقومات الأمانة والنزاهة والحيدة
فقدت تلك الأبجديات وهي تتخلق في رحم التسلط والاستبداد
والكلام دا ما راح نمشي فيهو كتير لإعتبارات كتيرة
أولاً بإعتباره من المعلوم من التداول السلمي للسلطة بالضرورة
وثانياً لأن الحديث عنه يصيب المتحدث والسامع بلفة الراس
والأصم الرئيس الحالي ذاتو ما أنكر لغفه لأموال التدريب
بواسطة مراكزو العملا خصيصا قبال إنتخابات 2010
لذلك وعندما أخطرنا "أخونا" حمدي برغبته في خوض الوحل !!
قلنا ليهو دي لعبة ساي وما في داعي ولافي زمن للمشاركة فيها
أصر الأخ حمدي وسافر الخرطوم وطرح برنامجه الانتخابي
ومن شعاره الانتخابي "خريطة السودان" اللجنة بطنا طمت !!
دا غير ما طرحه في برنامجه الانتخابي فقد كان كوم رماد
لا علوم لا صحة لا حقوق لا هندسة و لا إقتصاد
الفائدة الوحيدة قلنا خلاس نسكن الخرطوم
ودي ذاتا تبددت وبقت بقدرة قادر "ودساوي" !!
فقرينا قبال كم يوم خبر سجلاتنا الودوها ود ساوي
وصباح اليوم أصدر السيد حمدي بيان يقر فيه بالمخالفة
وما دايرين نشغل الناس بمخالفات المفوضية "خلونا في ودساوي"
والبيان ذاتو معيب وأخير منو اللخبطة الفي السجلات
فالسيد حمدي عندما أثار الأمر في البداية قال "شكوى"
وأذكر الشكوى كانت للمفوضية والدستورية
وقلنا ليهو حينها "إنهما قلبين في جوف تمساح واحد"
أسي في البيان الشكوى إنقلبت لي "إستيضاح"
يعني زي لفت نظر وكأن الموضوع عادي وما فيهو حاجة !!
وشوف رد المفوضية الإتسم بعدم الموضوعية "ولد دا"
ياناس نحن وين ؟؟ وانتو وين يا غرام الروح ؟؟
وعلى قول أولاد بمبا " كما عودونا دائماً"  
بالجد البيان محاولة بائسة ويائسة لإلباس الباطل توب الحق !!
ودا كلام مؤسف والله الحق غاية الأسف
ناس الصداقة في سجلات ناس ودساوي ؟؟
وهو يعني التزوير بعني شنو غير "إسم دا في مكان داك"
والمثير في التبرير انو ود ساوي ما فيها أي مصانع
وما فيها مراكز تجارية او مؤسسات حكومية
عشان يسجلو فيها ناس الصداقة
خلاس خلي الأصم يجيب ناس ود ساوي الصداقة
الحمد لله عندنا مصنع الصداقة واقف
والفرات واقف
والخميرة واقف
وقوز كبر بقى "القوز سيرو" سار سار سار ياعشايا
محل مشى  ما إتعرف لي يوم الليلة
دي ما البندورا ليييي!!

المهم في الموضوع

وجاء في البيان الأخير "....إن أهم ما جاء برد المفوضية هو تأكيدها صحة ما ذكرته بالإستيضاح ....
".......و تمليكي وثيقة هامة تؤكد ذلك ..."

ثم مضى البيان

((...و لكن الأمر الذي لا أستغرب له هو ردهم على المقترحات المقدمة بالإستيضاح ..
و التي تهدف في مجملها للخروج بإقتراع نزيه يعترف و يرضا به الجميع...
وذلك أمر ينبغي أن يكونوا هم أحرص الناس عليه .....
ولكنهم قد أكدوا لا مبالاتهم و عدم حرصهم على الخروج بإنتخابات حرة و نزيهة ))

بالذمة دا كلام ؟؟
دايرين نزاهة وحية بالمقترحات ؟؟
ومنو المقصود بالجميع الدايرنهم يعترفوا بالاقتراع ؟؟
كدي خلي مركز المأجور كارتر إنت دا في رقبتك بتعترف بيها ؟؟
   
جانب تاني الوثيقة الملكوك ليها داير تعمل بيها شنو ؟؟؟
أوعة تكون عايز تعمل إستيضاح تاني بتبقى بايخة
أدوك وثيقة التزوير في شِعبة يدك ما تنسحب راجي منو؟؟  

الجزء الأخير من البيان كان تذكير على شاكلة :
"بأننا نحمل جميعاً أمانة المواطنون الكرام ...
"في المحافظة على حقوقهم الإنتخابية ...
"التي يجب أن نكون أكثر حرصاً عليها....
"وعليه أذكركم بأهمية التعاون من هذا المنطلق ....
"أي فيما يتعلق بعملية الإجراءآت للعملية الإنتخابية ......
"و حماية حقوق الناخب .....
"و عليه أكرر لكم الدعوة عبر هذا البيان ......
"للإعتصام بمقر المفوضية القومية للإنتخابات يوم 07/04/2015 م....
"و ذلك لمطالبتها بالإستجابة الفورية  للمقترحات الواردة بالبيان ...
"التي من شأنها أن تضمن لنا إقتراع حر و نزيه ....."
مزوراتية يضمنو ليك إنتخابات حرة ونزيهة ؟؟

يا حمدي العمل دي جريمة في حق ناس مساكين إنت أعلم بأحوالهم
جريمة ذات طبيعة متواصلة إرتكبا وما زالوا مجموعة من المتاجرين بدين الله
يكذبون ويلفقون للفوز بسلطة هم ماسكنها من زمارة رقبتا
فقد قال رسول الله صلى الله عليه وسلم:
(عليكم بالصدق فإن الصدق يهدي إلى البر وإياك والكذب فإن الكذب يهدي إلى الفجور..
(ولا يزال الرجل يكذب ويتحرى الكذب حتى يكتب عند الله كذابا)  
ولو ربنا أداك يدين اتنين
ومن باب حسن الظن
فما بتصور انك تضع واحدة في أيادي الجماعة ديل ومعاك دليل تزويرهم وكذبهم
والتانية ماسك بيها مايكروفون تذكر الناس بالحرص على حقوقهم وانت أعلم بضياعها
وتعريض ما تبقى منها للضياع عن طريق الفهلوة والشيطنة
(( يَوْمَ تُوَلُّونَ مُدْبِرِينَ مَا لَكُم مِّنَ اللَّهِ مِنْ عَاصِمٍ وَمَن يُضْلِلِ اللَّهُ فَمَا لَهُ مِنْ هَادٍ ))


الرجوع الى أعلى الصفحة اذهب الى الأسفل
 
بيان من اللجنة القومية لمناصرة المرشح الرئاسي حمدي حسن أحمد بـ"الحق" ومطالبته للمرة الأخيرة بسحب ترشيحه فوراً .
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
 :: منتدى الحصاحيصا العام-
انتقل الى: