الرئيسيةس .و .جبحـثالتسجيلدخول
شاطر | 
 

 أسي لو قلتو الحفلة دي بي "إقبال كبير زوجة إيهاب توفيق" كان اللعمى شال المدشدش "صور إيهاب تشيفي" وصور "إقبال كبير" إسِمك في

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
المحبوب أحمد الأمين




مُساهمةموضوع: أسي لو قلتو الحفلة دي بي "إقبال كبير زوجة إيهاب توفيق" كان اللعمى شال المدشدش "صور إيهاب تشيفي" وصور "إقبال كبير" إسِمك في    الأربعاء 15 أبريل 2015 - 6:18



كتار جو عشان يشوفو صور إقبال كبير لكن ..
وفي ناس قدام بكون جابن "إسِمك في"
و"إسِمك في" دا قماش فيهو رقشة يسو كدي "يدين مهوززات"
وللناس الإتكبدو مشاق الدرب نقول ليهن  
تعبتو
وركبو ليكن الدرب ما صرفتو
وجابو ليكن الصناديق ما صوتو
الرجوع الى أعلى الصفحة اذهب الى الأسفل
المحبوب أحمد الأمين




مُساهمةموضوع: رد: أسي لو قلتو الحفلة دي بي "إقبال كبير زوجة إيهاب توفيق" كان اللعمى شال المدشدش "صور إيهاب تشيفي" وصور "إقبال كبير" إسِمك في    الأربعاء 15 أبريل 2015 - 6:37




"إسِمك في" طريناهو قلنا عشان نسمم من الصباح
بالله المابسمم شنو ؟؟
زمان في الشيلة كان ما جبت "إسِمك في" يشيلو حالك
وطوالي ناس الشمارات يقعو ليك الواتسب
وما يجي واحد يقول لي زمان مافي واتسب
لا في
ومتأكد

كان مغالتنا
أو مكضبنا
أسأل الشدرة القايمة في بيتنا
خاينة يا دنيا
وظالمة يا دنيا
قاسية يا دنيا وظالمة يا دنيا

العذاب ضقنا
والشقا وعشنا
الله يغفر ليك من ضياع صوتنا آآآآآآآآآآآ

أها قلنا طوالي ناس الشمارات يقعوا ليك الواتسب
"تتخيلي إسِمك في ما جابو جايب ليهو تريفيرا وبنفسجية كمان"
ماعلينا نرجع لي موضوعنا
يا حليل زمان
زمن الناخبين زي ناس السيرة بالباظات "تيت تيت تيت"
بتكونو دايرين تشوفو الصور
وعشان نكون واضحين صورة لإقبال كبير دي تبقى لينا بي نار
لكن إيهاب توفيق "توا تِشبح" يا قول الليبيين الله يرحمن







الرجوع الى أعلى الصفحة اذهب الى الأسفل
المحبوب أحمد الأمين




مُساهمةموضوع: رد: أسي لو قلتو الحفلة دي بي "إقبال كبير زوجة إيهاب توفيق" كان اللعمى شال المدشدش "صور إيهاب تشيفي" وصور "إقبال كبير" إسِمك في    الأربعاء 15 أبريل 2015 - 6:42




المناسبة طبعا الناس الطالعة مداعي للحفل القالبين بيهو الهوبة
تفتح أي من القنوات وفي أغلب الصحف تلقى "إقبال كبير"
تسمع الاسم لكن ما جابوا لينا صورة نعاين فيها نوكدا
وحات الرسول أنا في البداية قايلا أخت معتز كبير لاعب الهلال داك
واليوم الصباح عرفنا بي فشل حفلتا التانية !!
والليلة الختامية والله يستر الجمهور ما يطنش يحرجنا مع الضيوف
"باقي اليومين ديل معانا ناس جامعة الدول الكاريبية"
الباقية عليهن حكاية شنو كدا ما عارف وشايلا موسا تطهر
أبوداؤد مشى الابيض برفقة أحد الإعلاميين لإحياء حفل خيري
قبل الحفل لافين في سوق الابيض مشو لأحد التجار للتبرع للحفل
قالوا ليهو الحفل إن شاء الله حا يغني فيهو الفنان الكبير أبو داؤود
قال ليهم "لا بنعرف أبو داؤد ولا عبد الظمبار ! بس عشة الفلاتية "
مرقوا من محل  التاجر والإعلامي محتار ما عارف يعمل شنو !؟
قام أبو داؤد بخفة دمه المعهودة عليهم الرحمة قال ليهو :
"خلاس في إذاعة الابيض قول أبو داؤود راجل عشة الفلاتية"
وبإذاعة الاعلان في رادي الابيض المسرح ضاق بالحضور
"دايرين يشوفو عبد العزيز داؤود راجل الفنانة عشة الفلاتية"
أها إعلامنا اليومين ديل طالع مداعي "إقبال كبير إقبال كبير"
وزول هببوا ليهم مافي عشان كدة كان يستلهموا قصة أبوداؤود
ويقولوا الحفلة دي حا تغني فيها إقبال كبير زوجة إيهاب توفيق
لأنو إقبال كبير دي والله زول شافا مافي نكضب ساي ؟؟
لكن إيهاب توفيق قبل إسبوع كان معانا "وماقادرين نقول لي"
ومتصور كمان مع رئيس الجمهورية "زينة ساي"



الرجوع الى أعلى الصفحة اذهب الى الأسفل
المحبوب أحمد الأمين




مُساهمةموضوع: رد: أسي لو قلتو الحفلة دي بي "إقبال كبير زوجة إيهاب توفيق" كان اللعمى شال المدشدش "صور إيهاب تشيفي" وصور "إقبال كبير" إسِمك في    الأربعاء 15 أبريل 2015 - 6:46












الرجوع الى أعلى الصفحة اذهب الى الأسفل
المحبوب أحمد الأمين




مُساهمةموضوع: رد: أسي لو قلتو الحفلة دي بي "إقبال كبير زوجة إيهاب توفيق" كان اللعمى شال المدشدش "صور إيهاب تشيفي" وصور "إقبال كبير" إسِمك في    الأربعاء 15 أبريل 2015 - 6:49







رئيس الجمهورية مع إيهاب توفيق "والوفد المرافق لسيادته"











الرجوع الى أعلى الصفحة اذهب الى الأسفل
المحبوب أحمد الأمين




مُساهمةموضوع: رد: أسي لو قلتو الحفلة دي بي "إقبال كبير زوجة إيهاب توفيق" كان اللعمى شال المدشدش "صور إيهاب تشيفي" وصور "إقبال كبير" إسِمك في    الأربعاء 15 أبريل 2015 - 6:57





وما زالنا نردد حكايتا "عشة الفلاتية" مع مذيعة صوت العرب
لمن قالت المذيعة في بداية تسجيل الحلقة
"سيداتي سادتي تشرفنا اليوم أم كلثوم السودان"
شبت ليها الفلاتية الله يرحما "وقفي التسجيل دا آآختي"
المذيعة إستغربت وأشارت لوقف التسجيل وسألتا في إستغراب
"في إيه يا طنط  ؟؟"
قالت ليها " إنتو حصل قلتو علي أم كلثومكن دي فلاتية مصر دحين ؟؟"

الرجوع الى أعلى الصفحة اذهب الى الأسفل
 
أسي لو قلتو الحفلة دي بي "إقبال كبير زوجة إيهاب توفيق" كان اللعمى شال المدشدش "صور إيهاب تشيفي" وصور "إقبال كبير" إسِمك في
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
 :: منتدى الحصاحيصا العام-
انتقل الى: