الرئيسيةس .و .جبحـثالتسجيلدخول

شاطر | 
 

 كلمات اغاني الرائع مصطفى سيد احمد

اذهب الى الأسفل 
انتقل الى الصفحة : الصفحة السابقة  1, 2, 3, 4  الصفحة التالية
كاتب الموضوعرسالة
رؤى شعيب جبريل

avatar


مُساهمةموضوع: رد: كلمات اغاني الرائع مصطفى سيد احمد   الأربعاء 17 مارس 2010 - 11:40

من بعد ما عز المزار
الشاعر عبد العال السيد
من بعد ما عز المزار
والليل سِها .. وملّت نجومو الإنتظار
والشوق شِرِب حزن المواويل
وإنجرح خاطر النهار
*********
وبقيت أعاين فى الوجوه
وأسأل عليك وسط الزحام .. قُبـّال أتوه
يمكن ألاقى البشبهك
ما الليل براح
والشوق .. تعالى بيندهك
*********
شايلاهو وين النيل معاك
عصفورة جنحاتا النجوم .. وأنا بى وراك
بسأل عليكى مدن .. مدن
وأعصر سلافة الليل .. حزن
بسأل عليك فى المنفى .. فى مرفا السفن
يمكن طيوفك أُخريات الليل تمر
تملا البراحات ..
لى الحزين طول العمر
********
ما نحنا بينا الأمنيات والتضحية
بينا المعزات .. والعذابات فى الحياة
بينا الهوى ..
إخلاص على قلب إنكوى
وكلام قديم
قلناهو آخر الليل .. سوا
إنو راح نتلاقى لو طال النوى
لكن كلامنا الكان .. وكان
خايف يكون شالو الهوا
الرجوع الى أعلى الصفحة اذهب الى الأسفل
جعفر قوليب

avatar


مُساهمةموضوع: رد: كلمات اغاني الرائع مصطفى سيد احمد   الأربعاء 17 مارس 2010 - 14:45

رسمت في وجيها

مصطفي سيد احمد

رسمت في وجيها بسيمة ضو
بتغالط في الزمن القاسي
وفي لحن حزين ووتر موجوع
يحكي احساسي
تسأل عن شدو الافراح
يمكن لجراحنا يكون آسي
مابشبع روحنا فرح زايف
لو كان بتناسي وتتناسي
يا بت يا نيل
العاشقك عاشق كل الفيك
غنّاك في كل ظروفك
في الفرح البدفق وعد وفال
والحزن الودر ضي شوفك
في سجون القهرك في جوفك
في النبض الصامد في البركان
السامعو يدمدم في جوفك
جرّحنا عتابك ياباكية
وعايزانا نغني غني الافراح
ما الغنوة الناشفة لبن ضرعك
والفرح الفيك خلانا وراح
ولقينا فرحنا وانت حزينة
بكون أشتر وبزيدنا جراح
خلينا من الفرح الزائف
بتعود افراحنا وتلقي براح
الرجوع الى أعلى الصفحة اذهب الى الأسفل
الطيب تلودي

avatar


مُساهمةموضوع: رد: كلمات اغاني الرائع مصطفى سيد احمد   الأحد 21 مارس 2010 - 19:06

قوليب مزيد من التوهج مزيد من المعان اكيد دوت كوم





مشكور علي القصائد
الرجوع الى أعلى الصفحة اذهب الى الأسفل
جعفر قوليب

avatar


مُساهمةموضوع: رد: كلمات اغاني الرائع مصطفى سيد احمد   الإثنين 22 مارس 2010 - 10:01

يا جرح

صلاح حاج سعيد

يا جرح عزة هوانا
الساكنة في حرف الكتابة
اصلو في زمن الأسي المشدود
علي وتر الكآبة
في زمان الحُرقة والخوف والرتابة
إنكتم نبض الأغاني
وإنبهم حس المعاني
وإنجرح خاطر المهابة
جيتني في الزمن الأليم
وقلبي مُثخن بي جراحات الهوي
عمري ضايع في متاهات النعيم
في دروب الغربة لا تاب لا قوي
كان عيونك فيهن الوصف القديم
معني في الحب إنطوي
وضاع معاك زمن الوسامة
واختفي الفرح الغلامة
لسة يا حزن الملامة
من سنين دربك سلامة
الرجوع الى أعلى الصفحة اذهب الى الأسفل
الطيب تلودي

avatar


مُساهمةموضوع: رد: كلمات اغاني الرائع مصطفى سيد احمد   الإثنين 22 مارس 2010 - 17:14

اليك
صديقي الصدوق

ســـــافِــر

سافر ..
مطارات الوداع ضجت قدامك .. وراك بيضا
وسماك غنـّاى
مساحات الأسى الفى عيونّا
تتفجر مدينة وناى
بطاقات دعوة الرجعة .. تساب عينين من الفرحة
دموع للحاضرين فجت
زغاريد غطت الدنيا
وعاد .. فرح الرجوع منية
صداك الريح .. ومتل السنبل الغناى
........
كتير بنعاتب الحاضر
ولا أسفاً على الماضى
صدق الرؤية من قلبك .. بين الشوف وإنسانك
نغم فنان يعيش راضى
مداك إتعدى حد الشوف
دخلت على الشعر .. إنسان
وهواك .. إتختّ جوة الجوف
وإنتحر النهار .. هسـّة
نغنيك لى مدن .. شاخت
معاك أحلامى .. ما تنسى
تغنيك القرى الراحت
خلاص يا غربة .. ما ترسى
غنيناك .. وبنغنى
وبتحدى الزمن .. فنان ..
الرجوع الى أعلى الصفحة اذهب الى الأسفل
جعفر قوليب

avatar


مُساهمةموضوع: رد: كلمات اغاني الرائع مصطفى سيد احمد   الإثنين 22 مارس 2010 - 18:00

الطيب تلودي يا رائع لك التحيه يا حبيب
مشكور وانت طبعا لك السبق في كتابة الروائع
للمبدع / مصطفي سيد احمد له الرحمه
فلنواصل جميعا احبتي .....
الرجوع الى أعلى الصفحة اذهب الى الأسفل
محمد قوليب2

avatar


مُساهمةموضوع: رد: كلمات اغاني الرائع مصطفى سيد احمد   الإثنين 22 مارس 2010 - 18:12

من بعد ما عز المزار
الشاعر عبد العال السيد
من بعد ما عز المزار
والليل سِها .. وملّت نجومو الإنتظار
والشوق شِرِب حزن المواويل
وإنجرح خاطر النهار
وبقيت أعاين فى الوجوه
وأسأل عليك وسط الزحام .. قُبـّال أتوه
يمكن ألاقى البشبهك
ما الليل براح
والشوق .. تعالى بيندهك
شايلاهو وين النيل معاك
عصفورة جنحاتا النجوم .. وأنا بى وراك
بسأل عليكى مدن .. مدن
وأعصر سلافة الليل .. حزن
بسأل عليك فى المنفى .. فى مرفا السفن
يمكن طيوفك أُخريات الليل تمر
تملا البراحات ..
لى الحزين طول العمر
ما نحنا بينا الأمنيات والتضحية
بينا المعزات .. والعذابات فى الحياة
بينا الهوى ..
إخلاص على قلب إنكوى
وكلام قديم
قلناهو آخر الليل .. سوا
إنو راح نتلاقى لو طال النوى
لكن كلامنا الكان .. وكان
خايف يكون شالو الهوا


عدل سابقا من قبل محمد قوليب2 في الإثنين 22 مارس 2010 - 18:15 عدل 1 مرات
الرجوع الى أعلى الصفحة اذهب الى الأسفل
جعفر قوليب

avatar


مُساهمةموضوع: رد: كلمات اغاني الرائع مصطفى سيد احمد   الإثنين 22 مارس 2010 - 18:14

عجاج البحر
حسن بيومي
يراقصني عجاج البحر
ترعد داخلي الأمطار
يُكلمني تراب الأرض
يشدّد قلبي الأوتار
أغنيكم .... أغنيكم
أغني جذوة النار التي فيكم
وألعن ذلك البرد المدثر
روحكم برماد موتاكم
أغنيكم
وأبني في عيون الشمس
مملكتي تناديكم
نسوراً تعشق الترحال
في الأفاق تبغي الكون حرية
فإن شئتم
تعالو الان نرقص رقصة البدء
ونعلم أن نُمد الكف
نحو الشمس للدفء
تعالوا أيها الجوعي
تعالوا أيها الفقراء


عدل سابقا من قبل جعفر قوليب في الإثنين 22 مارس 2010 - 18:17 عدل 1 مرات
الرجوع الى أعلى الصفحة اذهب الى الأسفل
الطيب تلودي

avatar


مُساهمةموضوع: رد: كلمات اغاني الرائع مصطفى سيد احمد   الإثنين 22 مارس 2010 - 18:15

اليكم

اغنيه مهدا من مصطفي سيداحمد

كلمات : مدني يوسف النخلي
ألحـان : مصطفي ســيد أحمد

من جديد

مــن جديد جيت تاني تكسـر صمتي بالنظـره الخجوله
يا أمــل عمـــري القبيل ويا سنين عامــرات فــصوله
ما قدرت أنساك من زمان بس ضاعت أحلام الطفوله

الحـــنين الجـــيتني بيهـــو جـــاني في لحظــات نـــدم
في زمـــان ضـــيَّع صبانا وكــــل أشـــــتات العـشــم
من جـــديد جـــيت تاني كــــيف تبني فـــيني الإنهـدم
ما قدرت أنساك من زمان بس ضاعت أحلام الطفوله

مـــا بفيد أنا لــــو ألملم مــــن عــــيونك زكــــــريات
أو أصحـــِّــي المــاضي فيهن وأنسي حُزن الأمسيات
برضه زمــن البهجه عدي وعمري فات فيهو الفوات
ما قدرت أنساك من ومان بس ضاعت أحلام الطفوله
الرجوع الى أعلى الصفحة اذهب الى الأسفل
محمد قوليب2

avatar


مُساهمةموضوع: رد: كلمات اغاني الرائع مصطفى سيد احمد   الإثنين 22 مارس 2010 - 18:19

والله نحنّ مع الطيور..

الما بتعرف ليها خرطة

ولا فى إيدا جواز سفر

نمشى فى كل المدائن

نبنى عشنا بالغناوى

.. وننثر الأفراح .. درر

والربيع يسكن جوارنا

والسنابل تملا دارنا

والرياحين .. والمطر

والحبيبة تغنى لينا

لا هموم تسكن دروبنا

.. ولا يلاقينا الخطر

إلاّ باكر يا حليوة

لمـّا أولادنا السمر

يبقوا أفراحنا البنمسح بيها .. أحزان الزمن

نمشى فى كل الدروب الواسعة .. ديك

والرواكيب الصغيرة .. تبقى أكبر من مدن

إيدى فى إيدك نغنى

والله نحنّ .. مع الطيور

الما بتعرف ليها خرطة

ولا فى إيدا جواز سفر
الرجوع الى أعلى الصفحة اذهب الى الأسفل
جعفر قوليب

avatar


مُساهمةموضوع: رد: كلمات اغاني الرائع مصطفى سيد احمد   الثلاثاء 23 مارس 2010 - 10:17

لمان يجي الزمن الفلاني

نجاة عثمان

لمان يجي الزمن الفلاني
سمانا بتّقطر مطر
دُري وتمازج برتكاني
نسطر إسمك يا حبيبنا
في رموش غيم ارجواني
ندمن الضحك المعافي
نحيا في الفرح المورّد
ياسميني وأقحواني
يا حبيبنا جوة عينيك
عايشة ناس
بتسجل الأيام أغاني
والطريق ما يبقي ساهل
ليك بالمعني المكاني
لما يتحقق زماني
بمسح الحزن المعشعش
في عيونك أسمراني
يا حبيبنا بتحيا
في حلم الترابلة
في العلاقات المعاني
في البقاسي شقا المسافة
وعايشة في داخلو وبعاني
لما يتحقق زماني
بشرق الفجر الحقيقة
والصباح الأبيضاني
الرجوع الى أعلى الصفحة اذهب الى الأسفل
رؤى شعيب جبريل

avatar


مُساهمةموضوع: رد: كلمات اغاني الرائع مصطفى سيد احمد   الثلاثاء 23 مارس 2010 - 17:17

لوحة وطن فى عيون طفلة الشاعر / قاسم ابوزيد
طفلة حلوة وشايلة لونة
ترسم الوطن الشباب
كل خط فى اللوحة باين
من دموع الطفلة يحكى
النفوس تبقى السحاب
القلوب تبقى الأراضى
نزرع الوطن اليباب
راسمة فى اللوحة القمارى ..
فيها وش النيل حزين
الضفاف كان لونا أحمر .
الشجر كان لونو أخضر
الجباه عرقها بيضارى
حمرة النيل واصفرارو
راسمة جوه اللوحة طفلة ..
الفرح فى رموشة صفق
ادت الامواج بسيمة
غير النيل إنحدارو
العيون وهجة بيضوى
غابة التك والصحارى
لابسة من السعدة قرقاب .
شايلة فى الأيد الطوارى
مارقة قمحة من اليباب
شلة من أطفال مدارس ..
فى نظام ماشين سوا
رددوا الخير بالوتر
الزمن فى اللوحة بشر
الجروف فتحت مداها
الغيوم شايلة المطر
الترابلة هناك كبار
شتتوا العيش للمواسم
العيون شايلات بطر
من بعيد فى اللوحة عامل
الآيادى على السنابل
ودع الليل والفتر
خدرالوطن اليباب
الرجوع الى أعلى الصفحة اذهب الى الأسفل
محمد علي جبريل

avatar


مُساهمةموضوع: رد: كلمات اغاني الرائع مصطفى سيد احمد   الثلاثاء 23 مارس 2010 - 18:39

جعفر قوليب كتب:
مريم الأخري

الاستاذ / محمد إبراهيم شمو

ها هي الأرض تغطت بالتعب
البحار إتخذت شكل الفراغ
وأنا مقياس رسم للتواصل والرحيل
وأنا الأن الترقب وانتظار المستحيل
أنجبتني مريم الأخري قطاراً وحقيبة
أرضعتني مريم الأخري قوافي
ثم أهدتني المنافي
هكذا قد خبروني ثم قالوا لي ترجل
ثم انت
أنت يا كل المحاور والدوائر يا حكايات الصبا
تحفظين السر والمجد الذي
ما بين نهديك إختبا
ليس يعنيك الذي قد ضاع
من عمري هباء
وأنا لست ادري
ما الذي يدفعني دفعاً أليك
ما الذي يجعلني أبدو حزيناً
حين أرتاد التسكع في مرايا وجنتيك
لا عليك
فعلي هذه السفوح المطمئنة
نحن قاتلنا سنيناً واقتتلنا
نحن سجلنا التألف في إنفعالات الاجنة
واحتوانا البحر والمد اليقاوم والشراع
يا هذه البنت التي
تمتد في دنياي سهلاً وربوعاً وبقاع
ما الذي قد صب في عينيك شيئاً
من تراجيديا الصراع
والمدي يمتد وجداً
عابراً هذي المدينة
خبريني هل أنا أبدو حزيناً
هل أنا القاتل والمقتول
حيناً والرهينة
هل أنا البحر الذي
لا يأمن الأن السفينة
خبئيني بين جدران المسام
قبليني مرة في كل عام
فأنا أشتاق أن اولد
في عينيك طفلاً من جديد
أرتدي اللون البنفسج
أعتلي شكل الهوية
ضيعتني مريم الأخري
سنيناً في إنتظار المجدلية
أه لو تاتين أه ؟؟
من عميق الموج
من صلب المياه
كالرحيل
كالترقب وانتظار المستحيل





سلامات يا جعفر قوليب بس تصحيح

قصيدة مريم الاخري كاتبها محجوب شريف عندما زارته والدته في السجن
الرجوع الى أعلى الصفحة اذهب الى الأسفل
عثمان الحسين

avatar


مُساهمةموضوع: رد: كلمات اغاني الرائع مصطفى سيد احمد   الثلاثاء 23 مارس 2010 - 18:42

مريم الأخرى تأليف محمد شمو .. قصدك يا والدة يا مريم يا محمد جبريل .. مع التحية
الرجوع الى أعلى الصفحة اذهب الى الأسفل
محمد علي جبريل

avatar


مُساهمةموضوع: رد: كلمات اغاني الرائع مصطفى سيد احمد   الثلاثاء 23 مارس 2010 - 18:43

عثمان الحسين كتب:
مريم الأخرى تأليف محمد شمو .. قصدك يا والدة يا مريم يا محمد جبريل .. مع التحية


شكرا علي التصحيح لي يا استاذ وما عدمناك
الرجوع الى أعلى الصفحة اذهب الى الأسفل
جعفر قوليب

avatar


مُساهمةموضوع: رد: كلمات اغاني الرائع مصطفى سيد احمد   الأربعاء 24 مارس 2010 - 8:35

العزيز محمد جبريل
لك التحيه والتقدير وكلام طيب البحث عن المعلومة الصحيحه ....
الاخ الفاضل عثمان الحسين
مشكور علي التوضيح وتثبيت المعلومة الصحيحه ...
وللجميع كل الامنيات الطيبه
الرجوع الى أعلى الصفحة اذهب الى الأسفل
جعفر قوليب

avatar


مُساهمةموضوع: رد: كلمات اغاني الرائع مصطفى سيد احمد   الأربعاء 24 مارس 2010 - 21:48

حليوة ليلة المولد

محمد طه القدال

بقول غنوات وأقول غنوات
في البلد البسير جنياتها لي قدام
ولي الولد البتل ضرعاتو في العرضة
ويطير في الدارة صقرية
ولو السمحة تلت إيد ومدت جيد
يقوم شايلاهو هاشمية
ويشيل شبالو ختفة ريد وفرحة عيد
وريدة روح وحمرة عين وايدية
ويالولد البشيل مدقاقو
قولة خير علي القمره
يقابل الجاية متحزم
ويدارك الجاية متلزم
كلام فاسك علي أرضك
يبقي عديلة يا بيضا
ويبقي زفاف تزغرد ليه قمرية
وقبال حول تغيّم غيمة قبلية
ترش الدارة والحدبة الصعيد الحلة
ويا فرحة بتطارد الصفقة في النسمة الصعيدية
ويا جهرة نهار الليلة بدرية
رحيح جنياتنا في الحدبة الصعيد الحلة
يا سمحاتنا هو لبلب
يا قمحاتنا هو لبلب
وياللوز الفتق في الوادي هو لبلب
ويا سمحاتنا هو لبلب
ويالبحر الطمح مدّادي هو لبلب
وياحجواتنا ياصلواتنا هو لبلب
سألتك بالذي ركز الارض معبد
وسوي الفاس عليها مقام
سألتك بي حشا الأمات ودمعاتنا
سألتك بي كبيداتن ودعواتنا
شليل وين راح
يكون ضل الخريف فاتنا
شليل وين راح
وزي برق السماك الجابها دغشية
وزي زغرودة البطن الكبارية
مرق من شامة القمره
ومقدم بالعديل يبرا
تعالوا تعالوا أبشروا آجنيات
شليل ماراح شليل مافات
شليل عند المسورو حرق
بقالو حصاد
شليل فوق التقانت قام خدار وبلاد
شليل مسدار شليل مشوار
شليل أرضنا يا جنيات
شليل قايم نصاصي الليل
يتمتم ليلو وردية
حرازنا شليل شليلتا دليب
شليلنا دليل علي البلدات
بعد درب التبلدية
شليل ماراح شليل مافات
شليلنا ونحنا همباتة ومهاجرية
مزارع بات علي عشقين
تراب بلدو وسماح فوق بت مزارعية
الرجوع الى أعلى الصفحة اذهب الى الأسفل
الطيب تلودي

avatar


مُساهمةموضوع: رد: كلمات اغاني الرائع مصطفى سيد احمد   السبت 27 مارس 2010 - 18:04

أخوان الإنسانية


مابين زمناً متمنيهو
وزمناً منك .. زادنى أسيـّة
طفت الدنيا عشان .. أنساكِ
وأنسى الحزن الطارد .. ليـّا
كان البحر الما خـلاّنى .. أعيش فرّادى
كانوا أخوان فى الإنسانية
قعدت معاهم .. وإتفاكرنا
كم لفـّينا .. وكم سافرنا
وكم مازحنا ليالى الصيف
كم غنينا لى الحرية
كم دارينا الحزن الأكبر
بين الصيف .. وجمال المنظر
************
كنتِ بتطلعى من عينيهم
وكتين يفرحوا .. أو يندهشوا
أو يفترشوا سواعد بعض
أو يتكلموا عن الأرض .. وسلام العالم
وكنت غريب الوجهِ .. معذب
**********
ما أحلاهم ..
شالوا معاى الهم بى الجملة
.. وهتفوا .. البحر .. البحر
جوة المركب .. فِضلوا يغنوا .. يغنوا
شوية .. شوية ..
وسكتْ المركب
كل الناس إتنين .. إتنين
فرح إتكلم بى لغتين
... كنت برايا
وجانى حنين الكون .. إتكوّم
غوّر .. غوّر .. جوة فى صدرى
وإتمنيت لو كنتى .. معايا

الرجوع الى أعلى الصفحة اذهب الى الأسفل
رؤى شعيب جبريل

avatar


مُساهمةموضوع: رد: كلمات اغاني الرائع مصطفى سيد احمد   الأحد 28 مارس 2010 - 8:18

طــيبـــة
كل ما تباعد بينا عوارض
كل ما هواك يا طيبة مكنِّى
تلقى الغربة تكرب الواحِد
بيكى أسمى الشوق .. وأكنـِّى
****************
****************
لمـّا أفوتك من دون خاطر
أو دون خاطر منى تفوتى
بلقى حبايب فى كل حِتـّة
وكل بيوت الفُقرا .. بيوتى
لا غيرت وراك الجِتـّة ..
لا بدلت ملامح صوتى
لا غافلنى وهادن فنى ..
غامل المدن .. الما عِرفتنى
دقن الشوق الصبرو .. مصوبر
للأرياف الكم .. وفّتنى
وللأطفال الناشفة ضلوعا ..
ونازفة بغنى
أطمن روعة .. وأهدّى دموعة
لبسمة بكرة اللاّها تمنى ..
ولا مصنوعة
للاطفال النازفة ضلوعة
وناشفة بغنى
****************
****************
أغنى لشعبى ومين يمنعنى
أغنى لقلبى .. إذا لوّعنى
مخيـّر دربى الما رجعنى
إذا طلعنى دخلت القرب ..
ولا الغربة الكدروبية
تنزل غنوتى بى قمرية
أو وقـّعنى فى بطن الجـُّبْ
بطلع يوسف بالأغنية
****************
****************
أغنى الناس الما بتسمعنى
المِنِّى بعيدة .. ومبعدة عنى
ا نادى نشيدا .. وكنت المعنى
الإيدى فى إيدا .. وإيدا بتبنى
فى دنيا جديدة اليوم .. راح تدنى
وأريت غنواتى فى ناس شغالة
تكون سُندالة .. وعود طورية
ضراع رجالة .. كتاب أطفالا
وجملة بالا .. الما مقرية
سدّة مالة.. وبقـّة فالة
فى ليلة الدخلة على أسمى قضية
****************
****************
حبيبة قلبى يا سودانية
يا أسمى معانى فى زول بيعانى
ياود ضكران .. ويابتْ دغرية
وأنا إنْ سامعانى بطـّلت
أغانى غُـبش .. فقرية
وروح غانيانى
هويتك منك يادافعانى براحة إيديا
ويا جابدانى ... قربت عليا
وما بتحيـّر بين الفوق ..
وبين الناس التحتانية
إلاّ مغـيـّر .. ولاّ عبوس ..
ولاّ كفيف الإنسانية
ومنـِّك وين يا كاشفة عينيا
بنور الإلفة .. ضِيا الحنية
وحِلم العالم .. ناس تتسالم
والبنى آدم صافى النية
والأطفال الناشفة ضلوعا
يطمِّن روعا..وتبقى تغنى
غناوى البكرة .. الكم مسموعة
حسيس طنبارة .. مع نـُقارة
صفِقتاً حارة .. ودارة تغنى
فيا حلتنا عليكى تـُرابك ..
وإنتى شبابك زينة الجَنـِّى
أحلى عروس البلد اللّتنا
ولاّ الغُبُش الرّابّة تهنى
ولاّ هدير المدن التصحا ..
وتمحى ظلام الحاصل .. عنـّى

الرجوع الى أعلى الصفحة اذهب الى الأسفل
جعفر قوليب

avatar


مُساهمةموضوع: رد: كلمات اغاني الرائع مصطفى سيد احمد   الإثنين 5 أبريل 2010 - 20:18

إدفقي
قاسم أبو زيد
كيف اجاوب عن هوانا
لّما يغلبني السؤال
لّما يتأرجح منانا
بين مظنة واحتمال
مابحسك
دونك انت الحقائق في الظلال
والحرف بعرف مداه
حتي لو جن الخيال
ادفقي
ما تكوني رقراق
أبقي يا ضل يا شموس
غطي المساحات بالوضوح
استنهضي الشوق الجلوس
إدفقي
وهجك شوارع ذاتي في ليل اليباب
ماتخافي من دم الغروب
لو رش اللوحة الضباب
مادام ضميرنا الفينا حيّ
مادام عريق العشق حيّ
ملحوقة يامدن السراب
ماتشفقي
العطش الرحيل
النيل ركيزة
ودمعة الاحباب سحاب
الرجوع الى أعلى الصفحة اذهب الى الأسفل
رؤى شعيب جبريل

avatar


مُساهمةموضوع: رد: كلمات اغاني الرائع مصطفى سيد احمد   الإثنين 5 أبريل 2010 - 22:24

حسنك بديع الشاعر / خليفة الصادق

حسنك بديع معدوم مثالك
حير قلوبنا وصف جمالك
يا بهجة يا فرح الحزين
آمنت زيك ما بكون

خطوك نغم يوحي الأغاني
تتهادى زي الناس مكانك
عليك قليل كلمة جميل
وصفك تحتار فيه المعاني

أجمل عيون فيك شفتها
عيون المها مابتشبها
مني الكلام بيضيع دوام
قدامك ألقاهو إنتهى

أمرك مطاع أبداً يا زينه
إنتي الجمال والناس علينا
بسمك سنا ولفظك غنى
كم بيهو يا سمحة إنتشينا
الرجوع الى أعلى الصفحة اذهب الى الأسفل
جعفر قوليب

avatar


مُساهمةموضوع: رد: كلمات اغاني الرائع مصطفى سيد احمد   الثلاثاء 13 أبريل 2010 - 17:50

سحابات الهموم

عمر الطيب الدوش

سحابات الهموم يا ليل بكن
بين السكات والقول
وباقات النجوم الجن
يعزن في المطر
فاتن عزاك رجعن
وشوق رؤياك
زمان مشدود علي أكتاف خيول هجعن
وصوت ذاكراك مكان يجري . يلاقي السيل
وسر مدفون بصدر النيل
ولولا الذكري ما في أسف
ولا كان التجني وقف
وصوت ذاكراك رزاز صفق
علي خطوات بنات سجعن
وشوق رؤياك
حنين لي رحلة في المجهول
ولولا الذكري ما في وصول
ولولا الذكري ما في أصول
ولولا الذكري ما في شجن
الرجوع الى أعلى الصفحة اذهب الى الأسفل
رؤى شعيب جبريل

avatar


مُساهمةموضوع: رد: كلمات اغاني الرائع مصطفى سيد احمد   الأربعاء 14 أبريل 2010 - 11:36

حسنك بديع الشاعر / خليفة الصادق

حسنك بديع معدوم مثالك
حير قلوبنا وصف جمالك
يا بهجة يا فرح الحزين
آمنت زيك ما بكون

خطوك نغم يوحي الأغاني
تتهادى زي الناس مكانك
عليك قليل كلمة جميل
وصفك تحتار فيه المعاني

أجمل عيون فيك شفتها
عيون المها مابتشبها
مني الكلام بيضيع دوام
قدامك ألقاهو إنتهى

أمرك مطاع أبداً يا زينه
إنتي الجمال والناس علينا
بسمك سنا ولفظك غنى
كم بيهو يا سمحة إنتشينا
الرجوع الى أعلى الصفحة اذهب الى الأسفل
جعفر قوليب

avatar


مُساهمةموضوع: رد: كلمات اغاني الرائع مصطفى سيد احمد   الخميس 15 أبريل 2010 - 21:49

يا خطوتك

يحيي فضل الله

لا زمن حبك حقيقة
لا تعب زمنك فرح
لا دغش وترك صدح
لا بعد ليلك صبح
يا خطوتك
يا خطوة الوجع الجرح
لا الفيها منك ابتدا
لا البيها منك انتهي
يا خطوتك
يا خطوة ضاعت
بين صراخك والصدا
بين المشاوير والنوي
بينك وبين كل المشاعر
الفينا غرقت في الغنا
يا خطوتك
داست علي الحرف اليبس فوق الشفاه
داست علي البوح والكلام
داست عليك
وعلي انتظارك والملام
داست عليك
وعلي الدروب الماشة منك وجايا ليك
لا تعب فيها الحرف
لا فتر فيها الولف
يا خطوتك بين إبتعادك وإنتظاري
بين مشاوير طفلة ضاعت
يا عيونك وافتكاري
يا عيونك وافتكاري
يا عيونك وافتكاري
الرجوع الى أعلى الصفحة اذهب الى الأسفل
محمدكمال السر




مُساهمةموضوع: رد: كلمات اغاني الرائع مصطفى سيد احمد   الجمعة 16 أبريل 2010 - 11:51





لقطة نادرة للاستاذ الراحل مصطفى سيد احمد يوم حنته وهو عرس بقرية ودسلفاب
الرجوع الى أعلى الصفحة اذهب الى الأسفل
 
كلمات اغاني الرائع مصطفى سيد احمد
الرجوع الى أعلى الصفحة 
صفحة 3 من اصل 4انتقل الى الصفحة : الصفحة السابقة  1, 2, 3, 4  الصفحة التالية

صلاحيات هذا المنتدى:لاتستطيع الرد على المواضيع في هذا المنتدى
 :: منتدى الحصاحيصا الثقافى-
انتقل الى: