الرئيسيةس .و .جبحـثالتسجيلدخول
شاطر | 
 

 "حُكم" الجدود والحبوبات !! الله لا تريحكن مريقكن سيدنا نوح ؟؟ الصور للتسنين

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
المحبوب أحمد الأمين




مُساهمةموضوع: "حُكم" الجدود والحبوبات !! الله لا تريحكن مريقكن سيدنا نوح ؟؟ الصور للتسنين    الأربعاء 9 ديسمبر 2015 - 8:56






جدو ابراهيم  


لمن تعاين في صور جدود الزمن دا
"حكامنا الحاليين"
تمسكك لفة راس
وجدودنا دي لزوم التوقير
بعدما ما تعدو السبعينات أو أزيد شوية
شوشوونا
ونجضونا
ونجمونا نجام القبور
ورويحتنا عندهن روح زرزور
روحن كاره ووشوشن مسفرة و"صارة"
زي آخر الشهر الميلادي
وعلي العليها مستبشرة عليها غبرة
وترهقها القترة و"نحن أولئك الكفرة الفجرة"



جدو حسن


مقسمين "الحتات" عليهن بالتساوي
للضكر متل حظ الاربعة نتايات  
طبعاً ما لازم يكونوا "شرعانيين" في الحتة دي  
صحي "فاتو"  سن الشباب بسنوات
لكن ما شاء الله عليهن مليانين مروة
البِنجر "كدي" في "الوا طا" دي
تلقى ماسك مكنكش في ضنب الكرسي
والخشمو رقد سلطة وعِدِم السن
يمش ماليزيا ويجيك يكد ليهو في دومة !!
"خرفانين خرف" الله لا تريحكن
التقول مريقكن سيدنا نوح عليه السلام



جدو علي


النظر ستة علي ستة
خاصة لمن الموضوع يبقى لغف
بمناسبة اللغف فهم يرومون ويكثرون من اللحوم البيضا
جلابية بيضا مكوية
يا جدو بسحروك ليا
المهم شوكة السمك ما بتفلت منهن
ينقشوها لو كانت على بعد خمسة وخمسين ميل بحري
ومن شدتن ولِضتن شوك السمك عندهم تقول عضام ديناصور
وأريتن كان وقفوا علي السمك
والدواجن وخرفان كرامات الحج والعمرة
لا وكمان سارحين ومتراوحين في بوفيهات المؤتمرات المحلية والاقليمية والدولية
عنبا وقضبا
وزيتونا ونخلا
وحدائق غلبا
وفاكهة وابا ليهن ولي جنا جناهن
"نعامة واحدة ما بدوها حتة"
شاطرين في عزل "الحتات" الفيها "الدهِن"
شلعوها ولغفوها ما خلو فرضاً ناقص
ومش الناس البصلو السن دي مفروض يجيهن ضعف نظر ساي ؟؟
والله ابدا ما جاهن



جدو عمر


إلا مرات لمن "تتيمم" وجوهن "شطر" هموم الناس الغلابا
جدودنا زمان لمن كانوا يلهلهوا ويوصوا "الوطن والوصية والتراب الغالي "
نضميهن كان تقيل والعينين "قدود جلد"
إن ما مسكك من يدك ما ينضم "الله يرحمن"
تعال شوف جدودنا الجوو ينقذونا
"نفاذاً للوصية وحفظاً للتراب والاستقلال "
الحنك سنين ينضموا سنين ضوئية
لا بكلوا ولا بملو ولا دايرين مايكروفونات  
أسي الحوار المدور دا بدأ من بداية الفين وأربعتاشر
وممكن يستمر لي "وأربعين"
مالن دافعين حاجة من جيوبن ما كلو على حساب :
الجبايات
والمكوس
والعشور
والعتب "علي الفقُر"
شوف جنس المتجدع دا
غايتو الـ الله بيديهو الناس ما بتحميهو
أداهن "سعادة كِبر لا ضمير يحاسب ولا حس يعتبر"



جدو الصافي


جدي حسن ود عبد الله
وجدي عمر ود حسن  
وجدي البكري ود الحسن ود صالح
وجِدي ابراهيم أحمد عمر
وجدي ابراهيم الطاهر
وجدي علي عصمان
وجدي نافع ود علي نافع
وجدي "قرض" الجاز "قرِض"
وجدي عبد الحليم المتعافي
وجدي عبد الرحيم ود حسين
وجدي الصافي جعفر
وجدي الطيب سيخة "غيب وتعال تلقاهن ياهن ذاتن"
وجدي حسبو "الكبير"  
وجدي حسبو "الصغير"
وجدي الطيب ود مصطفى
وجدي امين ود حسن
وجدي قيقم
دا غير النسوان المبلمات والمتبرجات تبرج مازي "تبرج الجاهلية الاولى"



حبوبتي سعاد


ناس حبوبتي سعاد بت الفاتح
وحبوبتي بدرية بت سليمان
وحبوبتي عشة بت أمحمد صالح



الرجوع الى أعلى الصفحة اذهب الى الأسفل
المحبوب أحمد الأمين




مُساهمةموضوع: رد: "حُكم" الجدود والحبوبات !! الله لا تريحكن مريقكن سيدنا نوح ؟؟ الصور للتسنين    الجمعة 11 ديسمبر 2015 - 6:29




"أحكم وقارن"




بريطانيا





استراليا





الدنمارك





النرويج





البرازيل



الرجوع الى أعلى الصفحة اذهب الى الأسفل
المحبوب أحمد الأمين




مُساهمةموضوع: رد: "حُكم" الجدود والحبوبات !! الله لا تريحكن مريقكن سيدنا نوح ؟؟ الصور للتسنين    الجمعة 11 ديسمبر 2015 - 6:38




صور تنم عن راحة ما بعدها
لا عبس ولا غتر ولا قطر
الترطيبة ظاهرة في وشوشن
حتهن جدودنا مرطبين
ساكنين كويس وماكلين كويس
لكن شقيانين ساي
الكواسة والواثة والعواسة
يلهثوا زي الكلاب ومالاحقين الحد
الهتافات دي براها ما بتسل الروح بالله؟؟



الرجوع الى أعلى الصفحة اذهب الى الأسفل
 
"حُكم" الجدود والحبوبات !! الله لا تريحكن مريقكن سيدنا نوح ؟؟ الصور للتسنين
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
 :: منتدى الحصاحيصا العام-
انتقل الى: