الرئيسيةس .و .جبحـثالتسجيلدخول
شاطر | 
 

  "موجة الهوس" إن بقى لابدّ من سفر ناسف !! فــ "بوكــــو" مالا ؟؟ بالله خلونا من حرام وحلال

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
المحبوب أحمد الأمين




مُساهمةموضوع: "موجة الهوس" إن بقى لابدّ من سفر ناسف !! فــ "بوكــــو" مالا ؟؟ بالله خلونا من حرام وحلال    الأربعاء 1 يوليو 2015 - 10:18




حاجة يهتز لسماعها البدن والدنيا رمضان وقبايل عيد  
الكويت وفرنسا وبغداد والرمادي والقاهرة
وسوسة .. الطلقة في الهواء مبثوثة والعافية من الجسد مدسوسة
الجمعة الفاتت القريبة دي إتنسفت تقريباً خمسة مواقع
منها دور للعبادة ومواقع سياحية شواطي وفنادق ومنتجعات
سوسة وشرق فرنسا والكويت والقاهرة واليمن
الحصيلة ما بطالة أهو كمية من الأبرياء صايمين كمان
والناس مشغولة تكفكف في دموع مطر الدم الهطول
يحصروا في المفقودين شيباً وشباب وأطفال والأشلاء "إن وجدت"
عملية نسف الأنفس بقت ساهلة مرات بالعربات المفخفخة
وفي الحالات المكتظة بتستعمل الأحزمة الناسفة تحملها أفراخ بذي بذخ
زي طلاب "جامعة الوزير المتخم" زغب الحواصل
حلاتن شايلين الجوازات الأجنبية لا ماء و لا شجر إستوائي
ولمن "إشتشهدوا" العزاء في العاصمة حضرهو أهل الحظوة الدستورية  
ومع كميات الحسرة الخلفتا العمليات في نفوس ذوي الضحايا المنسوفين
ومع كمية اللوعة التركتا العمليات في نفوس أجهزة حكمنا الرشيد يدوي مُبيد
قامت جهة "ناسفة خير" بتسفير دفعة اخرى من الطلاب الناسفين لمناطق العمليات
وبشهادة الشهود سفر مميز بي شنطو "سمسونايت" المسافر مقيل وبايت
الله إنعل أبو السفر البربطو ليهو البقج والشوالات وأكياس النايلو
وتسهيلاً للضحايا ما طُلِب منهن إلا يجو بي رقبتن كلو مدفوع "فُل بورد"
تكفلت تلك الجهة وتكبدت مشاق الإقناع والتجنيد والتدريب وبسرية تامة
ولأن الرحلة بتمر بعدة دول فالمؤكد بان المشاق تضاعفت على تلك الجهة  
حق التأشيرات وحق التذاكر والإعاشة للمسافرين الناسفين ورسوم المغادرة
جزاها الله خير النعمنها بتساعد الجهات البتجز الروسين في سلاسة ويسر
بس المدهش تصريح الناطق الرسمي بوزارة الخارجية الغافل وشايل لسانو يصرح
كيف يقول عندو بت مشت مع الوفد ويتهم جهة "ما" بتسفيرها كمان ؟؟
بالله مش كان يشكر الجهة دي للمساعدة في خروج بتو بدون تاشيرة ؟؟
أسي لو ما الجهة دي ما كان دفعو البت دم قلبا الموفراهو للعمليات !!
وبصراحة الجهة دي ذاتا شغالة بالخيار والفقوس ودي حركة ما لذيذة
في داعي تقطع المسافات دي كلها من دولة لي لا دولة ؟؟
بس عشان تقطع ليها راس ياباني ولا ما دايرني ؟؟  
مالو لو سفرتن لي ناس بوكو ؟؟ والله ولا يحوقو
مالن ناس بوكو ما بعرفو ينسفو ولا ما بعرفو يفخفخو ؟؟
نسف السرور وفخفيخ يفجر من تمبكتو لي بلد الشريف في مايدقرو  
"وين نحن نلقى جنس الانبساطة المفخفخة دي؟؟"
إجراءآت ساهلة و كل المطلوب تلملم طلاب الجامعات بنات علي اولاد
وبي  خور أبو عشة يدخلو تشاد يفجرو ليهن جامع جامعين
ويزوغو يمشو كان النيجر كان مالي وأنا مالو متعذب بي نارو  
أسي دي دايرة ليها تأشيرات ومطارات وكشف حال ؟؟
غايتو أنا دا كان بقيت علي السفر والنسف طوالي بوكو
وقصة إنها حرام وما حرام دي دعاية ساي عملوها المقرطين
نسفسف تحت الضل والمطر شغال السنة كلها
همبريب يرد الروح التي حرمها الله إلا بالحق
جنبي الباباي والابنوس والمنقا وأشجار الجوافة الخدرا وقيافة
البوديني أتلصق في شوك الصبار شنو بالله ؟؟



الرجوع الى أعلى الصفحة اذهب الى الأسفل
 
"موجة الهوس" إن بقى لابدّ من سفر ناسف !! فــ "بوكــــو" مالا ؟؟ بالله خلونا من حرام وحلال
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
 :: منتدى الحصاحيصا العام-
انتقل الى: