الرئيسيةس .و .جبحـثالتسجيلدخول
شاطر | 
 

 البشير وكيل هلال في العرس يقبض هلال وكيل البشير في الضرب !! طيب جايبنو هنا لي شنو ؟؟ "صورة"

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
المحبوب أحمد الأمين

avatar


مُساهمةموضوع: البشير وكيل هلال في العرس يقبض هلال وكيل البشير في الضرب !! طيب جايبنو هنا لي شنو ؟؟ "صورة"    الثلاثاء 28 نوفمبر 2017 - 9:00








حبوبتن لينا تعبت في آخر أياما عليها الرحمة
نقلوها المستشفى بعد العِشا في حالة أقرب للموت
بالفعل ومع طلوع الشمس سلمت الروح لبارئها
رسلو وفد إلى البيت برئاسة ود ولدا للمضايرة
وهناك مافي غير الأطفال حارسين البيوت
أول ما وصلو البيت نزل واحد يفتح الباب
بالترباس الفوق من الداخل
إنتبهت إحدى الصغيرات وصاحت "دا منو دا ؟؟"
في الوقت داك الباب إتفتح
والراجل لقى نفسه في مواجهة الطفلة
سألتو ببراءة :
"مالكن في شنو تفتحو في البيبان من صباح الرحمن ؟؟"
أجابها "حبوبتك دي ماتت وجايبنها بعد شوية"
قالت ليهو "جايبنها هنا لي شنو  ؟؟ "
"ما تودوها المقابر وتدفنوها "
أها أسي الجماعة يكوركو
جايبين هلال جايبين هلال  
أنا واحد من الناس
لو بلعب فيهو جورج ويا ما بشتغل بيهو
داك الليلة ما عقد لي بتو ؟؟
عزمنا ؟؟؟؟
ولا كشكر لينا ساي ؟؟
العرس السلم فيهو بتو "العروس" لوكيل إدريس دبي
ورقصت مع البشير على أنغام ندى القلعة وحتوو قرض
وركبت طيارتا فاتت البوصفا ما معروف
خلو خشومنا ملح ملح
لا وكمان يقال بانو قبض ال 26 مليون دولار
وشتت فات
وخاف مشى "مستريحة" ؟؟
مشى محل الإستراحة البصح بالصح
قرب يسوق مستريحة ذاتا
أها المرة دي لا في ندى القلعة ولا هاجر كباشي
القلع وفي أماكن مغلقة لمن تقول ياحفيظ
على كل حال
إنت ياهلال البشير وكيلك
لكن نحن وكيلنا الله
ونعم الوكيل



الرجوع الى أعلى الصفحة اذهب الى الأسفل
 
البشير وكيل هلال في العرس يقبض هلال وكيل البشير في الضرب !! طيب جايبنو هنا لي شنو ؟؟ "صورة"
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
 :: منتدى الحصاحيصا العام-
انتقل الى: