الرئيسيةس .و .جبحـثالتسجيلدخول
شاطر | 
 

 "الصحفية" المفضلة لدى بلاط السلطان "فاطمة الصادق" إن شاء الله كتابة العدو الماصليح "مقال" لكن ممنوع لأقل من 25 قرش

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
المحبوب أحمد الأمين




مُساهمةموضوع: "الصحفية" المفضلة لدى بلاط السلطان "فاطمة الصادق" إن شاء الله كتابة العدو الماصليح "مقال" لكن ممنوع لأقل من 25 قرش    الإثنين 26 أكتوبر 2015 - 17:06





أذكر أشادوا بيها وبي كتابتا "المتفردة"
وأدائها "المهني" المتميز
يا أيها المزمل ما تقوم الليلة ولو قليلا !!
وكمان أشادوا بمقالاتها
وقالوا بتعبر عن الهم الوطني
وبي مسئولية كمان


(( ..أشاد السيد رئيس الجمهورية المشير "عمر البشير" بكتابات الأستاذة "فاطمة الصادق" عبر زاويتها اليومية بصحيفة (المجهر السياسي). وأبلغ الأستاذ "مهدي إبراهيم" الإعلامي المخضرم رئيس كتلة نواب (المؤتمر الوطني) بالبرلمان الزميلة "فاطمة" بأنه يحمل توجيهاً مباشراً من السيد الرئيس بإبلاغها بثناء قيادة الدولة على أدائها المهني المتميز. وكان السيد الرئيس يطالع صحيفة (المجهر) وسط عدد من قيادات الدولة عندما أبلغ "مهدي" بالتوجيه. وفي السياق بعث السيد النائب الأول لرئيس الجمهورية الأستاذ "علي عثمان محمد طه" بتحاياه وتهانيه للزميلة "فاطمة الصادق"، معتبراً أن مقالاتها تعبر عن الهم الوطني بمسؤولية، مؤكداً اهتمام الدولة بالأقلام الشابة الواعية والحريصة على المصلحة العامة. ..وعبرت الأستاذة "فاطمة" عن شكرها وتقديرها لاهتمام قيادة الدولة ممثلة في السيدين الرئيس والنائب الأول بكتاباتها التي تنطلق من ضمير مهني محايد.)). منقول  


وأنا ما عارف "الضم" الهم للوطني منو ؟؟
قطعة  أرض ؟؟
أم حتة من الحتات ؟؟
علي قول "عبد الرحيم"
ياخي ما تخلوا الهم في حالو
ونحن كان ما الهم ما كان الغم كتلنا
والله صحي
أسي بالله الفاضي ليك إتونس معاك منو ؟؟
زمان قالوا الزول بونسو غرضو
أسي بقت الونسة مع الهم
طوالي 24 ساعة زي صيدلية "الأدوية المضروبة"
ما في أي زول عندو غرض
خلاص إنقرض
بقى الهم الدايرين يشيلوهو ناس الوطني
ولا محتاجين ليهو
يعني حا يلعبو وين ؟؟
ما كل خانة فيها كمكمية وتمكين لاعب
وكل زول مشغول بي "دورو"  
فنون لي جنون مقاربة  
وشفاه لي "شغاف" الروح محاربة  
وخليهم يقولوا زي ما الناس يقولوا
نار يا نارينا
نار ياتومي حي
انا ناري وأنا ناري وأنا وأنا  
يا حليل الهم اللاغلت لا فلت
ياحليلو اللاكلف لا عنف
يا حليلو البدورنا وبزورنا وبفقدنا
المهم الصحفية دي كانت "كتابة" خلاص
وكنت بقرأ ليها لمن كانت ما بتكتب
قبال تنضم وتبقى "الناضم" الرسمي بإسم الهلال
من زمن كانت بتشجع السهم القضارف ولا الصوفي ما عارف
وحات الرسول "نجهوها" ساااااااااااااااااي
من يوم بدت الكتابة طوالي هبشوها
أنا أرجح بأنها "مكتوبة"
لا "كاتبة" ولا حاجة
والكتابة خلتا تكتب ساي



يمين بالله إياها كتابة "العمل"
والله يستر ما يكونوا كتبوها في جناح سِمبرية "حوصا"
ولا يكونوا كتبوها في كراع كلب أطرش
أو كمان يكونوا كتبوها في ضنب كديسة متزوجة "عُرفي"
تاني الجرايد تبقى زي أفلام الرعب
والله المعبود بالحق "الشاشمندي" كان سمعتو من "فاه" أم زين دي
وعشان ما تمشو بعيد تقولو أم زين دي منو
دي بتاعة "نغيم فاهك يا أم شاش دواي"
وأريتا كان وقفت هنا "بل" جابتو "أفرش وتخين"
وفي عمودا "الراطب" أتت بما لم يسبقه عليها "الوراها والقداما"
المهم هديك "مدورة بالأحمر البعاج" في الجريدة "الأكثر إنشاطراً"
كلام من بعيد تشوفو تحلف تقول كاتبو ابشنب ولا دسوقي ولا حسن عز الدين
لكن تقرب ليهو وتمش بين سطوره تشوف العجب في ريال مطريد
أسي بالله نبكي علي منو ؟؟
الوطن
ولا الهلال
أم نبكي الصحافة
ولا الثورة "الحارة" الما فتئت في طور "التسخين" ؟؟




الرجوع الى أعلى الصفحة اذهب الى الأسفل
المحبوب أحمد الأمين




مُساهمةموضوع: رد: "الصحفية" المفضلة لدى بلاط السلطان "فاطمة الصادق" إن شاء الله كتابة العدو الماصليح "مقال" لكن ممنوع لأقل من 25 قرش    الإثنين 26 أكتوبر 2015 - 17:16










رجال خلف الرئيس






الرجوع الى أعلى الصفحة اذهب الى الأسفل
المحبوب أحمد الأمين




مُساهمةموضوع: رد: "الصحفية" المفضلة لدى بلاط السلطان "فاطمة الصادق" إن شاء الله كتابة العدو الماصليح "مقال" لكن ممنوع لأقل من 25 قرش    الإثنين 26 أكتوبر 2015 - 17:23






أفراح "الإتأهل"
شوف المبــارا
والحمد لله الهلال صعد للادوار الختامية
كاس افريقيا









الرجوع الى أعلى الصفحة اذهب الى الأسفل
عمارعبدالله




مُساهمةموضوع: رد: "الصحفية" المفضلة لدى بلاط السلطان "فاطمة الصادق" إن شاء الله كتابة العدو الماصليح "مقال" لكن ممنوع لأقل من 25 قرش    الإثنين 26 أكتوبر 2015 - 19:26

يالمحبوب إستأجرفينا خلوالمقال مكتوب بخط واضح غيرنقله من الصحيفة كده عشان يكون واضح نقرأونشوف
الرجوع الى أعلى الصفحة اذهب الى الأسفل
المحبوب أحمد الأمين




مُساهمةموضوع: رد: "الصحفية" المفضلة لدى بلاط السلطان "فاطمة الصادق" إن شاء الله كتابة العدو الماصليح "مقال" لكن ممنوع لأقل من 25 قرش    الثلاثاء 27 أكتوبر 2015 - 16:26




اشعلت النار ياعمار
الكلام المكتوب دا كلام "سوقي"
والصفيحة دي فارغة جدا
ووالله ما حصل قريت لي صحفي كلام جنس دا
عموما بفتش النص اذا كانت لدى الصحيفة نسخة اللكترونية
انت ممكن تنزل الصورة في الجهاز وتكبرا وتقرا النص




الرجوع الى أعلى الصفحة اذهب الى الأسفل
عمارعبدالله




مُساهمةموضوع: رد: "الصحفية" المفضلة لدى بلاط السلطان "فاطمة الصادق" إن شاء الله كتابة العدو الماصليح "مقال" لكن ممنوع لأقل من 25 قرش    الإثنين 2 نوفمبر 2015 - 20:11

مابتقصراستاذنا وفاطمة الصادق متسلقة لاتمت للإعلام بصلة دا زمن المهازل والله..
الرجوع الى أعلى الصفحة اذهب الى الأسفل
 
"الصحفية" المفضلة لدى بلاط السلطان "فاطمة الصادق" إن شاء الله كتابة العدو الماصليح "مقال" لكن ممنوع لأقل من 25 قرش
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
 :: منتدى الحصاحيصا العام-
انتقل الى: