حقيبة الفن ... وأخص بها الفنان المبدع الجــــابري

أصبح الإستماع للأغاني في هذه الفتره متعدد الأزواق منها الأغاني الشبابيه وأغاني البنات وغيرها
لكن الذهب لا يصدأ ولابد من وجود مكان لأغاني الحقيبه في المجتمع السوداني
حقيقه تعجبني أغاني الحقيبه جداً جداُ وأكثر ما أحب الإستماع إليه أغاني الفنان أحمد الجابري
وأخص هذا البوست لأغانيه الرائعه
ونبدأ بالأغنيه الجميله

من طـرف الحبيـب

من طرف الحبيب جات أغرب رسايل
يحكي عتابو فيها وقال ناسنو قايل
ياما قال حكاوي ما خطرت ببالي
قال في كل كلمة إني جفيتو سالي
ما ناسيك والله ذكراك شاغلة بالي
لو في كل لحظة لو تعلم بحالي
لو أناسك إنت
اكون غدار وخنت
أسأل عني غيري
واحكم في مصيري
ياما تشوف دلايل
ياما قال كلام ما لي دخل بيه
إني بروح لى غيرو بهوى وبصطفيه
لالا والف لالا ده حبك عشت ليه
ان شاء الله حياتي تفنى لو فكرت فيه
بدل أشواق ومحنه ترسل لي مظنة
كلام يجرح شعوري وما يريح ضميري
من زول عنه سائل

تحياتـــــي

زائر

كـــــــل الـــــود
وكـــــلنا حصـــــاحيصــــا

يا سلاااااااااااااااااااااام عليك ياحافظ
تسلم يارائع ومشكور

سيـد الاســم

محبوبى وكتين يبتسم
الدنيا ياناس تنقسم
الفرحه تملاها وتزغرد فيها والشوق يرتسم
########
مرات اقول اديهو كلمه تزعلو
حبة عذاب وكلام عتاب انا عارفو مابتحملو
علشان اشوف خده الحرير الدمعه جارية تبللو
لكنى قبال ابدا بلحظات اقيف اتاملو
الضحكة واللفته البتاخد من عيونى النوم شهور وتجفلو
وانسى العتاب الكنت ناوى اقوله وارجع منهزم
الدنيا ياناس تنقسم
الفرحه تملاها وتزغرد فيها والشوق يرتسم
########
فى العيون ببنيلو دارين من موده ومن منا
بضمه فى قليبى محبه فياضه وهنا
ماردت غيره ولاهو راد زولا سواى انا
نظراته كيفن اوصفا دى الفى العيون مدونا
همساته تحنان القمارى الراجعه للعش والجنا
وتضوى والليل ينهزم
وكتين يبالغ ويبتسم
الدنيا ياناس تنقسم
الفرحه تملاها وتزغرد فيها والشوق يرتسم
#####
يوم جانا شايل خطانا الكايسنه راح
وشايل الامل فى عيونه والحب والسماح
ارتحنا من ماشفناهو والليل استراح
ضحكت نجومه وغنى قمره معانا لعند الصباح
لكن بغير والله برجع منهزم الدنيا ياناس تنقسم
الفرحه تملاها وتزغرد فيها والشوق يرتسم

يـــادنــــــــيــــــــا

يادنيا وحاتك سيبينا
ده القمر اتواضع واتدلى
ياربى ده جاى يعذبنا
وكمان بقلوبنا بتسلى
#######

الرقه بكل معانيها
والذوق ده مفصل بمقاسه
الناس مشتاقه تلاقيهو
فى غيابو كتير تعبو وقاسو
وحديثه الناعم يطربنا
ده العايش فينا باحساسه

#######

لو شفت قوامه بتمايل فى مشيه يرقص ويتنى
لو حتى استعجل فى خطاهو الدنيا الماشية بتستنى
الناس تتمنى من الدنيا و الدنيا المنه بتتمنى

#########

عيونه الناعسه بتتعبنا ووجوده كتير بيفرحنا
ده كلامو البجبر خاطرنا وعتابه حقيقه بيجرحنا
واحزانه العايشه فى جواهو بنشيلها بداله دوام نحنا

الله يخليك يارؤى ياعسل
وبالله مستنين المزيد والمزيد

هـوج الريــاح
-----------
هـات يا زمـن
جيــب كـل أحــزانك
تـعـال جيـب المحــن
طــول يا أسى وكتر ينابيع الشــجن
جـرعني كأس من لوعة من الامي
ما المحبوب خـلاص خلاني ليك الليلة راح
خلف لقلبي الحسرة والشـوق والجــراح
خلي النواح
فــاض قــلبـي شـمعة
وحيـدة في هـوج الريــاح
خـلاني ليـك أنا يا زمــن
وخلص شجن
الليـل يهـــود بي
ويبــقى تـلـت الأخــير
يطـويني في رحــابه الوثـــــير
أنا والظنـون وعـــذابي والصمت المثير
خلاني وحدي جناح كسير
وانا والدموع والشكوى والليل والشجن
رماني ليك راح يا زمن
وخلى الشجن
من بعد ما علمني ريد
فجر العواطف غنا ونشيد
بدل مراير الوحدة والهم أحلى عيد
علمني أبني حياتي من أول جديد
أشرق من عمري هواه زي أجمل صباح
وكساني بالآمال وشاح
قلبي المتيم بيه بي احلامه باح
تاه في رياضو الرايعة في جنة استراح
لكنه وين الليلة راح واصبحت يا أيام حزين
باكي العيون محتار أقول ماليه حنين
إيه غيرو بدل عواطفو صبح ضنين
إمكن ظنون إمكن خلاص إن شك في قلبي الأمين
قلبي المحال في يوم يخون
قلبي الملان حنية زاخر يالأمل ومهما حصل
أملي الوحيد لحبو مكتوب في الأزل
لايمكن أبداً مستحيل في يوم أميل
لغيره وأعشق تاني زول
مهما يكون بالود بخيل
لو حتى يجرح قلبي أنا برضي صابر يا زمن
بكل أجزانك تعال
جيب المحن

اصبتي اختي هبة فى اختيارك ذلك الصوت الدافي الطروب

ما نسينـــاك
ابو آمنة حامد
أحمد الجابري
------------
مانسيناك جاي تعمل إيه معانا بعد ما بدلتنا
وماسقيناك أحلي ما في عمرنا
من عواطف مالقيناك جاي تعمل أيه؟
الرهيف قلبو بعيش في شكه اكثر من يقينو
تستبيهو نظرة جارحة وتحترق بالحب سنينو
قلبو عايش في العيون الشاربة من حبو وحنينو
وناكرة حتي إنو إنسان يسعي لي قلبي يعينو
ماكفاهو العذاب الهو فيهو ليه تزيد الأمو اكتر
وليه عينو العمرها ماخانتك تبكي تسهر
وليه توشح فجرو بالأحزان بعد ماقلبو نور
اضحي جرح الفرقة في قلبو الحزين من حبو أكبر
قلبي غافر ليك ذنوبك سيبو بس تنشف جراحو
الحنين العايش لحبك بت تسخر من نواحو
سيبو مرة يغسل احزانو بالأمل يشرق صباحو
وكيف يطير لعشو عصفور منكسر مكسور جناحو

زائر

ممكن نطلب ؟؟؟
محبوبي وقتين يبتسم

hafiz ahmed كتب:

ممكن نطلب ؟؟؟
محبوبي وقتين يبتسم

الأغنيه موجوده عندك فوق ياحافظ هي نفسها (سيد الإسم)
أطلب كما شئت طلبك عندنا موجود

بدون رسائل
-----------
مافى حتى رسالة واحدة بيها أتصبر شوية
والوعد بيناتنا انك كل يوم تكتب .. الىّ
هل يجوز والغربة حارة بالخطاب تبخل علىّ
لما أخر مرة شفتك قبل ما أودع وأغادر
كنت حاسس أنى خائف إنى متردد ..وحاير
داير أتصبر أمامك داير أضحك ومانى قادر
بس دموعك لما فاضت ضيعت صبرى الشوية
وصحت موعدنا الرسايل وين رسايلك وين كتاباتك الىّ
وصرت بعدك يا حبيبى ذرة فى بحر الزمن
بعت للتجار مواهبى بعتها بابخس تمن
وحشة ما بتعرف رسايل وغربة عن أرض الوطن
بس أمل واحد بعيشه لو رسالة تصل ..إلى
بيها أطمن عليكم وتنقذ الموقف شوية
من عتابى أظن عرفت إيه مكانتك فى فؤادى
أنت يا فجر المحبة تستحق شوقى وسهادى
أنت صورة ماضى أبيض ولوحة بتمثل بلادى
بس حرام تبخل علىَّ وتنسى ما ترسل هدية
حتى لو كلمة أحبك في خطاب مسرع إلى

تسلمي يا منقا علي الروائع دي ويلا في انتظار المزيد

hanoya khalafalla كتب:

تسلمي يا منقا علي الروائع دي ويلا في انتظار المزيد

شكراُ ليك ياهنو ولسه في كتير وكتيييييييير
الزول ده عجيب والله

الجريف واللوبيــا

كلمات الصادق الياس

--------
عندى شوق لى نيلنا
والاهل والطيبة
الجريف واللوبيا
وباقى ذكرى حبيبة
غشة الصفصاف
القايمة عاملة الزريبة
هو المغطى القيف
فوقه روووووووعة عجيبة
ياسواقى بلدنا
وينو صوتك مالو
وينو قارع مويتك
غنى باسم حالــــــــــــــــو
وين غسيل النيل
و شر هدومو فى رمالو
وينو ماضى الحله
وين ومين الشالو
كان زمان ندلى
لما كنا صغار
من فريع لى فريع
نقطع الاثمار
كان بحرنا نعومو
ناس كبار و صغار
فينا طيبة القرية
ومافى كان اسرار
وينو صوت الساقية
الكان يشق الليل
وين نخيلنا الرامى
الظلال فى النيل
وين وين دفيقا
الكنا منه مشيل
وين جداول الموية
الجارية زى السيل
يا بحر حلتنا
فى رمالك ذكرى
لابتشيل الموجه
ولا بتفارق الفكــره
الجريــف و اللـوبيــا

» حصريا اللقاء الذي جمع الاستاذ مروان خوري و سفراء المنتدى تحت إشراف المبدع شادي محمد
» حصريا على مزيكا ميدو البوم (يرضيك حبيبى)لفارس الباديه الاول الفنان(محمود الحبونى)

حقيبة الفن ... وأخص بها الفنان المبدع الجــــابري

حقيبة الفن ... وأخص بها الفنان المبدع الجــــابري

مواضيع مماثلة

مواضيع مماثلة