الرئيسيةس .و .جبحـثالتسجيلدخول
شاطر | 
 

 كلمات اغاني الرائع مصطفى سيد احمد

استعرض الموضوع السابق استعرض الموضوع التالي اذهب الى الأسفل 
انتقل الى الصفحة : 1, 2, 3, 4  الصفحة التالية
كاتب الموضوعرسالة
الطيب تلودي




مُساهمةموضوع: رد: كلمات اغاني الرائع مصطفى سيد احمد   الخميس 7 يناير 2010 - 14:08

فالتسمحي لي بهذا


الراحل المقيم الاستاذ مصطفي سيداحمد

أخوان الإنسانية

مابين زمناً متمنيهو
وزمناً منك .. زادنى أسيـّة
طفت الدنيا عشان .. أنساكِ
وأنسى الحزن الطارد .. ليـّا
كان البحر الما خـلاّنى .. أعيش فرّادى
كانوا أخوان فى الإنسانية
قعدت معاهم .. وإتفاكرنا
كم لفـّينا .. وكم سافرنا
وكم مازحنا ليالى الصيف
كم غنينا لى الحرية
كم دارينا الحزن الأكبر
بين الصيف .. وجمال المنظر
************
كنتِ بتطلعى من عينيهم
وكتين يفرحوا .. أو يندهشوا
أو يفترشوا سواعد بعض
أو يتكلموا عن الأرض .. وسلام العالم
وكنت غريب الوجهِ .. معذب
**********
ما أحلاهم ..
شالوا معاى الهم بى الجملة
.. وهتفوا .. البحر .. البحر
جوة المركب .. فِضلوا يغنوا .. يغنوا
شوية .. شوية ..
وسكتْ المركب
كل الناس إتنين .. إتنين
فرح إتكلم بى لغتين
... كنت برايا
وجانى حنين الكون .. إتكوّم
غوّر .. غوّر .. جوة فى صدرى
وإتمنيت لو كنتى .. معايا
الرجوع الى أعلى الصفحة اذهب الى الأسفل
الطيب تلودي




مُساهمةموضوع: رد: كلمات اغاني الرائع مصطفى سيد احمد   الخميس 7 يناير 2010 - 14:13


الراحل المقيم الاستاذ مصطفي سيداحمد[/color]
الرجوع الى أعلى الصفحة اذهب الى الأسفل
رؤى شعيب جبريل




مُساهمةموضوع: رد: كلمات اغاني الرائع مصطفى سيد احمد   الخميس 7 يناير 2010 - 14:45

شكرا يا استاذ الطيب
وفعلا كلمات اغاني استاذ مصطفى جد قمة الروعة
احساس بالأمل/ الشاعر مدني يوسف النخلي
أديني إحساس بالأمل .
. في كل رحلة شوق تطول
وأدي الخطاوي الراجعة ليك ..
في سكتك عشم الوصول
ما الدنيا كلها إرتحال …
والإنتظار قدر الوصول ..
الموجة تحلم بالضفاف …
والغيمة تحلم بالهطول ..
0000000000000000
راحل معاي ضي الأماني ...
وذكري للأيام هناك ..
لحظات بتذخر بالمعاني ..
وكيف أنسى تذكارات هواك ..
نتحمل الغربة ونعاني ...
ونصبر عشان نكسب رضاك ...
ونغني لو زاد الحنين ...
ياريتو كان سفراً معاك ..
الرجوع الى أعلى الصفحة اذهب الى الأسفل
يمني بكري حسن




مُساهمةموضوع: رد: كلمات اغاني الرائع مصطفى سيد احمد   الخميس 7 يناير 2010 - 16:29

رائع وذوقك رفيع
والمزيد من المبدع الاستاذ الراحل المقيم مصطفي
الرجوع الى أعلى الصفحة اذهب الى الأسفل
رؤى شعيب جبريل




مُساهمةموضوع: رد: كلمات اغاني الرائع مصطفى سيد احمد   الخميس 7 يناير 2010 - 18:44

يمني بكري حسن كتب:
رائع وذوقك رفيع
والمزيد من المبدع الاستاذ الراحل المقيم مصطفي
يمني ياذوق تسلمي على المرور
الرجوع الى أعلى الصفحة اذهب الى الأسفل
محمدمبارك




مُساهمةموضوع: رد: كلمات اغاني الرائع مصطفى سيد احمد   الجمعة 8 يناير 2010 - 15:38

واقف براك ....
مدني النخلى
* * * * * * *


واقف براك والهم عصف

ريحاً كسح زهرة صباك

ليلاً فتح .. شرفة وجع

قمراً رحل فارق سماك

*****
مطر الحزن عاود هطل

جدد عذاب الأرصفـة

ضى المصابيح البعيد

أتعب عيونك .. وإنطفا

لمتين مواعيدك .. سراب

والريد شقا وحرقة وجفا

*****
بعد المشاوير البقت ..

ممدودة فى نبض التعب

بتعود وتلقى رِجاك زول

حفظ الوداد زمناً صعب

والباقى من ليل الهوى

وعطر الصبابة الما أنسكب

والباقى من كل الغنا

وسيل الكتابة الما نضب
الرجوع الى أعلى الصفحة اذهب الى الأسفل
محمدمبارك




مُساهمةموضوع: رد: كلمات اغاني الرائع مصطفى سيد احمد   الجمعة 8 يناير 2010 - 15:42

المسافة
صلاح حاج سعيد

لسة بيناتنا المسافة والعيون ..
واللهفة والخوف والسكون ..
رنة الحزن البخافها ..
تعدي بالفرحة وتفوت ...
وأبكي بالحسرة وأموت ..
الأماني الفي السفر ..
قبل الزمن كايس المواني ..
يوم تجيبني عليك بصدق ..
إنو مرة الحظ طراني ..
واحتواني معاك شجن ..
عذبني قبلك ولسه منك جاي تاني ..
تمشي وين الخطوة منك ..
ما الزمن بالحب بلاك وابتلاني ..
يا عيونك يا مدائن ..
الفرحة والحب والجسارة ..
عندي ليك مليون بشارة ..
ألف طيف .. والكلمة شارة ..
وأنت لما الحب يهون في عيوني ..
وفي عيونك يبقي حائر بالأمارة ..
الفرح منك يجيني ..
ويعتريني الخوف عليك ..
خطوة منك .. خطوة ليك ..
راجي منك بس إشارة ...
كلمة تديني البشارة ...
الرجوع الى أعلى الصفحة اذهب الى الأسفل
محمدمبارك




مُساهمةموضوع: رد: كلمات اغاني الرائع مصطفى سيد احمد   الجمعة 8 يناير 2010 - 15:43

مـــــــــــدن عــــــــــينيك
عبد القادر الكتيابي
***
لمحتك .. قلت بر أمن
بديت احلم ..

الملم قدرتي الباقية ..

واشد ساعد
علي المجداف

تلوح لي
.. مدن عينيك

وترفع لي
..منارة بسمتك سارية

وبديت احلم ..

كل ما الريح تطارد الموج

ازيد اصرار

.. واحلف بيك


اغير سكة التيار..

واقول .. يا انتي

.. يا أغرق

الوح لي مدن عينيك

تلوح لي ..

اخاف الضفة ترجع بيك

قبل الحق ..

اخاف .. غيم المني الشايل

تسوقو الريح ويتفرق

اخاف .. واخاف .. اخاف
واخـــــــــــاف

واشد ساعد علي المجداف

واجيك بي قدرتي الباقية
حطام انسان ..

موسم بي شقا الدنيا

ومقسم قلبو في الاحزان

اجيك فنـــــان ..

أشد اوتاري واحكيلك

حكاية انسان ..

وهب لي سكتك نفسو

ورسم صورتك علي حسو

وربط ساعد علي المجداف

وقــال .. يا أنتي ، يا اغرق

أخاف .. أخاف .. وأخاف

والاقيك يا اماني سراب

مواهبي عليهو تدفق
وأخاف ..

أخاف .. وأخــــاف..*
الرجوع الى أعلى الصفحة اذهب الى الأسفل
رؤى شعيب جبريل




مُساهمةموضوع: رد: كلمات اغاني الرائع مصطفى سيد احمد   الجمعة 8 يناير 2010 - 16:13

علمي عيوني السفر ..
ما البسافر في عيونك ..
سكتو تبقى السلامة ..
بنسى أحزانو ..
وبعرف الدنيا جنبك إبتسامة ..
ضللي الناس بي حنانك ..
أبقي ليهم ضُل غمامة ..
الشقا اللازمني مدة ..
يوم إفوت ، والفرحة تبدأ ..
ما بقول فارقني عدَّا ..
عشان بخاف ترحل عيونك ..
وتنهزم فيني الأماني ..
وبي أساهو وبي شقاهو ..
تاني إتوشح زماني ..
أصلو غير عينيك وحاتك ..
ما في للأفراح معاني ..
جينا ليك .. شوق في عيونا ..
وفي عيونك شوق إناغم ..
الشجون باكر بترحل ..
والزمن يصحى ويسالم ..
الحلم يصبح حقيقة ..
وتنسجم في الحب ظروفه ..
والحنين تزهر غصونه ..
والعشم دانيات قطوفه ..
شوفي كيف يوم بكرة عامر ..
هاتي إيدك شان نشوفه ..

الرجوع الى أعلى الصفحة اذهب الى الأسفل
الطيب تلودي




مُساهمةموضوع: رد: كلمات اغاني الرائع مصطفى سيد احمد   الجمعة 8 يناير 2010 - 23:39

الطيور
حافظ عباس

والله نحنّ مع الطيور..
الما بتعرف ليها خرطة
ولا فى إيدا جواز سفر
نمشى فى كل المدائن
نبنى عشنا بالغناوى
.. وننثر الأفراح .. درر
والربيع يسكن جوارنا
والسنابل تملا دارنا
والرياحين .. والمطر
*********
والحبيبة تغنى لينا
لا هموم تسكن دروبنا
.. ولا يلاقينا الخطر
*********
إلاّ باكر يا حليوة
لمـّا أولادنا السمر
يبقوا أفراحنا البنمسح بيها .. أحزان الزمن
نمشى فى كل الدروب الواسعة .. ديك
والرواكيب الصغيرة .. تبقى أكبر من مدن
إيدى فى إيدك نغنى
والله نحنّ .. مع الطيور
الما بتعرف ليها خرطة
ولا فى إيدا جواز سفر
الرجوع الى أعلى الصفحة اذهب الى الأسفل
رؤى شعيب جبريل




مُساهمةموضوع: رد: كلمات اغاني الرائع مصطفى سيد احمد   الأحد 10 يناير 2010 - 18:21

علمينى الإحتمال
وكيف أجاوب عن هواك
لما يغلبنى السؤال
لما يتأرجح منانا
بين مظنة وإحتمال
ما بحسِّـك دونك .. إنتى
ما الحقايق .. ما الظلال
والحرِف بِعرِفْ مداهو
حتى لو جفّ الخيال
علمينى الإحتمال
ونحنا كيف نقدر نقاوم
فى بلد ملّ الحِوار
صرخة بتموت فى المزارع
زيف مشتّت فى الشوارع
بين مداينّـا الكُتار
علمينى الإحتمال
ونحن كيف نقدر نقاوم
هجمة الزمن التتار
وكيف نحصِّل ومضة الأمل
البيشرِد كل مرة
وفى إنتظارى
إنتى والشوق فى المجرّة
برق خفّق من خدودك
ورعد يفتح لى حروفك
وغيث يخدر فى سهولك
علمينى الأحتمال
ونحن كيف نقدر نجمّع
لى ملامح الليل
بنوصل من مدار
علمينى الإحتمال
وكيف قواى تقدر تقاوم
فى بلد ملّيت صِفوفة
ولاّ أمشى على المزالِق
فى بلد نقرت دِفوفة
ولاّ أشيلِك وإحتِمالِك
إمّا أدّيك فى إحتمالى
يا أشيل منِّك ظروفك
ولاّ أرجّع ليك حروفِك
غنية تمرُق من جروفك
برجا هجعة ليل طيوفك
علمينى الإحتمال
ولاّ نتعاهد نواصِل ..
فى الدروب القاسية نمشى
وفرحة الأطفال نشوفة
ومضة تمحوها الظلال
ولا نتعاهد نواصل
ونظرة تغنيك عن سؤال
فى خيالك .. وغيم ظلالك
بين ظلالك واحتمالى
لمّا يتجاوب سؤالك
ترفع الأحزان ظروفة
وتنقر الأفراح دفوفة
لمّا نتقابل نحقّق
فى وجودى .. وفى وجودِك
أحلى شوفة0000
الرجوع الى أعلى الصفحة اذهب الى الأسفل
هنادي طه




مُساهمةموضوع: رد: كلمات اغاني الرائع مصطفى سيد احمد   السبت 16 يناير 2010 - 15:17

بالجد مبالغه لدرجه ما عارفه اعبر والله مصطفي سيد احمد اسطوره الغناء السوداني لكن لقيتك يا روي مبالغه مبالغه والباقين ما قصرو
الرجوع الى أعلى الصفحة اذهب الى الأسفل
رؤى شعيب جبريل




مُساهمةموضوع: رد: كلمات اغاني الرائع مصطفى سيد احمد   السبت 16 يناير 2010 - 15:20

هنادي طه كتب:
بالجد مبالغه لدرجه ما عارفه اعبر والله مصطفي سيد احمد اسطوره الغناء السوداني لكن لقيتك يا روي مبالغه مبالغه والباقين ما قصرو
هنو العسل يلا بقى نشوف ابداعاتك معانا يا عسل
الرجوع الى أعلى الصفحة اذهب الى الأسفل
هنادي طه




مُساهمةموضوع: رد: كلمات اغاني الرائع مصطفى سيد احمد   السبت 16 يناير 2010 - 16:05

انشاء والله بس لقيتك خطيره في حاجات كان مدفونه
الرجوع الى أعلى الصفحة اذهب الى الأسفل
رؤى شعيب جبريل




مُساهمةموضوع: رد: كلمات اغاني الرائع مصطفى سيد احمد   السبت 16 يناير 2010 - 16:08

لووووووووووووول ماللدرجة دي Very Happy
الرجوع الى أعلى الصفحة اذهب الى الأسفل
محمدمبارك




مُساهمةموضوع: رد: كلمات اغاني الرائع مصطفى سيد احمد   السبت 16 يناير 2010 - 21:11

وجيدة

كانك من وراء صفحة زجاج مبلول
وراك الريح ..
وقدامك مدى السكة ..
و فدى المجهول ..
وانادي ليك .. ونادي ليك
وجيدة .. وجيدة
لا اتلفتي لا لوحتي بايديك
وانادي ليك ..
يجاوبني المدى الفاتح مدارج الهم
وتبقى وجيدة طعنة سيف ..
موسدة في شق السماء المرسوم وسادة
وتبقى ايدينا في ايديك..
وفي المنديل ..
الرجوع الى أعلى الصفحة اذهب الى الأسفل
رؤى شعيب جبريل




مُساهمةموضوع: رد: كلمات اغاني الرائع مصطفى سيد احمد   الأحد 17 يناير 2010 - 19:20




عينيك مدن صلاح حاج سعيد
عينيك مدن
منسية فى كتب التواريخ والزمن
عينيك وطن
مشدود على وتر التباريح والشجن
مشدود على حروف الكتابة
مكدود عَنا .. ومكتول صبابة
وفيهو حطّ النيل .. سكنْ
***********
عينيك سفر
مكتوب أعيش فى غربتو
وأعشق عذابو .. وحُرقَتو
وليلو الطويل
وأتخيـّلك يا حلوة زى نسمة سحر
جيتى ومعاك .. حلمى المطوِّل منتظر .. وعدو الجميل
عشقك زمان .. جوّاى رحل
وإتناهى فى الأعماق .. أمل
ضمخ رؤاى .. إحساس نبيل
أذهل طيوف خاطرى القبيل
.. جاشت ملامحك روعتو
وضجّ السكون .. فى وحشتو
والكان أمل فى عيونى .. لاح
ذوب مدارات فرحة الوهج النضير
المزدهر .. بالإرتياح
.. فجأة إنحصد قبضة رياح
وسكت الكلام يا حلوة .. فى القول المباح
وغام الصباح .. بعدِك رحل
**********
والكان أمل فى غيم سماك .. أيقنت إنـّو عدم بلاك
وإنـِّك قدر
وإنـّو البيحلم بى عُلاكْ
بختار ظروف أحلاها .. مُر
عينيكى لو تصدق معايا الأمنية
عينيكى .. لو أعرف خِتام الأغنية
بدء الكلام .. والمنتهى .. المستطاب والمشتهى
كل المباهج الفى المواويل .. والغنا
والعاشقيك قلبى .. وأنا
هزتنا فى عينيك تصاوير المنى
يا أمنيات من كم سنة
يا أغنيات كل الأماسى .. المستحيلة .. وممكنة
المستحيل عينيك تهون
البستحيل قلبك .. يخون
ما الغدر ما طبع الوفا
والصدق ما شرط .. إنتفى
وأنا حالى فى بعدك .. كفى
وأنا حالى من بعدك كفاهو ..
المغنى والحب .. والشجن
والوحشة والشوق للوطن
ما العمر قبلك ضاع سدىً
والعمر بعدك أيه يكون
... لو يبقى بى حساب الزمن
الرجوع الى أعلى الصفحة اذهب الى الأسفل
صداح فاروق وراق




مُساهمةموضوع: رد: كلمات اغاني الرائع مصطفى سيد احمد   الأحد 17 يناير 2010 - 19:25

عينيك نقية
صادقة وسمهرية
فيها حلاوة الروح واضحة
وكمان عبقرية
فيها طيبة وحنان
معدوم زيَه في الدنيا ديَه
الرجوع الى أعلى الصفحة اذهب الى الأسفل
رؤى شعيب جبريل




مُساهمةموضوع: رد: كلمات اغاني الرائع مصطفى سيد احمد   الأحد 17 يناير 2010 - 19:27

استاذ صداح تسلم على المرور
الرجوع الى أعلى الصفحة اذهب الى الأسفل
هنادي طه




مُساهمةموضوع: رد: كلمات اغاني الرائع مصطفى سيد احمد   الجمعة 12 فبراير 2010 - 11:05

ماشاءالله والله ياروي
الرجوع الى أعلى الصفحة اذهب الى الأسفل
يوسف السر




مُساهمةموضوع: رد: كلمات اغاني الرائع مصطفى سيد احمد   السبت 13 فبراير 2010 - 20:03

إستلاب
خبرينى
والمساء الشاحب الخطوات يحترف التعب
ورحيل أغنيةٍ توشوشُ فى خبايا الإنتظار
تضيع منى
كى تجاذب كل أطراف الزمان
أهدهد الكلمات
لا أقوى على شىءٍ من الذكرى
وهذا العقلُ متعب

رجوعُ الدرب .. لا يفضى إليك
ولا إلى اللغةِ الصريحة
كى أحدد ما تبقى من رحيقك
فى مسام الروح .. والجسد إشتعالاً
وهذا النبض .. أتعب

وتلك الخطوة إبتعدت عن الصحو
المكمِّل للحقيقة
أغلقت بالخبث أبواب الوضوح
زيفت صوت المغنى
عهرت لغة النشيد
ضيعت حلم الصبايا .. فى طوابير الرغيف
غيبت حلم الطفولة
أنهكت حزن الشيوخ
همشت منك .. القضايا
فى إحتمالك للتواصل
والمرابون إستباحوا هذه الأرض الحلوب

فيا جميلة .. خبرينى
كيف بددنا الكذوب
ثم إنّا لم نعد ندرى بأنا
مذ حملناكِ .. جنينا
قد نسينا أن نضع فيه الملامح
لو سـُئلنا كيف ضيعنا إنبهارك بالخصوبة
وأرتضينا أن نسلم للعساكر
من ثمارك ما يطيب
الرجوع الى أعلى الصفحة اذهب الى الأسفل
رؤى شعيب جبريل




مُساهمةموضوع: رد: كلمات اغاني الرائع مصطفى سيد احمد   السبت 13 فبراير 2010 - 20:21

شكرا" يوسف على المرور
الرجوع الى أعلى الصفحة اذهب الى الأسفل
كمال فضيل




مُساهمةموضوع: بغالب فى زمن ممحوق ضرب الابرة فوق الابرة عامل زى وشم فى سا عدوكل مايقول غريب تعكس ظروف وتباعدو   الثلاثاء 16 فبراير 2010 - 20:48

مصطفى سيد احمد يا زاك اليراع والينبوع المتد فى عمق الزمن وجزوره \ ياتلك الشمعه التى تحترق لتنير طريق قلوب العاشقين التدفقة بالماسى والحزن
الرجوع الى أعلى الصفحة اذهب الى الأسفل
رؤى شعيب جبريل




مُساهمةموضوع: رد: كلمات اغاني الرائع مصطفى سيد احمد   الأربعاء 17 فبراير 2010 - 10:34

كمال فضيل كتب:
مصطفى سيد احمد يا زاك اليراع والينبوع المتد فى عمق الزمن وجزوره \ ياتلك الشمعه التى تحترق لتنير طريق قلوب العاشقين التدفقة بالماسى والحزن
تسلم استاذ كمال على المرورفي انتظار مشاركاتك
الرجوع الى أعلى الصفحة اذهب الى الأسفل
محمد قوليب2




مُساهمةموضوع: لمحبي مصطفي سيد احمد..   الجمعة 19 فبراير 2010 - 14:32

هذه المساحه لمحبي مصطفي سيد احمد ..ساهمو معنا ولو بكلمه من اشعاره .او معلومه.
الرجوع الى أعلى الصفحة اذهب الى الأسفل
 
كلمات اغاني الرائع مصطفى سيد احمد
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 4انتقل الى الصفحة : 1, 2, 3, 4  الصفحة التالية

صلاحيات هذا المنتدى:لاتستطيع الرد على المواضيع في هذا المنتدى
 :: منتدى الحصاحيصا الثقافى-
انتقل الى: