الرئيسيةس .و .جبحـثالتسجيلدخول
شاطر | 
 

 الليلة يا أهل الرايات والحظوات تقيفوا طولكن وتندهو رسولكن وتفكو زولكن

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
المحبوب أحمد الأمين




مُساهمةموضوع: الليلة يا أهل الرايات والحظوات تقيفوا طولكن وتندهو رسولكن وتفكو زولكن    الأحد 14 يونيو 2015 - 17:58




نقع الفقرا سااااااااااااااااي وما عندنا زول بخاتر يمش يترافع
قول منعو من السفر برضو أها يقعد يزازي بالخلاء ؟؟



الليلة يا أبروس
أب وشا باسم مك عبوس
تولع الرتاين وتخاويها بالفانوس
وترجعوا لا ضمة لا كروة لا فلوس

الليلة يا الصابونابي
الكلبك نمر ينطط يشابي
ومحايتك قزاز مي كبابي
تفكو فكتن يجي شديد متصابي

الليلة يا الشيخ حمد أب عصايا
ندهتك رايا رايا
تحقق لي منايا
ترجع لي زولي وليك جبنة بي شايا

يا ود الطريفي
يا عصاتي وسيفي
يالبضيمك ظلمي وحيفي
تقدمو توصلو لي عند قيفي

الليلة يا أهل الرايات وأسياد الحظوات
تطوو السباتات وتجمعوو السجادات
وتقيفوا في المطارات رافعين الرايات
ينزل "تِتِرِب" لا مؤتمرات ولا حركات





الرجوع الى أعلى الصفحة اذهب الى الأسفل
المحبوب أحمد الأمين




مُساهمةموضوع: رد: الليلة يا أهل الرايات والحظوات تقيفوا طولكن وتندهو رسولكن وتفكو زولكن    الأحد 14 يونيو 2015 - 20:43





بقينا في هولة لا طلاق ولا عيشتن معدولة
كان مالنا ومال المنع والتحفظ وقضاة الامور المستعجلة والوقتية
الدايرنا يجينا
امران احلاهما مر
قضاء بمارس سلطاتو بموجب قانون وحماية مضمونة بواسطة سلطة سياسية
المهم نرجع لي شيوخنا أهل الحظوات والرايات
بس معليش امرقونا من دي وتاني نبقى زي زولنا داك
جا العصُر سكران لط
شال طوريتو وقعد يمتر يعبر ويكوم "نظام حيازة لكل الفضاء القدام بيتو"
واحد من جيرانو "تالا" الشرق قال ليهو يازول ما فُت حدودك !!
بي سكرتو ديك قال ليهو إنت زرايبك ديل ذاتن في أرضي "كدي زحي لي النحدد أرضي"
وهواء العصرية ضربوا والقصة زادت في الربطان
وبيوت الجيران كلها بقت داخل حدود حوش صاحب الفخامة "دا السكر ولا بلاش"
الجيران غلبن الصبر إتصلوا بالشرطة عشان تجي توقف الزول دا في حدو
ولانو مافي حيشان زولنا من بعيد شاف الكومر جا مليان عساكر
باراحة "إتاحت" ورجع قعد في خشم بيتو وتكل ضهرو علي شعبة الراكوبة
الكومر وقف قصادو وتلب تلب العساكر طوقوا المكان
وتقدم ليهو الضابط قال ليهو "يازول هوي أقيف علي حيلك ورينا حدودك وين ؟؟"
الفي راسو كلها طارت ولم يبقى منها شي القومة ذاتا غلبتو قام قال للضابط "حدي راكوبتي دي"
طيب كان في داعي ؟؟


الرجوع الى أعلى الصفحة اذهب الى الأسفل
المحبوب أحمد الأمين




مُساهمةموضوع: رد: الليلة يا أهل الرايات والحظوات تقيفوا طولكن وتندهو رسولكن وتفكو زولكن    الأحد 14 يونيو 2015 - 20:51





الرزق تلاقيط مافي داعي الزول يمشي بعيد
تشاد ومصر واثيوبيا بوركينا فاسو دي والله مخاطرة
قريب قريب ومهما بعدت ما تفوت كراع العنقريب
لو صحت المغادرة الجابتا البي بي سي
وفعلا اصبح معانا انا مني ملوة فتريتة كرامة وسلامة
وعفيت منهن جماعتنا اهل الرايات والحظوات واياها المحرية فيكن





الرجوع الى أعلى الصفحة اذهب الى الأسفل
المحبوب أحمد الأمين




مُساهمةموضوع: رد: الليلة يا أهل الرايات والحظوات تقيفوا طولكن وتندهو رسولكن وتفكو زولكن    الأحد 14 يونيو 2015 - 20:55




شكرن لكل الذين ابدو اهتمام بالامر
الشكر للرؤساء الخلو اجتماعاتن وقعدو يجارو معانا بالركشات للضمانة
لكن يا زوما وعودك دي شن لزوما ؟؟؟؟؟




الرجوع الى أعلى الصفحة اذهب الى الأسفل
المحبوب أحمد الأمين




مُساهمةموضوع: رد: الليلة يا أهل الرايات والحظوات تقيفوا طولكن وتندهو رسولكن وتفكو زولكن    الأحد 14 يونيو 2015 - 21:01












الرجوع الى أعلى الصفحة اذهب الى الأسفل
المحبوب أحمد الأمين




مُساهمةموضوع: رد: الليلة يا أهل الرايات والحظوات تقيفوا طولكن وتندهو رسولكن وتفكو زولكن    الأحد 14 يونيو 2015 - 21:03



الجدري السبق القراحا
والجلة البارودا فاحا
هههههههههههههههههههههههههههههع





الرجوع الى أعلى الصفحة اذهب الى الأسفل
المحبوب أحمد الأمين




مُساهمةموضوع: رد: الليلة يا أهل الرايات والحظوات تقيفوا طولكن وتندهو رسولكن وتفكو زولكن    الإثنين 15 يونيو 2015 - 17:51




تلحقونا وتنقذونا وتمرقونا بالملتري بيز في وتركلوف
ما قصرتوا تب وان شاء الله نقيف معاكن في مؤتمراتكن الداخلية والخارجية القريبة قريبة









الرجوع الى أعلى الصفحة اذهب الى الأسفل
 
الليلة يا أهل الرايات والحظوات تقيفوا طولكن وتندهو رسولكن وتفكو زولكن
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
 :: منتدى الحصاحيصا العام-
انتقل الى: