الرئيسيةس .و .جبحـثالتسجيلدخول
شاطر | 
 

 بالله مش كان ممكن أمس يحسبونا مع المتأهلين لروسيا !؟ بدل نحقص في قوائم الارهاب !!

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
المحبوب أحمد الأمين

avatar


مُساهمةموضوع: بالله مش كان ممكن أمس يحسبونا مع المتأهلين لروسيا !؟ بدل نحقص في قوائم الارهاب !!   الإثنين 9 أكتوبر 2017 - 9:32



جمعية عامة
ونوبل بكافة تخصصاتها
الاوسكار عرب وعجم
هولوود وبولوود
السنما العربية في روتردام
وعييييييك
وأخيرا التأهيل لكاس عالم
في روسيا 2018
الله يدينا العافية
أكان نحن البنحقص بايتين القوا
نمرق من قائمة الحظر
نقع في قوائم دعم الارهاب
والبلد في القوائم السوداء حاقص
الزعماء متلمين
وحاكمنا ناقص
كأنو مكتوب علينا نحقص
نحقص كدا لمن تقوم الساعة
حظر ورعاية إرهاب
لكن البارح كان يوم ناس الكورة العالمي  
مئات الملايين أمس حابسين أنفاسهم
على مستوى الكوكب
مشدوهين أمام التلفزيونات
وشاشات العرض العملاقة
في الميادين المخضرة ودور العرض
السندوتشات والمياه الغازية
و"علب السجائر الفي الحفلة داير
ولع لي النحرقو
أموت أنا في البريدو
أريت أبوكاكي طاير
مات ولع لي النحرقو
قصدك قصدك مشروعاً ما لقو
قصدي فوق القوائم أضبح لي النكتلو"
المهم
لزوم الشرح وكدا
أها أبوكاكي دا زي السجاير أبو نخلة
ولو دايرين الحقيقة فالبريدو المالبرو والبرنجي
"عشان ما نسرح بوشنا"
يدخنوا وياكلو ويشربوا
ومتابعين المباريات
والحمد لله كل شي فضلة خيركن
الهونكان والفوستر
والمُثلجات والمُكسرات
والمكسرين في المَكسرات معاهم
داخل وخارج الاستادات
مواطنو الدول المنافسة
وعشاق اللعبة على العموم
ناس يباركو وناس يتباكو
ناس تطفر وناس تدفر
وناس تنطط وناس تفنطط
ونحن
لو حاولت تتذكر  
تعيد الماضى من أول
تلقى الزمن غير ملامحنا
ونحن بقينا ما نحنا
وأنا الصابر على المحنة  
وجرحك يا غرام الروح
لا طاب
لا بدور يبرى  
ده جرحك مهما طول وغار
مطبوع فينى بالفطرة
وفي رواية أخرى بالفتة
وكل سنة وانتو طيبين
وتامين ولامين


الرجوع الى أعلى الصفحة اذهب الى الأسفل
 
بالله مش كان ممكن أمس يحسبونا مع المتأهلين لروسيا !؟ بدل نحقص في قوائم الارهاب !!
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
 :: منتدى الحصاحيصا العام-
انتقل الى: