الرئيسيةس .و .جبحـثالتسجيلدخول

شاطر | 
 

 التحيات لها في هذا الصباح

اذهب الى الأسفل 
انتقل الى الصفحة : الصفحة السابقة  1, 2, 3, 4, 5  الصفحة التالية
كاتب الموضوعرسالة
سلوى عثمان ابراهيم

avatar


مُساهمةموضوع: التحيات لها في هذا الصباح   الخميس 10 ديسمبر 2009 - 15:48

اين الصور يا حسن
الرجوع الى أعلى الصفحة اذهب الى الأسفل
حسن وراق حسن

avatar


مُساهمةموضوع: مسدار عشوق لأحلي مخلوق   السبت 12 ديسمبر 2009 - 11:00

الي جميع اصدقاء تحيات الصباح اقول
كل العشق لها ولكم التأمل وحسن الانتظار!!


مسدار عشوق لأحلي مخلوق
آخر كلامي اقولو ليك،
انا من زمان زمان زمان ما قلتو ليك ،،
حأقولوا تاني وتاني ليك.
اني ما قادر
في لحظة
افارق،
شوقي ليك ،،
بهاتي بيك ،،
اغير عليك،،
واغني ليك،،
من بعيييييد بعييد بعيد،،
القي خطاي سايقاني ليك،،
اقول اسرع كمان و كمان كمان
افرد شراع الريد
عشان قبل العيون ترمش ،،
اكون
عندك حضور،،
القاك في الخاطروفي داخل القليب ،
متحكرة
متوكرة
ومتذكرة،،
اني
متحدي بيك،،
طول الزمان
و البعيد في الامكنة،
آه وتاني آه
انا ماتِعبْ
من سفري الطويل
وما فْترْ
من ساساق سنين،
لكن خلاص ،،
حبك غلب،
والحالة جد متمكنة.
ما عندي غير،
اني
اقولك ،،
في هذا الصباح
انا جد سعيد
يا ملهمة!!!!
الرجوع الى أعلى الصفحة اذهب الى الأسفل
حسن وراق حسن

avatar


مُساهمةموضوع: زولي زارني   الأحد 13 ديسمبر 2009 - 15:05

زولي زارني

الاريج الفاح
عطر الاكوان،،
الزهور فاقت
اظهرت الوان،،
والورود غارت
اكتست حُلة،،
دا كلو لي زولي
شًرف الحِلة .
يوم زيارتك لي،،
في المنام،
قلّ،،
سهري حارسو براي،
ايه السهر الشٌلة؟؟
ماعندي غير ما اقول
صباحك نور..
يانرجسة
و
فلة!![/
size][/color][/center][/font][/color][/color][/color][/color]
الرجوع الى أعلى الصفحة اذهب الى الأسفل
هنادي بندي




مُساهمةموضوع: رد: التحيات لها في هذا الصباح   الثلاثاء 15 ديسمبر 2009 - 5:43

يا وراق ريح جماهيرك واديها ليهم كبيره وحدد العقد ووين الصور
الرجوع الى أعلى الصفحة اذهب الى الأسفل
جعفر قوليب

avatar


مُساهمةموضوع: رد: التحيات لها في هذا الصباح   الثلاثاء 15 ديسمبر 2009 - 12:09

يا حبيب شنو منتظرين الحلقه الاخيره .....
( تلاقيها خديجه وقعت تاني ...... )
لك كل التحايا والاشواق
الرجوع الى أعلى الصفحة اذهب الى الأسفل
حسن وراق حسن

avatar


مُساهمةموضوع: رد: التحيات لها في هذا الصباح   الثلاثاء 15 ديسمبر 2009 - 12:48

في ليلة شتوية باردة،،
صوتها سري بالدفء
والحنين
وكان ليلنا يحبو الي ،،
عتبات الاصباح،
رددت عصافيره اسمك،،
تنادي،، وتناجي
وتناغي
فلق الصباح،،
آه
قوليك!!
اسمك!!
في مسام الروح
سكن ،،
جوة القليب،
اصبح وطن،،
يسعدني جدا ياحبيبة
كل يوم
يشرق يهل ،،
بالفصيح او
كان رطن،
ما عندي،،
غير ما اقول
صباحك خير
يا،،
و
ط
ن
ن
ن
ن
الرجوع الى أعلى الصفحة اذهب الى الأسفل
حسن وراق حسن

avatar


مُساهمةموضوع: رد: التحيات لها في هذا الصباح   الأربعاء 16 ديسمبر 2009 - 9:15

عندما يكون الصمت ابلغ تعبير
وتكون العيون لغة الحديث
يصبح صوتك،
عبير
يعطر سماوات هذا الصباح،،
ويعلن للملأ
انا في حُبك
اسير
اسير
وما احلي الاسر
يا اميرتي.
صباحُك فرح اطل
وحزن مغادر الي الابد،،
احبك
ب
عمق شديد،،
ما اجمل الصباح وانا
اغرق
اغرق
اغرق
في
ح
ب
ك
يا
.
.
.
الرجوع الى أعلى الصفحة اذهب الى الأسفل
Enas Adawi




مُساهمةموضوع: رد: التحيات لها في هذا الصباح   الأربعاء 16 ديسمبر 2009 - 9:32

جابت ليه حب كمان ياوراق ربنا يهنيك
الرجوع الى أعلى الصفحة اذهب الى الأسفل
جعفر قوليب

avatar


مُساهمةموضوع: رد: التحيات لها في هذا الصباح   الأربعاء 16 ديسمبر 2009 - 10:15

ورقه ..... والله العظيم حيرتنا معاك ؟
شحتفته روحنا يا حبيب ووووووووووووووووووووووين الخطيره دي ؟؟؟؟
دي اليوم الدايرنوا ليك يا حسن مبروك عليك
تحياتي
الرجوع الى أعلى الصفحة اذهب الى الأسفل
حسن وراق حسن

avatar


مُساهمةموضوع: رد: التحيات لها في هذا الصباح   الخميس 17 ديسمبر 2009 - 8:33

الحب في قيعان الاسر


علمني حبك،،
التمرد،
و
الجوي،،
يا سوسنة
يا عذبة النجوي،،
انا حبيس،،
اسير الهوي
اسافر في لواحظ ،،
عينيك،
افتش عن،،
مأوي،،
انا،
اهوي،،
بالحب ،،
والنشوي،
في هذا الصباح
يا
ملهمتي
يا
.
.
.
.
الرجوع الى أعلى الصفحة اذهب الى الأسفل
حسن وراق حسن

avatar


مُساهمةموضوع: رد: التحيات لها في هذا الصباح   الخميس 17 ديسمبر 2009 - 8:44

يا جعفر قوليب.. يا حبيب!!
تسلم
اني اشكر الله كثيرا
الذي منحني اللقدرة علي الصبر
طول العمر!!
في انتظار ان تأتي ،،
انها في داخلي،،
متغلغلة في
دمي،
لحمي،
و في العصب،
نتبادل الحب ،
بلغة
لا يفهمها الآخرون حتي لو وددنا .
يكفينني حبها ،
ويكفيها اني صادق في حبها ،،
وكما قال نزار ثباني ،
الحب الذي بيننا (( ليس رواية شرقية تنتهي بالزواج ))
اننا لانريد لحبنا ان ينتهي
لاننا ازواج!!
الرجوع الى أعلى الصفحة اذهب الى الأسفل
وليد العشي

avatar


مُساهمةموضوع: رد: التحيات لها في هذا الصباح   الخميس 17 ديسمبر 2009 - 14:48

التحيات لها فى هذا الصباح وكل صباح
دى حقتى انا براى
دائماً تكون خلفى
مع انها امامى فى كل الاوقات
لها ولها ولها ولها كل الحب
لكم ايضاً
مع السلامة
الرجوع الى أعلى الصفحة اذهب الى الأسفل
عمار تلودى




مُساهمةموضوع: رد: التحيات لها في هذا الصباح   الجمعة 18 ديسمبر 2009 - 7:52

وليد العشي كتب:
التحيات لها فى هذا الصباح وكل صباح
دى حقتى انا براى
دائماً تكون خلفى
مع انها امامى فى كل الاوقات
لها ولها ولها ولها كل الحب
لكم ايضاً
مع السلامة
بالله
الرجوع الى أعلى الصفحة اذهب الى الأسفل
حسن وراق حسن

avatar


مُساهمةموضوع: رد: التحيات لها في هذا الصباح   السبت 19 ديسمبر 2009 - 10:18

ما كملت حروفي،،
وما عز الكلام،
يا اجمل قصيدة
يا سجع الحمام،،
اناجيكي
في صحوي،
وفي عز المنام،،
اهز الي بجزع ،،
حديثك
يساقط علي،،
كل الجمال
وكل الحنين،،
صباح الشوق،
صباح الغرام،
صباحك يا اميرتي
صباح جميل
الرجوع الى أعلى الصفحة اذهب الى الأسفل
وليد العشي

avatar


مُساهمةموضوع: رد: التحيات لها في هذا الصباح   السبت 19 ديسمبر 2009 - 14:36

لها ولها ولها ولها
انا واخرين
صباح ومساء لها
الرجوع الى أعلى الصفحة اذهب الى الأسفل
حسن وراق حسن

avatar


مُساهمةموضوع: رد: التحيات لها في هذا الصباح   الأحد 20 ديسمبر 2009 - 10:19

سيدتي الجميلة!!
كل الحبُ لكِ
والهيام ُ لي!!
كل العمر لكِ
والشقاء لي!!
ياسيدة كل نساء العالم،،
الآن تعلمت معني ان،،
احيا،،
وان اكون،،
الآن فقط ،،
للحياة طعم اخر جميل،،
يا زهرة قلبي.. صباحك وردي
الرجوع الى أعلى الصفحة اذهب الى الأسفل
رحاب قسم الباري

avatar


مُساهمةموضوع: رد: التحيات لها في هذا الصباح   الأحد 20 ديسمبر 2009 - 14:57

يابختها مين قدها.
الرجوع الى أعلى الصفحة اذهب الى الأسفل
بكرى عثمان حمد

avatar


مُساهمةموضوع: رد: التحيات لها في هذا الصباح   الأحد 20 ديسمبر 2009 - 17:40

القلوب ايضا يصيبها الخرف المبكر ... !!!!
الرجوع الى أعلى الصفحة اذهب الى الأسفل
راشد محمد الجاك

avatar


مُساهمةموضوع: رد: التحيات لها في هذا الصباح   الأحد 20 ديسمبر 2009 - 17:57

بكرى عثمان حمد كتب:
القلوب ايضا يصيبها الخرف المبكر ... !!!!

ضحكت كما لم اضحك من قبل !!!!!!
يابكرى انت السرق كنب المدرسة قبضوا ولا شنو ؟؟؟؟؟؟؟؟؟؟؟؟؟
الرجوع الى أعلى الصفحة اذهب الى الأسفل
حسن وراق حسن

avatar


مُساهمةموضوع: رد: التحيات لها في هذا الصباح   الإثنين 21 ديسمبر 2009 - 8:48

العزيز بكري
حمدا للسلامة من بياتك الشتوي يا بريش
لايزال يراودك ويطاردك الكبر والنوم المبكر؟؟
الشخوخة المبكرة تصيب القلوب الكسولة التي ترجع الحب مع كراسي وصيوانات العرس وعدة التعاون بعد عقد القران وقبل الذهاب الي شهر العسل!!
هذه البوستات للقلوب الشابة واسمع كلام راشد الجاك وشوف الطاهر كشة بتاع المباحث وقصوا اثر من سرق كنبات المدرسة.. ما تنسي تركب السماعات وتلبس النظارة وتبلع حبوب الضغط وتأخد الاونسلين في المواعيد!!



عذرا حبيبتي علي الخروج الاضطراري من تحيتك هذا الصباح



الخريف !!
ياتي مبكرا لقلوبنا الظمأي
ليبللها بنداوة العشق،،
والحب العفيف،،
الذي لا يعرف
بياتا شتويا،
او نوما عميق.
لا يزال القلب ينبض،،
وينبض،
وينبض،
وغاليتي ترويه
بالرحيق!!
يا ايتها البرتقالة.. الصباح انت
وانت البهاء وانت الشروق!!
الرجوع الى أعلى الصفحة اذهب الى الأسفل
محمدمبارك

avatar


مُساهمةموضوع: رد: التحيات لها في هذا الصباح   الإثنين 21 ديسمبر 2009 - 10:02

استاذنا وراق تحياتي اليك ابعثها في هذا الصباح الخريفي عندنا نحن ما عندكم وابعث تحياتي اليها عبرك واتمني ان تجدكم بخير اينما كنتم وحللتم
الرجوع الى أعلى الصفحة اذهب الى الأسفل
حسن وراق حسن

avatar


مُساهمةموضوع: رد: التحيات لها في هذا الصباح   الثلاثاء 22 ديسمبر 2009 - 7:40

مواكب الشوق
تشق عنان السماء،،
هادرة صاخبة
تصول كما تشاء،،
تفسح الدروب،
حين تطل،
سيدة النساء،،
انيقة ،
كل ما فيها،،
ساحرة،
من مآقيها،،
فاتنة،
في
دلها وتيها،،
باختصار،
حكاية غرام طويييييييلة
قد يصعب علي،
فاحكيها!!!
صباحك سعيد يا اميرتي الجميلة !!!
الرجوع الى أعلى الصفحة اذهب الى الأسفل
المحبوب أحمد الأمين

avatar


مُساهمةموضوع: رد: التحيات لها في هذا الصباح   الثلاثاء 22 ديسمبر 2009 - 8:29



يا بو مرووووووووة :

يا ناس لسه واقفين بتتفرجو في شنو ؟؟ ما تتصرفوا ،، وتلحقوهو ،،

ما في واحد عاقل ينط بي الحيطة ،،

ويكسر باب الصالة ،،

ويخش أوضة الراجل دا ،،

ويشوفو الحاصل ليهو شنو ،،

يا ناس حسن دا ما براهو ،، ما براهو ،، ما براهو ،،

يا حليلك يا البتفرج وما بتتفرج ،،

براي ( عين دامعة وخشم نائح ونخرين جاريات ) :

ياربي الجاهو دا شنو ؟؟ والله خليتو شديد ولضيض ،، في الضقالة ،، شايل كميرتو زي منديل أم كلثوم لا بيهو لا عليهو ،،،،،،،،،،،،،،،،،،،،،،،،،،

برية يا وراق من المسكك وما فكاك ،، من العين الماخافت فيك الله ،،

الليلة يا سيد التكية ،، أبكلمتن دغرية ،،

الليلة يا سيد الحوش أبشنباً منفوش ،،

الليلة يا فارس الحوبة القلبتـها هوبة ،،،،،،،،،،،،،،،،،،

الليلة يا الضبحنا ليك ما أكلت ،،

والخمرنا ليك (طبعاً شربوت ) ما شربت ،،

الليلة يا حسن أنا فيك ما كِتِلت ،، ( منديل لزوم النخرين وكدا)

الشمشارين يمتنعون :

ما يجي زول يقول لي دي حالة حب ساي ،، أو إندياح عاطفي أثر على الشُعب الوجدانية بتاعتو مما إنعكس سلباً على خلايا هو الجذعية ،،

دندنة

غنيت بألف ليك مدافعك
بيرين من البيقرب ليك
في واقعة كرن جبت النصر لي جيت
قدام الصفوف زي القمر ضويت


يسلم لي حسن من غاره ما ضل

،،،،،،،،،،،،،،،،،،،،،

يا البتدي و ما بتقول أديت
أب درق الموشــــــــح كلو بالسوميت
أب رسوة البكر حجر شــــراب سيتيت
كاتال في الخلا وعقبن كريم في البيت


،،،،،،،،،،،،،،،

شن القعدة يا أبو السُّرة

شن القعدة في ضل العمارات ام كميرتن برا

ضقنا الحنضل اليانكي وبلعنا المرة

كملت كوتة التمكباك صقعنا الجرة

ووكت إتقفلت شقيش قبل بالمرة

نَرْمي أمُرنا في بلد المعاني الحُـرّة


عدل سابقا من قبل المحبوب أحمد الأمين في الثلاثاء 22 ديسمبر 2009 - 8:32 عدل 1 مرات (السبب : مسافات)
الرجوع الى أعلى الصفحة اذهب الى الأسفل
المحبوب أحمد الأمين

avatar


مُساهمةموضوع: رد: التحيات لها في هذا الصباح   الجمعة 25 ديسمبر 2009 - 9:33

والله ما بقيف أعاين ،،

نطيت الحيطة ،،

وكسرت باب الصالة ،، ودخلت عوضتو ،،

العوضة فيـها تلاتة سراير خشب تيك مايل للسواد قليلاً،،

السراير وضعت على الجنبات ما عدا الجنبة الشرقية البتوسطا الباب ،،

تغطيـها ملايات كاروهات باللون الأخضر الفاتح ،،

وعلى كل سرير مخدة مكيسة بنفس لون الملايات ،،

مروحة السقف الاورينت شغالة بي نمرة تلاتة ،،

معســـــــــــــــــــمة تلف يا الله ويامين ،،

في أقصى الجنوب الغربي يقف دولاب الملابس أبو تلاتة ضلف ،،

أعلى الدولاب تلاتة شنط مختلفة المقاسات ،، الوانا ،، واحدة سودا وبنيتين ،،

وعلى شمال الشنط ، مروحة تربيزة أبيض بي كحلي أظنـها ملمومة لحوبة ،،

في الشمال الغربي طاولة كمبيوتر ،،

بفصل أحد السراير بينـها وبين دولاب الملابس ،،

تعلوها شاشة مسطحة مقاس 17 إنش ،،

وأسفلـها بروسيسر من نوع إنتل ،،

إنتِلُن اللانام ولا أكل الطعام شحت ربي عليـهم ،، ( الله يكفينا شر الهوا ) ،،

مثبت في الشاشة صورة لقطر في فضاء عريض تغطيه بعض السحب الداكنة ،،

وتمتد سكته على أرض قاحلة إلا من بعض المرتفعات الجبلية هنا وهناك ،،

وبالقرب من تلك الطاولة يوجد كرسي خيزران من النوع القديم ،،

وعلى يمين الباب في الناحية الشرقية شاهدت جهاز تلفزيون ،،

ماركة إل جي ، وموضوع على طاولة عادية متوسطة الحجم والطول ،،

ومغطية بي مشمع أخضر زرعي ،،

والتلفزيون ما كان موصل بالكهرباء ،،

وعلى يسار الباب شفت شماعة خشبية فارعة الطول ،،

معلق فيـها جلابتين طووووووال وقميص مسطر لونو بيجي ،،

أها زولنا لقيتو راقد في السرير الوراني ،،

لابس عراقي ساكوبيس وسروال طويل ومشنق ليهو طاقية حمراء ،،

بالله عليكم دي حال شِدة ؟؟

متوسد مخدتو وعينو تجاه الشرق ،،

بي وراهو شاهدت لي كتاب كبير غلافو سميك مكتوب عليـهو ،،

سبب الريدة عينيك وعينيا ،، هم الجارو عليك وعليا ،،

قدامو تربيزة خشبية عليـها مجلات وجرائد ،،

وسيرمس أبيض بتاع شاي ولا قهوة ما عارف ،، وجق موية بلمين بلا زفت ،،

وصحن صغير عليهو تمرات وحبتين الليلات لالوب ،،

دنقرت فوقو وناغمتو ،، سلام عليك ،، كيفنك ،،

قال لي جيت متين ،، ودخلت هنا كيف ،،

قلت ليهو اسع نحن في شنو وات في شنو ،،

جيت بعد بُكره داير بي جيتي شنو ،،

ات مالك آخوي الحصل ليك شنو ،،

كلامك كُتُر ،، وتلفونك مقفل ،،

نعل مافي عوجة ،،

قال لي أظنكم كلامي دا ما عنكم ليهو مواعين ،،

وبعدين فيـها شنو لمن أحييي لي زول في الصباحات ،،

قلت ليهو تصبح قرد بركة النبي ،،

ما تقول لينا اسما ،، مقطوعة الطاري ،،

قال لي طيب أسمع دي :

حكيتِك لي القمر والنيل

وكت إتلاقو في طيف الظِلال بي الليل
وهَجس خاطِر حفيف الدوح
وإتوسد دواخلي البوح
وبدت ربابة الأحزان تنقر في جِراح الروح
حكيتِك يا رِميش العين
ويا طَرف الصباح الزين
ويا وعداً رِِجيتو سِنين
قطفتو نَداكِ من حرفاً بِقالي ضنين
عملتَ أطياف غُناكِ ضَرا
واسيت حدي بي حد الصباح حدين
سرت رعشة تذمر ليلِك الياسمين
غِشاني نسِيم أغاني الريف
وقمر الصيف
طريق عَمران مجمَّل بي حُجا الجدات
مشيتو وريف
حكيتِك يا أمان القيف
ويا خيمة مقيل الطيف
ويا وعد الصباح الهيف
حكيتو غَمام زمن جيتِك
مع المطر البِرُقو عزاز
أسافر في الرياح الشايلة نومي خزاز
أحاحي رويحتِك الشفافة
في غيماً دعاشو رذاذ
أفتش ليك في العِينة السِيُولا هَزاز
وكت ضلت خطاي مفاز
حكيتِك يا حقيقة مجاز
حكيتِك يا أغاني لُذاذ
حكيتِك يا حنين الروح
دموع مكسورة فاقدة ملاذ
حكيتِك ،،،،،،،،،،،،،،،،،،،،،،،،،،،،،
وعلى ما أذكر الكلام دا أنا قريتو في موقع اسفيري ،،

لشاعر شاب إسمو عروة ود علي موسى ،،

أها إتأكدت إنو زولي دا ما براهو ،،

وأريتو كان سكت ،،

قام قال لي أنا بمشي في الأسواق وباكل القديد ،،

ضحكت وقلت ليهو القديد ولا الكجيك ،،

ومع إنو حالتو مطمنة لكن برضو قلت النتصرف ،،

وجاتني فكرة ،، وإتصلت بي حبوبتي في هاتفا الشمشار ،،

وطمنتـها وكانت شفقانة عليهو ،،

ولمن حكيت ليـها ،، قالت لي هييييي وحات النبي الزول دا زور ليـهو ،،

أزور ليـهو منو ؟؟ قالت لي أمش ليهو لي شيخ محمد أكان جا من الخرتوم ،،

والله شيخ محمد يفتح ليك ليهو الكتاب ،،

كُر علي إمكن لحظة ،،

قلت ليـها ما إمكن كمان تكون دي آخر لحظة ،،

قالت لي يا ولدي عاد دا ما وكت هزار ،،

قلت ليـها خلاس عليكي الله ياحبوبة رسلي لي رقمو بي اس ام اس ،،

إتصلت ولقيت تلفونو مقفول ،،

أها يا خوانا اسع جنس دا نسوي فيهو شنو ؟؟



الرجوع الى أعلى الصفحة اذهب الى الأسفل
راشد محمد الجاك

avatar


مُساهمةموضوع: رد: التحيات لها في هذا الصباح   الجمعة 25 ديسمبر 2009 - 19:13

أ الحبوب اخوى ...
دقلو الطار سااااااااااااااااااااااااااااااااااكت !!!!
الرجوع الى أعلى الصفحة اذهب الى الأسفل
 
التحيات لها في هذا الصباح
الرجوع الى أعلى الصفحة 
صفحة 2 من اصل 5انتقل الى الصفحة : الصفحة السابقة  1, 2, 3, 4, 5  الصفحة التالية

صلاحيات هذا المنتدى:لاتستطيع الرد على المواضيع في هذا المنتدى
 :: منتدى الحصاحيصا الثقافى-
انتقل الى: