الرئيسيةس .و .جبحـثالتسجيلدخول
شاطر | 
 

 "رجال حول القصور" البروفسير عشماعيل الحاج "موس" السلطة !! حزين من يفرش وحبيب من يقرش

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
المحبوب أحمد الأمين




مُساهمةموضوع: "رجال حول القصور" البروفسير عشماعيل الحاج "موس" السلطة !! حزين من يفرش وحبيب من يقرش    الخميس 11 يونيو 2015 - 10:45




منجضنا نجاض في التلفزبون ومنجمنا نجام قبورة
تاعب نفسو يساسق بين القنوات تفتح جونقلي تلقى ينضم
مقدرة غير عادية في تلوين المواقف والشالات وتبييض الجلاليب
لا تفوقها إلا مقدرته هو ذاتو في تغيير جلدو التخين دا
زيو وزي ام العروس "فاضية ومشغولة"
مع "شكر الله" يغير ويبدل في شالاتو المشغولة بالكُرُشي
ينتهي برنامجو بي هِنا "يستكرتك" يخليك تزازي بالأسواق
تفتش في جلاليب السكروتا ومراكيب النمر والدبايب
تلقى قاعد في "التي في" لا تعرفو ضيف لا مقدم برنامج
مرة غانوني ومرة دسطوري ومرات خبير في العلاقات الدولية
يلخبتك يقول جملة بي يدنو اللتنين ويعدل شالو بي خشمو
نضم في الاتحاد الاشتراكي لمن قلنا "شكرن"
إنقلبت بي هنا إنقلب معاها وقعد يدردق
إنقسمو لبد لمن فرز محل الترطيبة وكنكش فات الورا والقدامو
كان ناقصو "الحجاب" زي ما قال "تروس"
التصريحات بإسم الحزب الحاكم وبي قوة عين التقول أسسو
ينضم وياخد ليهو "قنتة" ويتنفخ يقرب للأصم
"لكن والله بي حقو والنصيحة بنقي الكلام الكُبار كُبار"
يتراقش يلمع يسو كدي زي حمار المادح والطارات تتطاقش
كريم أدى غشيم جضوم تريانة زمن التعدد يتمدد يقوم بـ"الموص"
(( الموص بالسكر عبارة عن كِسرة في حالة الفاست فوود))
وفي الشموليات يتشفتن ما معروف بشفط شنو ترا بجي يلغلغ
وفي آخر تصريح لفخامة شالاته بشأن سفر المعارضين لباريس
قال "تحركات المعارضة ضجة إعلامية وسفرن طلب شهرة "!!
ناسي مخرجات الحوار والنفرة والزحيح والمليل من "صُفرة" لي "صُفرة"





الرجوع الى أعلى الصفحة اذهب الى الأسفل
المحبوب أحمد الأمين




مُساهمةموضوع: رد: "رجال حول القصور" البروفسير عشماعيل الحاج "موس" السلطة !! حزين من يفرش وحبيب من يقرش    الخميس 11 يونيو 2015 - 10:52







(( قال القيادي بالمؤتمر الوطني، إسماعيل الحاج موسى، إن قرار منع قيادات المعارضة من السفر لباريس قُصد به حرمانهم من لقاء أعداء البلاد، موضحاً أن سفرهم بلا جدوى، وأنهم يسعون لخلق ضجة إعلامية. وقال موسى ، إن سفر قيادات المعارضة لباريس الهدف من ورائه الشهرة)).

التغيير





الرجوع الى أعلى الصفحة اذهب الى الأسفل
بكرى عثمان حمد




مُساهمةموضوع: رد: "رجال حول القصور" البروفسير عشماعيل الحاج "موس" السلطة !! حزين من يفرش وحبيب من يقرش    الخميس 11 يونيو 2015 - 12:42

والله يا المحبوب كان ما جبت اسمه فى الاخر انا قايلو عشماعيل ود اسماعيل الخطه سمح وكلامه سمح ....
انتو ورجغتكم السويتوها فى محاكم الحصاحيصا كان سويتوها مع ناس الانقاذ ديل كان الجارى ما يلحقكم ... جضوم وهدوم!!!
الرجوع الى أعلى الصفحة اذهب الى الأسفل
 
"رجال حول القصور" البروفسير عشماعيل الحاج "موس" السلطة !! حزين من يفرش وحبيب من يقرش
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
 :: منتدى الحصاحيصا العام-
انتقل الى: