الرئيسيةس .و .جبحـثالتسجيلدخول
شاطر | 
 

 "الفيفا" مشهودة عارفـــانا "المحاكم" نحنا "بنسودا" والفارغة بنقودا !!

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
المحبوب أحمد الأمين

avatar


مُساهمةموضوع: "الفيفا" مشهودة عارفـــانا "المحاكم" نحنا "بنسودا" والفارغة بنقودا !!    الجمعة 7 يوليو 2017 - 6:59






اللهم لا شماتة
والمغبيين ديل قايلين الفيفا بتهظر
هههههه
قايلنها بنسودا يتزاوغوا منها بالبرندات
على كل حال
الكورة مش حا تكون اخر ضحايا التخريب
وهلال الابيض ربنا يعوضو
ترا الهلال والمريخ في الفيها
المهم لو حذت بنسودا حذو الفيفا بي موية وكملت

وعشان نبعد من الهوا نغني بس
اغنية العنوان نخليه بعدين للعرضة
ونبدأ بي جبجبة رمضان زايد

الفيفا ياسبب الأذى
ساهرتي بي آخر جزا

الفيفا ياسبب التعب
جبتي الهوا جبتي العجب
الحبو في قلوبنا طار نضِب
ذكراهو عندي مقززة

حرمانو علمنا السهر
شلناهو وتاني كمال ظهر
دوخني أكتر من شهر
ذكراهو عندي مُلظلِظة

ليه الفيفا ست المعرفة
تلغي قوانينا البنعرفا
الفيفا شقا
ولاهاي شفا
ياناس شقا
شقا
شقا
شقا

الرجوع الى أعلى الصفحة اذهب الى الأسفل
المحبوب أحمد الأمين

avatar


مُساهمةموضوع: رد: "الفيفا" مشهودة عارفـــانا "المحاكم" نحنا "بنسودا" والفارغة بنقودا !!    الجمعة 7 يوليو 2017 - 7:22






دا من بوست قديم ايام شكاوى كمال شداد 2010م


(( كثير من المشاهدين أو المتابعين لقناة النيل الأزرق ، يلاحظون التواجد الكثيف اللطيف للمطربين الذين تنادوا لبرنامج "أغاني وأغاني" الذي يقدمه الفنان المخضرم السر قدور ، وقد حظي البرنامج في دورته الخامسة بمجموعة من المطربين الجدد تمت إضافتـهم للمجموعة الأساسية ، ولا تخطي عين متابع إسهام المطرب كمال ترباس بزيه المعروف في النسخة الخامسة من البرنامج ، ويتبارى المغنيون في تريد أغانيه ، ومن شدة تأثره بالآداء فقد "بكى" حينما سمع "أمي الله يسلمك" ، وسالت دموعه ، وإنجخ زين لمن الله غفر ليهو ، وكمال ترباس والراحل محمود فلاح من الرواد الذين أدخلوا الآلات الموسيقية على الفن الشعبي الكان معروف ب "الرق" ، فقد جاوز ترباس بين ما هو قديم حيث الكورس والرق والدربوكة والبنقز ، وجاء الآن وأصبح يغني بأوركسترا كاملة والشيالين مشوا الصالح العام.

وترباس شغل الناس بأغنياته وبصمته واضحة في الغناء السوداني ، كذلك تجد كثير من المتابعين مشغولين بموضوع "العمة" المنفوخة دي التي عُرِف بـها ترباس ، ياربي كم متر ؟؟ كِرِب ولا توتال ولا كنيبو ؟ ولماذا كل هذه الزحمة ، ما كان ممكن كمال ترباس دا يصغر العمة دي شوية ، أسئلة ماليـها أجوبة ، ووبطبيعتـها تخرج عن إطار الموضوع ، فالرجل بغني مالكم ومال عمتو ، يعني أي مطرب يجي يغني لازم نعرف طول عمتو ومقاس عدسات نضارتو ، ونوع التبغ الذي يدخنه .

على الجانب الآخر ، وبالتزامن مع أغاني وأغاني وكمال ترباس ، تدور رحى الحان حرب رياضية غير طاحنة بشأن إنتخابات الإتحاد العام السوداني لكرة القدم ، وبطلها زول شعر راسو قدر عمة ترباس الدكتور كمال حامد شداد الذي حجب القانون إسمه من قائمة المرشحين للإتحاد العام السوداني لكرة القدم ..وحسب مركز المعلومات بالإذاعة السودانية"بإختصار" :

(( والدكتور كمال شداد من أكثر الشخصيات السودانية المثيرة للجدل في الشأن الرياضي، وهو فيلسوف يقوم بتدريس الفلسفة بجامعة الخرطوم والتي تخرج منها حاملاً درجة الشرف في الآداب قبل أن ينال الماجستير من ذات الجامعة.. وبعد ذلك غادر الدكتور كمال شداد إلى العاصمة البريطانية حيث نال شهادة الدكتوراة من جامعة لندن.. .....مقربون من الدكتور كمال شداد يصفون الرجل بأنه زوج محب جداً لأسرته الصغيرة المكونة من زوجته الأستاذة ابتسام والتي تزوجها قبل أكثر من (25)عاماً, وابنته الوحيدة آمنة الريان، ونبعت فكرة الإسم المركب لابنة الدكتور من أن )أمنة) هو اسم والدته - أطال الله عمرها - والريان تسمية حديثة تتماشى وأسماء الجيل الحالي كما رأى....

.......وتكشف حادثة تسمية ابنته مزاوجة شداد بين الحديث والقديم، وتأكيده على الأصالة دون إلغاء للمعاصرة، وهو ما ينعكس على طريقة تفكيره واتخاذه للقرار. آمنة الريان رغم أنها الابنة الوحيدة والمدللة إلا أنها اكتسبت من والدها العديد من الصفات, منها قوة الشخصية وإعجابها بوالدها مما قادها لدراسة الفلسفة بجامعة الخرطوم التي تخرجت منها العام الماضي, بجانب دراستها للغة الفرنسية.. والدكتور كمال شداد أخ لأربعة أشقاء منهم محمد ومعاوية دكتور علوم الفلك الشهير. ......

......و يعتبر د.كمال حامد شداد رئيس اتحاد كرة القدم الحالي الذي تخطى حاجز السبعين بعام، وأستاذ الفلسفة بجامعة الخرطوم والمحاضر بالاتحادين الدولي والأفريقي لكرة القدم، من أكثر الشخصيات إثارة للجدل في البلاد،
ويبدو أن المؤهلات الأكاديمية التي يحملها شداد إلى جانب القدرات الشخصية أعطته ميزات تفضيلية وجذبت إليه كثيراً من المؤيدين، لكن خصومه يقولون إنها كذلك مصدر إعجاب الرجل بنفسه وافتعاله للمعارك مع الآخرين، رغم أن هؤلاء الآخرين هم أصحاب السلطة والمال.....))
المصدر .( مركز المعلومات بالإذاعة السودانية).

ولو جاوزنا بين المجاوزين وشلنا عمة ترباس وختيناها في راس شداد .. حا بكون عندنا كمال شرباتبس بتفطر ولا ما بتفطر ماعارف والعارف يقول ))






وفي رد على الدكتور بكري عن وجه الشبه بين ترباس وشداد :


يادكتور عليك الله مش بشابهو

الاتنين كمال كمال واحد شداد والتاني بتربس
تراس بي عمة وشداد مخنفس
ترباس بقول أمي الله يسلمك
وشداد بقول يالفيفا أسي بكلمك
ترباس بقول صدقني ما بقدر أعيد
شداد بقول صدقني أعيد وأحدد المواعيد
ترباس يقول جفت مقلتي الباكية ونامت من سنين أحزان
شداد بقول جفلت عريضتي الشاكية وجابت خبر فرمان
ترباس بقول يا نسيم شبال يا فرح ضحاك لي عيون أطفال
يا كلام الريد لي ما بتقال
شداد بقول ياسوار محتار يا شبح فتاك لي فنون أجيال
يا "كمال مافي قيد" لي ما بتقال
ترباس يقول افرد شراعك ضمني خائف تفوت والسكة بيك ما تلمني
إنت المهم والناس جميع ماتهمني
وشداد بقول أقصر ضراعك ضمني
خائف تجور والفيفا بيك حا تلمني
إنت المُسِم والناس جميع ما تسمني
ترباس يقول قول لى قول
يا اغلى زول خلى الحزن يرحل يزول
شداد بقول قول لي قول يا أغنى زول
خلي الفقر يرحل يزول
ترباس يقول ورينى وين درب الوصول انا لسه تايه دلنى
شداد بقول وريني وين صيف العبور انا حسه نابه ضِلني

"فطرت يعني طعبت"

ورمضان كريم يادكتور ومشكور على المرور



الرجوع الى أعلى الصفحة اذهب الى الأسفل
 
"الفيفا" مشهودة عارفـــانا "المحاكم" نحنا "بنسودا" والفارغة بنقودا !!
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
 :: منتدى الحصاحيصا العام-
انتقل الى: