الرئيسيةس .و .جبحـثالتسجيلدخول
شاطر | 
 

 مجموعة اغاني و"تفاني" غناء قيافة و"فاتو" الناس مسافة

استعرض الموضوع السابق استعرض الموضوع التالي اذهب الى الأسفل 
انتقل الى الصفحة : الصفحة السابقة  1, 2, 3, 4, 5, 6  الصفحة التالية
كاتب الموضوعرسالة
بكرى عثمان حمد




مُساهمةموضوع: رد: مجموعة اغاني و"تفاني" غناء قيافة و"فاتو" الناس مسافة    الإثنين 29 يونيو 2015 - 19:36

والله يا المحبوب ان كان الامر بيدى انت ما سائل فى ناس انس العاقب .. منتهى التوازن فى ابداء الراى .. وبمنتهى المهنية فى ذلك ..تبين باسلوب بسيط وسلس مكامن الروعه ومهابط الاخفاق ..متعك الله بالعافيه وادام عليك متعة السرور والقدور !!
الرجوع الى أعلى الصفحة اذهب الى الأسفل
المحبوب أحمد الأمين




مُساهمةموضوع: رد: مجموعة اغاني و"تفاني" غناء قيافة و"فاتو" الناس مسافة    الثلاثاء 30 يونيو 2015 - 16:43





الحلقة 13 البداية تنم عن حلقة مختلفة
مكارم قدمت زهت اياما وهي تتغزل
ما مهتمة بي قول العُزل
صوت على الهواء مطلوق دون حزلقة
أطربت وأشجت ساعدتها قوة الصوت الخام الواعد






الرجوع الى أعلى الصفحة اذهب الى الأسفل
المحبوب أحمد الأمين




مُساهمةموضوع: رد: مجموعة اغاني و"تفاني" غناء قيافة و"فاتو" الناس مسافة    الثلاثاء 30 يونيو 2015 - 16:50





وقبل ما نتدفق وراء الاشجان والالحان الطروبة السني وفاطمة عمر
في الزمان زمانك اهدي لي من فضلك نظرة من رمانك يالفريد في عصرك
مصطفى كالعادة قدر يقدم اداء مقنع جدا وفاطمة لسه تناهد
يتخيل لي ضروري نشوف تعليقات بعض مشاهدي البرنامج
من مواقع مختلفة اهو على الاقل نقدر نتنور شوية


الرجوع الى أعلى الصفحة اذهب الى الأسفل
المحبوب أحمد الأمين




مُساهمةموضوع: رد: مجموعة اغاني و"تفاني" غناء قيافة و"فاتو" الناس مسافة    الثلاثاء 30 يونيو 2015 - 17:14





بصراحة عاصم البنا قدر يلقط انفاسو وتنفسنا معه الصعداء
ومع هدى عربي قدمو عمل منتهى الروعة والانضباط
وهدى عربي طلعت متمرسة جدا وادت اداء الواثق الفنان
ولوجاهتا دور لا يمكن تخطيه تتلفت عارفانا رايحين




الرجوع الى أعلى الصفحة اذهب الى الأسفل
المحبوب أحمد الأمين




مُساهمةموضوع: رد: مجموعة اغاني و"تفاني" غناء قيافة و"فاتو" الناس مسافة    الثلاثاء 30 يونيو 2015 - 17:17





الله يديك العافية







الرجوع الى أعلى الصفحة اذهب الى الأسفل
المحبوب أحمد الأمين




مُساهمةموضوع: رد: مجموعة اغاني و"تفاني" غناء قيافة و"فاتو" الناس مسافة    الثلاثاء 30 يونيو 2015 - 17:18










الرجوع الى أعلى الصفحة اذهب الى الأسفل
المحبوب أحمد الأمين




مُساهمةموضوع: رد: مجموعة اغاني و"تفاني" غناء قيافة و"فاتو" الناس مسافة    الثلاثاء 30 يونيو 2015 - 17:24











الرجوع الى أعلى الصفحة اذهب الى الأسفل
المحبوب أحمد الأمين




مُساهمةموضوع: رد: مجموعة اغاني و"تفاني" غناء قيافة و"فاتو" الناس مسافة    الثلاثاء 30 يونيو 2015 - 17:49








الرجوع الى أعلى الصفحة اذهب الى الأسفل
بكرى عثمان حمد




مُساهمةموضوع: رد: مجموعة اغاني و"تفاني" غناء قيافة و"فاتو" الناس مسافة    الثلاثاء 30 يونيو 2015 - 17:58

يا المحبوب حقو تجلى حكاية المعلقين التانين .. كل واحد نصب من نفسه ناقد فنى وبدأ يرمى الاحكام على عواهنها ...
نحن مبسوطين بتعليقاتك المتوازنه والتى تبصرنا قدر بصرتنا بمواضع الروعه والفن ...
الحمد لله اليومين ود البناء مرتاح من حسن وراق ..
قلت لى لفتات مفزعه من هدى عربى .. يا خى دى قمة الاجاده فى الوصف والتوصيف ...
رمضان كريم ..
الرجوع الى أعلى الصفحة اذهب الى الأسفل
المحبوب أحمد الأمين




مُساهمةموضوع: رد: مجموعة اغاني و"تفاني" غناء قيافة و"فاتو" الناس مسافة    الثلاثاء 30 يونيو 2015 - 20:13





يا دكتور فطرتو ولا لسه ؟؟
لعلكم طيبين وتكلامك محفز جدا
بس بقيت اضيع السمع والاستماع بس ما علينا
ياخي والله مستمتعين جدا بالبرنامج
انت عارف اجمل حاجة قصة الصعود والهبوط دي
بس المؤكد كل الاصوات مميزة وفرضت نفسها
بتبقى المشكلة في الاداء البحكموه الناس البعدو البرنامج
وسوء الحظ يوقع ليك هجيمة زي ضنين الوعد التسوي يغلبك
ود البنا الناس كانوا قاسيين عليهو وحقيقي اخفق لكن مش النهاية
أها اليوم مع هدى عربي زي العجب رايق وهدى تتلفت
واجاد واطرب وكان في غاية الانضباط
ولفتات هدى عربي بجيها تاني بعد نجمعا كلها


الرجوع الى أعلى الصفحة اذهب الى الأسفل
المحبوب أحمد الأمين




مُساهمةموضوع: رد: مجموعة اغاني و"تفاني" غناء قيافة و"فاتو" الناس مسافة    الأربعاء 1 يوليو 2015 - 16:38






ياجمال كباية الشاي لم نكون متلمين
أحلى لمة صحبة عشرة مرت عليها سنين
القعدة تحلى والهمة تعلى ديمة في كباية الشاي
ضحكة مني وضحكة منك ومن قلبك حاسيهو الحنين
اي قعدة حلوة نتعازم بعد كباية الشاي نتفاهم
والشاي لقعدتنا بحليها





الرجوع الى أعلى الصفحة اذهب الى الأسفل
المحبوب أحمد الأمين




مُساهمةموضوع: رد: مجموعة اغاني و"تفاني" غناء قيافة و"فاتو" الناس مسافة    الأربعاء 1 يوليو 2015 - 17:00



بدأت قبل شوية الحلقة 14 وكل سنة وإنتو متلمين
وربنا يجمع شتات الخلوق المبعدة والمستبعدة
حلقة اليوم بدأت بقصة تصلح لبحث ودراسة عميقة
"وأسي حقو نفكر فيها بس"
"هجرة الناس" الشملت حتى مبدعيهم من الشباب الغر الميامين
ضيف الحلقة الفنان اسامة الشيخ العائد لتوه من أمريكا
رحب به السر قدور وقدمه برائعة بشير عتيق أمنت
بحبك نعم آمنت
بحبك أهلاً قلبي رحبك
جمالك ما جمال عادي
ملكتي زمامي وقيادي
صدر في حبك إبعادي
"واله يكفينا شر البعد والإبعاد"  قولوا آمين
الالحان للانسانة الرقيقة أسماء حمزة متعها الله بالصحة والعافية





الرجوع الى أعلى الصفحة اذهب الى الأسفل
المحبوب أحمد الأمين




مُساهمةموضوع: رد: مجموعة اغاني و"تفاني" غناء قيافة و"فاتو" الناس مسافة    الأربعاء 1 يوليو 2015 - 17:18




اسامة الشيخ اخد الفرصة التانية وونسنا بي شوف العين
القالت دا لا لا
اداء رايق ووتطريب بشبه غرض البرنامج في مبتداهو
الفرقة "الشيالين" جاطت شوية
امكن بسبب الحفظ او الاعداد المتسرع "جائز"
السر قدور سرد بعض التفاصيل اتمنى نرجع ليها لاحقاً
"الدعايات مضايقاني" إلا لمة الشاي بفرح بيها فرح طفولي
المهم نرجع لي القالت دا لا لا وصدت من تيها ودلالا

شوف العين قالت ده لا لا
صدت من تيها ودلال
ريدتك ساكنة الجوف خلالا
و الاعضاء امتزجت خلالا
براق سنك شق لالا
وسهمك صاب احشاي قلالا
اسباب الغي و العلالا
ضمرتها والخصر العلالا
نور في نور ياذا الجلالا
وخدانا بالمعه انجلال
في الترنيع ماليك مثالا
علمتي الغصن الرتالا
شوفتك كم عاشق اتالا
يانسام اوصف جمالا
والقامة السيرك امالا
اوصف لي اسباب كمالا
وقول لي ام خد هجراني مالا
النسام شال الرسالة
وفي التوضيح روق رسالا
ذكرني الرطب العسالا
وهاج الشوق والدمعة سالا


الرجوع الى أعلى الصفحة اذهب الى الأسفل
المحبوب أحمد الأمين




مُساهمةموضوع: رد: مجموعة اغاني و"تفاني" غناء قيافة و"فاتو" الناس مسافة    الأربعاء 1 يوليو 2015 - 17:36




وفي الفرصة التالتة غنوا اغنية اصلوا البي باقي من قبال تجيني
قلبي هديتو مرة وضيع لي سنيني
اداء رائع والكورس  شارك بصورة جيدة جدا
على كل الاغنية رجعت طه وقرب المسافة مع انو اليوم ما كان قيافة
وظهر لاول مرة بدون هتش وكرور ودلاقين والتلاتة ساعات الابسن قلعن
عاصم البنا لو ما الحلقات مسجلة كان ممكن نقول الكلام الكتير اثر عليهو
السر قدور اتفوق عليهو في المجادعة "مجال أولاد البنا"




عدل سابقا من قبل المحبوب أحمد الأمين في الأربعاء 1 يوليو 2015 - 17:52 عدل 3 مرات
الرجوع الى أعلى الصفحة اذهب الى الأسفل
بكرى عثمان حمد




مُساهمةموضوع: رد: مجموعة اغاني و"تفاني" غناء قيافة و"فاتو" الناس مسافة    الأربعاء 1 يوليو 2015 - 17:41

فى تعليق كده حارقنى ما عارف ليه .. امكن عشان راس السوط وصل صديقى حسن وراق ...
عرفنا الغناء والمغنواتيه .. وداك ادى بصوره سمحه ولا كعبه ... ده كله هين .. لكن حكاية مقدم البرنامج رجل ستينى او سبعينى او حتى تمانينى ذى حسن وراق .. دى ما كان ليها لازم ... الشئ البغيظ .. واحد تلقاهو عامل فيها مكمل الدراسه وخاتى دال قدر الليله وبكره قدام اسمه وما يعرف يخت كلمتين قدام بعض امام الكاميرا التلفزيزنيه .. بس فصاحة كى بورد وورق .. الاستاذ السر قدور رجل علم نفسه بنفسه .. يعنى عصامى .. ورغم تقدم العمر يسرد كل هذا السرد ومن دون ورقه او قلم او حتى سماعه تلقين من المعدين او المخرجين ... وسرد مش لى حلقة واحده او اتنين بل لشهر باكمله ومش لسنه واحده بل لسنين عددا ... رجل يحكى من الذاكره .. لا يتلعثم فى اسم ولا فى ايراد معلومه وربطها باحداثها وشخوصها ... عايزين اكثر من كده شنو .. مقدم البرامج العاديه تلقاهو بقدم ليهو فى حلقه تستغرق نصف ساعه تلقاهو مخمخم الورق .. وكمان معاهو مساعد يسنده بين الكلمه والتانية ...
وجع ... كمل يا المحبوب .. والله انت ولا موزارت ولا بتهوفن ... متعك الله بالسرور ود قدور
رمضان كريم ..
الرجوع الى أعلى الصفحة اذهب الى الأسفل
المحبوب أحمد الأمين




مُساهمةموضوع: رد: مجموعة اغاني و"تفاني" غناء قيافة و"فاتو" الناس مسافة    الأربعاء 1 يوليو 2015 - 18:00





يا دكتور اسكت ما تنبهو إن بقى جاب ورقة وقلم البحضرو منو ؟؟
ياخي تلقائية وعفوية نادرة جداً ويبدو انو ما كان بنوم من حفلة لي حفلة
ومن سمر لي قمر متعه الله واياك بالصحة والعافية
في الختام تم دور وادر عم نورو شال الحلة نو زي بدر التمام
ودي صعب النضم فيها نسمعا وخلاص
مافي زول غناها ما اطربني كلام يحمل كتير من المعاني والمضامين
والله عاصم البنا صوتو بقى مزعج "كلو من وراق" نجهو والله ما كسب عافية
لمن تقارن بينو وبين اسامة الشيخ تلقى المسافة كبيرة خلاص
غايتو كان الموسم دا يريحوهو مع فرفور شوية ولي رمضان الجائي يحلها الشربكا





الرجوع الى أعلى الصفحة اذهب الى الأسفل
المحبوب أحمد الأمين




مُساهمةموضوع: رد: مجموعة اغاني و"تفاني" غناء قيافة و"فاتو" الناس مسافة    الأربعاء 1 يوليو 2015 - 18:03











الرجوع الى أعلى الصفحة اذهب الى الأسفل
المحبوب أحمد الأمين




مُساهمةموضوع: رد: مجموعة اغاني و"تفاني" غناء قيافة و"فاتو" الناس مسافة    الأربعاء 1 يوليو 2015 - 18:05


















الرجوع الى أعلى الصفحة اذهب الى الأسفل
المحبوب أحمد الأمين




مُساهمةموضوع: رد: مجموعة اغاني و"تفاني" غناء قيافة و"فاتو" الناس مسافة    الأربعاء 1 يوليو 2015 - 19:28









الرجوع الى أعلى الصفحة اذهب الى الأسفل
المحبوب أحمد الأمين




مُساهمةموضوع: رد: مجموعة اغاني و"تفاني" غناء قيافة و"فاتو" الناس مسافة    الأربعاء 1 يوليو 2015 - 19:41



تم دورو واتدور : -

نظمت في زواج محمد عثمان منصور ( ابن عمدة الخرطوم - الخليفة / عثمان منصور شاعر أغنية بغرامك تنفيذ مرامك ) سنة 1928وهو صديق لخليل فرح وشقيق الشاعر حسين عثمان منصور وأول من تغنى بهذه القصيدة هو كرومه وقد ذكر الشاعر محمد على عبدالله الامى إن خليل فرح أعطى الأغنية لكرومه فقرأها وسأله خليل إن كان يعرف لحنها فأجاب بالنفي فقال خليل إنها تجئ على نهج الأغنية الشعبية
الزين حننو فوقك السيادة
سيروه مرق كيه للنداده
الله يتم ليه
فصاغها كرومه بنفس اللحن ولم يسجل كرومه الأغنية وإنما سجلها الفنان إبراهيم عبد الجليل في بداية الثلاثينات كما سجلها للإذاعة الفنان رحمة الله الشيخ والفنان عبدالرحيم الأمين وسجلها بالموسيقى الفنان عبدالعزيز محمد داود والفنان عبدالكريم الكابلى كما تغنى بها الفنان مبارك حسن بركات والفنان بادي محمد الطيب .
وهذه القصيدة تختلف عن بقية قصائد الاخوانيات التى نظمها حتى اضحت تنسب للقصائد الوطنية فالاستاذ مرتضي الغالي يري أن خليل تناول في هذه القصيدة الاشكال الاساسي في جمعية الاتحاد السوداني والتساؤل حول نضوج النضال والخروج به الى الشارع اما انه يحتاج الي بعض الوقت فكان رد خليل في هذه القصيدة بأن جمعية الاتحاد ادت دورها ويجب أن تتحول الي حركة ثورية
تم دور وادور
عمّ نورو شال
فات الحلة نوّر
زي بدر التمام
واحدين قالوا نوّر
واحدين قالوا دوب مروي ما بتنوّر
زي بدر التمام
مين يقوم يتهور
يبري القيف هناك
تحتو الدابي كوّر
زي بدر التمام
مواصلة لتم دورو واتدور : -
بينما يروي عبدالمطلب احمد عبدالمطلب ( حدباي ) صديق ونديم الخليل بأن ( ود حاجي ) وشلته التابعين للاستخبارات البريطانية وهؤلاء دوماً كانوا يترصدون خليل فرح ومصطفى بطران ويسعون لاستفزازهم وفي زواج محمد عثمان منصور تجمع ( حاجي وشلته ) وتلفظوا بكلمات إستفزازية فغضب خليل فرح وذهب أمام وزارة الداخلية علي شاطي النيل وشحن قصيدته بالفخر
مين يقوم يتهور
يبري القيف هناك
تحتو الدابي كوّر
والدابي كور اشارة لقصر الحاكم العام ويواصل الخليل الفخر والعزة بالنفس
الحسود يتضور نارو ماكله لسانو كلو زور في مزور
الطريق الحور دمي مابروح سيدو ليش يتجور
يا نديم ازاي جرحي المخفي غور
ويبدو لي ان رواية حدباي هي الاقرب للحقيقة لقرب حدباي من الخليل ولتسلسل القصيدة واختلافها عن اخوانيات خليل
نحن ما بنطفر
ما بنهاب سيفو
الا ما بنتزفر
قولوا للبتنفر
ما شالن قناع
المعاك تتوفر
يا قليب اتجبر
قوم وريني كيف
الكرام تتصبر
مواصلة لتم دورو واتدور : -
ومن الواضح أن الغضب استبد بالخليل ويتضح ذلك بجلاء في القصيدة التى نظمها حدباي في هذه المناسبة ( زهر الرياض بغصونو ماح ) لانه يخاطب الخليل
من قالوا أو قلنا سيب
اسمعني من حالي النسيب
ذكرني آرام الكثيب
الليهن الجيب والكسيب
فيتجاوب الخليل مع صديقه فيعود الي وصف الحفل في بعد أن افرغ غضبه فيخاطب ( حدباي )
يا زميل اتشطر
شن بتشوف حداك
الا الحور مبطر
الشعر مخمر يرشح كلو ند
عردب المجمر
قام محمد بشر
هز فوق تيجانن
سل سيفو وكشر
قول معاي واتفشر
نحن سياج عروضن
نحن يوم المحشر
هنا يذكر الخليل اسم ( العريس ) ويواصل الفخر ( قول معاي واتفشر نحن سياج عروضن نحن يوم المحشر )
تَمَّ دُوْرو واتدْوَّرْ
تمّ دورو واتدور
عَمَّ نـور شالْ
فات الحلة نوّر
زى بدر التمام
واحدين قالوا نور
واحدين قالوا دوب مروى ما بتنوِّر
مينْ يقـوم يتهور
يبرى القيف هناك تحته الدابى كوَّر
قالوا الكون اتطوَّر
لا عاشق عفيـف لا جميل اتصـوَّر
الحسود يتضـوَّر
ناره ماكله لسانه كُلُّه زورْ ومـزورْ
الطـريف الحَـوَّر
دمى ما بــروح سيده ليش بتجور
هز شوقى نــور
يـا نديم اذاى جرحي المخفي غوَّر
ياقليب اتجبـــر
قومي وريني كيف الكــرام تتصبـر
نحن مـا بنغيــر
النفوس ان حبت تستحـى تتكبــر
ماك خبير اتخبـر
فى الزمان الفات والجديد إدَّبـَــرْ
اوعى لا تتشبــر
هل رأيت لك عاشق بالغرام يَتْنَبـّرْ
نحن ما بنطفــر
ما بنهاب سفيه إلاَّ مـا بنتزفر
قولوا لى لبِتنفــر
ما شالن قناع المعـاك تتـوفر
يا زمـيل اتشطر
شن بتشوف حداك إلاَّ الحور مبطر
يبقى يومنا مطر مالُهْ الكون دهين
والفريق معطر
النحر مغمـر
والسبـاته حـارة والمجال مضمر
الشعر مخمـر
يرشح كل نـد عردب المَجمَّر
قام محمد بشَّر
هزَّ فوق تيجانن سلَّ سيفه وكشـَّر
قول معاى واتفشر
نحن سياج عروضن ونحن يوم المحشر
يا حسن اتذكر
طيب ليلتنـا ديك والصباح السكـر
المدام ما اتنكر
لا من ديكنا صاح فوق رؤوسنا اتحكر
كل شيء مفسر
ما فى شئ غريب والعسير ميســـر
ما فى عين تتحسر
دام عريسنا دام
والحسود اتحسـر



https://www.facebook.com/permalink.php?id=126906557338146&story_fbid=794514400577355




الرجوع الى أعلى الصفحة اذهب الى الأسفل
المحبوب أحمد الأمين




مُساهمةموضوع: رد: مجموعة اغاني و"تفاني" غناء قيافة و"فاتو" الناس مسافة    الخميس 2 يوليو 2015 - 16:35



اليوم خمستاشر من شهر غاية الكرم
الشهر البنراجع ونكبح فيهو جماح حبنا للاكل والشرب نهارا
كما يتصور الذين لا ينظرون لما هو أبعد من كدا
ونختلي فيه بأنفسنا قربا بالتجويد وبناسنا إلفة وتوادد في ملماتنا وجلساتنا
رمضان بالاضافة الى انو شهر عبادة ليها علاقة بتهذيب النفس البشرية
وسوقا من مهابط إمرة السوء إلى سوح النفس في أبهى كمالاتها
بالاضافة لدا فهو لدينا كمان شهر بنراجع ونؤكد فيهو على عمق ثقافتنا وإرثنا
وبكدا قدرنا أو في الحقيقة قدروا الناس على حفظ التراث جيلا بعد جيل
والأغنيات البتم تقديمها مع مناسباتها في البرنامج جزء هام من هذا الإرث
وربنا يديمه على كافة الشعوب السودانية المحبة للسلام بالعافية والبركات
الرجوع الى أعلى الصفحة اذهب الى الأسفل
المحبوب أحمد الأمين




مُساهمةموضوع: رد: مجموعة اغاني و"تفاني" غناء قيافة و"فاتو" الناس مسافة    الخميس 2 يوليو 2015 - 17:00



+حلقة اليوم خصصها السر قدور عن الايقاعات السودانية
"التم تم مثالاً"
وقال الايقاع إرتبط عند الناس بتومات كوستي في التلاتينيات
ولكنه ذكر بان ذلك غير صحيح على اطلاقه
وأجمل بعض الاعتراضات من جيل الرواد
وإعتراضاتهم كانت مش على الايقاع إنما على الكلمات "كما ذكر"
وبعد داك قدم بعض الامثلة من غناء التم تم
وكان أشهرها ثنائية زنقار وسيد عبد العزيز
وابتدر طه الغناء بالاشهر وقتها وحتى وقتنا هذا "من بف نفسك يالقطار"
طه ما زال لايص ما عارف يعمل شنو والاغنية لا تناسب طبيعة صوتو أبداً
وظهر ذلك عندما حاول الحضور مشاركته
فيهم واحدين قربوا يكضموا شدة ما نفسن كان قصير
أنقذهم القطر بنفسه الشغال من التلاتينيات القرن الماضي
وكان ممكن يسندوا الاغنية لانصاف فتحي مثلا أو هدى عربي
لفيت ساي كان نفس القطر إنقطع




الرجوع الى أعلى الصفحة اذهب الى الأسفل
المحبوب أحمد الأمين




مُساهمةموضوع: رد: مجموعة اغاني و"تفاني" غناء قيافة و"فاتو" الناس مسافة    الخميس 2 يوليو 2015 - 17:12



كناس بنسمع الواحد بحس بأن معدي البرنامج لم يحسنوا توظيف المغنيين
ظهر ذلك في الاغنية التانية سهران الليل بناجي القمرا ادتها مكارم
انا واحد من الناس مراهن على مكارم لقوة صوتها
لكن ما ممكن أسند ليها بحسب صوتها القوي الجهير أغنية مناجاة وليل وسهر وقمر
ولو كانت المناجاة جهرا لكانت أحوال كتير من المناجيين إنكشفت
الاغنية أخرتا كثيرا في مسافة التنافس على تقديم الاغنيات
ونتمنى تقدر تستعيد اراضيها في النص التاني




الرجوع الى أعلى الصفحة اذهب الى الأسفل
المحبوب أحمد الأمين




مُساهمةموضوع: رد: مجموعة اغاني و"تفاني" غناء قيافة و"فاتو" الناس مسافة    الخميس 2 يوليو 2015 - 17:24





حاولت انصاف إنقاذ ما يمكن انقاذو في باقي زمن الحلقة
وغنت يامنى عمري وزماني قلبك ليه نساني
الاغنية بتشبها وادتا بشكل طيب
خرب عليها عاصم البنا لمن حاول يجاريها
واربكا واربك الفرقة وخرب الرصة الكانت ماشة كويس




الرجوع الى أعلى الصفحة اذهب الى الأسفل
المحبوب أحمد الأمين




مُساهمةموضوع: رد: مجموعة اغاني و"تفاني" غناء قيافة و"فاتو" الناس مسافة    الخميس 2 يوليو 2015 - 17:29





هلا هلا اهل النبي جوووو
ما قلت ليكم من ينقز عوض حمودي تعرف الشرك قبض ليهو طرب شجي
أحبابنا يا أهل الهوى حسين الصادق
وحسين فات مسافة






الرجوع الى أعلى الصفحة اذهب الى الأسفل
 
مجموعة اغاني و"تفاني" غناء قيافة و"فاتو" الناس مسافة
استعرض الموضوع السابق استعرض الموضوع التالي الرجوع الى أعلى الصفحة 
صفحة 3 من اصل 6انتقل الى الصفحة : الصفحة السابقة  1, 2, 3, 4, 5, 6  الصفحة التالية

صلاحيات هذا المنتدى:لاتستطيع الرد على المواضيع في هذا المنتدى
 :: منتدى الحصاحيصا العام-
انتقل الى: