بسم الله الرحمن الرجيم

• الطيب تلودى كان زى أبو العروس شفقة شديدة وهمة كبيرة هاتفنى قبل الزمن المحدد بزمن طويل . كتر خيرك يا طيب
• طلاب أكاديمية العلوم الصحية كانوا حضورا في المواعيد المحدد وبذلوا مجهود مقدر
• زفة التشجير كانت أجمل لوحة
• دكتورة رؤى شعيب كانت نجمة الرحمانية هتافات وتصفيق شديد مما جعلها تفكر بشكل جاد في إنشاء عيادة في الحي
• ناس حاج على كانوا كرماء في الاستقبال وجابوا الفطور والشاي والقهوة هبطرش (( هبطرش يعنى كتيرة وهذا التوضيح للحناكيش فقط )) ناس ؟؟؟
• وليد العشي فطر مرتين . (( والله جد )) توجد صور
• أشفقت كثيراً على المشاركين في هذا اليوم نسبة للمجهود الكبير الذي بذل
• حسن وراق كان في كامل أناقته والجماعة قايلنوا طالب معانا في الأكاديمية ما شاء الله وتبارك الله (( بالله ))
• دكتورة ولاء عبد الرحمن عالم في مركز اركويت اتجرست كتير من تأخير الفطور والتعب وكان معاها هنادى عبد العزيز التي يبدوا أنها كانت جرسه . لكنها صبرت واتجرست في بيتهم
• ناس حاج على شبكونا اى واحد فينا يا دكتور يا دكتور . وبينى وبينكم المسالة دى عجبتنى كتير . ما براى لكن
• دكتورة ايمو بالكود ما بتتعرف وحظيت بإعجاب كبير من الجميع
• في ناس معانا في المنتدى لا يفرقون بين الكنار والنيل . عرفتوهم ديل منو؟ احدهم يعمل في مجال الصيدلة
• طفل ظريف في حي حاج على طالب الأخوة في الصيدلية بحبوب ملاريا دون مقابلة الطبيب وعندما رفض طلبه . عبر عن غضبه بإطلاق حجرين في السقف . في ناس حصلوا الباب
• دكتورة مها فاروق في موقع الرحمانية قالت الروب عديل من التعب
• جميل أن ترى السعادة في وجوه الآخرين
• ود عيسى والصادق المغربي . ده الكلام
• سمؤال خضر وزنه 35 كيلو فقط
• عواطف عمسيب قالت وزنها 48 كيلو (( هاك الكاميرا الخفية دى ))
• جعفر قوليب رافق إحدى الحالات المرضية إلى المستشفى وبذل معها مجهود مقدر
• احمد الكوني الظريف سجل صوت عتاب للجنة المنظمة وطالب بتوفير(( المكيفات )) على الرغم من برودة الجو . يا ربى قاصد ياتو مكيفات؟
• سلوى عثمان استلمت الموضوع أكثر من الدكاترة (( حاجة مستلما))
• حنان عمسيب تسلم أيديك يا رائعة أكل تمام التمام ربنا يديك الصحة والعافية
• قبل الوداع ... كلنا حصاحيصا – الحصاحيصا وبس

انها الحصاحيصا وكفي روعة وجمال وماقصرتو يا دكاترة وانت معاهم يا دكتور العشي شايفا عاجباك

انت يا وليد ما اكلت فطوري وفطور ولاء لينا حق نتجرس

جميعكم
غيابكم حضور فى زمنى
شكرا لكل الازمنة
شكرا الحصاحيصا

[quote="وليد العشي"]بسم الله الرحمن الرجيم



• في ناس معانا في المنتدى لا يفرقون بين الكنار والنيل . عرفتوهم ديل منو؟ احدهم يعمل في مجال الصيدلة


يا زوووول دا اتهام خطير اكييييييييييييد ديل ما نحنا يا وليد يا عشي

جرسة كيف يعني يا استاذ؟؟؟؟؟؟؟

الله عالم الاتجرسو منو

واسأل ود عيسى بوريك.......

بعدين (يادكتور) كيييييييييييييييف يعني ناس صيدلة مابعرفو الكنار من النيل؟؟؟؟

ياولاء في ناس من شده الجرسه اكلو اتنين وشربوالشاي كلو والقهوه وما خلوتفاحه وبعد دا وزنهم 60وبعد دا نحنا جرسه والاثبات يا جماعه شوفو الصوره الجماعيه واحدشايل تفاحه

مها يا فاروق
هنادى يا طه
ولاء يا عالم
يوجد شهود
تحيات الصباح لكم

نهاركم سعييييييييييييييييد

تحياتي للجمييييع

شفتي ياهنادي الكلام ده؟؟

بعدين انا لسه ماعرفت الماعرف الكنار من النيل ده منو؟؟

ولا دي حركااااااااااااااااااااااااااات منك يادكتور العشي

ولاء
تحياتى
الما عرفت الكنار من النيل كانت اكثرهم اناقة
واول حرف من اسمها.............
معليش الكهرباء قطعت
تحياتى طوالى